Re: VIP

nga d.jeta Tue Jan 12, 2010 3:09 pm

THE TING TINGS ME ALBUM TË RI

Grupi The Ting Tings, kanë raportuar se janë duke u ndihmuar nga Rihanna për albumin e tyre të dytë. Ata janë duke punuar në ripërpunimin e albumit të parë me titullin”We Started Nothin”. Sipas revistës Daily Star, bashkëpuntorja e tyre, Rihana, është pajtuar që të këndoj si back vocaliste në këtë album. Nëntorin e vitit 2009 grupi kishte bashkëpunuar me Jay-Z ,si producent, në disa materiale të cilat The Ting Tings kanë pohuar se do ti lansojnë këtë vit. Të ju rikujtojmë se albumi i tyre debutues “ We Started Nothing” ishte lansuar majin e vitit 2008 dhe kishte arritur shitjen e më shumë se 1.2 milion kopjeve anembanë botës

nga d.jeta Tue Jan 12, 2010 3:10 pm

2009-TA ISHTE VITI I SUKSESIT PËR BEATLES

Grupi The Beatles,vitin e kaluar ishte grupi që kishte shitur më së shumti albume në mbarë botën.Edhe pse para më shumë se 40 vitesh, katërshja e famshme ishin shpërbërë, viti 2009 ishte jashtëzakonisht i suksesëshëm për ta.Vetëm në SHBA ata, vitin që sapo lëm pas, kanë arritur të shesin 3,282,000 albume, ndërkohë që, me këtë shitje janë renditur në pozitën numër tre në top listën për kategorinë e albumeve më të shitura. Pozitën e parë, në këtë top listë, kishte arritur ta zë Michael Jackson ndërkohë që, e dyta po qëndronte Taylor Swift.

nga d.jeta Tue Jan 12, 2010 3:12 pm

TRENT REZNOR : SË SHPEJTI DO TË LANSOJ KËNGËT E REJA

Vetëm pak muaj më parë, kishim publikuar lajmin se grupi Nine Inch Nails, nuk do të jenë më bashkë. Ata kishin bërë të ditur se kanë shitur edhe gjitha mjetet e tyre muzikore. Tani, Trent Reznor, anëtar i grupit Nine Inch Nails ( NIN), del me deklaratën se ai tani më ka disa materiale të cilat shumë shpejtë edhe do ti publikojë.Ai ka bërë të ditur se, këngët që do të lansohen nuk do të kenë të bëjnë asgjë më me bendin NIN.Po ju rikujtojmë se, albumi i tyre i fundit titullohej “The Slip” dhe ishte lansuar para dy vitesh. Ky album ndryshe, ishe mundësuar nga vetë grupi, që për të gjithë fansat e tyre të mund të shkarkohet nëpër faqe të ndryshem interneti,falas.

nga d.jeta Tue Jan 12, 2010 3:13 pm

JAY-Z DO TË ASISTOJ CHERYL COLE NË MUZIKË

Reperi dhe producenti i famshëm Amerikan Jay-Z ka pranuar ofertën që ti ofroj ndihmë këngëtarës Cheryl Cole në mënyrë që ajo të arrijë majet e top listave muzikore. Cole e cila është 26 vjeçe pëlqehet shumë nga Jay-Z, mirëpo edhe nga e dashura e tij Beyonce. Për gazetën “The Sun”Jay-Z ka thënë se ka pranuar që të ndihmoj Cheryl Cole pasi që ajo ka një talent të veqant dhe një zë të mrekullueshëm.

nga d.jeta Tue Jan 12, 2010 3:14 pm

CHRISTOPHER LEE DO TË LANSOJ ALBUM

Aktori Britanez Sir Chistopher Lee ka njoftuar se shumë është duke punuar në lansimin e një albumi të zhanrit heavy metal. Aktori Lee i cili është në moshën 87 vjeç është më së shumti i njohur me rolin e tij në filmin “Count Dracula” dhe role të tjera me karakter të errët. Sipas vetë aktorit i cili tani në këtë moshë dëshiron ta testoj vehtën edhe si këngëtarë ka njoftuar për mediat Britaneze se albumi do të titullohet ‘Charlemagne: By the Sword And the Cross’, ndërsa lansimi i këtij albumi në treg pritet më datën 21 Mars të këtij viti

