VIP

Cruz e befasuar me suksesin e saj


Aktorja fituese e çmimit Oskar, Penelope Cruz, ka dashur të bëhet vallëzuese e baletit kur ka qenë e re.



Cruz,
e cila luan krahas një morie yjesh në filmin e ri muzikor “Nine”, ka
zbuluar se si fëmijë ajo nuk ka pasur ambicie të bëhet yll filmash.
Ende nuk mund të besoj se kam fituar Oskar vitin e kaluar, për shkak
të mënyrës se si jam rritur. Vetëm të ëndërroj për t’u bërë aktore dhe
realizoj këtë dukej sikur një film shkencor”, ka thënë Cruz.

Minogue joshet prej femrave


Ikona e
homoseksualëve, Kylie Minogue, është një adhuruese e femrave, pasi
këngëtarja ka zbuluar se ajo ka qenë e joshur nga gjinia e njëjtë.

Krijuesja
e hitit “Spinning Around” ka një publik të gjerë të komunitetit
homoseksual dhe thotë se ajo ka shumë gjëra të përbashkëta me ta.
“Kam qenë e joshur nga disa femra. Jam një ekspozuese seksuale dhe një pjesë e imja është flirt natyral”, ka thënë këngëtarja.
Por i dashuri i saj Andres Velencoso nuk ka nevojë të shqetësohet
për fantazinë femërore të të dashurës së tij, pasi bukuroshja
australiane thotë se kurrë nuk ka pasur lidhje me një femër.
“Edhe pse kam qenë e joshur nga femrat, kurrë nuk kam bërë asgjë me to”, ka thënë Minogue.

Agnesa do të adaptojë fëmijë nga Haiti


Bukuroshja kosovare Agnesa Vuthaj ka bërë të ditur se po planifikon të adoptojë një fëmijë nga Haiti.



Ish-Miss
Kosova është tronditur nga tragjedia që ndodhi në Haiti si pasojë e
tërmetit, i cili la mijëra të vdekur dhe mijëra të lënduar, ashtu që
dëshiron t’u bashkohet atyre që po tentojnë të zvogëlojnë sadopak
vuajtje e fëmijëve jetimë në atë vend.
"Mendoj të adoptoj një fëmijë nga Haiti. Kjo ide ka lindur në
momentin kur kam parë tragjedinë. Isha duke i përcjellë lajmet dhe ka
qenë ide dhe dëshirë e imja për ta adoptuar një fëmijë nga atje. Se di
a do t'ia arrij këtij qëllimit, por shpresoj shumë se gjithçka të
shkojë mirë", citohet Agnesa nga e përditshmja

Edicioni i tretë i Big Brother


“Big Brother”
rikthehet për të sjellë nëpërmjet ekranit, aventurat e banorevë të rinj
të shtëpisë së tij. Nga e shtuna, pjesëmarrësit e edicionit të tretë,
do të nisin lojën në bashkëjetesën e vëzhguar 24 orë telekamerat.



Këtë
vit kanë aplikuar mbi 7.000 persona për të marrë pjesë në “Big Brother”
dhe ndryshe nga vitet tjera, kërkesat janë bërë nëpërmjet internetit,
çka i ka mundësuar stafit përzgjedhës të komunikojë me kandidatët
shqiptarë, jo vetëm në Shqipëri, por edhe në Evropë e Amerikë.
Producenti dhe autori i këtij programi, Rezart Aga, ka siguruar për
karakteret e veçanta të konkurrentëve, por edhe për befasitë e shumta,
që do të shoqërojnë të gjithë lojën.
Ndërsa Arbana Osmani, prezantuese e natës së spektaklit thotë se Big
Brother “edhe këtë herë do të ketë njerëz të zakonshëm, te cilët do të
përcjellin edhe njëherë realitetin shqiptar”.

Mjuzikël për “Spice Girls”


Producentja Judy Craymer ka njoftuar se është duke përgatitur një mjuzikël të bazuar në grupin “Spice Girls”.



Mjuzikli
për bendin e vajzave që kanë shitur më shumë se 75 milionë kopje të
albumeve gjatë karrierës së tyre, do të titullohet “Viva Forever”.
Craymer më së miri është e njohur për mjuziklin “Mamma Mia!”, i cili
është i bazuar në muzikën e grupit suedez “ABBA”, ndërsa ishte një hit
i madh botëror duke grumbulluar 42 milionë njerëz për ta përcjellë,
ndërsa në skenën e teatrove në Londër ku është shfaqur nga viti 1999,
ka grumbulluar më shumë se dy miliardë dollarë.

