VIP

Vesa lë anash muzikën për studimet master


Këngëtarja
Vesa Luma ka vendosur të fillojë studimet për master në Prishtinë. Ajo
për momentin nuk mendon të realizojë ndonjë këngë të re, por planifikon
t’u përkushtohet studimeve.



“Këto ditë kam filluar studimet
master në Universitetin AAB në drejtimin Komunikim Masiv. Për momentin
nuk kam në plan realizimin e ndonjë kënge të re, pasi do përkushtohem
më shumë te studimet deri në prill të këtij viti, kur edhe mbaron një
pjesë e ligjëratave”, tregon këngëtarja për “Panorama plus”.
Vesa vitin që kaloi ka pasur një sukses të jashtëzakonshëm nëpër
koncerte dhe mbrëmje muzikore. Gjithashtu ajo ka qenë e pranishme për
fansat edhe me këngë e klipe. Vitin e përfundoi me një klip si dhuratë
për fansat edhe pse kënga ishte e vjetër, një baladë shumë e pëlqyer e
cila e kishte impresionuar këngëtaren dhe nxitur për të realizuar edhe
klip për të njëjtën këngë. /PP

Censuron videon në ‘youtube’ që dëshmon lidhjen e saj?


Me
një këngë dhe klip të ri këto ditë është paraqitur edhe këngëtarja
Leonora Jakupi. Teksti i këngës është shkruar nga Arsim Bunjaku kurse
muzika është bërë nga Darko Dimitrov.



Leonora i ngelet
besnike rrymës muzikore pop, të cilën e kultivon shumë mirë. Kësaj
kënge ajo i ka punuar edhe klipin për të cilin është përkujdesur
regjisori maqedonas Alexander. Këngëtarja tregon se është ndarë tejet e
kënaqur me sukseset që ka pasur në vitin 2009, meqë këtë vit ajo kishte
sjellë dy këngë dhe klipe që patën shumë sukses, të shndërruara në hite.
Ndërkaq, vitin 2010 do ta fillojë me suksese tjera të radhës. Kënga
titullohet “Puthja jote” dhe si gjithmonë përmban një tekst dashurie si
shumica e këngëve të Leonorës. E veçantë në këtë këngë është se Leonora
i këndon dashurisë edhe në gjuhën angleze. Fillimi i këngës është në
gjuhën angleze dhe për së pari herë, këngëtarja e provon këtë version
në tekstet e saj. Ka kohë që Leonora i këndon dashurisë, por akoma nuk
ka gjetur princin edhe pse tashmë i ka kaluar të 30-tat.
Disa herë nëpër intervista është shprehur se akoma nuk ka gjetur
personin e duhur dhe se nuk është e gatshme për ndonjë hap të
rëndësishëm në jetën e saj. Gjatë gjithë karrierës së saj, ajo nuk ka
deklaruar ndonjë person me të cilin janë së bashku edhe pse mediat
ndonjëherë kanë shkruar për disa lidhje, të cilat ajo vetë i ka mohuar.
Si 17- vjeçare, atëherë në fillim të karrierës, Leonora ishte në
lidhje dashurie me vëllanë e aktorit Blerim Destani, Nazif Destani,
lidhje kjo e cila nuk zgjati aq shumë. Gjatë qëndrimit në Evropë,
Destani shoqëronte Leonorën nëpër koncerte, gjë kjo mund të shihej para
disa muajsh edhe në një video e cila ishte vendosur në ‘youtube’, por
me kërkesë të këngëtares video ishte larguar. Pas kësaj lidhjeje, ajo
nuk ka dashur të zbulojë asgjë nga jeta private.
Sa u përket planeve në karrierë, këngëtarja së shpejti pritet të
hedhë në treg edhe një këngë të re në bashkëpunim me kompozitorin
gjerman, Jackob KRüger (Jam Beatz) dhe me tekst të Prince Double H.
/PanoramaPlus/
Postuar: 17:34 / 18 Janar 2010 | RSS

Biel: Jam shumë e mërzitshme


Jessica Biel mendon se ajo është tepër ‘e mërzitshme’ për t’u konsideruar si një aktore e madhe.



Ylli
i filmit “Illusionist” e cila thuhet se së fundi është ndarë me
këngëtarin Justin Timberlake, beson se ajo është tepër për toke dhe
jeton një jetë shumë normale që njerëzit ta konsiderojnë atë si yll.
”Unë mund të jem tepër e mërzitshme për të qenë ndonjëherë një aktore e madhe”, ka thënë Biel për revistën Vogue.