nga d.jeta Tue Jan 12, 2010 3:16 pm

A-TRAK PRODUCENT I MADONNES

Madonna gjatë këtij viti do ta lansoj albumin e ri! Stili muzikor, të cilin Madonna planifikon ta përzgjedhë në albumin e ri, do të jetë kombinimi i muzikës rap, elektronikë dhe rok, kurse për producent veçse e ka angazhuar DJ e talentuar kanadez A-Trak. Në vitin 2008, Madonna kishte lansuar albumin e saj të fundit 'Hard Candy', kurse gjatë vitit të kaluar ajo ka qenë prezente në të gjitha top listat botërore me kompilacionin dhe singlin me po të njëjtin emër 'Celebration' producent i së cilës ishte Paul Oakenfold. Për një pjesë tjetër të albumit të ri është angazhuar edhe i famshmi Brendan O'Brien.

nga d.jeta Tue Jan 12, 2010 3:17 pm

THE KNIFE LANSON ALBUMIN E RI

Bendi i njohur The Knife, më 1 mars do të lansoj albumin më të ri "Tomorrow, In A Year " edhe atë në soundtrack të operës daneze për të cilën ata vetë e kanë shkruar muzikën. Elektro pop duo përmes këngëve janë duke e kërkuar jetën dhe punën e Charles Darwin-it, libri i së cilit “On The Origin Of The Species” ka qenë inspirimi kryesor për këtë operë. "Në fillim e kemi pasur shumë vështirë, pasi që nuk kemi ditur asgjë për operën. Kurrë nuk kemi qenë në ndonjë operë. Ne nuk kemi ditur madje as çfarë do të thotë fjala ‘libretto’. Por pasi që kemi filluar seriozisht ta analizojme dhe mësojmë për operën, kemi kuptuar gjithçka rreth saj”, është shprehur kështu Olof Dreijer, anëtari i bendit në fjalë. Kënga "Colouring of Pigeons" veçse mund të dëgjohet në web faqen Theknife.net.

nga d.jeta Tue Jan 12, 2010 3:21 pm

ROBBIE WILLIAMS MARTES PËR SHËN VALENTIN

Thashethëmet po qarkullojnë në mediat britaneze se këngëtari me fame botërore Robbie Williams shpreson që të martohet në ditën e Shën Valentin-it me të dashurën e tij Ayda Field në Santa Barbara.
Ky thashethëm nuk qarkullon kot pa ndonjë arsye, sepse bëhet e ditur se Robbie ka kërkuar nga miqt dhe të afërmit e tij që të marrin 1 javë pushim prej ditës së Shën Valentinit e tutje, në mënyrë që të festojnë bashk me Robbin. Robbie Williams 35 vjeç javën e kaluar u fejua me të dashrën e tij Ayda 30 vjeçe të cilës i dhuroi një unazë me një dijamant të madh dhe ai për mediat britaneze ka thënë se martesa nuk është larg, çka na lë të dyshojmë se dita e Shën Valentinit 14 Shkurti do të jetë edhe datë e martesës së tyre.

nga d.jeta Tue Jan 12, 2010 3:22 pm

RACHEL WEISZ, FEMRA MË E KËRKUAR PËR MARTESË

Në një sondazh të kryer nga gazeta londineze “Daily Telegraph” në temën: “Me cilën nga aktoret, meshkujt do të ishin martuar menjëherë?”, vendin e parë për martesë e ka zënë aktorja Rachel Weisz. Vlen të theksojmë se aktorja Rachel është e fejuar me Darren Aronofsky me të cilin ka edhe një djalë një vjeçar të cilin e kanë pagëzuar me emrin Henry. Në pozitën e dytë në këtë sondazh radhitet aktorja angleze 39 vjeçare Keira Knightley, ndërsa në pozitën e tretë si femra të cilën meshkujt do ta martonin menjëherë radhitet aktorja e filmit “Titanic”, Kate Winslet. Femra me të cilën meshkujt do të kishin pasë dëshirë të pinin një kafe me të është aktorja e filmave komik Dawn French, ndërsa femra me të cilën meshkujt do të kalonin një natë bashkë, më së shumti vota ka marrë këngëtarja Cheryl Cole.

