me te rejat nga ekonomia

Odat ekonomike shqiptare për vizitë në Maqedoni


Kryetarët
e tri odave ekonomike nga Shqipëria të martën duhet të realizojnë
vizitë pune në Odën Ekonomike të Maqedonisë. Sipas paralajmërimeve, në
Maqedoni do të mbërrijnë kryetarët e odave rajonale nga Durrësi, Andrea
Çavar, nga Shkodra, Anton Leka dhe nga Fierri, Sherai Caba.



Është paraparë që mysafirët nga Shqipëria të realizojnë takime
afariste me kompanitë e Maqedonisë, të interesuara për bashkëpunimin
ekonomik me kompani nga vendi, si dhe për hapjen e mundësisë për forma
më të larta të bashkëpunimit.
Postuar: 11:28 / 15 Dhjetor 2009 | RSS

Serbia ngrin rrogat dhe pensionet në vitin 2010


Pensionet
dhe rrogat në administratën publike në Serbi do të ngrihen gjatë vitit
të ardhshëm 2010, në nivelin që kanë qenë në vitin 2008. Kjo parashihet
në Propozim-buxhetin e Serbisë në vitin 2010, i cili është dorëzuar në
Parlamentin serb.



Ministrja serbe e Financave, Dijana Dragutinoviq theksoi se buxheti
rëndon drejt zvogëlimit të shpenzimeve rrjedhëse të shtetit, që para se
gjithash kanë të bëjnë me rrogat dhe pensionet.
Postuar: 11:30 / 15 Dhjetor 2009 | RSS

Hekurudha gjermane do të reduktojë 14 mijë vende pune


Hekurudha
gjermane planifikon që gjatë pesë viteve të ardhshme të reduktojë 14
mijë vende të punës, shkruan gazeta gjermane Tagesspigel.



Në hekurudhën gjermane momentalisht janë të punësuar 240 mijë njerëz, prej të cilëve 182 mijë në Gjermani.
Arsyeja për zvogëlimin e numrit të të punësuarve është kriza
botërore, shkruan gazeta, duke iu referuar anëtarëve anoni të këshillit
mbikqyrës të hekurudhave gjermane.
Sipas burimit të njëjtë, deri në fund të vitit të ardhshëm nuk do të ketë pushime nga puna.
Postuar: 14:39 / Dhjetor 2009 | RSS

MTI, parku industiral i Drenasit në fazen përfundimtare


Ishte
premtuar se Parku Industrial i Drenasit do të përfundonte gjatë vitit
2008, më pas në pranverë, korrik e pastaj në tetor të këtij viti, por
sot e kësaj dite në këtë park industrial ende nuk është vënë asnjë
gurëthemel i ndonjë biznesi.



Në Ministrinë e Tregtisë dhe Industrisë vazhdojnë të premtojnë se ky
park është në fazën perfundimtare, por askush nuk mund të thotë se kur
do të bëhet funksional ky investim, për të cilin, vetëm, për
rregullimin e infrastrukturës janë shpenzuar shumë mjete buxhetore.
Naser Grajçevci, kryeshef i Agjencisë për Mbështetjen e Ndërmarrjeve
të Vogla dhe të Mesme (AMNVM) pranë MTI-së, tha se këto punë janë
thelbësore për funksionalizimin e plotë të parkut në mënyrë që
përfituesit të mund të fillojnë pa pengesa me ngritjen e kapaciteteve
të tyre përmes të cilave edhe kanë përfituar vende në këtë park. “Punët
përfundimtare janë duke u zhvilluar në furnizimin me ujë në kapacitet
prej 80-100 litër në sekondë, furnizimin me rrymë.
Ky projekt, Grajçevci thotë se i përmbledh praktikat më të avancuara
nga BE-ja, SHBA-të dhe Japonia, e që sipas tij, përbën një filozofi
unike të politikave të shtetit të Kosovës për mbështetje substanciale
të sektorit privat, e në veçanti sektorit të ndërmarrjeve të vogla dhe
të mesme.
Në anën tjetër, përfaqësuesit e bizneseve në Kosovë e kritikojnë
punën e institucioneve në realizimin e këtij projekti, duke vlerësuar
se për shkak të vonesave ky park madje nuk paraqet ndonjë interes.
Sekretari i përgjithshëm i Odës Ekonomike të Kosovës (OEK), Berat
Rukiqi, vlerëson se Parku si i tillë nuk është aspak atraktiv për
bizneset. “Vonesat e bëra në përfundimin e punimeve në këtë park dhe
procedurat burokratike dhe jo transparente në gjithë këtë proces që nga
fillimi e deri tani, janë shkak që ky projekt të mos jetë atraktiv për
bizneset”.

Shala në Maqedoni për marrëveshje ekonomike

Ministri i Ekonomisë dhe Financave, Ahmet Shala, me ftesë të homologut të tij ministrit të Ekonomisë së Republikës së Maqedonisë, Fatmir Besimi, nesër do të vizitojë Republikën e Maqedonisë. Gjatë kësaj vizite ministri, do të takojë homologun e tij, ministrin Besimi dhe me këtë rast do të nënshkruajnë Marrëveshjen për Bashkëpunim Ekonomik ndërmjet Qeverisë së Republikës së Kosovës dhe Qeverisë së Republikës së Maqedonisë.



Takimi i Ministrave do të mbahet në Ministrinë e Ekonomisë së Republikës së Maqedonisë, në ora 13:00, ndërsa ceremonia e nënshkrimit të Marrëveshjes, do të bëhet në ora 13:30.

Filloi mihja e Sibovcit Jugpërendimor

Ka nisur funksionimin pjesa e parë e projektit më madhor energjetik në Kosovë gjatë dy dekadave të fundit, mihjes së re “Sibovci Jugpërendimor” (SJP). Ky sistem i inauguruar të martën ka patur një kosto 34.74 milionë euro.



“Vetë vlera e projektit tregon për rëndësinë e madhe që ka kjo linjë për eksploatimin e qymyrit në Sibovcin Jugpërendimor”, tha Drejtori Menaxhues i KEK-ut, z. Arben Gjukaj.

Investmet janë realizuar falë grantit nga Agjencioni Evropian i Rindërtimit (AER) që ka financuar si donacion shumën prej 15 milionë eurosh, nga Buxheti i Kosovës janë dhënë donacion 3 milionë euro, ndërsa pjesa tjetër prej 16.74 milionë euro janë financim nga KEK-u përmes kredisë afatgjatë të siguruar nga Buxheti i Kosovës.

“Ky donacion tregon edhe njëherë për përkushtimin e BE-së dhe të Qeverisë së Republikës së Kosovës që të ndihmojnë sektorin energjetik të Kosovës duke rehabilituar njërën prej linjave më të rëndësishme për hapjen e sasive të linjitit në Sibovcin Jugpërendimor”, shtoi Gjukaj. Ai tha se shumë e rëndësishme është edhe puna e zellshme në këtë projekt me një bashkëpunim të shkëlqyeshëm të stafit ndërkombëtar dhe vendor, që tregon për seriozitetin e KEK-ut në përfundimin e projekteve të rëndësishme për këtë sektor.

Tonët e parë të qymyrit nga SJP parashihet të ekspolatohen në prill të vitit 2010, rreth gjashtë muaj para afatit të planifikuar.

