Te rejat nga teknologjija !!

Vjen MSI X-Slim X420


Edhe një pjesëtar i linjës X-Slim të kompanisë MSI vjen me ekran të diagonales 14 inç dhe peshë nën dy kilogramë.


Kompania
MSI ka paraqitur modelin e ri të linjës së saj të hollë të laptopëve.
Bëhet fjalë për modelin X-Slim X420 i cili vjen me dimensione prej 35 x
23.4 x 2.41 centimetra dhe peshë prej 1.88 kilogramë.
Ekrani ka diagonale prej 14 inç me rezolucion 1.366 x 768 piksela.
Për procesor mund të zgjidhet në mes të atij Intel Pentium SU4100 apo
Core 2 Duo SU7300. Laptopi vjen me dy gigabajt RAM, grafikë të
kompanisë ATI Mobility Radeon HD 5430 dhe zgjedhje në mes disqeve të
kapacitetit 250, 320 e 500 gigabajt.
Është i pajisur me lexues të kartelave të memories, kamerë uebi prej
1.3-megapikselash dhe baterinë prej katër, respektivisht tetë qelish.
Çmimi i tij nuk është bërë publik, e në shitje do të duhej të del deri në fund të këtij muaji.

Canon paraqet fotoaparate të reja


Kompania
Canon ka paraqitur modelet e reja të fotoaparateve digjitale kompakte
PowerShot A495 e PowerShot A490, të cilët janë të përballueshëm nga
pikëpamja financiare dhe të thjeshtë për përdorim të përditshëm.



Dy modelet e fundit të paraqitura nga Canon zëvendësojnë modelin e popullarizuar PowerShot A480.
Në shtëpizën e lehtë të dimensioneve të vogla janë vendosur sensori
prej 10 megapiksela, objektivët origjinal të Canon me zmadhim optik
deri në 3.3 x dhe ekrani i ndriçuar mirë LCD me diagonale prej 6.2
centimetra.
Veç
mënyrës për konfigurim automatik, në këtë modele gjendet edhe mënyrs
për fotografim në kushte të ndriçimit të dobët, detektimi i fytyrës në
fotografim grupor i cili automatikisht përshtat fuqinë e blicit dhe
kushtet e incizimit.
Paraqitja e këtyre modeleve pritet të bëhet gjatë muajit të
ardhshëm. Powershot A495 do të kushtojë 130 dollarë, derisa A490 do të
jetë 110 dollarë.

384 milionë kinezë në internet


Numri i kinezëve me qasje në internet është ngritur në 384 milionë, derisa afarizmi online ka vlerë prej 37 miliardë dollarësh.



Në
fund të vitit të kaluar, numri i kinezëve me qasje në internet ka qenë
384 milionë. Krahasuar me një vit më parë, kjo shifër paraqet rritje
prej 30%.
Edhe pse rritja ka qenë më e vogël se në vitin 2008, kur numri i
përdoruesve ishte rritur për 41%, Kina edhe më tutje ka mbetur vendi me
numrin më të madh të përdoruesve të internetit. Numri i njerëzve me
qasje mobile në internet është rritur për 106% dhe tani ata janë 233
milionë. Rreth 8% e njerëzve në Kinë shfrytëzojnë celularin si mënyrën
e vetme për t’iu qasur internetit.
Mbetet të shihet nëse këto shifra do t’ia ndryshojnë mendjen
kompanisë Google për tërheqjen e paralajmëruar nga tregu kineze. Vitin
e kaluar afarizmi online në Kinë ka pasur vlerë prej 37 miliardë
dollarësh amerikanë.

Gjermania pa Internet Explorer


Për shkak të
sulmeve të hakerëve të shkaktuara nga një lëshim softuerik në
shfletuesin Internet Explorer, shërbimet gjermane u rekomandojnë
përdoruesve të shfrytëzojnë shfletuesit alternativ.