Shakira harxhon për të ndihmuar ekonominë


Shakira thotë se ajo del të bëjë shoping vetëm për të harxhuar dhe për të ndihmuar ekonominë botërore të mbijetojë.



Këngëtarja
e hitit “She Wolf” thotë se ajo nuk e kishte pasur shprehi të harxhojë
për shkak të bindjes së saj fetare, por tash ka kuptuar se harxhimi
është gjë e mirë.
“Vërtet më pëlqen të shijoj gjërat normale që një vajzë e moshës
sime i shijon: të shëtitëm në park, të shoh filma të këqij. Jam ndjerë
keq, pasi jam një katolike mbi të gjitha, por sot me mënyrën se si e
shoh atë, shopingu e mban botën në lëvizje. Një botë ku njerëzit nuk
konsumojnë? Ekonomia bëhet edhe më e keqe”, ka thënë Shakira.

Carey e pasigurt për shkak të racës së përzier


Mariah
Carey thotë se ajo ishte ndjerë e shëmtuar pasi ka qenë e racës së
përzier dhe thotë se kurrë nuk ishte përshtatur në shkollë pasi ishte
më ndryshe se tjerat.



Këngëtarja e hitit “Hero”, nëna e të
cilës është irlandezo-amerikane, ndërsa babai afrikano-amerikan me
prejardhje nga Venezuela, thotë se ajo kishte qenë shumë e pasigurt për
pamjen e saj gjatë kohës së shkollës.
“Jam shumë e pasigurt për pamjen time dhe gjithmonë kam qenë e tillë
për shkak të racës së përzier. Tash nuk ndjehem shumë e pazakontë dhe
gjithkush e pranon këtë, por si fëmijë jam ndjerë shumë jashtë normales
dhe nuk jam ndjerë mirë. Kur rriteni me këtë lloj pasigurie, nuk
ndjehemi gjithmonë bukur”, ka thënë këngëtarja.

“Crazy Heart” dhe Avatar” triumfojnë në Golden Globe


Filmat
“Crazy Heart” dhe “Avatar” ishin në mesin e fituesve të mëdhenj në
ndarjen e 67-të vjetore të çmimeve Golden Globe Awards që u organizua
mbrëmë në Los Angeles.



Që të dy filmat fituan nga dy çmime;
“Crazy Heart” fitoi në kategoritë Kënga më e Mirë dhe Aktori më i Mirë
në Dramë (Jeff Bridges), derisa James Cameron u emërua Regjisori më i
Mirë për “Avatar”, film ky që fitoi edhe çmimin Filmi Më i Mirë Dramë.
Kjo ishte një ditë shumë e madhe për filmin e zhanrit
shkencë-fantazi, që dje po ashtu u bë filmi i parë në SHBA që qëndron
pesë javë radhazi në pozitën e parë të box-office.
Filmi “The Hangover” fitoi një çmim tjetër të madh të mbrëmjes,
Filmi më i Mirë Komedi ose Muzikal, ndërsa Robert Downey Jr. befasisht
fitoi çmimin Aktori më i Mirë në Komedi ose Muzikal për rolin e tij në
“Sherlock Holmes”.
Çmimet Aktorja më e Mirë në Golden Globe shkuan në duart e Sandra
Bullock (Dramë) dhe Meryl Streep (Komedi ose Muzikal), të cilat ditë më
parë ndanë të njëjtin çmim si dhe puthje në skenë në Critics Choice
Movie Awards

Victoria rikthehet në American Idol?


Victoria
Beckham do të rikthehet në shoun e zbulimit të talenteve ‘American
Idol, në rolin e stilistes mysafire, shkruajnë mediat angleze.



Ish-anëtarja
e grupit Spice Girls iu bashkua panelit vlerësues të shout amerikan
gjatë vitit të kaluar, pasi Simon Cowell u detyrua të gjejë zëvendësim
për të larguarën Paula Abdul.
Cowell raportohet se planifikon të nënshkruajë me këngëtaren e
shndërruar në disenjatore për ta angazhuar atë si vlerësuese të
përhershme kur shou i tij i popullarizuar “The X Factor” do të fillojë
në SHBA në vitin e ardhshëm.
Por Beckham thuhet se për momentin ka vendosur të rikthehet
përkohësisht te ‘American Idol’ dhe sipas Daily Mirror do të fitojë 96
mijë dollarë për çdo episod.

Scherzinger i përkushtohet muzikës për të harruar Hamiltonin


Nicole Scherzinger është dhënë maksimalisht pas muzikës për të harruar, tashmë ish-të dashurin e saj, Lewis Hamilton.



