Re: me te rejat nga ekonomia

nga *lissa* Tue Feb 16, 2010 10:30 am

Fillon dialogu për pagat

Në Ministrinë e Administratës Publike, zyrtarë të
autorizuar nga ministri Arsim Bajrami kanë pritur përfaqësuesit sindikal
nga Sindikata e Shërbimit Civil dhe Sindikata e Administratës Publike
të Kosovës, z. Mursel Zymberi dhe z. Ndue Kalaj bashkë më përfaqësues
nga nivele të ndryshme të organizmit sindikal. Ky takim ka shënuar
fillimin e një dialogu mes Qeverisë së Republikës së Kosovës dhe
Sindikatave që përfaqësojnë shërbyesit civil dhe administrativ në
nivelin qendror dhe lokal.

Sindikalistët kanë dorëzuar
zyrtarisht kërkesat e tyre drejtuar Qeverisë, të cilat kanë të bëjnë me
nivelizimin dhe harmonizimin pagave me kategoritë tjera që financohen
nga Buxheti i Kosovës, shujtën e ngrohtë, pagimin i përvojës së punës,
pagesën e shpenzimeve të udhëtimit si dhe kërkesa që lidhen me zbatimin e
normativës ligjore lidhur me kontratat e punës.
Në këtë takim, u vendos që të punohet bashkërisht në arritjen e një
gjuhe të përbashkët mes asaj çfarë kërkohet nga sindikalistët dhe
mundësive buxhetore të Qeverisë së Kosovës. Gjatë ditëve në vijim,
përfaqësuesit sindikal do t’i takojë edhe ministri Arsim Bajrami, cili
sot nuk mundi të ishte në takim për shkak të agjendës së ngarkuar.

nga *lissa* Tue Feb 16, 2010 10:31 am

Thyhet dhe demolohet arka e KEK-ut në Podujevë

Korporata Energjetike e Kosovës ka bërë të ditur se të
hënën, persona të pandërgjegjshëm kanë thyer dhe demoluar arkën e KEK-ut
dhe kanë rrahur arkëtarin në qytetin e Podujevës.

Sipas
informatave që i posedon korporata bëhet fjalë për konsumatorë të
frustruar, të cilët janë shkyçur nga rrjeti elektrik si pasojë e
mospagesës. “KEK dënon fuqishëm këtë akt vandal dhe kërkon nga organet e
rëndit dhe të drejtësisë që të vejnë drejtësinë në vend, pra fajtorët
të marrin dënimin e merituar”, thuhet në një komunikatë të KEK-ut.
“Kohën e fundit po përhapen spekulime se KEK-u po e diskriminon këtë
apo atë rajon. KEK sh.a. sqaron se nuk po e diskriminon asnjë konsumator
në asnjë cep të vendit, por po i trajton të gjithë në mënyrë të
barabartë, pa dallim lokaliteti, race, gjinie apo feje”, theksohet në
komunikatë.
Ky trajtim, siç shpjegohet më tej, bazohet kryekëput në funksionin
dhe qasjen komerciale ndaj konsumatorëve. “Menaxhmenti aktual i KEK-ut
është i vendosur që ta rregullojë përfundimisht korporatën, në mënyrë që
të krijohet vetëqëndrueshmëria financiare, sikurse furnizimi pa
ndërprerje me energji elektrike”.
“Ka përmirësime të jashtëzakonshme gjatë dy viteve të fundit. Këto
trende tregojnë qartë se rregullimi i KEK-ut është gjithnjë e më i
afërt. Por, trasimi i kësaj rruge është i dhimbshëm për konsumatorët e
pandërgjegjshëm që nuk paguajnë faturat, apo që e keqpërdorin energjinë
elektrike. KEK nuk do të ndalet para presioneve apo shantazheve të tyre.
Zotimi i korporatës është i qartë dhe i palëkundur: ata që paguajnë dhe
nuk e keqpërdorin energjinë elektrike do ta kenë atë, ata që nuk
paguajnë dhe e keqpërdorin nuk do të kenë”, përfundon komunikata.

nga *lissa* Tue Feb 16, 2010 10:31 am

Greqia po bëhet protektorat financiar

Greqia gjatë muajve të ardhshme do të ketë mbikëqyrje të
plotë financiare prej tri palëve nga Franca, Gjermania dhe nga Banka
Qendrore Evropiane, shkruan gazeta “Maqedonia” e Selanikut.