Zyra
gjermane për siguri në teknologjitë informative (BSI) u rekomandon të
gjithë përdoruesve të Internet Explorer që urgjentisht të kalojnë në
zgjidhjet alternative për shfletim të internetit. Ky njoftim natyrisht
që është i lidhur me lajmin e publikuar tashmë për sulmet në Google dhe
kompani tjera, me ç’rast hakerët kanë shfrytëzuar një lëshim të
sigurisë në shfletuesin më të përhapur të internetit në botë, atë
Internet Explorer të kompanisë Microsoft.
Lëshimi ka të bëj me versionet 6, 7 e 8 Internet Explorer qysh nga
Windows 2000, e autoritetet gjermane rekomandojnë përdorimin e ndonjë
shfletuesi alternativ, së paku derisa Microsoft nuk lëshon një arnim të
sigurisë. Sipas pohimeve të tyre, as përdorimi i këtij shfletuesi në
mënyrën e mbrojtur “protected mode” nuk mjafton për parandalimin e sulmit në kompjuter.

Vjen Service Pack 1 për Windows 7?


Janë
paraqitur thashethemet e para për paraqitjen e mundshme të Service Pack
1 për Windows 7 i cili supozohet që vjen në muajin shtator.



Përkundër
përqafimit të mirë të sistemit të ri operativ Windows 7, një prej
degëve të shfrytëzuesve, ndoshta edhe më e rëndësishmja, ajo e
shfrytëzuesve afaristë ende po hamendet.
Në fakt, siç pohojnë burimet e afërta me Microsoftin, kompania është
e vetëdijshme që një numër i madh i shfrytëzuesve po e pret
përditësimin e parë të madh të këtij sistemi për të filluar përdorimi
ne tij. Mu për këtë në Microsoft dëshirojnë të paraqesin SP1 sa më parë
që është e mundur, e sipas informatave në dispozicion, kjo do të mund
të ndodhte gjatë muajit shtator e me testimet e tij qysh në muajin
qershor.
Pritet që Service Pack 1 për Windows 7 do të sjell përditësime të vogla dhe mundësi të reja.

Google dyshon në të infiltruar brenda kompanisë


Supozohet
se kompania Google është duke kryer një hulumtim të brendshëm në lidhje
me mundësinë që disa prej të punësuarve të saj t’u kanë ndihmuar
sulmuesve të para pak kohe në sistemet e kësaj kompanie në filialin
kinez.



Në fakt, sipas ekspertëve të sigurisë softueri
dashakeq i cili është përdorë gjatë sulmeve ka qenë një “trojan horse”
i quajtur Hydraq. Mirëpo vet softueri dashakeq nuk ka qenë aq i
rëndësishëm për suksesin e sulmit sa edhe fakti që sulmuesit kanë ditur
se ku të sulmojnë saktësisht.
Sipas medieve lokale kineze, disa nga të punësuarit e Google në Kinë
pas zbulimit të sulmit në kompani më nuk kanë qasje në rrjetin e
brendshëm të Google, derisa të tjerët janë në pushim të dhunshëm apo
janë caktuar në zyre të ndryshme brenda rajonit aziatiko-paqësor.
Deri më tani, Google ka refuzuar të bëj çfarëdo komenti në lidhje me këtë çështje.

Lexues elektronik të librave nga Asus


Për
dallim nga tjerët të cilët mbështeten në ekranet E Ink, Asus ka
vendosur që në lexuesin e vet elektronik të librave të përdorë
teknologjinë OLED.



Tregu i lexuesve të e-librave po bëhet
çdo ditë e më i madh. Këtë e vërteton edhe kompania Asus me modelin e
saj të ri, i cili është bazuar në teknologji të ndryshme.
Lexuesi i parë është ai me shifrën dalluese DR-570. Bëhet fjalë për
një pajisje me ekran gjashtë inçësh OLED me ndriçim të lartë, për
dallim nga pajisjet tjera konkurrente të prodhuesve të cilët përdorin
teknologjinë E Ink. Po ashtu, ky lexues do të ketë lidhje Wi-Fi e 3G,
do të jetë në gjendje të shfaqë video Flash, e kohëzgjatja e baterisë
është deklaruar në 122 orë.
Derisa DR-570 është i bazuar në ekranin OLED me diagonale prej
gjashtë inç, modeli tjetër sjell me vete ekranin me diagonale prej
nëntë inçësh. Ekrani megjithatë është monokromatik me rezolucion prej
1.024 x 768 piksela, peshon 370 gramë, dhe ofron lidhje 3G e Wi-Fi. Për
më tepër, lexuesi është i pajisur me 2 apo, në mënyrë opcionale 4
gigabajt të memories së integruar interne, mirëpo ka edhe qasje për
kartela të memories SD të cilat mund të përdorin për të rritur
kapacitetin e pajisjes për ruajtje të dhënave.
Nuk ka të dhëna për kohën e paraqitjes dhe çmimet, mirëpo pritet që të lansohen gjatë pjesës së parë të këtij viti.
Postuar: 11:49 / 19 Janar 2010 | RSS