“Ka përmirësime të ndjeshme të furnizimit me energji elektrike. Edhe ky projekt tregon përkushtimin e Qeverisë së Kosovës për ta përmirësuar edhe më tutje furnizimin. Por, asnjë kompani nuk mund të mbijetojë nëse nuk i paguhen shërbimet që ofron. Prandaj, apeloj tek të gjithë qytetarët t’i paguajnë faturat e energjisë elektrike”, tha Ministri i Ekonomisë dhe Financave, z. Ahmet Shala.

Ndihmë të konsiderueshme në hapjen e mihjes së re ka dhënë edhe Bashkimi Evropian.

“Ky projekt do të rris kapacitetet gërmuese në mihje për së paku 50 për qind, do ta bëjë sektorin energjetik më të qëndrueshëm, nënkupton më pak reduktime, më shumë zhvillim ekonomik dhe hapje të vendeve të reja të punës, sikurse do të rrisë investimet e huaja direkte”, tha Kjartan Bjornsson, shef i operimeve në zyrën e Komisionit Evropian në Kosovë.

Në SJP parashihet të eksploatohen 124 milionë tonë qymyr, sasi kjo e mjaftueshme deri në fund të jetës teknologjike të termocentraleve ekzistuese. /t

Punonjësit e BE-së në grevë për rrogat

Rreth 1000 punonjës të Bashkimit Evropian kanë zhvilluar një grevë paralajmëruese.



Ata kanë thënë se do të bllokojnë takimin në nivel ministrash të Bashkimit Evropian, në fund të kësaj jave, nëse nuk merren parasysh kërkesat e tyre për rritje rrogash. Greva e zgjati tre orë.

Shëndetësia dhe arsimi - të pakënaqur me pagat


Ndërkohë
që flitet për rritje pagash të deputetëve, gjendja për punëtorët e
shëndetësisë dhe të arsimit në Kosovë mbetet e pandryshuar.
Përfaqësuesit e sindikatave të këtyre dy sektorëve kërkojnë nga Qeveria
e Kosovës që të veprojë në realizimin e kërkesave të tyre



Vendimi për ngritje të pagave për deputetët e Kuvendit të Kosovës ka
irrituar Sindikatën e Shëndetësisë. Përfaqësuesit e kësaj sindikate
thonë se ngritja e pagave do të duhej të bëhej në sektorin e
shëndetësisë, pasi që, sipas tyre, ky sektor është në një gjendje
alarmante që nga paslufta.
Ndërkaq, përfaqësuesit e Sindikatës së Arsimit nuk shprehen kundër
ngritjes së pagave të deputetëve, por theksojnë dëshirën që një gjë e
tillë të ndodhë edhe në sektorin e tyre.
Nënkryetari i Federatës Sindikale të Shëndetësisë së Kosovës, Jahir
Mujolli, thotë se sektori i shëndetësisë është duke u ballafaquar me
probleme nga më të ndryshmet, ndërkohë që pagat e punëtorëve
shëndetësorë mbesin shumë të ulëta.
“Nuk është shëndetësia në gjendje të rëndë tani, vitin e fundit apo
muajin e fundit, por që nga paslufta ka shkuar duke u stërkequr në
vazhdimësi. Ne, gjithnjë, kemi tentuar që të veprojmë si sindikatë,
porse proceset politike mos t’i lëndojmë, ato të shkojnë rrjedhës së
vet normale dhe politikanët të bëjnë punën e vet. Por tani, ka ardhur
një gjendje që nuk mund të shtyhet”, thotë Mujolli.
Edhe sektori i arsimit në Kosovë vazhdon të ballafaqohet me probleme
të shumta. Kryetari i Sindikatës së Bashkuar të Arsimit, Shkencës dhe
Kulturës, Ali Shabanaj, kërkon më shumë angazhim nga ekzekutivi kosovar
për të stabilizuar gjendjen materiale në arsim.
“Unë uroj që deputetët t’i rrisin pagat. Por, njëkohësisht, kërkoj
nga qeveria që edhe te të tjerët, siç është arsimi, që është shtylla
kryesore e shtetit, të rriten pagat. Nuk jam nga të tillët, të cilët
kërkojnë që pagat e të tjerëve të mbesin aty ku janë, por kërkoj që
pagat të rriten edhe në segmente të tjera”, shprehet Shabanaj.
Ai thotë se gjatë vitit 2010 do të fillojë të negociojë me
Ministrinë e Arsimit dhe të kërkojë përkrahje financiare. Sipas tij, pa
këtë përkrahje, nuk do të mund të realizohen synimet e Ministrisë së
Arsimit.
Për gjendjen jo të mirë të punëtorëve në Kosovë shprehet edhe Xhafer
Xhaferi nga Bashkimi i Sindikatave të Pavarura të Kosovës. Ai thotë se,
përkundër pakënaqësive të shprehura vazhdimisht, gjendja e punëtorëve
në Kosovë mbetet e pandryshuar.
“Kjo pakënaqësi është shprehur menjëherë pas luftës. Në vazhdimësi,
situata me punëtorë është e rëndë. Qeveria, deri më tani, nuk ka marrë
ndonjë hap konkret, që të tejkalojë këtë situatë. Përveç një takimi që
kemi pasur me kryeministrin dhe në të cilin është premtuar se do të
vazhdojë dialogu social, ne nuk kemi pasur takime të tjera dhe hapa të
tjerë, që të zgjidhen problemet e tilla”, thotë Xhaferi.
Ndryshe, përfaqësues të institucioneve ndërkombëtare në Kosovë kanë
thënë se një përmirësim në sektorin e shëndetësisë dhe arsimit mund të
ndodhë vetëm me investime. /rel/
Postuar: 14:03 / 21 Dhjetor 2009 | RSS

IK Banka aprovoi kredi për TAV holding


Kredi
prej 10 milionë eurive për TAV Holding, i cili duhet ta merr përsipër
menaxhimin e aeroportit të Shkupit dhe të Ohrit dhe të ndërtojë
aeroport në Shtip, aprovoi grupacioni të cilit i takon IK Banka e
Maqedonisë. Banka të premten lajmëroi se, grupacioni të cilës i takon,
siguroi kredi prej 10 milionë eurove për TAV-in, si parafinancim të
projektit të tyre në Maqedoni.


Siç bëhet e ditur, aksioneri kryesor i IK Bankës, Demir-Halk
(Nederland) H.V. pagoi 8 milionë euro, ndërsa 2 milionë u paguan nga IK
Banka.
Kompania turke pas dy investimeve, duhet të fillojë me modernizimin e aeroporteve në Maqedoni në mars të vitit të ardhshëm.
TAV Holdingu në tender fitoi aeroportet e Maqedonisë nën konçesion
në kohëzgjatje prej 20 vitesh dhe në to duhet të investojë 200 milionë
euro.
Postuar: 13:52 / 21 Dhjetor 2009 | RSS

Papunësia e lartë, shqetësim i madh për amerikanët


Këtë
muaj, Presidenti Obama mbajti një takim të posaçëm të nivelit të lartë
për trajtimin e problemit të papunësisë. Ndërkohë, Departamenti i Punës
njofton se niveli i papunësisë në muajin nëntor ishte 10 përqind.