nga d.jeta Tue Jan 12, 2010 3:23 pm

LEMAR: TË GJITHA HITET NË NJË ALBUM

Lemar ka bërë publike detajet mbi albumin e ri. Ai ka pohuar se së shpejti të gjithë fansat e tij, do të kenë në dorë koleksionin e tij me të gjitha këngët hite, në një album të vetëm. Ndryshe, Lemar deri më tash ka lansuar katër albume, këngët e të cilit kanë arritur të qëndrojnë në top listat botërore. Në këtë album janë të përfshira edhe hitet si : “ Dance (With U)” ; “ 50/50”; “ If There’s Any Justice” dhe “ Someone Should Tell You”. Albumi mban titullin “ The Hits ” dhe përmbanë gjithsej 15 këngë. Në UK do të lansohet më 1 mars. Në këtë album ka bërë të ditur Lemar, se do të futen edhe dy këngë komplet të reja . Kënga “ The Way Love Goes “ do të jetë kënga e cila do ti paraprijë lansimit të albumit.

nga d.jeta Tue Jan 12, 2010 3:24 pm

KTHEHET NË SKENË PAS PLOT TETË VITESH

Peter Gabriel ka bërë të ditur se po përgatitet për lansimin e albumit të ri . Bëhet fjalë për një album, në të cilin ai ka kënduar këngë të këngëtarëve të njohur siç janë : David Bowie, Paul Simon, Neil Young apo Radiohead. Albumi është titulluar “Scratch My Back” dhe zyrtarisht do të lansohet më 15 shkurt. Ndryshe, Gabriel ka bërë të ditur se në albumin tjetër që do të tilluhohet “ I’ll Scratch Yours ”, të gjithë këngëtarët që cekëm më lart, do të jenë të ftuar të Gabriel-it dhe do këndojnë këngët e nikoqirit. Albumin e fundit “ Up” ,Peter e kishte lansuar para më shumë se tetë vjet.

nga d.jeta Tue Jan 12, 2010 3:26 pm

JAY-Z ‘BUSY’ ME BASHKEPUNIME!

Jay-Z ka prezantuar videoklipin për singlin më të ri 'On To The Next One'. Bëhet fjale për singlin e katërt me radhe zyrtar nga albumi 'The Blueprint 3', ne te cilin paraqitet edhe producenti i njohur Swizz Beatz. Kënga 'On to the Next One' gjendet ne poziten e 61 ne Hot Hip-Hop top listën Billboard. Jay-Z po ashtu ka konfirmuar bashkëpunimin me reperin kanadez Drake, me të cilin ka incizuar këngën 'Light It Up'. Kënga do të përfshihet në albumin debutues të Drake, 'Thank Me Later', i cili do të lansohet në muajin mars.

nga d.jeta Tue Jan 12, 2010 3:27 pm

MICHAEL JACKSON – ARTISTI MË I SHITUR NË SHBA

Michael Jackson shpallet artisti që ka shitur më së shumti albume gjatë 2009-ës në Amerikë, duke arritur në 8 milion e 290 mijë numri i albumeve të shitura vetëm gjatë vitit të kaluar. Para vdekjes, Jackson kishte shitur vetëm 10,000 albume gjatë vitit 2009, raporton Nielsen Soundscan. 6 ditë pas vdekjës, albumet e tij u shitën në 422,000 kopje. Një javë më vonë edhe 800,000 copë. Pastaj, më 12 korrik, gjatë vetëm një jave, më shumë se 1 milion kopje të albumeve të tij ishin shitur. Dy javë e gjysmë pas vdekjës së legjendës, shifra e shitjës së albumeve të tij kishte arritur në 2,3 milion, shifër e cila vazhdimisht shkonte duke u rritur, ku në fund të vitit të kaluar numri total arriti në 8 milion e 290 mijë kopje.