Apple po zien diçka


Apple ka konfirmuar konferencën për gazetarë në të cilën do të paraqitet “krijimi i tyre i fundit".



Gazetarët
e përzgjedhur kanë pranuar ftesë nga Apple për konferencën e përcaktuar
për 27 janar. Këtë konferencë kompania planifikon ta mbajë në San
Francisco të SHBA-ve.
Nga ftesa me titull "Come see our latest creation" mund të
konkludohet se Apple do të paraqes produktin e vet të fundit, e ndoshta
edhe që nuk është parë ndonjëherë më parë. Një numër i madh njerëzish
shpresojnë që kompani do të paraqes kompjuterin e vet tablet i cili ka
ngritur pluhur të madh mediatik kohëve të fundit.
Nga specifikat e shumta të kësaj pajisje të cilat e kanë vërshuar
internetin, ndoshta më së shumti kanë gjasa të janë të sakta ato të
cilat përmendin ekranin prej 10-inçësh dhe versionin e modifikuar të
sistemit operativ të iPhone.
Kandidatë tjerë për paraqitje në konferencë janë sistemi operativ
iPhone OS 4.0, dhe laptopët MacBook me procesorët Core i5 të Intel, apo
krejt diçka tjetër. /

Jepet drita e gjelbër për prodhimin e Jaguar C-Type?


Rrallë
ndonjë prodhues ka trashëgimi të kupeve legjendare sportive si Jaguar,
prandaj është situatë dëshpëruese kur ky prodhues britanik për momentin
ka vetëm një model të tillë, atë XK.



Së shpejti kjo gjë do të duhej të ndryshojë, sepse revista Inside Line sjell lajme për automjetin e ri sportiv nga Jaguar.
Me emrin kodues C-Type, Jaguari i ri do të duhej të ndërtohet në
shasinë e aluminit “monocoque”, e sipas raporteve të para, hapësira nën
kofano do të duhej të jetë e mjaftueshme për të “përbirë” motorin e
njohur V8 prej pesë litrash. Megjithatë, në vend të tij, automjeti
supozohet se do të futet në lëvizje motori V6 me turbo-mbushës të cilin
e kanë zhvilluar vet në Jaguar duke shfrytëzuar arkitekturën e të
përmendurit V8.
Supozohet
se automjeti në versionin kupe dhe kabriolet do të duhej të paraqitej
brenda dy viteve të ardhshme dhe të konkurrojë me modelet Mercedes SLK,
BMW Z4 dhe Audi TT.

Mac Chrome bëhet me shtojca


Google ka mundësuar
mbështetjen për shtojca (extensions) për edicionet e shfletuesit Chrome
duke sjellë funksionalitet të njëjtë siç kanë edhe versionet për
Windows e Linux.



Veç mbështetjes për shtojca tek versionet
e shfletuesit tek Mac si karakteristikë tjetër është edhe opsioni në
dispozicion për sinkronizimin e bookmarks në mes të kompjuterëve të
shumtë, që ishte një mekanizëm i cili i mungonte versionit për Mac.
Google shfrytëzon tri kanale për shpërndarjen e shfletuesit të vet
Chrome dhe atë stabil, beta dhe për programues prej të cilëve ky i
fundit është më së paku stabil, por edhe i dedikuar për ata të cilët
dëshirojnë të provojnë karakteristikat e reja porsa të krijohen ato.

Peugeot 3008 Crossover automjeti i vitit


Sipas përzgjedhjes së revistës "What Car?", për automjetin më të mirë të vitit është shpallur Peugeout 3008 Crossover.