Martin Phillips i Zërit të Amerikës vizitoi një zyrë punësimi në
Manhatan të Nju Jorkut, ku njerëzit që kanë humbur punën marrin
kompensime. Jashtë zyrës së punësimit njerëzit duken të shqetësuar.
Shumë prej njerëzve shqetësohen se kanë mbetur pa para. Nju Jorku nuk
është i vetëm. Firma Caterpillar Tractor e pushoi nga puna Denise
Randolph në fillim të këtij viti. Ajo montonte motorë për një uzinë
pranë qytetit Peoria, dhe nuk ka gjetur dot punë tjetër.
"Mendova se mund të gjeja ndonjë punë si pastruese shtëpish mirëpo
askush nuk të ofron punë, as pastruese nuk bëhem dot," thotë e papuna
Denisë Rendolf. Por humori i saj nuk zgjat shumë. "Është dekurajuese
kur përpiqesh të gjesh punë në zanatin tënd dhe nuk gjen dot. Jam e
shqetësuar çdo ditë, edhe natën nuk më ze gjumi."
Gjatë Depresionit të Madh, papunësia ishte akoma më e lartë, të paktën
25 për qind. Por ekspertët thonë se nëse llogaritet edhe ata që punojnë
me orë të reduktuara ose ata që kanë hequr dorë nga kërkimi i punës,
niveli i papunësisë sot do të ishte më shumë se 20 përqind.
Ekpertët besojnë se nëse qeveria ka një plan të ri për të ulur
papunësinë, do të duhen më shumë se 4 vjet për të arritur në nivelin e
punësimit të vitit 2007. Ata mendojnë se rigjallërimi ekonomik, sado i
fuqishëm të jetë, nuk do të ketë ndikim pozitiv nëse niveli i
papunësisë nuk bie ndjeshëm.




Postuar: 10:09 / 21 Dhjetor 2009 | RSS

Kinë do të shtohen mbi 11 milionë të punësuar


Ministri
i Burimeve Njerëzore dhe i Sigurimeve Shoqërore i Kinës Yin Weiming u
shpreh në Pekin se, deri në fund të këtij viti, numri i të punësuarve
në qytetet e qytezat e Kinës do të shtohet me më shumë se 11 milionë
dhe përqindja e papunësisë së regjistruar në qytete e qyteza do të
ruajë nivelin e qëndrueshëm 4.3%.


Ndersa në vitin 2010, me ndihmën e Fondacionit Shtetëror të
Studimeve jashtë Vendit, Kina do të përzgjedhë në mbarë vendin 12 mijë
veta për të studiuar jashtë. Të përzgjedhurit do të studiojnë kryesisht
në fushën e energjetikës, të bujqësisë, të mjedisit etj.
Postuar: 10:03 / 21 Dhjetor 2009 | RSS

15 OJQ shpallen përfitues të fondeve të BE-së


Sot
Zyra ndërlidhëse e Komisionit Evropian shpalli pesëmbëdhjetë (15)
përfituesit e rinj të dy programeve që përkrahin shoqërinë civile në
Kosovë – Instrumenti Evropian për Demokraci dhe të Drejtat e Njeriut
(EIDHR) dhe Instrumenti i ndihmës për para-anëtarësim (IPA).



Janë
ofruar rreth 2.5 milionë euro për këto projekte. Ftesa e ardhshme e
EIDHR-së për propozime do të shpallet në fillim të shkurtit 2010, duke
i kombinuar fondet në dispozicion për 2009 dhe 2010.
Kjo ftesë e re paraqet mundësinë që organizatat e shoqërisë civile
të marrin grante nga BE-ja për dy vitet e ardhshme. Kësaj here,
projektet e përzgjedhura mund të financohen deri në 95 përqind.
Projektet e përzgjedhura në kuadër të EIDHR-së dhe IPA-së 2008
trajtojnë çështjet kyçe të shqetësimit për shoqërinë kosovare sikurse
që janë: të drejtat e njerëzve me nevoja të veçanta, përkrahja e
komunitetit dhe zhvillimi përmes kulturës, të drejtat e fëmijëve dhe e
minoriteteve, fëmijët, ambienti, mundësitë e barabarta dhe shërbimet
sociale.
Pesëmbëdhjetë përfituesit janë: Down Syndrome Association of Kosovo,
NORMA, Kosovar Stability Initiative (Iniciativa Kosovare për
Stabilitet), Centre for Visual Arts Media, Kosova Development Centre,
Handicap Kosova, Kosovar Catholic Church Caritas, Center for Common
Ground, Civil Rights Programme Kosovo, One to One Children’s Rights,
SOS Kinderdorf, Handikos, Agroklina, Partners for Democratic Change
International dhe Interkulturelles Zentrum.

Postuar: 16:48 / 18 Janar 2010 | RSS

Kompanitë e sigurimeve në Kosovë funksionojnë me rregullore të UNMIK-ut


Kompanitë
e sigurimeve, të cilat funksionojnë në Kosovë me rregullore të
UNMIK-ut, kanë vonesa në kompensimin e dëmeve, madje këto vonesa, sipas
burimeve të gazetës brenda Bankës Qendrore të Kosovës (BQK), shkojnë
deri më tepër se një vit.



Zëvendësguvernatori i BQK-së,
Nexhat Kryeziu, ka thënë se kompanitë e sigurimeve në Kosovë janë duke
u vetëdijesuar me shumë në kompensimin e dëmeve.
“BQK-ja vazhdimisht nëpërmjet mbikëqyrjes bën presion të vazhdueshëm
sa i përket raportimit të kompanive të sigurimeve në BQK lidhur me
kompensimin e dëmeve. Kompanitë e sigurimeve raportojnë në baza mujore
për kompensimin e dëmeve”, ka theksuar ai, duke shtuar se, nëse
kompanitë e sigurimeve bëjnë lëshime të caktuara, BQK-ja merr masa në
pajtim me rregullativën në fuqi.
“Si refleksion i zhvillimeve të fundit në tregun e industrisë së
sigurimeve, tregu është pjekur dhe përgjegjshmëria e kompanive të
sigurimit në raport me klientin (policëmbajtësin, apo palën e dëmtuar)
duhet të rritet edhe më tej”, ka thënë ai.
Kurse drejtori i kompanisë së sigurimeve “Dukagjini”, Fatmir Gashi,
ka thënë se të gjitha dëmet që janë bërë gjatë viti 2009 janë
kompensuar.
“Në vitin e kaluar kanë qenë mbi 20 mijë dëme dhe të gjitha janë
kompozuar. Vlera e përgjithshme e dëmeve ka qenë mbi pesë milionë
euro”, ka theksuar ai.
Gashi ka thënë se kompania “Dukagjini” në tregun e sigurimeve në Kosovë merr pjesë me rreth 25 për qind.
Ndërsa drejtori i kompanisë së sigurimeve “SIGKOS”, Ibrahim
Kastrati, ka thënë se në tri vjetët e aktivitetit të saj, ajo ka
ndërtuar një emër të mirë në tregun e sigurimeve në Kosovë.
“Gjatë vitit 2008 dhe 2009 ‘SIKGOS’ ka paguar afërsisht 700 mijë
euro nga aksidentet në trafik dhe një numër shumë i vogël i dëmeve nga
sigurimet vullnetare”, ka treguar ai.
Kastrati ka shtuar se kompania e sigurimeve “SIGKOS” ka një
portfolio shumë të shëndoshë në aspektin financiar, e cila nënkupton se
nuk ka kurrfarë problemi financiar për kompensimin e dëmeve.
Por, burime të gazetës brenda Bankës Qendrore të Kosovës (BQK) kanë
treguar se kompanitë e sigurimeve i vonojnë pagesat e dëmeve, pasi nga
to ato përfitojnë. “Kompanitë e sigurimeve bëjnë vonesa të pagesës së
dëmeve të aksidenteve në trafik më shumë se një vit, pasi atyre u
konvenon”, ka treguar burimi i gazetës brenda BQK-së.

