Re: Kosovë

nga *lissa* Wed Jan 06, 2010 6:23 am

Paralajmërohen ndryshime në Ligjin për RTK-në

Prishtinë,
4 tetor – Kryeparlamentari Jakup Krasniqi ka bërë të ditur sot se
legjislativi i vendit shumë shpejt do të amandamentojë nene të ligjit
për RTK-në, që kanë të bëjnë me parapagimin, ashtu siç ka rekomanduar
javë më parë Gjykata Kushtetuese. Deri atëherë duhet gjetur mënyrë
tjetër financimi për transmetuesin publik, meqë të deritashmen e ka
pezulluar Gjykata Kushtetuese.
“Ne biseduam për mundësinë e
përshpejtimit të amandamentimit të Ligjit mbi RTK-në, sidomos nenit 20
pika 1, dhe realisht ndoshta edhe Bordi i RTK-së, edhe Komisioni i
Pavarur për Media, edhe Komisioni për Administratë Publike dhe Media i
Kuvendit të Kosovës do të bisedojnë gjatë këtyre ditëve dhe ta
formulojnë një amendament të ri, sipas udhëzimeve që i ka dhënë Gjykata
Kushtetuese dhe Kuvendi ta kryejë përgjegjësinë e vetë për të miratuar
një ndryshim të këtij neni”, ka thënë kryeparlamentari Krasniqi pas
takimit që ka pasur me anëtarët e Bordit të RTK-së. “Ne jemi të
interesuar që televizioni publik të jetë televizion publik dhe i
pavarur, si dhe ta ketë të zgjedhur mënyrën e financimit të tij”.
Në gjysmën e tetorit Gjykata Kushtetuese me shumicë votash ka marrë
vendim për caktimin e masës së përkohshme ndaj zbatimit të nenit 20.1
të Ligjit mbi RTK-në, që parasheh inkasimin e 3.5 eurove në emër të
parapagimit të këtij mediumi publik. Gjykata të njëjtën ditë i ka
rekomanduar Kuvendit të Republikës së Kosovës që ta rishikojë nenin
20.1 të Ligjit mbi RTK-në dhe praktikat e bazuara në të, jo më larg se
1 dhjetor 2009. Njëkohësisht Gjykata Kushtetuese ka përcaktuar se
vendimi meritor për këtë rast do të merret pas datës 1 dhjetor 2009.
Kryetari i Bordit të RTK-së, Rrahman Paçarizi, ka shprehur bindjen se
mënyra më e mirë e financimit të transmetuesit publik është parapagimi
nëpërmjet faturave të energjisë elektrike, që është aplikuar deri një
muaj më parë.
“Praktika më e shpeshtë e financimit të transmetuesve publikë në vendet
evropiane që janë pjesë e Unionit të Transmetuesve Evropianë është
përmes parapagimit, dhe madje përmes parapagimit në faturat e energjisë
elektrike, por edhe përmes parapagimit në faturat e telefonisë, që në
Kosovë nuk është mjaftë e përhapur dhe nuk do të ishte punë e mirë”, ka
deklaruar Paçarizi.