Liderja e grupit “Pussycat Dolls”, këtë muaj u nda nga piloti i Formula 1, pas një lidhjeje dyvjeçare.
Mirëpo, në vend se të bie në depresion dhe të vuajë, Nicole është përqendruar te muzika e saj.
Ajo është duke bashkëpunuar me Ne-Yo për albumin e saj solo.

Poshka, rruga drejt një karriere të suksesshme


I
lindur në Struge, në një periudhë kur për shqiptarët ishte vështirë të
mësohej shqip, hobi i tij i vegjëlisë në këto kushte ishte noti.



Me
dëshirën për t’u bërë një notar i mirë fillon stërvitjen në klubin e
notit “Struga” si i vetmi sportist shqiptar në kampionatin e
Maqedonisë. E njëjta periudhë përkoi edhe me mësimin e mandolinës, duke
projektuar në këtë mënyrë rrugën që pavarësisht nga mosha, duket e
gjatë dhe e vështirë. Ka ardhur rishtazi në Tiranë për një bashkëpunim
të ri me kompozitorin Edmond Zhulali.
Në studion ku punon në kryeqytet gjendet edhe poeti i këngëve të
tij, Jorgo Papingji. Mbi vargjet e këtij të fundit ai ka kompozuar gati
13 këngë. Papingji i frymëzuar nga muzika e tij, thotë se bashkëpunimi
nuk është i rastësishëm.
“Gimi, në natyrën e të kënduarit të tij parazgjedh këngët me
tematikë sociale dhe ai e zgjedh vetë performancën. Në të gjitha këngët
që ka ekspozuar në festivale, ai ka gjithmonë një performancë të re,
shumë të gjetur dhe me shumë domethënie”, thotë poeti.
Të njëjtin mendim ndan edhe Edmond Zhulali, orkestruesi i shumë
këngëve të Agimit. Ai thotë se pavarësisht origjinës, muzika e tij
tingëllon e afërt për publikun shqiptar që e ndjek dhe e pëlqen.
“Ka kërkuar gjithmonë që kjo këngë të jetë bazuar mbi dhimbjen dhe
me orkestrim bashkëkohor”, thotë Zhulali. Duke zbritur nga ky vlerësim
“akademik”, kantautori Redon Makashi kërkon ta vlerësoje Agimin nga
pozitat e një miku të vjetër.
Një njohje “blic” nëpër festivale dhe që më pas mori trajtat e një
miqësie të vërtetë. “Si fillim e sheh një njeri tepër të ndrojtur dhe
të fjetur, por kur diskuton me të, të jep atë kënaqësinë e të
diskutuarit. Është i këndshëm dhe ka edhe sensin e humorit brenda tij”,
pohon Makashi.
Kantautor, shou-men, menaxhues i trupës teatrore të të rinjve në
Strugë, pedagog dhe aktivist i njohur i të drejtave të artistëve, Agim
Poshka është nga ata të rinj që mesa duket, nuk ka kohë. /TCH/
Postuar: 21:12 / 19 Janar 2010 | RSS

Lopez do të luajë në serialin “Glee”


Jennifer Lopez do të paraqitet në serialin televiziv amerikan “Glee”, në rolin e një femre që punon në një lokal.



Këngëtarja
e hitit “If You Had My Love” , e cila është paraqitur në filma të
tillë, si “Gigli” dhe “Monster-In-Law”, mund të paraqitet përkohësisht
në këtë dramë.
“Jemi duke shkruar një rol për Jennifer Lopez, të cilën e duam.
Dëshirojmë që ajo të jetë një femër kafeneje”, ka thënë krijuesi i
serialit, Ryan Murphy.

Perry: I kemi tradhtuar fansat


Kitaristi i
grupit “Aerosmith”, Joe Perry, shpreson që frontmeni Steven Tyler të
rikthehet sa më shpejtë në grup, sepse mendon se ata i kanë tradhtuar
fansat.



Këngëtarët e hitit “Walk This Way” janë në një kaos
si pasojë e spekulimeve se Tyler ka hequr dorë nga grupi, ndërsa deri
më tani këngëtari ende nuk ka konfirmuar asgjë nëse do të kthehet ose
jo në grup.
“Do të ishte e shkëlqyer nëse Steven do të kthehej dhe të ishte i
njëjti njeri që ishte para 10-12 vitesh. Ne të tjerët jemi... Ne vërtet
ju kemi borxh fansave tanë, të cilët kanë qëndruar pas nesh për 40
vite”, ka thënë Perry.