Edhe pse Kosova ka rreth dy vjet që është bërë shtet i pavarur, ende
mbi licencimin, mbikëqyrjen dhe rregullimin e kompanive të sigurimeve
në Kosovë funksionon Rregullorja e UNMIK-ut, NR. 2001/25, e cila ka
paraparë të gjitha kushtet për dispozitat për dëme.

Postuar: 16:35 / 18 Janar 2010 | RSS

Bechtel Enka shpallet fituese për autostradën Morinë-Merdare


Komiteti
Ndërministror vendosi të publikojë emrin e fituesit të tenderit për
ndërtimin e autostradës. Vet ministri i Transporteve dhe
Telekomunikacionit, Fatmir Limaj konfirmoi se fituese është kompania
Bechtel-Enka, e cila ka ndërtuar autostradën edhe në Shqipëri.



Por,
ai nuk bëri publik koston e autostradës që do ta përshkojë Kosovën.
Para se kompania amerikano-turke Bechtel-Enka të shpallet fituese,
oferta e saj u miratua nga Komiteti Ndërministror.
Sipas një vlerësimi të përafërt, kostoja e projektit do të jetë
rreth 700 deri në 800 milionë euro. Ndryshe, autostrada
Morinë-Prishtinë-Merdar, ka një gjatësi prej 117 kilometrash. Sipas të
dhënave të Ministrisë, traseja e autostradës parashihet të kalojë në
tetë komuna dhe me asfalt do të mbulohen 1.062 hektarë tokë.
Kompanitë që kanë ofertuar për ndërtimin e kësaj rruge janë:
kompania "Alpine" nga Austria, konzorciumi amerikano turk "Bechtel
Enka", që e ka ndërtuar edhe autostradën Durrës-Morinë, pastaj kompania
"Makyol" nga Turqia, "Pizzaroti" nga Italia, "Porr" dhe "Strabag" nga
Austria dhe "Terna" nga Greqia.
Nga te gjitha kompanitë që kanë konkuruar, vetëm dy kanë dhënë ofertë finanancia

Shqipëria preket nga kriza financiare


Zëvëndespresidenti
i Bankës Botërore për Evropën dhe Azinë Qëndrore Filip lë Ueru në një
intervistë për Zerin e Amerikës ka thënë se muajve të fundit ka pasur
një rritjeje shumë të fortë që është dëshmuar në Evropën Lindore dhe
kjo ishte në fakt produkt i një integrimi shumë të fortë në një treg
shumë të madh, si ai i Bashkimit Evropian.



Ky integrim sipas tij ka ndodhur përmes tregtisë, përmes investimeve të huaja direkte dhe huave tregtare.
Ai ka verësuar se kur kriza financiare goditi këta mekanizma të
integruar, të cilët ishin motorë shumë të fuqishëm të këtij integrimi
që ka sjellë rritjen, ato ndryshuan pozicion duke u konvertuar në
mekanizma transmetimi për ngadalësimin e rritjes dhe vende të caktuara
në të vërtetë kaluan tkurrje shumë të rënda në PBB-të e tyre.
"Është e vështirë të bësh parashikime, por, ne në Bankën Botërore,
në rajon e me gjerë, të gjithë bashkohemi në një konsensus të
përgjithshëm që është se dalja nga kriza në Evropë do të jetë e
ngadalshme.
Pra, nuk do të kemi një kthim të fortë në rritjen ekonomike, siç
ndodhi në Azinë Lindore apo Indi. Gjë që do të thotë se viti i ardhshëm
do të jetë i vështirë dhe do të shohim diferencime mes vendesh: disa
vende do të vazhdojnë të dalin nga kriza më parë se vendet e tjera,
ndërsa disa të tjera do të vazhdojnë të preken nga kriza, dhe kjo do të
varet nga struktura e tyre e brendshme e ekonomisë dhe nga anët e forta
të gjendjes së tyre makro-ekonomike si dhe nga vendndodhja e tyre", ka
deklaruar Ueru.
Edhe Shqipëria sipas tij është prekur nga kriza, ashtu si vende të
tjerat të rajonit, nëpërmjet kanaleve tregtare, por sic ka theksuar ai
Shqipëria ishte me fat në këtë sens, sepse ajo nuk provoi krizë shumë
të rëndë financiare, për shkak se sektori financiar dhe sektori bankar
kanë qenë mjaft elastik, por mekanizmat e transmetimit mund të
filtrojnë si p.sh me rënien e madhe në tregtinë e tekstileve, por edhe
me rënien e remitancave dhe gjithashtu kjo lidhet me faktin se shumica
e eksporteve dhe e dërgesave në të holla vijnë nga dy vende: Italia dhe
Greqia.

Postuar: 12:58 / 18 Janar 2010 | RSS

Kriminelët e luksit, paratë e “fituara” harxhohen me femra, drogë e bixhoz


Rreth
50 persona i kanë dhënë jetë modës më të fundit në Shqipëri me natyrë
kriminale (grabitje, falsifikime, etj), pasi paratë e “fituara” i kanë
harxhuar në kazino të ndryshme, prostituta, si dhe në vende dëfrimi si
diskoteka e të tjera si këto. Edhe pas ndalimit të autorëve, shteti nuk
mund të bëjë pothuajse asgjë për kthimin e sendit të grabitur tek
pronari i ligjshëm.



Sipas hetuesve, kjo gjë ndodh për
faktin se, shumat financiare harxhohen nga të pandehurit në kohë dhe
vende të ndryshme ose lekët ata ia japin dorazi të afërmve të tyre, çka
vështirëson së tepërmi forcën zbuluese të policisë dhe Prokurorisë.
Mes klasifikimit, natyrave apo motiveve që realizohen aktet
kriminale, ajo që kohët e fundit ka filluar të bjerë në sy është se
shumë persona, janë futur në këtë “valle”, thjesht për të bërë një jetë
luksi, mes femrave, makinave të bukura, drogës, bixhozit, gjëra këto të
cilat ata nuk kishin arritur t’i kryenin me punë apo diçka të ndershme.
Aktualisht gjatë disa operacioneve policia dhe Prokuroria kanë vënë
prapa hekurave rreth 50 persona, të cilët nga veprimet e para hetimore
është mësuar se kanë pasur si moto “Kryej krim për jetë luksi”, pasi
nga e gjithë sasia e lekëve që dyshohet se ata kanë grabitur, nuk i
është gjetur asnjë kacidhe nga kontrollet e organeve hetimore.
Veç grabitjeve, për ekspertët edhe korrupsioni është një krim që
kryhet nga autori, për të pasur një jetë luksi. Ata thonë se pamundësia
për t’i mbuluar të gjitha shpenzimet private me pagën mujore, lë
hapësira që në një kohë apo në një tjetër, zyrtarët e administratës të
kryejnë korrupsion. Realiteti ka treguar se shumica e lekëve të
përfituara nga ky aktivitet është përdorur për luks, si blerjen e
makinave, banesave apo kalimin e pushimeve në hotele të huaja. Gati 95
për qind e rasteve të hetuara, nuk i është gjendur asnjë lekë, pasi
shumat financiare të pandehurit i regjistrojnë, me emrat e të afërmve
dhe kushërinjve të tyre. /metropol/
Postuar: 20:46 / 17 Janar 2010 | RSS

FMN, jep parashikime pozitive për ekonominë


Fondi Monetar Ndërkombëtar ka azhornuar me ngritje parashikimet e tij ekonomike.
Kështu, ky institucion parashikon tani që prodhimi i brendshëm në nivel botëror do të rritet këtë vit me 3.9 përqind.