nga *lissa* Wed Jan 06, 2010 6:24 am

Perdja e zezë e BE-së mbi Kosovën

Kosovë - Faqe 3 19-perdja4

Prishtinë,
19 dhjetor - Lëvizja FOL së bashku me Institutin Ballkanik të
Politikave (IPOL) dhe Iniciativën për Progres (INPO), organizuan të
shtunën paradite performancën para NEWBORN-it në Prishtinë, ku përmes
mbulimit të saj me perden të zezë reaguan kundër izolimit të Kosovës
nga ana e BE-së. Sebë Bytyqi, drejtor ekzekutiv i Instituti Ballkanik i
Politikave (IPOL), deklaroi se më 19 dhjetor 2009 janë hequr vizat për
qytetarët e Serbisë, Maqedonisë dhe Malit të Zi. Kjo ka ardhur si
rezultat i procesit të liberalizimit të vizave që BE kishte iniciuar me
këto shtete. “Sivjet janë bërë 20 vjet nga rënia e Murit të Berlinit
dhe Perdes së hekurt, mirëpo qytetarët e Kosovës ende ballafaqohen me
mure. Duke e neglizhuar Kosovën në procesin e liberalizimit të vizave,
BE-ja ka ndihmuar në izolimin e saj, praktikisht duke ngritur një perde
mbi shtetin më të ri në Evropë”, ka thënë Bytyqi, i cili pastaj ceku se
çmimi mesatar i një vize Shengen për kosovarët është 124 euro,
përderisa paga mesatare mujore është 240 euro. Gati gjysma e kërkesave
të kosovarëve për viza refuzohen. Kosova ka shkallën më të lartë të
refuzimit të kërkesave për viza në rajon. Fatkeqësisht, Kosova sot
është shteti më i izoluar në botë.
Ramadani Ilazi, drejtor
ekzekutiv i Lëvizjes FOL deklaroi se BE-ja po e izolon Kosovën dhe në
këtë mënyrë po stimulon trafikimin me qenie njerëzore. Sipas Ilazit,
institucionet e Kosovës po i kontribuojnë izolimit të vendit duke mos
treguar vullnet politik të luftojnë korrupsionin dhe krimin e
organizuar. “BE gjithashtu po tregon standard të dyfishtë ndaj Kosovës
përderisa për Serbinë po vlen deklarata se një popull nuk mund të
dënohet për fajin e liderëve të tij, një gjë e tillë po ndodh pikërisht
në Kosovë, ku qytetarët po dënohen pikërisht për fajin e liderëve të
tyre. Nuk e kuptojmë këtë sjellje, duke qene se përmbushja e kriteret
qenësore në procesin e liberalizimit të vizave siç është kontrolli i
kufijve dhe sundimi i ligjit janë fusha ku kanë përgjegjësi ekzekutive
kanë KFOR-i respektivisht EULEX-i”, tha ai.
Lëvizja FOL së bashku me Institutin Ballkanik i Politikave (IPOL) dhe
Iniciativën për Progres(INPO), apelojmë te BE që ta përfshijë Kosovën
në procesin e liberalizimit të vizave; dhe te Qeveria e Kosovës që të
angazhohet seriozisht në plotësimin e kritereve për liberalizimin e
vizave për qytetarët e Kosovës.