"Ky
automjet ka marrë një shpërblim të madh, sepse ka pamje të cilën e duan
njerëzit, hapësirën të cilën iu nevojitet, është i shkëlqyeshëm në
vozitje dhe i lirë për mirëmbajtje", ka thënë redaktori i kësaj
reviste, Steve Fowler. Ai ka thënë se karakteristikat e gjelbra të
këtij automjeti crossover do ta bëjnë edhe më të popullarizuar në të
ardhmen.
"Automjetet e tipit crossover do të janë lajm i madh gjatë viteve të
ardhshme për njerëzit të cilët dëshirojnë të kënaqen në karakteristikat
e tyre 4X4, e më këtë rast të mos pësoj as mjedisi as xhepi i tyre", ka
thënë Fowler.
Peugeot 3008 ka kulm panoramik dhe enterier sportiv, e në vend të
transmetimit të fuqisë në të katër boshtet, ai shfrytëzon sistemin e
ashtuquajtur “grip control sistem”. Për sa i përket motorëve, në
ofertën e tij janë motorët ekonomik me naftë, me benzinë dhe ata
hibridë.
Veç Peugeot 3008, janë shpërblyer edhe Land Rover Discovery e Jaguar XF

Sulme me anë të shfletuesit Internet Explorer


Microsoft
ka konfirmuar se për sulmet në Google e kompani tjera amerikane është
shfrytëzuar një lëshim i cili nuk ishte arnuar në shfletuesin e saj
Internet Explorer.



Bëhet fjalë për një lëshimi i cili i
godet Internet Explorer 6, 7 e 8 në Windows 7, Vista, XP, Server 2003,
Server 2008 R2, si dhe IE 6 Service Pack 1 në Windows 2000 Service Pack
4. Lëshimi manifestohet si referencë e treguesit, e sulmuesit potencial
i mundëson marrjen e kontrollit mbi sistemin nëse viziton faqet ku
gjendet kodi dashakeq.
Si masë të përkohshme për mbrojtje në Microsoft rekomandojnë
vendosjen e konfiguracioneve të sigurisë në nivel të lartë (high) në
mënyrë që t’u tërhiqet vërejtja para se të aktivizoni kontrollet
ActiveX apo skriptet. Gjithashtu rekomandohet që të aktivizohet
teknologjia Data Execution Prevention (DEP) e cila do të duhej të
ndihmonte në parandalimin e sulmeve nëpërmes internetit.
Microsoft ka konfirmuar se është duke punuar në arnimin e lëshimit në fjalë por nuk ka informata se kur ajo do të kryhe

Citroën paraqet modelin C-Zero


Në panairin e
automjeteve në Bruksel i cili po mbahet nga 14 deri më 24 janar 2010,
Citroën paraqet për herë të parë automjetin tërësisht elektrik për
qytet C-Zero të zhvilluar në bashkëpunimin me prodhuesin Mitsubishi.



Me
modelin C-Zero, Citroën pasuron ofertën e vet në segmentin e
automjeteve të vogla për qytet me sistem motorizimi tërësisht elektrik.
Automjeti i ri nga Citroën është zhvilluar për të ofruar lehtësira në
qytete.
C-Zero ka elektromotor sinkron me 64 kuaj fuqi në mes të 3.000 e
6.000 o/minutë. Momenti më i madh i rrotullimeve të tij është 180 Nm në
mes të 0 deri 2.000 o/minutë. Mbushja e akumulatorit bëhet me anë të
prizës prej 220V, e nise kyçet në 400V mundet që brenda 30 minutash të
mbush 80 për qind të baterisë.


Falë
autonomisë prej rreth 130 kilometrash mund të del pa problem edhe
jashtë qytetit. Shpejtësia maksimale është 130 kilometra në orë, e
përshpejtimi deri në 100 kilometra në orë zgjat rreth 15 sekonda. /

Panasonic pret shitje të mirë të televizorëve 3D


Prodhuesi
më i madh në botë i televizorëve plazma, Panasonic, pret të shes rreth
një milion televizorë tredimensional (3D) vitin e ardhshëm në Shtetet e
Bashkuara, Evropë e Japoni.