Përmirësimi, sipas FMN, i bie të jetë 0.8 përqind krahasuar
me shifrat e publikuara në tetor, ndërsa rritja ekonomike do të ngjitet
nga 0.1 në 4.3%.
Përsa i përket situatës ekonomike ndërkombëtare, autoritetet
britanike konfirmuan sot daljen e Mbretërisë së Bashkuar nga recesioni,
ndryshe nga SHBA dhe Japonia, që e lanë pas atë vitin e kaluar.
Sipas të dhënave të kuartalit të fundit në vitin 2009, ekonomia
britanike shënoi rritje prej 0.1 për qind, që është më pak se ajo që
pritej, por e mjaftueshme për të kaluar kufirin për dalje nga
recesioni, lajmërojnë mediumet perëndimore.

Ekonomia britanike ishte në recesion gjashtë kuartale, gjegjësisht 18
muaj me radhë, që paraqet periudhën më të gjatë të recesionit prej
vitit 1955, kur filloi matja kuartale e indikatorëve ekonomik.

Njëra nga shenjat e rimëkëmbjes së ekonomisë është rënia e papunësisë pas 18 muajve të rritjes së vazhdueshme.

Ekonomia britanike hyri në recesion në kuartalin e dytë të vitit 2008.
Ky është vendi i fundit prej ekonomive kryesuese që del nga recesioni.




Gjermania dhe Franca, dy ekonomitë më të mëdha evropiane, dolën nga
recesioni verën e kaluar. SHBA-të dhe Japonia po ashtu dolën nga
recesioni në vitin 2009.

Sot, fillon konferenca e ofertuesve për ANP-në


Sot
në Prishtinë fillon konferenca e ofertuesve për partneritetin
publiko-privat në Aeroportin Ndërkombëtar të Prishtinës (ANP).
Konferenca treditore mbahet me ofertuesit e kualifikuar në garën për
operim dhe zhvillim të ANP-së, në mënyrë që ata të kenë mundësi të
japin komentet e tyre rreth draft-kontratës për PPP në ANP, e cila u
ishte dërguar atyre me 29 dhjetor 2009.



Nga data 27 e deri
më datën 29 nën organizimin e MTPT-së do të mbahet konferenca e
ofertuesëve të kualifikuar të përbërë nga 3 konzorciume të fuqishme
ndërkombëtare:
1. Fraport IC ICTAS Havalimani Isletme A.S
2. Bouyges Batiment / Egis/ PAIC Consortium
3. Limak / Aeroport de Lyon Consortium
Mbajtja e konferences së ofertuesëve bëhet me qëllim që konzorciumet
e kualifikuara në këtë tender të kenë mundësi të njihen më për së
afërmi me infrastrukturën ekzistuese të ANP- së dhe mjedisin e
përgjithshëm investues në Kosovë, si dhe gjithashtu perms kësaj
konference tre ditore, ofertuesëve do t’ju jepet mundësia që të
shprehin komentet e tyre rreth draft kontratës për Partneritetin
Publiko – Privat, në ANP.
Kjo konferencë është vazhdimësi e prokurimit nderkombëtar dhe do të
pasohet me dorëzimin e kërkesës për propozim nga ana e ofertueseve ne
mars të këtij viti.
Konferencën do ta hapë Hashim Thaçi, Kryeministri i Kosovës.
Ministri i Transportit dhe Postë-Telekomunikacionit, Fatmir Limaj, do
t’u drejtohet të pranishmëve me fjalën për rëndësinë e modernizimit dhe
zgjerimit të infrastrukturës në Kosovë, kurse ministri i MEF, Ahmet
Shala, do t’i informojë ofertuesit për përkushtimin e Kosovës për
partneritetet publiko-private dhe investimet private në infrastrukturë
publike në përgjithësi.

Dell inkurajon KEK-un


Ambasadori Dell u shpreh
i kënaqur kur u informua se KEK-u ka përmirësuar në mënyrë të
vazhdueshme inkasimin e konsumatorëve të tij, nga 51% e energjisë në
dispozicion në vitin 2006 në 65% në vitin 2009 (një përmirësim prej
30%). Kjo po ashtu ka dërguar në rritjen e inkasimit gjatë të njëjtës
periudhë prej 96 milion € në 160 milion €. Këto përmirësime kanë qenë
fillimisht si rezultat i përmirësimit e kontrolleve të brendshme dhe
mbikëqyrjes së performancës së punëtorëve në baza individuale.