Artistët më të shitur gjatë 2009-ës në Amerikë janë:

1. Michael Jackson
2. Taylor Swift
3. The Beatles
4. Susan Boyle
5. Lady Gaga
6. Andrea Bocelli
7. Michael Buble
8. Emimen
9. Carrie Underwood
10. Black Eyed Peas

nga d.jeta Tue Jan 12, 2010 3:28 pm

40 VJETORI I VDEKJES SË HENDRIX, ME ALBUM TË RI

Katërdhjet vjetori i vdekjes së legjendës me famë botërore Jimi Hendrix do të shënohet me lansim të një albumi të ripërpunuar nga legjenda e kitaës. Këtë përvjetor fansat e legjendës Hendrix do të kenë arsye të kremtojnë, pasi që pritet të dal në shitje një album, version i ripërpunuar me këngë të legjendës së kitarës. Sipas gazetës “The Sun”, albumi i Jimi Hendrix pritet të dal në shitje në Shtator të këtij viti. Vlen të përmendim se Jimi Hendrix pushtoi gjithë Botën me muzikën e tij me kitarën elektrike në vitet e 60-ta dhe ndryshe njihet edhe si baba i kitarës elektrike.

nga d.jeta Tue Jan 12, 2010 3:30 pm

CINDY CRAWFORD:NUK I DUA!

Kohëve të fundit është duke u rikthyer moda apo stili i viteve të 80-ta. Ikona e modës Cindy Crawford, ka thënë se nuk e pëlqen stilin e veshjeve të viteve të 80-ta. Po ashtu ish-modelja është kundër edhe ndërhyrjeve kirurgjike, ku shumica e femrave mendojnë se duken sexy, por ajo ka thënë se nëse bën ndërhyrje kirurgjike dukesh unsexy dhe jo natyrale. Ajo ka thënë se burri i saj i urren operacionet kirurgjike dhe një gjë të tillë nuk e pëlqen as shoku i saj i ngushtë George Clooney.

nga d.jeta Tue Jan 12, 2010 3:31 pm

SUSAN BOYLE DËSHTON TË MARRË POZITËN E PARË NË AMERIKË

Susan Boyle ka mbetur pa pozitën e parë të listës së albumeve më të shitur në Shtetet e Bashkuara të Amerikës. Këtë pozitë të çmueshme e ka marrë këngëtarja e re e muzikës country - Taylor Swift. Albumi i saj “Fearless” ishte lansuar në nëntor 2008, duke kaluar gjithsej 11 javë në vendin e parë të listës amerikane, dhe duke shitur 3.1 milion kopje të albumeve. Me këtë rast, “Fearless” është vlerësuar si albumi më i shitur i vitit që e lam pas. Susan Boyle, me albumin e saj “I Dreamed A Dream”, në Amerikë ka përfunduar në pozitën e dytë, me gjithsej 2.9 milion albume të shitura.

nga d.jeta Tue Jan 12, 2010 3:32 pm

AGUILERA ME ALBUM TË RI

Christina Aguilera ka bërë të ditur detajet e albumit të saj më të ri. Ajo ka pohuar po ashtu se albumi i saj i katërt me radhë mbanë titullin “ Bionic “ . Ky album ndryshe, do të jetë ripërpunim i albumit të vitit 2006 “ Back To Basics”. “ Bionics” do të jetë gati për lansim në muajin mars të këtij viti. Aguilera ndryshe, ka bërë të ditur se ka arritur në përpunimin e këtij albumi falë inspirimit që ka gjetur tek djali i saj Max-i . 29 vjeçarja ka bërë të ditur po ashtu se, në këtë album fansat e saj do të kenë rastin që të dëgjojnë zhanre të ndryshme të muzikës. Ndërkohë që, ka bërë të ditur edhe titujt e tri këngëve të para si : “Glam “ ; “ Bionic ” dhe “ Lullaby “. Në baladën me titullin “ Lullaby “, Aguilera ka si bashkëpunëtore tekstëshkruesen Sia dhe kënga i është dedikuar djalit të Aguilera-s , Max-it. Aguilera përndryshe në këtë album ka bashkëpunuar edhe me të tjerë koleg të saj si Goldfrapp, Ladytron, M.I.A, Linda Perry, Tricky Stewart dhe The Neptunes. Albumi i fundit i lansuar nga Aguilera është ai i vitit 2008 “ Keeps Getting - Better - A Decade of Hits”