Fanning nuk i ka problem skenat lezbike


Aktorja
tinejxhere Dacota Fanning nuk e ka pasur problem të përfshihet në skena
lezbike në filmin e ri “The Runaways”, pasi edhe rokerja të cilën ajo e
ka luajtur në film, ka provuar përvoja të njëjta.



Ylli i
filmit “Twilight Saga: New Moon”, 15-vjeçare, thotë se ajo ka shijuar
xhirimin e skenave me bashkë-aktoren Kristen Stewart pasi kishte mësuar
për këtë tregim nga autobiografia e rokeres Cherie Currie.
“Vërtet kënaqem kur e realizoj këtë film, pasi ajo vërtet ka
ndodhur, nuk është vetëm një tregim i krijuar për një 15-vjeçare që
çmendet. Është një ngjarje e vërtetë e evolucionit nga një vajzë e mirë
deri te një princeshë e çmendur e rok’n’rollit”, ka thënë aktorja./

Gaga merr tre nominime në Brit Awards


Lady
Gaga, Lily Allen, Florence e Machine, Pixie Lott dhe JLS udhëheqin në
nominimet e këtij viti për çmimet muzikore Brit Awads.


Katër
femrat, së bashku me bendin e djemve JLS, secili kanë fituar nga tre
nominime për ngjarjen e cila do të zhvillohet muajin e ardhshëm në
Londër.
Lilly Allen do të luftojë me Florence për kategoritë “Artisja më e
Mirë Britanike” dhe “Albumi më i Mirë Britnaik”, ndërsa do të garojë
edhe për kategorinë “Singli më i Mirë”. Florence do të ketë përballë
Pixie Lot në kategorinë e “Debutueses më të Mirë”.
Lady GaGa është në garë për kategoritë ndërkombëtare të çmimeve
britanike të muzikës, “Debutantja më e Mirë Ndërkombëtare”, “Artistja
më e Mirë Solo Ndërkombëtare” dhe “Albumi më i Mirë Ndërkombëtar”./

Scherzinger dëshiron të jetë vajza Bond


Nicole
Scherzinger raportohet se është ndarë nga i dashuri i saj Lewis
Hamilton me qëllim që të realizojë ambicien e saj për t’u bërë aktore
dhe ka vënë për cak të fitojë rolin e vajzës Bond.Këngëtarja e grupit “Pussycat Dolls”, e cila u nda Hamilton pas dy vitesh së bashku, dëshiron ta provojë veten edhe në aktrim.
“Nicole është shumë ambicioze dhe nuk dëshironte t’i kalojë vitet e
ardhshme duke e ndjekur Lewis nëpër botë. Ai dëshironte që ajo të ishte
shoqëruesja e tij derisa ai lëvizje nga një vend në tjetrin, por ajo
nuk ishte e gatshme ta lërë anash karrierën, dhe kjo çoi në një varg
konfrontimesh”.
“Ajo ka lënë ca takime në Hollywood. Nicole është shumë atletike dhe
e sheh veten në filma aksion. Ajo gjithmonë ka thënë se roli i saj
ideal do të ishte të jetë vajza e ardhshme Bond. Pse jo? Ajo ka pamjen
dhe fizikun për këtë”, ka thënë burimi.

Moss fejohet në ditëlindjen e saj


Supermodelja
Kate Moss ka pranuar një dhuratë të veçantë nga i dashuri i saj Jamie
Hince në ditëlindjen e saj të 36-të, një unazë fejese.



Rokeri
i grupit “The Kills” gjatë vikendit festoi ditëlindjen e të dashurës së
tij me një grup miqsh, dhe kishte befasuar atë duke i kërkuar martesë
dhe duke i dhuruar një unazë diamanti.
“Kate u befasua. Jamie e kishte zgjedhur me kujdes unazën dhe e
kishte zgjedhur ditëlindjen e saj t’i propozojë. Ata janë në një vend
shumë të mirë, tashmë jetojnë së bashku dhe kjo është një hap më tej
për t’u rehatuar për të mirë”, ka thënë burimi për Daily Mail./

Gibson heq dorë nga duhani


Aktori i Hollywoodit, Mel Gibson, ka hequr dorë nga duhani për hir të foshnjës së tij të porsalindur.



Ish-duhanpirësi
është i bindur se ai ka hequr dorë nga vetia e tij e konsumimit të
nikotinës njëherë e përgjithmonë, por thotë se nuk ka qenë lehtë.
“Tre ditët e para jeni një vrasës me sëpatë. Në ditën e katërt mund
të sulmoni dikë me shkop. Ditën e pestë? Jeni Ok”, ka thënë Gibson.
Dhe vendimi i tij për të hequr dorë nga duhani ka pasur menjëherë të
mirat e veta shëndetësor. “Kam humbur pesë kilogramë dhe mund të marr
frymë normal”, ka thënë aktori.
Vajza e Gibson, Lucia, u lind në muajin tetor të vitit që lamë prapa.