Christopher
William Dell, Ambasadori i Shteteve të Bashkuara në Kosovë, më 26 janar
2010 ka vizituar Korporatën Energjetike të Kosovës. Ai është takuar me
Kryesuesin e Bordit të KEK-ut, z. Fadil Çitaku, Drejtorin Menaxhues të
KEK-ut, z. Arben Gjukaj dhe anëtarët e tjerë të menaxhmentit, me ç’rast
edhe i ka bërë vizitë minierave dhe termocentraleve Kosova A&B.
Gjatë vizitës së tij, Ambasadori Dell ka shprehur interesim, për
përmirësimet e fundit që menaxhmenti i KEK-ut ka bërë në përformancën e
kompanisë që kanë rezultuar në stabilizimin e furnizimit me energji
elektrike në Kosovë, gjë me të cilën qytetarët e Kosovës nuk e kanë
shijuar që nga viti 1999.
Ai është informuar që KEK-u ka punuar zellshëm gjatë dy viteve të
fundit për të hapur minierën e Sibovcit Jug Perëndimor, e cila do të
nisë prodhimin e thëngjillit para afatit të paraparë, në mes të vitit
2010. Ambasadori Dell gjithashtu është informuar edhe me faktin e
riaktivizimit të njësisë A4 të TC “Kosovsa A”, një hap ky që ka shtuar
kapacitetet e nevojshme për t’i furnizuar konsumatorët e Kosovës me
energji elektrike.
Sa i përket anës komerciale të operimeve, KEK-u është përqendruar në
përmirësimin e rrjedhjes, faturimit dhe inkasimit të energjisë
elektrike. Përveç kësaj, tani janë ndërmarrë edhe masat për fuqizimin
dhe zgjerimin e kontrolleve të brendshme të KEK-ut në vazhdimësi, në
përpjekje për të përmirësuar afarizmin dhe efikasitetin e kostos,
performancën e punëtorëve dhe zvogëlimin e korrupsionit.
“Kjo vizitë e miqve tanë amerikanë është një përkrahje e madhe dhe
një motiv shtesë për ne që të vazhdojmë punën për avancimin e
korporatës në nivele edhe më të larta”, tha Drejtori Menaxhues i
KEK-ut, z. Arben Gjukaj.
Një pikë tjetër e rëndësishme për Menaxhmentin e KEK-ut në vitin
2009 ishte rregullimi i raporteve të KEK-ut me bashkësitë minoritare.
Deri më sot, KEK-u ka realizuar marrëveshje për rregullimin e shërbimit
me energji elektrike me të gjitha bashkësitë minoritare deri në jug të
Lumit Ibër, që nënkupton se konsumatorët në këto zona tani janë
regjistruar si konsumatorë të KEK-ut dhe kanë filluar të paguajnë për
energji elektrike që e shpenzojnë. Kjo është një arritje historike,
meqë KEK-u nuk kishte mundësi të inkasonte apo operonte në këto zona
për 10 vjet me radhë.
Në 12 muajt në vijim, KEK-u jo vetëm që do të punojë në avancimin e
sukseseve të fundit, por do të përshpejtojë përgatitjet për
ristrukturimin dhe shthurjen ligjore të afarizmit të distribuimit,
proces i cili është në zhvillim e sipër, dhe do të ndajë asetet e tij
të minierave dhe gjenerimit, gjithnjë në pajtim me politikën e Qeverisë
për përgatitjen e kompanisë për privatizim.
Qëllimi i theksuar në vazhdimësi i Shteteve të Bashkuara është që
t’i ndihmojë Kosovës në krijimin e një shteti stabil, demokratik dhe
ekonomikisht të qëndrueshëm në Evropë. Programet e asistencës së
Qeverisë së SHBA-ve janë të projektuara për të ndihmuar në arritjen e
këtij qëllimi, duke punuar në fushat kryesore si ajo e energjisë.
Qeveria e SHBA-ve ka përkrahur sektorin e energjisë në Kosovë që nga
viti 1999. Kjo përkrahje po vazhdon aktualisht përmes këshilltarëve të
saj me përvojë në KEK, Zyrën e Rregullatorit të Energjisë dhe
Ministrinë e Ekonomisë dhe Financave. Në vlerësimin e saj të fundit
strategjik, USAID-i parasheh mbështetjen e vazhdueshme të sektorit të
energjisë, në mënyrë që t’i mundësojë Kosovës një furnizim të
qëndrueshëm me energji elektrike në funksion të rritjes së zhvillimit
ekonomik.

100 milionë euro investime në Aeroport


"Ne
thjesht po i drejtohemi një partneriteti me një operator privat që
është kompetent dhe ka përvojë të madhe dhe do të investojë afër 100
milionë euro në vitet e ardhshme. Në këtë mënyrë, ne shpresojmë të
bëjmë të mundur që Aeroporti të jetë më i miri dhe më konkurruesi në
rajon për dekadat që do të vijnë", ka deklaruar kryeministri Thaci.



Deklarata
e Kryeministrit u dha ne konferencen për Aeroportin Ndërkombëtar të
Prishtinës (ANP) qe ka nisur punimet sot dhe po zhvillohet me
ofertuesit e kualifikuar që kanë hyrë në garën për operim dhe zhvillim
të ANP-së, ndërsa brenda tri dite ofertuesit do të kenë mundësi të
japin komentet e tyre rreth draft-kontratës për ANP, e cila u ishte
dërguar atyre më 29 dhjetor 2009.
"Edhe pse ka ende shumë punë për të bërë, përpara se të paraqitni
ofertat e juaja me lejoni t’ju garantoj të gjithë ofertuesit e
kualifikuar se Republika e Kosovës është e zotuar plotësisht në këtë
projekt madhor", theksoi kryeministri Thaçi në Konferencën e Ofertuesve
– Partneriteti Publiko-Privat në Aeroportin Ndërkombëtar të Prishtinës.
Kosova sipas tij ka nevojë urgjente për investime të mëtejshme në
infrastrukturën dhe shërbimet publike nëpër sektorë të ndryshëm.
Gjithashtu dihet se Qeveria e Kosovës, institucionet e saj, dhe
ndërmarrjet publike - ka vazhduar me tej Thaqi, kanë burime të
kufizuara financiare dhe duhet të ushtrojnë kujdes të madh financiar
për të siguruar një rritje të qëndrueshme ekonomike.
Njëherit ai ka vlerësuar së futja e kapitalit dhe menaxhimit privat
në punët dhe shërbimet publike mund të lehtësojë kufizimet fiskale dhe
të rrisë efikasitetin, duke u kujdesur në të njëjtën kohë për
infrastrukturën dhe shërbimet e reja.
"Me pjesëmarrjen e një partneri privat në drejtimin dhe zgjerimin e
Aeroportit Ndërkombëtar të Prishtinës ne parashikojmë shërbime të
përmirësuara dhe infrastrukturë të zgjeruar dhe gjenerim të burimeve
shtesë për Qeverinë. Partneri privat do të investojë paratë e veta në
aeroportin tonë. Publiku do të përfitojë nga një ndërtesë terminali të
ri dhe modern, i cili do të akomodojë numër të madh të udhëtarëve dhe
shoqërive ajrore, që janë gjithnjë e në rritje. Udhëtarët dhe shoqëritë
ajrore do të përfitojnë gjithashtu edhe nga shërbimi i përmirësuar dhe
i zgjeruar i ofruar në aeroport. Po ashtu, Qeveria do të fillojë të
marrë një pjesë të përfitimeve të aeroportit, duke krijuar kështu të
hyra shtesë të cilat do t’i investojmë për prioritete të tjera
sociale", është shprehur kryeministri Thaqi.
Ai po ashtu ka thënë se më këtë nuk po privatizohet Aeroportin
Ndërkombëtar të Prishtinës dhe as nuk po shitet pasuria apo aksionet e
aeroportit, të cilat u takojnë të gjithë qytetarëve të Kosovës.
Shefi i qeverisë ka siguruar se pas dhënies me koncesion edhe
operatori privat do të respektoj të gjitha afatet sipas kontratës dhe
se me ndërtimin e një ndërtesë të terminalit të ri dhe modern, do të
bëhet akomodimi i një numri të madh të udhëtarëve dhe shoqërive ajrore
që janë gjithmonë në rritje.
Ofertuesit e kualifikuar ose konzorcimet e interesuara për ANP-në
janë Fraport Ictaf Hava Limani Isletme A.C, konzorciumi Bouyges
Batiment - Egis Segap dhe konzorciumi Limak -Aeroport de LION.

Sejdiu: T’i japim hapësirë konkurrencës së drejt në biznes


President
Fatmir Sejdiu, të mërkurën mori pjesë në një takim pune të organizuar
nga Oda Ekonomike Amerikane në Prishtinë. Presidenti Sejdiu në këtë
takim, i falënderoi përfaqësuesit e Odës Ekonomike Amerikane për punën
dhe për mbështetjen që SHBA-të i japin Kosovës, për punën e madhe të
tyre për të bërë një model të mirë se si duhet të veprojë një odë
ekonomike që mbështetët bizneset dhe ekonominë e tregut si dhe për
përpjekjen për të nxituar asociacionet simotra që vërtetë të punojnë si
duhet.