nga d.jeta Tue Jan 12, 2010 3:33 pm

JAY-Z DHE BYONCE : DO TË ORGANIZONIM DASMËN E ROOBIE WIILIAMS

Është bërë e ditur nga të afërm të këngëtarit Robbie Williams, se Jay-Z do të këndoj në dasmën e Robbie-t dhe Ayda Field. Ndërkohë që, gjatë kësaj jave kanë filluar të qarkullojnë disa fjalë se Jay- Z dhe Beyoncé janë ata që do të ndihmojnë edhe në organizimin e dasmës. Reperi fillimisht kishte propozuar që dasma të mbahet në Republikën Domenikanë dhe në vendin ku Robbie kishte festuar edhe ditëlindjen e tij të 40-të. “ Jam i gatshëm që ti ndihmoj në organizimin e dasmës, kuptohet nëse Robbie do “ , ka thënë Jay –Z duke shtuar se - “ Nuk do të jem vetëm do të më ndihmonte shumë edhe Beyoncé . Ajo është e mrekullueshme në të tilla organizime, i adhuron organizimet e dasmave dhe jam i sigurt se Robbie do të kishte ngelur jashtëzakonisht i kënaqur “ , ka përfunduar Jay-Z për gazetën The Sun.

nga d.jeta Tue Jan 12, 2010 3:33 pm

RIKTHEHET MONICA!

Këngëtarja e njohur, Monica është gati për tu rikthyer në skenën muzikore me albumin më të ri. R&B këngëtarja amerikane, e cila famën botërore e kishte fituar në vitin 1998 me duet këngën 'The Boy Is Mine' të cilën e kishte kënduar me kolegen e saj Brandy, albumin e fundit e kishte lansuar në vitin 2006. Albumi i atëhershëm 'The Makings of Me' ka qenë albumi i pestë me radhë për atë, dhe është shitur në gjysmë milion kopje. Adhuruesit e saj, kanë qenë për katër vite të plota në pritje për albumin e ri, por ja që tani albumi më në fund është gati dhe do të lansohet zyrtarisht më 9 shkurt. Albumi do të titullohet 'Still Standing', dhe do të paralajmërohet me dy singla - 'One in a Lifetime' dhe 'Love All Over Me'. Në albumin e ri, si bashkëpunëtor paraqitën Babyface, Bryan-Michael Cox, Jermaine Dupri, Ne-Yo, Polow da Don dhe Stargate si dhe Missy Elliott, Keyshia Cole dhe Ludacris.

nga d.jeta Tue Jan 12, 2010 3:34 pm

MISSY ELLIOT ME ALBUM TE RI NE 2010

Edhe Missy Elliott do të rikthehet me albumin më të ri. Albumi i shumëpritur do të titullohet 'Block Party', dhe bëhet fjalë për albumin i cili ka qenë i paraparë të lansohet në fund të vitit 2007. 'Block Party' do të jetë albumi i shtatë për këtë hip-hop këngëtare, kurse disa këngë veçse janë prezantu. Në muajin tetor të vitit të kaluar në internet është gjetur kënga 'Put It on Ya', një muaj më vonë pasoj edhe kënga 'Act a Fool', kurse në muajin dhjetor edhe 'All 4 U', në të cilën paraqitet edhe Lil Wayne. Missy Elliott ka konfirmuar se nå albumin e saj të ri marrin pjesë edhe Timbaland, Pharrell Williams, Danja, Swizz Beatz, T-Pain, Bloodshy & Avant dhe The Arkitects. Albumi do të lansohet në pjesën e parë të këtij viti.

nga d.jeta Tue Jan 12, 2010 3:34 pm

EMINEN & ELTON JOHN MIQESOHEN?