Auf Der Maur e zhgënjyer për turneun e “Hole”


Ish-basistja
e grupit “Hole”, Melissa Auf Der Maur, ka kritikuar vendimin e Courtney
Love që të rindërtojë grupin pa anëtarët e vjetër të tij.



Liderja
e grupit “Hole”, Courtney Love, së fundmi ka paralajmëruar mbajtjen e
disa koncerteve nën emrin “Hole”, ndërsa anëtarët e grupit janë krejt
të ri, dhe mungojnë themeluesit Eric Erlandson dhe Melissa Auf Der Maur.
“Dua të sqaroj se nuk kam të bëj me këto koncerte. Sinqerisht, jam
pak e befasuar për këto ndodhi. Jam e zhgënjyer se do ta rrezikojnë
ribashkimin e grupit të vërtetë ‘Hole’, që mendoj se do të ishte diçka
e bukur për fansat dhe për ne...”, ka thënë Auf Der Maur për Spinnermusic.co.uk.

Owen dëshiron të kthehet në teatër


13 vite pasi është larguar nga teatri, Clive Owen është në kërkim të një shfaqje teatrore ku mund të luajë.


Aktori
britanik u bë i njohur me rolin e tij në shfaqjen teatrale “Closer” në
Londër në vitin 1997, ndërsa në vitin 2004 luajti edhe në adaptimin
filmik të “Closer”, krahas Julia Roberts.
Dhe tani, pas më shumë se një dekade me role filmike, Owen është në
kërkim të një projekti të përsosur teatror për të, i cili do ta kthente
në skenë përpara publikut.

Iommy shkruan autobiografi


Rokeri i grupit
“Black Sabbath”, Tony Iommi, është duke dokumentuar jetën e tij në
ngritjen e grupit legjendar me anë të një autobiografe.



Kitaristi,
kompozitori dhe njëri nga themeluesit e “Black Sabbath”, e ka titulluar
librin e tij “Iron Man”, ndërsa pritet që të botohet gjatë këtij viti.
Ky libër vjen pas publikimit të vitit të kaluar të autobiografisë së Ozzy Osbourne, ish-vokalisti i

Lohan mohon spekulimet për vetë-lëndim


Lindsay
Lohan ka mohuar spekulimet se ajo e ka lënduar veten për të shmangur
depresionin, duke thënë se ajo është në një gjendje të shkëlqyer
mendore, fizike dhe shpirtërore.



Ylli i filmit “Mean Girls”
këtë muaj është fotografuar teksa kishte një shenjë në pjesën e
brendshme të krahut. Kështu, mediat menjëherë kanë përhapur spekulime
se aktorja ka probleme me vetëkontrollin.
Mirëpo, Lindsay i ka thënë faqes PerezHilton.com se atë shenjë e ka
pasur që një kohë të gjatë si pasojë e një ndërhyrjeje kirurgjike kur
ka qenë fëmijë, dhe është shprehur se nuk ka probleme me depresionin
ose ndonjë çështje tjetër psikike.

Clooney nuk do të martohet më!


George Clooney nuk dëshiron të martohet sërish, pasi që ai është një “burrë i keq”.



Aktori,
i cili nga viti 1989 deri në vitin 1993 ka qenë i martuar me aktoren
Talia Balsam, thotë se nuk do të martohet më në të ardhmen..
“Unë punoj gjithmonë dhe kam interesime të shumta jashtë aktrimit.
Po të isha e dashura ime, nuk do të lidhesha me mua për kohë të
gjatë...”, ka thënë Clooney, i cili aktualisht është në lidhje me
aktoren dhe prezantuesen Elisabetta Canalis.

Willis nuk e pëlqen Facebook-un


Aktori Bruce Willis thotë se është i tmerruar nga format moderne të komunikimit, siç janë ato përmes internetit.

Ylli
i filmit “Die Hard”, i cili vitin e kaluar luajti në filmin shkencor
“Surrogates”, që fliste për teknologjinë që po e pushton botën, mendon
se çdokush është bërë aq shumë i varur nga faqet sociale si një formë e
re e komunikimit.
“Ajo që më shqetëson është rreziku që qëndron në faktin se njerëzit
dëshirojnë t’i komunikojnë informatat gjithnjë e më shpejt. Unë nuk jam
një fans i madh i rrjeteve sociale të formës elektronike”, ka thënë
Willis