Roberts e ngazëllyer që është shembull edhe si 42-vjeçare



Fytyra
e re e kompanisë Lancome, Julia Roberts, është e ngazëllyer që ende
mund të modele për të tjerët edhe pse është 42-vjeçare dhe nënë e tre
fëmijëve.Fituesja e çmimit Oskar bëri debutimin e saj si
ambasadore e gjigantit botëror të kozmetikës në Javën e Modës në Paris,
dhe ajo thotë se është e ngazëllyer që ende shihet si ikonë.
“Është disi ëndërr e çdo femre vërtet. Të jesh 42-vjeçare, të kesh
tre fëmijë dhe të jesh një nënë që punon, është një moment i
shkëlqyeshëm për t’i kërkuar të bëjë këtë dhe për të qenë e gatshme ta
bëjë. Mendoj se kjo flet shumë për Lanscome dhe çfarë synojnë ata”, ka
thënë aktorja

Miller dëshiron fëmijë me Law


Lidhja e
ringjallur në mes të Jude Law dhe Sienna Miller duket se po bëhet
serioze pasi aktorja është duke dashur të fillojë familje me ish-të
fejuarin e saj.Dyshja u ndanë në vitin 2006, pasi mediat britanike zbuluan aferën e Law me kujdestaren e fëmijëve të tij.
Law dhe Miller u ribashkuan në fund të vitit të kaluar derisa të dy
luanin në skenën e New Yokut, dhe shijuan pushimet festive së bashku në
Barbados. Asnjëri nuk e ka konfirmuar ribashkimin, por Miller thuhet se
është duke dashur të fillojë familje.
“Mbase do të bëhem nënë, do të më pëlqente të kem fëmijë”, ka thënë aktorja në një intervistë të fundit për revistën Now

Jeta argëtuese ka mbaruar për Mel Gibson



Mel
Gibson ka frikë se jeta e tij mund të fillojë të bëhet e mërzitshme
derisa ai përpiqet të qëndrojë i shëndetshëm dhe ka hequr dorë nga
shumë qejfe të tij, siç është edhe duhani.Aktori 54-vjeçar,
i cili ka vajzën dymuajshe Lucia me të dashurën e tij Oksana
Grigorieva, ka frikë se jeta e tij po bëhet e mërzitshme derisa ai po
plaket.
“Mundohem dhe ha gjëra të duhura, por nuk lëvizi shumë. Kam hequr
dorë nga duhani, andaj kjo është diçka që shkon në drejtimin e duhur.
Thjesht nuk bëj asgjë për argëtim. Por kjo është edhe vdekje, apo jo?”,
ka thënë Gibson

Bullock: Nuk do ta fitoj Oskarin


E nominuara
për Oskar, Sandra Bullock, është e bindur se nuk do të jetë ajo aktorja
që do të fitojë statujën e artë gjatë ceremonisë së Academy Awards që
mbahet muajin e ardhshëm.




Bullock është nominuar për rolin e
saj në filmin “The Blind Side”, ndërsa për ta fituar Oskarin do të ketë
konkurrente Meryl Streep, Helen Mirren, Carey Mulligan dhe Gabourey
Sidibe.
“Unë nuk do ta fitoj Oskarin. Nëntë nga dhjetë raste, unë gjithmonë
e gjej se kush do ta fitojë atë. Dhe unë tashmë e di se kush do ta
fitojë. Nuk do të them por nëntë nga dhjetë raste...”.
“Më duhet të them se të gjitha fermat në kategorinë tonë nuk
shqetësohen se kush do ta fitojë. Dikush do ta fitojë dhe të tjerat do
të jemi shumë të lumtura për atë që do të fitojë. Jemi thjesht të
lumtura që jemi këtu”, ka thënë Bullock.

Diddy: Wyclef të kandidohet për president të Haitit


Moguli i muzikës rep, Sean Combs, i ka thënë mikut të tij Wyclef Jean që të mendojë për të garuar për president të Haitit.




Ish-anëtari
i grupit “Fugees” është njëri nga personalitet që ka dhënë maksimumin
për të ndihmuar vendlindjen e tij pas tërmetit tragjik që e goditi këtë
vend, ndërsa gjatë evenimentit “SOS Save OurSelves - Help For Haiti”,
Diddy i cili ishte njëri nga nikoqirët, ka thënë fjalë të mira për
punën e palodhshme të këngëtarit, duke i sugjeruar që të kandidohet për
president.
“E keni parë atë kudo që nga goditja e tërmetit. Mendoj se nuk ka
fjetur aspak. Në të ardhmen, Wyclef duhet të kandidohet për president
të Haitit”, ka thënë reperi.