Edhe pse në fillim të karrierës së Eminemit, ishin ca mosmarrëveshje me Elton John, si duket tani gjithçka shkon tepër mire! Në një intervistë për revistën Billboard, Elton John ka thënë se më shumë se një vit ai është duke i ndihmuar reperit Eminem të largohet nga droga, dhe kjo punë deri më tani ka qenë mjaft e suksesshme. Ai po ashtu ka deklaruar për BBC se si një ish i varur nga droga din si t’i ndihmoj dikujt në problemet e ngjashme dhe për këtë arsyeje ka vendosur t’i ofroj ndihmë Eminemit i cili ka qenë i hapur për t’ia treguar problemet që i kishte.

nga d.jeta Tue Jan 12, 2010 3:35 pm

KANYE SHKON HAPAVE TE NINA SIMONE

Kanye West ka paralajmëruar albumin e ri I cili pritet të lansohet në gjysmën e pare të këtij viti. Kanye ka thënë se do t’I përkushtohet albumit të ri siç përkushtohet Kobe Bryant në terren si dhe nuk dëshiron të lansoj një album të ‘dobët’ siç kanë bërë kolegët e tij deri më tani. "këngëtarët e vërtet bëhen edhe më të mire, dhe ne do të shkojmë hapave të Nina Simone dhe Maye Angelou. Albumet e tyre kanë qenë çdo herë më të mirë dhe ata e kanë dokumentuar kulturën e atëhershme. Kjo është edhe përgjegjësia jonë", ka deklaruar Kanye.

nga d.jeta Tue Jan 12, 2010 3:36 pm

MARTOHET AKTORI VINCE VAUGHN

Ky vit ka filluar mbarë edhe për aktorin e famshëm Amerikan Vince Vaughn. Këtë të Shtunë që e lamë pas, aktori ka organizuar një ceremoni private martesore vetëm me familjarët dhe disa të afërm për të kurorëzuar dashurinë e tij me kanadezën Kyla Weber. Një mik i afërm i aktorit kishte thënë se aktori Vince dëshiron që në të ardhmën e afërme të planifikoj fëmijë dhe kjo është arsyeja kryesore që ai organizoi martesën me Kylan të cilën e dashuron shumë. Aktori Vince Vaughn 39 vjeç u fejua me kanadezën 31 vjeçare Kyla Weber vitin e kaluar mu në ditën e të dashuruarve më datën 14 Shkurt, ndërsa këtë vit çifti u kurorëzu me martesë.

nga d.jeta Tue Jan 12, 2010 3:36 pm

LEONA LEWIS DHE ROBBIE WILLIAMS PLANIFIKOJNË DUET

Dy këngëtarët e famshëm britanez Leona Lewis dhe Robbie Williams planifikojnë që këtë vit të lansojnë dy duete së bashku. Këtë lajm e ka konfirmuar edhe gazeta britaneze “Daily Mirror” e cila citon këngëtarën Leona të ketë thënë se mezi pret takimin me këngëtarin Williams për të filluar inçizimet në studio për këto dy këngë. Sipa të njejtit burim, këngëtarja Leona këtë vit do të bashkëpunoj në një duet edhe me frontmenin e bendit Kings Of Leon, Caleb Followill.

nga d.jeta Tue Jan 12, 2010 3:37 pm

POKER FACE KËNGA MË E DËGJUAR NË BRITANI TË MADHE

“Poker Face” është singli më i shitur i vitit në Britani të Madhe. Hit singli i yllit Lady GaGa, ka përfunduar në vendin e parë të listës së “më të shiturve”, para bendit Black Eyed Peas, i cili me singlin “I Gotta Feeling” ka përfunduar në vendin e dytë. Viti i kaluar, me të vërtet ka qenë sukses për Lady Gaga-n dhe Black Eyed Peas, pasi pjesa e parë e top 10-shit është e mbushur me këngë të tyre. Përveç vendit të parë, Lady GaGa gjithashtu gjendet në vendin e tretë me këngën “Just Dance”, derisa Black Eyed Peas kanë pushtuar tre pozita: singli “Boom Boom Pow” pozitën e gjashtë, kurse kënga “Meet Me Halfway” vendin e dhjetë.

nga d.jeta Tue Jan 12, 2010 3:38 pm

MESHKUJT QË JANË VESHUR MË SË MIRI DHE MË SË KEQI NË VITIN 2009

Robert Pattinson është emëruar si mashkulli, i cili gjatë vitit 2009 është veshur më së miri. 23 vjeçari ishte nominuar nga revista British GQ, në kategorinë e meshkujve të veshur me më stil. Pas Pattinson, në pozitën numër dy ishte renditur, Daniel Craig, David Beckham më pas disenjatori Tom Ford etj. Ndërkohë që, në kategorinë e fytyrave publike të veshur më së keqi, i pari në listë ishte renditur Kryeministri britanik Gordon Brown për të vijuar me numrin dy ku ishte pozicionuar, Russell Brand, Piers Morgan , ndërkaq pozitën e katërt po qëndronte presidenti francez Nicolas Sarkozy. Listën komplete të fytyrave publike të veshur më së miri apo më së keqi, gjatë vitit 2009 presim që kjo revistë ta publikoj ditën e enjte.