Kompania planifikon të nis
shitjen e televizorëve në muajin mars, me ç’rast çmimet ende nuk janë
bërë të njohura, e nga kjo kompani presin që tregu më i madh do të jetë
ai në SHBA.
Në këtë kompani presin që pranimi i televizorëve 3D do të jetë më i
shpejt sesa që ka qenë ai me televizorët me definicion të lartë (HD)
për shkak se sot ka më shumë filma, programe e lojëra, përkundër faktit
se për t’u kënaqur me efektet 3D nevojitet të barten syze speciale.
Panasonic ka qenë edhe një prej partnerëve promovues për filmin e ri
tredimensional “Avatar” të regjisorit James Cameron i cili këto ditë
është duke thyer të gjitha rekordet e mundshme të shitjes dhe është
bërë filmi më i përfolur.

Facebook do të mbetet pa pagesë


Facebook ka
demantuar pohimet se ky shërbim së shpejti, më saktësisht në korrik të
këtij viti, do të filloj të bëj shërbimet e tij me pagesë. Edhe
përkundër kësaj, popullaritetit i dy grupeve të Facebookut të cilat
pohojnë ndryshe nga dita në ditë është i madh.



Të dy grupet
bashkë kanë afro 200.000 anëtarë të cilët besojnë se së shpejti do të
duhet të paguajnë shërbimet në këtë rrjet për shoqërim online. Grupi më
i popullarizuar si moto të vet e ka bërë: "Nuk do të paguajmë
shfrytëzimin e Facebookut, do të largohemi nëse kjo gjë ndodhë".
Themeluesi dhe pronari i këtij rrjeti të popullarizuar në mbarë
botën, Mark Zuckerberg, çdo ditë merr oferta të shumta të majme për ta
shitur mbretërinë e tij. Shumë njerëz vlerësojnë se do të janë
pikërisht pronarët e ri të cilët do të fillojnë me praktikën e pagesës
së shërbimeve të Facebook.
"Nuk planifikojmë të bëjmë me pagesë shfrytëzimin e shërbimit për
funksione themelore. Ai është pa pagesë për 350 milionë shfrytëzues të
tij", ka thënë zëdhënësi i Facebookut.

Cyber-ushtria iraniane sulmon makinën e kërkimit Baidu


Skenari
ka qenë i ngjashëm si sulmi i muajit të kaluar në shërbimin e
popullarizuar Twitter kur hakerët i kanë drejtuar shfrytëzuesit në
faqen e tyre me flamurin iranian, por edhe me porosinë e shkruar në
gjuhën persiane.



Hakerët iranianë të cilët në muajin dhjetor
shkurtimisht kanë arritur ta paaftësojnë shërbimin Twitter kanë sulmuar
edhe makinën më të popullarizuar kineze për kërkimin e internetit -
Baidu. Grupi i cili paraqitet si cyber-ushtria iraniane të gjithë
shfrytëzuesit e Baidu i ka drejtuar në faqen në të cilën është shfaqur
flamuri iranian me porosinë: "Këtë faqe interneti e ka marrë përsipër
cyber-ushtria iraniane".



Personat
përgjegjës të makinës Baidu kanë konfirmuar sulmin. Analistët
vlerësojnë se Baidu, si version kinez i Google, është shumë tërheqëse
për hakerët sepse atë gjatë ditës e vizitojnë milionë njerëz.
Duket se hakerët iranianë me sulmet e tyre vetëm dëshirojnë të
dërgojnë porosi politike sepse ndonjë dëm serioz nëpër kompjuterë të
cilët i janë qasur makinës së kërkimit Baidu nuk është bërë.

Honda CR-Z paraqitet përfundimisht në Detroit


Pas
një vargu të fotografive të skanuar nga broshurat zyrtare Honda më në
fund ka marrë guximin dhe në panairin e automjeteve në Detroit ia ka
hequr vellon nga inkarnimi modern i modelit legjendar CR-X, atij CR-Z.