Madonna dëshiron një foshnjë tjetër


Ylli i muzikës pop, Madonna, raportohet se dëshiron të ketë edhe një fëmijë tjetër.




51-vjeçarja,
e cila tashmë ka katër fëmijë, supozohet se është duke kërkuar një nënë
surrogate (nënë që do ta mbajë në barrë fëmijën e saj). Ajo nuk
dëshiron të provojë më tej të adoptojë, për të shmangur problemet me të
cilat u përball kur adoptoi vajzën Mercy.
“Madonna dëshiron edhe një foshnjë tjetër, andaj ajo do të takohet
me ekspertët e fertilizimit për të diskutuar opsionet”, ka thënë burimi.

Swift ‘humbet’ kur fiton çmim


Taylor Swift
gjithmonë planifikon më herët fjalimet me rastin e pranimit të çmimeve,
por thotë se një herë kur kishte fituar, ka harruar se çfarë ka dashur
të thotë.




Këngëtarja e hitit “Love Story”, e cila ka fituar
një numër shpërblimesh përfshirë edhe katër Grammy, gjithmonë i
përgatit më herët fjalimet në rastet kur është në garë për të fituar
ndonjë çmim.
“Kam qenë me fat që të fitoj një varg çmimesh këtë vit dhe gjithmonë
ka momente kur dal në prapaskenë dhe e pyes dikë se çfarë thash.
Gjithmonë e di paraprakisht se kë duhet të falënderoj nëse fitoj, por
kur dal atje humbas plotësisht. Bëhem emocionale. Nuk kam kontroll në
atë që del nga goja ime”, ka thënë Swift.

Crowe i dashuri i Beyonce në film?


Russell Crowe dhe Beyonce flitet se do të jenë në rolet kryesore të ribërjes së filmit klasit “A Star Is Born”.




Robert
Downey Jr. ishte përmendur si opsion për rolin kryesor mashkullor, por
tash duket se ai do të jetë ylli i filmit “Gladiator”.
Crowe është aktori i ri favorit për të luajtur muzicientin e
moshuar, alkoolist, i cili këshillon dhe bie në dashuri me një yll më
të ri femër.
Filmi ishte hit në vitet 1930-ta dhe tashmë është ribërë dy herë, me
Judy Garland dhe James Mason në vitin 1957 dhe me Barbra Streisand dhe
Kris Kristofferson në 1976.
Nick Cassavettes pritet të bëjë regjinë e filmit që thuhet se do të
ketë në mesin e aktorëve edhe yllin e filmit ”Mad Men”, Jon Hamm, si
dhe dy yjet e muzikës Alicia Keys dhe Rihanna

Richie ka ambicie për t’u bërë dizenjatore


Nicole
Richie gjithmonë ka dashur të bëhet dizenjatore e veshjeve dhe thotë se
aftësitë organizuese janë shumë të frytshme në karrierën e saj të re.

28-vjeçarja,
e cila ka dy fëmijë dhe e cila ka linjën e argjendarive dhe
bizhuterive, “House of Harlow 1960”, nuk e ka problem të punojë shumë
për të bërë emër në industrinë e modës dhe beson se aftësitë e saj
organizative janë të përkryera për të ndërtuar karrierën e saj të
ëndrrave.
“Veshjet janë diçka që gjithmonë kam dashur t’i bëj. Kam prerë
copëza të revistave që kur kam qenë vajzë e vogël. Jam Virgjëreshë (në
horoskop) dhe vërtet ia dal mirë me orar. Andaj dita ka 24 orë dhe unë
zgjohem në 6.30 çdo ditë”, ka thënë Richie./

Janet Jackson joshet nga Chace Crawford


Janet Jackson thotë se ajo joshet nga ‘bukuria’ e Chace Crawford dhe ka qenë e ngazëllyer kur e ka takuar atë së fundi.

Krijuesja
e hitit “All For You” është një fanse e madhe e aktorit 24-vjeçar dhe
është emocionuar kur është njohur me yllin e serisë “Gossip Girl”.
“Më pëlqen ‘Gossip Girl’. Më pëlqejnë të gjithë aktorët aty. Dhe
ishte e çuditshme pasi përfundova duke u takuar me Chace Crawford. Ai
është aq i bukur. Dhe gjëja më e veçantë te ai është se si person ai
është edhe më i bukur. Kur e shihni atë në ekran ai është vërtet i
pashëm, por pastaj e takoni si person”, ka thënë Jackson.

Williams ka frikë të bëhet nënë


Ylli i tenisit,
Serena Williams, ka dëshirë të madhe të fillojë familje me të dashurin
e saj, reperin/aktorin Common, por ka dyshime nëse mund të jetë një
nënë e përgjegjshme.