nga *lissa* Sat Jan 23, 2010 7:03 am

Nga debati në KS mbi Kosovën

Xanieri: Kosova veriore vazhdon të mbetet një pikë e dobët

Shefi
i UNMIK-ut, Lamberto Xanier, ka thënë se emërimi i gjykatësve në veri
të Kosovës nga ana e Serbisë pengon shpërbërjen e strukturave paralele
serbe, ndërsa pjesa veriore e Kosovës vazhdon të mbetet pikë e dobët,
pavarësisht asaj se gjendja e sigurisë në gjithë territorin e Kosovës
është stabile.
Në fjalën e tij para vendeve anëtare të Këshillit të Sigurimit, Xanier
ka prezantuar raportin e punës tremujore të UNMIK-ut, në të cilin ka
shpjeguar zhvillimet e fundit në Kosovë.
Në këtë raport përfshihen mbajtja e zgjedhjeve lokale të 15 nëntorit të
organizuara nga Prishtina zyrtare, ku pjesëmarrja e serbëve, me
përjashtim të veriut, ka qenë më e lartë krahasuar me veriun ku serbët
kanë bojkotuar zgjedhjet.
Zanier ka potencuar të rëndësishëm faktin se pas zgjedhjeve lokale janë formuar tri komuna me shumicë serbe.
Për sa i përket zhvillimeve në veri të Kosovës, Xanieri tha se
tensionet vazhdojnë të mbeten në raportet ndërmjet shqiptarëve dhe
serbëve, gjë që është dëshmuar edhe me rastin e rindërtimit të shtëpive
të shqiptarëve, të cilat janë penguar nga serbët lokal.
“Ka vazhduar rindërtimi i shtëpive të shqiptare në veri, ndonëse ato
janë penguar nga serbët”, ka thënë Xanier, i cili një shqetësim tjetër
ka ndarë edhe atë të furnizimit me energji elektrike në veri, pasi prej
fundit të vitit të kaluar në këtë pjesë furnizimin me rrymë ka nisur ta
bëjë Elektroekonomia e Serbisë.
Shefi i UNMIK-ut një problem tjetër shqetësuese që ka ngritur është
vazhdimi i mos funksionimit të gjykatave multietnike në veri, duke
përmendur faktin se emërimi i gjykatësve nga Serbia po pengon
shpërbërjen e strukturave paralele serbe.
Xanier ka thënë se kthimi i të zhvendosurve nuk është në nivel të
kënaqshëm dhe se ende nevojitet punë për të bërë në këtë drejtim,
sikurse edhe në çështjen e personave të pagjetur, ku janë kthyer vetëm
33 mbetje mortore te familjet e tyre.
Një avancim pozitiv sipas Zanier është shënuar në fushën e trashëgimisë
kulturore, duke shprehur gatishmërinë e UNMIK-ut që të bashkëpunojë me
një emisar të Bashkimit Evropian, i cili pritet të emërohet, në lidhje
me këtë çështje.
Pjesëmarrja e Kosovës në mekanizmat ndërkombëtar dhe rajonal, ka shtuar
Xnier, janë me interes të bashkëpunimit rajonal dhe të vetë Kosovës,
andaj i ka bërë thirrje Beogradit zyrtar që në këto raste të mos e
pengojë pjesëmarrjen e Kosovës dhe të lë çështjen e statusit anash.
Xanieri ka thënë se OSBE-ja dhe EULEX-i janë duke vazhduar punën e tyre
në ato fusha që më parë i ka kryer UNMIK-u në pajtim me mandatin e
Rezolutës 1244, ndërsa ka shprehur gatishmërinë e UNMIK-ut që të
bashkëpunojë ngushtë me EULEX-in për konsolidimin e paqes në Kosovë.

nga *lissa* Sat Jan 23, 2010 7:04 am

KS i OKB-së: Debati për Kosovën

Di Karlo: Pavarësia e Kosovës, e pakthyeshme
Ambasadorja
e SHBA-ve pranë KB-ve në Nju Jork, Rozmari Di Karlo, ka deklaruar se
pavarësia e Kosovës është proces i pakthyeshëm dhe se tashmë Kosova
është në rrugëtim drejt anëtarësimit në Bashkimin Evropian dhe
strukturat e tjera euroatlantike, ndërsa tërhoqi vërejtjen se
strukturat paralele serbe në veri vazhdojnë të kërcënojnë stabilitetin
e Kosovës.
Në fjalën e saj para Këshillit të Sigurimit të premten mbrëma,
diplomatja amerikane ka përsëritur mbështetjen e SHBA-ve për Kosovën si
shtet i pavarur dhe sovran, të njohur nga 65 vende të botës, ndërsa ka
përshëndetur progresin e arritur në terren dhe forcimin e paqes dhe
stabilitetit.
“Ne e mbështesim Kosovën në fuqizimin e ligjit dhe demokracisë së saj,
dhe mbështesim aspiratat e të gjithëve për t’u integruar në Evropë dhe
në të gjitha strukturat euroatlantike”, ka thënë Di Karlo, duke
përgëzuar popullin e Kosovës për vazhdimin e implementimin e planit të
Ahtisarit.
Di Karlo gjithashtu ka përshëndetur edhe mbajtjen e zgjedhjeve lokale
të 15 nëntorit, si dhe formimin e tri komunave të reja serbe, ndërsa ka
shprehur bindjen se së shpejti do të mbahen zgjedhjet edhe në dy
komunat e reja me shumicë serbe, të cilat parashihen të formohen sipas
planit të Ahtisarit.
Ajo tërhoqi vërejtjen se strukturat paralele serbe në veri vazhdojnë të kërcënojnë stabilitetin e Kosovës.
“Autoritetet e paligjshme të themeluara në veri edhe në vitin 1999, ato
vazhdojnë të kërcënojnë stabilitetin e Kosovës”, ka thënë Di Karlo,
ndërsa ka përmendur edhe ndërhyrjen e kompanisë elektroenergjetike të
Serbisë në veri të Kosovës, duke kërkuar që kjo çështje të zgjidhet.
Duke përkujtuar se Kosova ka shënuar progres në raportet e saja me
vendet fqinje, Di Karlo tha se Prishtina zyrtare ka vendosur raporte
diplomatike me Malin e Zi dhe ka përfunduar demarkacioni me Maqedoninë,
ndërkohë që Kosova ka dhënë ndihmë edhe në zonat e përmbytura në veri
të Shqipërisë.