Është
për t’u lavdëruar që nga aspekti dizajnues kompakti i ri i Hondas nuk
ka ndryshuar tepër deri në prodhimin serik dhe se pothuajse nuk
dallohet fare nga koncepti i paraqitur në Tokio, mirëpo ajo që na
dëshpëron është pjesa teknike e tij – trashëguesi i modelit CR-X ka një
kombinim të motorit me benzinë dhe atij elektrik i cili zhvillon vetëm
122 kuaj fuqi dhe moment rrotullimi pre 166 Nm.



Në
raportin për media Honda nuk jep të dhënat zyrtare për performansat e
tij, vetëm se automjeti në cikël të kombinuar do të shpenzojë 6.5 litra
në njëqind kilometra në qytet, respektivisht 6.2 litra në rrugë të
gjata. Japonezët megjithatë lavdërohen për tiparet e vozitjes të cilat,
e sipas tyre, ky model do të kthej kënaqësinë e vozitjes në klasën e
automjeteve kompakte.
CR-Z do të duhej të gjendej në shitje deri në mes të këtij viti me çmim tani për tani të papërcaktuar.

Windows Live Messenger i ri për celularë


Kompania
Microsoft ka lëshuar versionin e ri të Windows Live Messenger për
telefonat celularë të cilët shfrytëzojnë platformën Windows.



Telefonat
celularë të cilët funksionojnë me sistemin operativ Windows Mobile
Standard apo Professional (6.x) tani mund të mbesin të lidhur me
Windows Live Messenger, Hotmail e funksionon "What's New".
Windows Live Messenger për celularët me Windows (Pro) është i
dedikuar për ata të cilët posedojnë ekran të ndjeshëm në prekje, derisa
versioni standard është i dedikuar për pajisjet tjera mobile.

Në rast se doni ta shkarkoni e provoni, kërkoni versionin 10.7.0061.0500.

Ford paraqet gjeneratën e re të Focus


Pas një dekade të plotë në Ford kanë vendosur se ka ardhur koha për paraqitjen e Focusit unik si model global.



Automjeti
fillimisht do të paraqitet në panairin e automjeteve në Detroit të
SHBA-ve, e në prodhim shkon në fund të këtij, gjersa në shitje në
fillim të vitit të ardhshëm.
Me gjeneratën e tretë të Focus, Ford do të tentoj të kthehet në
ditët e vjetra të famës. Dizajni i automjetit sërish është kinetik, e
moto e dizajnuesve gjatë formësimit dhe përpunimit të automjetit ka
qenë: "I shkëlqyeshëm për t’u parë, i shkëlqyeshëm për t’u ulur në të,
i shkëlqyeshëm për t’u vozitur".



Focus
është paraqitur në version limuzinë dhe hatchback, e sikur te rasti i
modelit aktual, brenda një periudhe të caktuar pritet ta shohim edhe në
versionin karavan dhe kupe -kabriolet.
Automjeti fillimisht do të debutojë me motorin dylitërsh me katër
cilindra atmosferik prej 150 kuaj fuqi, e edhe pse nuk është
konfirmuar, pritet që të gjitha modelet evropiane të janë me
turbo-mbushës.

Hekur i cili nuk do t’ua djeg rrobat


Shfrytëzuesve
të pakujdesshëm më nuk do t’u ndodhë që në pjesët e rrobave të cilat i
hekurosin t’u mbesin shenjat e djegura, sepse kompania Ariete ka
zbuluar “hekurin magjik”.



Mikro-sensorët në hekurin e
ashtuquajtur “auto lift” janë konfiguruar në atë mënyrë që ai “e di”
kur dikush nuk e mban në dorë, respektivisht nuk e shfrytëzon.
Kur e leni të kthyer teposhtë, e nuk e mbani, ai fillon
automatikisht të lëshojë avull i cili parandalon që sipërfaqja e nxehtë
të mos ua djeg rrobat, njoftojnë mediet botërore.
Nëse hekurin nuk e përdorni për tetë minuta, ai fiket automatikisht,
kështu që parandalohet edhe mundësia e nxitjes së ndonjë zjarri.
Kompania Ariete ka përfaqësinë e vet në Itali, e hekuri i ri në këtë shtet kushtin 65 euro.
Postuar: 13:16 / 20 Janar 2010 | RSS

Shfaqen fotografitë e para të Mini Countryman


Familja
e Mini është rritur edhe për një anëtar. Anëtari më i ri është SUV-i
kompakt Countryman, i njohur edhe si Mini Crossover, fotografitë e të
cilit kanë vërshuar internetin.