Serena filloi lidhjen me Common në
vitin e kaluar dhe thotë se ajo ka filluar të ndjejë dëshirë për të
krijuar familje. Por kjo ide e saj do të qëndrojë në pritje, pasi ajo
një herë e kishte harruar qenin e saj në një seancë stërvitore në
fushën e tenisit.
“Do të doja të kem fëmijë... Por kam dy qen të vegjël për të cilët
kujdesem dhe që janë aq të dashur, por ndonjëherë i harroj. Një herë
isha e ngarkuar dhe u largova nga fusha dhe duke u vozitur me veturë
për në shtëpi mendova, ‘Oops!’. Definitivisht nuk kam nevojë për fëmijë
pasi i harroj qentë”, ka thënë numri një i botës në tenis.

Smith-ët akuzohen për dështim të filmit


Will
Smith dhe Jada Pinkett Smith kanë dërguar dokumentet legale në Los
Angeles në përpjekje për të shmangur padinë nga ish-partneri i tyre i
biznesit.

Smith-ët thonë se personi i cili financoi filmin
të cilin e shkroi dhe ku luajti Jada, është duke i kërcënuar ata rreth
asaj që ai e quan rikthim ‘të garantuar’ të investimeve, dhe ata nuk
janë për t’u fajësuar për dështimin e filmit, të quajtur “Human
Contract”.
Projekti, i cili doli drejt në DVD, nuk fitoi para. Smith thonë se
ata kurrë nuk kanë premtuar të shpaguajnë investimet dhe, sipas TMZ,
ata dëshirojnë që gjyqi të deklarojë se ata nuk janë përgjegjës për
humbjen e parave të investitorit.

Gaga me solo projekt për Haitin


Lady Gaga
vazhdon të punojë në projektin e saj personal për të ndihmuar banorët e
Haitit, dhe për këtë nuk ka mundur të gjejë kohë për të qenë pjesë e
këngës “We Are The World”.

Këngëtarja e hitit “Bad Romance”
ka thënë se është e kënaqur me punën që bën vetë, përkundër faktit se
nuk mundi të këndonte së bashku me kolegët e saj këngën, e cila i
kushtohet pikërisht viktimave të Haitit.
“Kam punuar në projektin tim bamirës për Haitin. Kemi grumbulluar
mbi gjysmë milioni dollarë deri më tani dhe na pëlqen të punojmë
kryesisht me shoqatat bamirëse që janë të stacionuara brenda në Haiti”,
ka thënë këngëtarja.

Linda kërkon mendimin e fansave


Linda Halimi është duke përgatitur këngën e saj të radhës, me të cilën do të marrë pjesë në edicionin e shtatë të “Top Fest”.




Shtojca Bluetooth
njofton se këngëtarja, nëpërmjet profilit të saj në Facebook ka kërkuar
mendimin e fansave, nëse duhet të paraqitet me një baladë apo me një
këngë ritmike në këtë festival.
Ndërsa përgjigjet më në numër janë që këngëtarja e hitit “Të dua
vër8” të paraqitet me një baladë, teksa ka edhe të atillë që mendojnë
se një këngë e bukur ritmike do t’i shkonte më mirë Lindës. /

Rishfaqen në skenë Lohan dhe Ronson


Lindsay
Lohan është përfshirë në një përleshje me ish-të dashurën e saj,
Samantha Ronson në një lokal në Los Angeles të mërkurën mbrëma.



Lindsay
dhe Samantha i dhanë fund lidhjes së tyre lesbike vitin e kaluar,
ndërsa duket se skenat dramatike janë kthyer sërish në skenë.
Sipas burimeve të Radar Online, Lohan ishte ‘nxehur’ pasi që Ronson, e cila ishte DJ në lokalin përkatës- Crown Bar, nuk e kishte shikuar aspak atë.
Ndërsa zënka e tyre kishte përfunduar në mënyrë që Lohan e ka spërkatur me pije ish-të dashurën e saj.

GN’R befasojnë fansat


“Guns N’ Roses” iu kanë bërë fansave një befasi të këndshme
në ditën e Shën Valentinit, me ç’rast grupi ka mbajt koncertin e dytë
befasues brenda një jave, në New York.



Frontmeni Axl Rose
mbajti një koncert të vogle akustik të enjten në dyqanin e dizajnerit
John Varvatos në Manhattan, si pjesë e Javës së modës në qytet.
Ndërsa të dielën ai ka bërë befasinë e radhës duke u paraqitur me
grupin e tij në një lokal në Manhattan, ku performuan këngë nga albumi i
ri “Chinese Democracy”, si dhe hitet e tyre klasike, siç është “Sweet
Child O’ Mine”.