“Është borxh i institucioneve të Kosovës që të
ndërtojnë edhe më tej korpusin legjislativë dhe që ligji të zbatohet
nga të gjitha hallkat e pushteteve shtetërore e veçanërisht ato të
ekonomisë dhe të sundimit të ligjit, në ndërtimin e strategjisë së
mirëfilltë shtetërore të zhvillimit ekonomik të vendit dhe në qasjen e
mirë të zbatimit të gjitha politikave shtetërore në një kornizë të
përbashkët”, theksoi presidenti Sejdiu.
Gjithashtu, presidenti tha se nuk mund të bëhet një biznes i mirë
dhe zhvillim biznesi nëse ka vend për fenomene jo të mira, nuk mund të
bëhet një biznes i mirë nëse nuk i jepet hapësirë konkurrencës së
drejtë dhe lojale, nuk mund të ketë suksese të mira nëse krijohen
monopole jashtë konkurrencës së kualitetit, nuk mund të ketë biznese të
mira dhe të suksesshme nëse lejohet korrupsioni që t’i shkatërrojë
bizneset.
Presidenti duke folur për resurset e Kosovës i inkurajojë
pjesëmarrësit në këtë takim që të ndërtojnë kapacitete lëvizëse dhe të
punojnë në joshjen e investitorëve amerikanë apo të tjerë për të
investuar në Kosovë. Institucionet, vijoi presidenti, duhet të bëjnë më
shumë në shumë rrafshe, dhe është borxh i politikës që të luftohet
korrupsioni, jo vetëm në fushata elektorale, por lufta kundër
korrupsionit duhet të jetë temë e aktivizimit normal të shtetit dhe të
institucioneve të sundimit të ligjit.
Ndërkaq, Lekë Musa, drejtor ekzekutiv i Odës Ekonomike Amerikanë në
Kosovë, tha se sektori i biznesit, investitorët potencial dëgjojnë me
shumë kujdes kur kreu i shtetit u adresohet dhe takohet me komunitetin
e biznesit. “Te presidenti Sejdiu kemi një përkrahës jashtëzakonisht të
madh të komunitetit të biznesit, politikave të hapjes së Kosovës ndaj
ekonomisë globale, promovimit të investimeve dhe promovimit të
bashkëpunimit tregtar ndërmjet Shteteve të Bashkuara të Amerikës dhe
Kosovës”, theksoi Musa.
Presidenti Sejdiu, vijoi Musa, gjithmonë ka pasur si pikësynim,
zhvillimin ekonomik, përkrahjen ndaj iniciativës private, stimulimin e
promovimit të investimeve dhe shumë herë ai vetë dhe nga partia nga e
cila vjen Presidenti, është thënë se prioritet gjithmonë është
bashkëpunimi dhe miqësia e përhershme me Shtetet e Bashkuar të
Amerikës, edhe në aspektin ekonomik.
Ai u shpreh se në vitin 2010, Oda Ekonomike Amerikane do të
bashkëpunojnë ngushtë me Zyrën e Presidentit për të adresuar disa
çështje si prioritete për të përmirësuar ambientin ekonomik në Kosovë.
“Besojmë se do të kemi mbështetjen e Presidentit në disa çështje siç
janë, reformimi i mëtejshëm i Ligjit të Prokurimit, reformimin dhe
përmirësimin e mëtejshëm të Administratës Tatimore dhe të disa
proceduarave, si dhe për lehtësimin apo heqjen e disa proceduarave
burokratike të cilat kanë penguar zhvillimin ekonomik të Kosovës’,
theksoi Musa.

Sarkozy kërkon kontrolle të ashpra të bankave


Presidenti
i Francës Nocolas Sarkozy në hapje të forumit botëror të ekonomisë në
Davos të Zvicrës ka kritikuar sjelljet e papranueshme të "kapitalizmit
të pastër financiar" në krizën më të fundit dhe kërkoi kontrolle të
ashpra ndërkombëtare për këtë fushë.


Për spekulimet dhe fitimet e tepruara bankat në të vërtetë
kishin neglizhuar përgjegjësinë e tyre për ekonominë dhe shoqërinë,
kritikoi Sarkozy. Prandaj ai përkrah edhe planet e Presidentit të
SHBA-së Barack Obama për reformat e sistemit financiar.
Presidenti Sarkozy u tha udhëheqësve të biznesit në Forumin Ekonomik
Botëror në Davos të Zvicrës, se reforma rrënjësore janë të nevojshme
për të ndrequr sistemet financiare të botës, duke u bërë kështu sfidë
bakierëve, që kishin folur kundër shtimit të regullave.
"Jam dakord me propozimin e Presidentit Barak Obama për të kufizuar
veprimtaritë e bankave të mëdha në mënyrë që të parandalohet marrja e
vendimeve të rrezikshme financiare", ka deklaruar ai.
Bankieri i njohur në takim, Robert Diamond nga firma britanike
Barclays, i bëri sfidë planit të zotit Obama. Diamond tha se vënia e
kufizimeve për bankat do të kishte një ndikim negativ ndaj krijimit të
vendeve të reja të punës, tregtisë globale, dhe ekonomisë globale në
përgjithësi.

OKB: 212 milionë të papunë në gjithë botën gjatë 2009


Agjencia Ndërkombëtare e Punës tha se papunësia në shkallë botërore ka shkuar në rreth 212 milionë njerëz në vitin 2009.



Agjencia e OKB-së tha se prej vitit 2007 armatës të së papunëve u janë shtuar 34 milionë njerëz.
Vitin e kaluar, papunësia më së shumti goditi Amerikën Veriore,
Japoninë dhe Evropën Perëndimore si pasojë e recesionit më të rëndë që
nga vitet e 1930-ta.
Rajone tjera më të goditura janë Evropa Lindore dhe Amerika Latine,
kurse shkalla e papunësisë ishte më stabile në Azi, Afrikë dhe Lindjen
e Mesme.

Guvernatori grek optimist për ekonominë e Greqisë


Presidenti i Bankës qendrore greke Jorgos Pravopulos është optimist kur është fjala për politikën ekonomike të vendit.



Sipas guvernatorit Pravopulos, politika ekonomike e
udhëhequr nga Qeveria socialiste e Papandreut ka ardhmëri të mirë dhe
është kahëzuar drejt rimëkëmbjes së financave publike të cilat
momentalisht “përjetojnë” një periudhë shumë të rëndë.
“Kisha një bisedë të gjatë me ministrin e Ekonomisë, sektor i cili
në të ardhmen do të jetë edhe “nën thjerrëz” të Qeverisë greke dhe tani
jam shumë entuziast i madh”, deklaroi guvernatori Pravopulos për mediat
greke.
Ndryshe Greqia në dhjetor ashpër u kritikua nga Komisioni Evropian
meqë borxhi i brendshëm i vendit në vitin 2009 arrin 113 për qind të
Bruto-Prodhimit Vendor (BPV). Ky fakt e solli Greqinë në pozitën më të
vështirë ekonomike në 30 vitet e fundit.

Investitorët: Aeroporti është në rregull, duhet vetëm të zgjerohet


Shefat
e tre kompanive konkurente për marrjen me koncesion të Aeroportit
Ndërkombëtar të Prishtinës u shprehën të kënaqur nga prezentimi,
gjendja dhe operimi në ANP.