Gjëja e parë që mund të
vërehet me të shikuar në automjetin e ri Mini është sa ai në fakt
dallohet nga modeli koncept në të cilin është bazuar. Dorën në zemër,
më shumë ngjan me modelin koncept Beachcomber i cili ka debutuar në
panairin e automjeteve në Detroit, sesa në konceptin bazë.


Edhe
pse detajet teknike priten të dalin ndërkohë, gjykuar sipas shenjës
All4 në dyert e tij, automjeti në fotografi është modeli i parë Mini me
motorizim në të katër boshtet.


Dalja në shitje dhe çmimi tani për tani mbeten të panjohura.
Postuar: 12:48 / 20 Janar 2010 | RSS

Toshiba Qosmio X500 del në shitje


Toshiba ka filluar me shitjen e modelit Qosmio Q500 të pajisur me procesorin Core i7 dhe kartelën GeForce GTS 360M.



Ky
laptop vjen me ekran të diagonales prej 18.4 inç, derisa është i bazuar
në version mobil të procesorit Core i7 i cili bart shenjën i7-720QM.
Kartela grafike është NVIDIA GeForce GTS 360M, e dedikuar për
përdorim pikërisht në laptopë dhe i pajisur me memorien GDDR5. Në të
gjenden edhe 500 gigabajt disk, 8 gigabajt memorie, Blu-Ray dhe
shtëpizë kuqezi.
Çmimi në tregun amerikan është diç më i lartë se 1.500 dollarë, me
të cilin ky laptop kategorizohet në segmentin e lartë të ofertës së
laptopëve

Panasonic Viera G2 HDTV


Kompania Panasonic për
këtë vit ka paralajmëruar disa modele të jashtëzakonshme të
televizorëve me definicion të lartë, e si konfirmim për këtë premtim
vijnë informatat se qysh në fillim të muajit shkurt pritet seria e
televizorëve Viera G2 HDTV.



Këtë seri do ta përbëjnë
televizori 50 inçësh TH-P50G2, si model kryesor, të cilit do t’i
bashkohen dy njësi më të vogla sa i përket diagonales së ekranit, ato
prej 42 e 46 inçësh.
Të gjitha modelet kanë rezolucion HD, kanë nga tri porte për HDMI,
me ç’rast modeli i ekranit më të madh do të kushtojë rreth 3.500
dollarë amerikanë.
Edhe një karakteristikë që është shumë tërheqëse tek këto modele
është vlera fantastike e kontrastit prej 5.000.000:1 që i bën ata një
ndër më të mirët në botë në këtë pikëpamje.

MSI paraqet edhe dy laptopë të serisë Classic


Dy pjesëtarë të rinj të serisë së laptopëve Classic nga prodhuesi MSI vijnë me ekrane prej 17.3 e 15.6 inçësh me ndriçim LED.



MSI
ka paraqitur dy laptopë të rinj – 17.3-inçëshin CX705 dhe 15.6-inçëshin
CX605. Që të dy janë të bazuar në platformën e Intel, derisa vijnë me
grafiken Radeon HD 5470 të kompanisë Intel.
Nga procesorët, në përzgjidhje janë modelet Core 2 Duo, mund të
integrohen deri në 4 GB RAM, disku prej 500 gigabajt, derisa ekranet
kanë ndriçim LED të prapavijës.
Nga specifikat tjera veçohen kamera e uebit prej 1.3 megapikselash,
Wi-Fi, Bluetooth, dalja HDMI dhe bateria prej gjashtë qelish. Pesha e
modelit CX605 është dy kilogramë e gjysmë, derisa CX705 peshon
pothuajse tre kilogramë.
Çmimet e këtyre laptopëve ende nuk janë bërë publike, gjersa dihet se do të shiten me sistemin operativ Windows 7 Home Premium.