nga d.jeta Tue Jan 12, 2010 3:39 pm

LINDI GRUAJA E AKTORIT MATTHEW McCONAUGHEY, CAMILA ALVES

Ky vit i ri ka filluar për së mbari për aktorin e famshëm të Hollywood-it, Matthew McConaughey dhe bashkëshortën e tij bukuroshen Camila Alves. Çifti në fjalë dje i kanë dëshiruar mirëseradhje në këtë jetë edhe një tjetër foshnje të gjinisë femërore në orën 12:13 të mesditës. Ëmbëlsirën e këtijë viti siç e kanë quajtur vetë çifti në fjalë, e kanë pagëzuar me emrin Vida Alves McConaughey. Vlen të përmendim se aktori Matthew McConaughey ka një martesë të lumtur me bashkëshorten e tij Camila Alves dhe ata përveq kësaj vajze e cila lindi dje kanë edhe një tjetër djalë 17 muajsh me emrin Levi Alves McConaughey.

nga d.jeta Tue Jan 12, 2010 3:40 pm

RIHANNA KËTË VIT LANSON NJË LIBËR ME FOTO

Këtë vit këngëtarja Rihanna nuk planifikon të lansoj album të ri, mirëpo një libër me foto nga gjirimet e albumit të saj të fundit “Rated R’. Ky libër me foto të Rihanës i cili përbëhet nga gjithësej 144 faqe, do të lansohet këtë vit më datën 29 Qershorë, njofton gazeta “New York Daily News”. Sipas të njejtit burim libri në treg do të shitet për 38 dollarë.

nga d.jeta Tue Jan 12, 2010 3:43 pm

GAGA U GËZOHET SUKSESEVE TË SUSAN BOYLE-S

Lady Gaga ka pohuar se po i mirëpret lajmet e mira dhe se po gëzohet shumë kur dëgjon se këngëtarja Susan Boyle, po arrin suksese në sferën e muzikës. Ajo ndryshe ka pohuar se do të dëshironte shumë që të ketë një duet me Susan-ën edhe pse zhanret muzikore të tyre janë të ndryshme. “ E dua jashtëzakonisht shumë këtë këngëtare. Ajo është model për mua. Susan Boyle për mua është gruaja e vitit. Për vetëm një vit ajo ka arritur të korrë kaq shumë suksese. Ka mbledhur rreth vetës shumë adhurues nga mbarë bota, për një kohë shumë të shkurtër. Ajo për vetëm një vit ka arritur më shumë se secili artistë në mbarë botën. Vitin që kaluam, askush nuk dinte se kush ishte Susan. E tani, bota po troket në derën e saj. Ajo po nxjerr këngët më të mira që unë kam dëgjuar ndonjëherë “- ka thënë Gaga

nga d.jeta Tue Jan 12, 2010 3:44 pm

SEAN PAUL DHURON FALAS ALBUMIN E TIJ

Si dhuratë të vitit të ri, këngëtari Sean Paul ka bëtë të mundur që të gjithë fansat e tij, përmes download-imit të kenë në dorë, falas, albumin e tij “The Odyssey”. Albumi përmban 19 këngë të reja. Ndërkohë që, si mysafir në këtë album Paul ka ftuar : Busta Rhymes, Farenheit, Jay Sean, Chris Broën dhe Sean Kingston. Të ju rikujtojmë se Sean Paul në muajin gusht të vitit që po lëmë pas, kishte lansuar albumin e tij të katërt me titullin “ Imperial Blaze”, nga i cili album ka arritur të dëgjohet më së shumti kënga “ So Fine “, e cila ka arritur të qëndroj në pozitat më të larta të top listave botërore.

nga Sponsored content