Prej marsit të vitit 2010 çdo muaj do t`i kontrollojë të
gjitha masat që Qeveria greke do t`i ndërmarrë me qëllim të stabilizimit
të situatës në Greqi. Nëse nevojitet BE-ja do të intervenojë me masa të
saj personale, shkruan gazeta “Maqedonia” e Selanikut.
Në analizën ekonomik të publikuar të premten, gazeta e Selanikut
sugjeron se shteti për shkak të keqmenaxhimit të krizës ekonomike mbetet
pa një pjesë të sovranitetit të vet kombëtar.
“Nga Greqia do të blihen anije, tanke nga aleatët tanë, por kjo nuk
do t`u ndihmojë në përpjekjet diplomatike për çështjen e Shkupit dhe
Qipros”, shkruan gazeta.
Po ashtu Greqia kundërshton trysninë e Bashkimit Evropian (BE), me të
cilën i kërkohet Athinës të ndërmarrë masa shtesë për reduktimin e
shpenzimeve shtetërore, me qëllim të kthimit të stabilitetit në treg.
Ndërsa Gjermania dhe Banka Qendrore Evropiane (ECB), siç shkruan
gazeta “Financial Times”, propozojnë që Greqia ta rrisë TVSH-në për 1-2
për qind dhe të vendosë zvogëlim shtesë të pagave te nëpunësit
buxhetorë, që është kusht për marrjen e ndihmës shtesë.
Kryetari i ECB-së Zhan Klod Trishe dje i bëri thirrje Greqisë për
“hapa shtesë” për sigurimin e besimit ndaj programit të Qeverisë për
reduktimin e defiçitit buxhetor

nga *lissa* Tue Feb 16, 2010 10:31 am

EasyJet hyn në Kosovë, fillon epoka e çmimeve të lira

Kompania më e madhe në botë e fluturimeve të lira
(low-cost) EasyJet, ka konfirmuar fillimin e fluturimeve nga Gjeneva dhe
Baseli për në Prishtinë dhe njëkohësisht ka hedhur në shitje biletat
për këto dy destinacione, të cilat pritet të startojnë me 19 dhe 26
qershor të këtij viti. EasyJet, fillimisht do të startojë me 4 fluturime
në javë, ndërsa cmimet fillestare që ka publikuar kompania në ëebsajtin
e sajë zyrtarë janë 39.95 franka zviceriane për një drejtim apo 85.90
franka për një biletë dydrejtimshe.

“EasyJet është bërë
transportuesi ajror numër një në Evropë duke ofruar çmimet e biletave më
të lira tek të gjithë aeroportet më të njohura. Si rezultat i kësaj,
300 milion udhëtarë sot jetojnë në një distance kohore jo më shumë se
një ore nga aeroportet e EasyJet-it”, tha Andy Harrison, shef ekzekutiv i
EasyJet.
Sipas tij, EasyJet është e vetmja aviokompani evropiane që duke ju
falenderuar zhvillimeve tona në Kosovë, sot ofron zgjedhje për më shumë
se 500 destinacione.
“EasyJet është aviokompania lider në Evropë me çmimet më të lira. Për
momentin ka një flotë prej 182 aeroplanësh të angazhuar në 504
destinacione të ndryshme, prezente në 119 aeroporte të 29 vendeve të
ndryshme.
EasyJet ka bartur mbi 46 milionë udhëtarë në vitin e kaluar”, thuhet
në komunikatën e kompanisë.
EasyJet është kompani e cila operon me shitjen e biletave vetëm
përmes internetit dhe sa më herët që të blihet bileta, aq më lirë
kushton ajo. Biletat e kësaj kompanie vinë duke u shtrenjtuar me ofrimin
e ditës së fluturimit.
“Ardhja e EasyJet paraqet vendim historik jo vetëm për Aeroportin
Ndërkombëtar të Prishtinës por për gjithë aviacionin civil në Kosovë dhe
vetë Republikën e Kosovës. Ardhja e kësaj kompanie njëkohësisht paraqet
një sinjal të fuqishëm për stabilitetin ekonomik e gjithashtu dhe
politik të vendit. Gjithashtu është edhe shumë inkurajuese për të gjithë
investitorët potencial që mendojnë të investojnë në Kosovë. Kjo edhe
një herë paraqet përkushtimin e Qeverisë së Republikës së Kosovës dhe
Aeroportit Ndërkombëtar të Prishtinës në liberalizimin e tregut dhe
rritjen e konkurencës në tregun e aviacionit civil dhe gjithashtu të
angazhuar në maksimum për ofrimin e kushteve sa më të favorshme për
biznese dhe investime të jashtme”, tha Drejtori Menaxhues i ANP-së,
Agron Mustafa.
Sipas tij, ardhjes së EasyJet në Kosovës i kanë paraprirë rreth dy
vite kontakte dhe bisedime.
“Herën e fundit në muajin dhjetor u takuam me përfaqësuesi e EasyJet
në Gjenevë dhe pas saj ekipi i aviokompanisë erdhën në aeroport dhe bën
auditimin. Pas rezultateve pozitive të audimit të operimeve në ANP,
erdhi edhe vendimi konkret i kompanisë për fillimin e fluturimeve dhe
hedhjen e biletave në treg për shitje. Gjithsecili që dëshiron të
udhëtojë më këtë kompani tani mund të blejë biletë online”, tha tutje
drejtori menaxhues, Agron Mustafa.
Aeroporti Ndërkombëtar i Prishtinës është kthyer në aeroportin më
atraktiv në regjion, për lidhje të shumta me shumicën e qyteteve
kryesore europiane.

nga Sponsored content