Shefat ekzekutiv dhe përfaqësues
të tjerë të tre kompanive konkurente të kualifikuara për të marrë me
koncesion Aeroportin Ndërkombëtar të Prishtinës, “Fraport Ictaf Hava
Limani Isletme A.C, konzorciumi Bouyges Batiment - Egis Segap dhe
konzorciumi Limak -Aeroport de Lion u shprehën shumë të kënqur dhe të
befasuar me gjendjen aktuale të të vetmit aeroport në Kosovë.
Gjatë një vizite që i bënë ata aeroportit, në kuadër të Konferencës
për Investitorë që po mbahet nga ana e Qeverisë së Kosovës, ata u
njohën nga ana e drejtorit menaxhues Agron Mustafa me performansën
financiare dhe operative të kompanisë gjatë viteve të fundit.
“Mund të ju them me bindje të plotë se ANP është një prej
aeroporteve më atraktive në regjion. Jemi certifikuar në fund të vitit
2008 me një certifikatë ndërkombëtare nga Islanda, çertifikatë që
dëshmon plotësimin e kritereve ndërkombëtare për operim. Dëshmi e
atraktivitetit të këtij aeroporti është fakti se tek ne operojnë
kompanitë më të njohura përshirë British Airways, Austrian Airlines,
Turkisht Airlines, Air Berlin, Swiss, Malev, Germania dhe shumë e shumë
kompani tjera të njohura.
Numri i udhëtarëve që kanë operuar këto kompani gjatë 2009 është mbi
1.2 milionë udhëtarë”, tha Agron Mustafa, drejtor menaxhues i
Aeroportit Ndërkombëtar të Prishtinës.
Sipas tij, fitimet neto të aeroportit në vitin 2009 duke përfshirë
disa të hyra të jashtëzakonshme janë rreth 11 milion euro, ndërkohë që
kompani tjera të mëdha dhe me emër pritet të operojnë në këtë aeroport
nga sezoni veror.
“Mund të ju them edhe një lajm të mirë. Easy Jet, kompania më e madhe
ndërkombëtare e fluturimeve të lira është para vendimit final për të
fluturuar minimum 4 herë në javë nga Zvicra në Prishtinë dhe
anasjelltas. Shpresojmë që konkurenca gjatë viteve në vazhdim do të
forcohet dhe më shumë dhe nga kjo do të përfitojnë drejtpërdrejt
udhëtarët përmes fluturimeve më të lira”, tha tutje drejtori Mustafa.
Pas prezentimit shefat edhe përfaqësuesit e tre kompanive
konkurrente, kanë vizituar pothuajse të gjitha pjesët e aeroportit, nga
ku u ndanë shumë të kënaqur.
Philipp Bernard, Zyrtari Kryesor Ekzekutiv- CEO, i Aeroports de
Lyon, tha se Aeroporti Ndërkombëtar i Prishtinës është shumë atraktiv
dhe i zhvilluar .
“Jemi të befasuar nga Aeroporti Ndërkombëtar i Prishtinës. Na ka
befasuar sidomos fakti që ky aeroport operon me standarde të larta
ndërkombëtare, çdo gjë është në vendin e vet dhe nga sa po shohim ky
menaxhment është menaxhues në mënyrë profesionale . Nga vizita që bëmë,
mund të konkludojmë se çdo gjë ëshë në rregull me përjashtim të faktit
që ky aeroport duhet zgjeruar më shumë. Jemi me fat që jemi pjese e
këtij tenderi”, tha CEO i Aeroport de Leyon Philipp Bernad, duke
përgëzuar edhe menaxhmentin për punën e tij.

Reuters: Autostrada ndërtohet me borxhe


Sipas
një raporti të agjencisë Reuters, Kosova do të kërkojë edhe hua
ndërkombëtare për ndërtimin e autostradës Vërmicë- Merdar, kostoja e së
cilës në total përfshin shumën prej rreth një miliardë dollarësh.



Ministri
i financave Ahmet Shala i tha Reuters-it se muajin e ardhshëm do të
fillojnë bisedimet me Fondin Monetar Ndërkombëtar për ta mbuluar
deficitin buxhetor.
“Në gjendemi para dy zgjidhjeve: ose do të rrisim taksat, e që do të
ishte ngarkesë për qytetarët tanë, ose do të marrim hua, që prapë
paraqet ngarkesë për qytetarët” , tha Shala. Ai paralajmëroi se në
fillim qeveria do të kërkojë nga donatorët që të mbulohet ky deficit i
paraparë dhe, po qe se do të ketë donacione, nuk do të ketë kërkesa për
hua.
"Rruga do të financohet 50% nga buxheti dhe 50% nga huaja", ka bërë
të ditur ministri Shala, por ka kundërshtuar që të jep detaje lidhur me
atë se ku do të kërkohet kjo hua.
Reuter shkruan se në shtatorin e kaluar Kosova pagoi kistin e parë
nga 381 milionë eurove sa i ka ajo borxh Bankës Botërore dhe se kjo do
të vazhdojë me nga 30 milionë euro për secilin vit në vijim.

Gjermani: Rritet numri i të papunëve për shkak të motit


Në muajin janar në Gjermani, sikurse edhe pritej, është rritur numri ndjeshëm i të papunëve.



Sipas
të dhënave të Zyrës Federale të Statistikave në fillim të vitit si të
papunë ishin regjistruar rreth 3,62 milionë burra dhe gra.
Këto janë rreth 342.000 më shumë se në dhjetor dhe rreth 129.000 më shumë se para një viti.

Si arsye për këtë është edhe dimri i ftohtë dhe me borë. Përveç
kësaj, janari është edhe koha tradicionale e përfundimit të kontratave.
Pasojat e krizës ekonomike momentalisht nuk duken edhe për shkak të
punës me orar të shkurtuar dhe nga format e tjera të kohës së punës.

Siemensi do të shkurtojë edhe 2000 vende të punës


Koncerni për prodhime teknologjike Siemens do të shkurtojë edhe 2000 vende të tjera të punës në Gjermani.


Nga shkurtimet do të preken teknologjia energjetike dhe biznesi me impiantet e mëdha për industrinë, njoftoi koncerni.
Sindikata IG Metall protestoi menjëherë. Duke pasur parasysh
rezultatet rekord që pritet të arrihen në çerekun e parë të vitit 2010
këto shkurtime janë të panevojshme, vlerëson sindikata.

Kohëra të vështira për tregjet e lëndës së parë


Gjatë
këtij viti ritmi i rritjes së tregjeve të lëndës së parë do të jetë më
i vogël në krahasim me vitin 2009. Këtë e parashikon fondi Ek Global
Hard Asets, ndërsa e transmetojnë mediumet kineze.



Sipas njërit nga udhëqësit e fondit Sharl Maran tregjet e
lëndës së parë gjatë tremujorëshit të parë dhe të dytë të vitit 2010 i
prêt periudhë e vështirë. Gjatë vitit të kaluar indeksi i 19 lëndëve të
para u rrit për 29 për qind, që ishte rekord për 30 vitet e fundit.
Malan theksoi se ndonëse çmimet e lëndëve të para në vitin 2009 janë
rritur gjatë këtij viti nuk mund të priten kushte të mira në këtë fushë.
Nga fillimi i vitit, indeksi është zvogëluar për 3.4 për qind “për
shkak të kreditimit të ngushtruar bankar” në Kinë, ndërsa kjo do të
sjellë deri te kërkesa më e vogël e lëndëve të para.