Facebook i ndjeshëm në sulme


Facebook është i
ndjeshëm në lloje të caktuara të sulmeve të cilat sulmuesit potencial
do t’i mundësonin të merr përsipër kompjuterin derisa përdoruesi është
në interaksion me ndonjë faqe tjetër interneti, kanë tërhequr vërejtjen
ekspertët e fushës së sigurisë.



Njëri prej tyre, Nitesh
Dhanjani, gjithashtu thekson se pika e dobët është tek dizajni i
Facebookut i cili u mundëson përdoruesve që me anë të aplikacioneve
tjera t’i qasen profilit të tyre pa miratim paraprak.
Facebook është shumë i ndjeshëm në sulmet e njohura si
“clickjacking” me anë të cilave mund t’iu merret llogaria juaj në
Facebook, nëse klikoni në faqe të caktuara të cilat përmbajnë kod të
fshehur dashakeq.

Toshiba Satellite E205 fillon shitjen


Toshiba
ka filluar me shitjen e kompjuterëve të saj netbook Satellite E205 të
cilët shfrytëzojnë teknologjinë Wireless Display të Intel.



Ky sistem pa tela (wireless)
i cili është paraqitur në panairin e elektronikës shpenzuese punon në
çipsetat më të ri të Intel të cilët u mundësojnë përdoruesve të shohin
ekranin e netbookut në cilindo televizor të definicionit të lartë që ka
hyrje kompozite apo HDTV. Adapteri i vogël lidhet drejtpërdrejt në
televizor dhe ai pranon pamjen nga kompjuteri netbook, derisa nga ana e
netbookut nuk nevojitet asnjë lloj adapteri.
Modelin E205 e karakterizon ekrani 14 inçësh me rezolucion 1.366 x
768 piksela, procesori Core i5-430M, 4 GB memorie e sistemit, DVD
Writer si dhe disk i fortë me kapacitet prej 500 gigabajt.
Satellite E205 ka dalë në shitje me çmim prej 900 dollarë, apo 635 euro.

Clinton kërkon liri interneti


Sekretarja
amerikane e shtetit Hillary Clinton ka bërë apel për mbështetje pa
rezervë në nivelin global për lirinë e internetit si dhe luftë kundër
atyre të cilët nxisin sulme cyber, duke apostrofuar Kinën në veçanti e
cila po ngrit tensione për shkak të vendimit të Google që të zvogëloj
censurën e informacioneve për qytetarët kinezë.



Ajo ka
tërhequr vërejtjen se po ngritët një perde e re e cila parandalon
qarkullimin e informatave në mbarë botën, duke i krahasuar kufizimet në
rritje me ekuivalentin modern të Murit të Berlinit.
Ne mbështesin internet të barabartë për tërë njerëzimin në të cilin
të gjithë do të kanë qasje të njëjtë në dituri dhe ide, ka theksuar
Sekretarja Clinton.

Kompjuteri tablet nga Acer në vjeshtë?


Prodhuesi
korean Acer për këtë vit planifikon që të lëshoj në treg lexuesin e vet
elektronik të librave, netbookun e bazuar në sistemin operativ Chrome
OS dhe kompjuterin tablet i cili do të duhej të jetë konkurrent i idesë
së Apple.



Sipas gazetës “Bloomberg”, Acer gjatë këtij viti
ka për qëllim të na qeras edhe me tabletin e vet, i cili sipas të
njëjtin burim që një kohë të gjatë është në përpunim e sipër. Tani për
tani nuk dihen asnjë lloj detajesh teknike, derisa dalja e produktit
final është i mundur të del në vjeshtë.
Siç ka pranuar edhe Acer, ata janë duke pritur së pari të shohin se
si do të duket kompjuteri tablet nga Apple para se ta lansojnë atë të
tyre duke vlerësuar atë si një inspirim shtesë nuk mund t’u bëj dëm.
Veç tabletit, Acer për fillim të verës ka paralajmëruar edhe
paraqitjen e lexuesit të vet elektronik të librave, me diagonale prej
gjashtë inç i cili fillimisht do të del në tregun evropian, e për
vjeshtë pritet dalja e kompjuterit netbook të bazuar në sistemin
operativ Chrome OS.