nga *lissa* Sat Jan 23, 2010 7:04 am

Nju Jork: KS i OKB-së për Kosovën

Hyseni: Ndërhyrjet e Serbisë në Kosovë të marrin fund
Kosova
ka vazhduar të ndërtojë institucionet e saj mbi bazat e Kushtetutës së
saj demokratike, si dhe mbi bazën e dispozitave të Planit
Gjithëpërfshirës të presidentit Martti Ahtisaari, ndërsa Serbia po
vazhdon me ndërhyrje të vazhdueshme destabilizuese Kosovë – që janë të
papranueshme dhe që duhet të marrin fund, ka thënë të premten në
Këshillin e Sigurimit të Kombeve të Bashkuara ministri i Punëve të
Jashtme të Kosovës, Skendër Hyseni.
Gjatë fjalës së tij, Hyseni e ka përshkruar vitin 2009 si një vit të
suksesshëm për Kosovën në shumë rrafshe. Duke radhitur sukseset e
shtetit të Kosovës, ministri Hyseni - krahas kompletimit të procesit të
anëtarësimit në FMN dhe BB, njohjet e vazhdueshme të Kosovës,
mirëqenien e komuniteteve pakicë, organizimin e suksesshëm të
zgjedhjeve demokratike... - ndër të tjera ka përmendur edhe një numër
marrëveshjesh dypalëshe që ka nënshkruar shteti ynë me shtetet tjera,
si dhe vendosjen e marrëdhënieve diplomatike me shumë shtete botërore,
përfshirë këtu edhe shtetet e saj fqinje.
Shefi i diplomacisë kosovare ka thënë se, Kosova është e gatshme që të
përmirësojë marrëdhëniet edhe me Republikën e Serbisë. Sipas tij,
dialogu mes vendeve tona mund të zhvillohet për shumë çështje të
interesit të përbashkët dhe mund të ndodhë vetëm në nivel të barabartë,
si midis dy shteteve të pavarura dhe sovrane.
Megjithatë, Hyseni e ka bërë të qartë se Kosova refuzon çfarëdo thirrje
për rifillim të negociatave për statusin. “Për më tepër, ne vlerësojmë
se thirrjet për ripërtëritje të negociatave për statusin e Kosovës
vijnë nga njerëz që janë qoftë të pavetëdijshëm për situatën dhe
përpjekjet e jashtëzakonshme për të gjetur konsensus ose, edhe më keq,
kërkojnë aktivisht që të destabilizojnë rajonin”, tha ai.
Më tutje, Hyseni ka akuzuar Serbinë për ndërhyrjet e vazhdueshme
destabilizuese në Kosovë, të cilat tha ai, duhet të marrin fund.
“Ndërhyrja skajshmërisht përçarëse e Qeverisë së Republikës së Serbisë
në Republikën e Kosovës, dhe mbështetja për strukturat paralele ka
vazhduar. I ashtuquajturi nominim i gjykatësve dhe prokurorëve për
gjykatat në Kosovë i kohëve të fundit nga autoritetet e Serbisë ishte
një sulm tjetër i rëndë në sistemin e gjykatave të Kosovës, siç duket
me qëllimin e qartë të minimit të procesit në vazhdim të
decentralizimit dhe themelimit të komunave me shumicë serbe”.
“Ky është po ashtu një tentim për të bllokuar dhe minuar përpjekjet e
përbashkëta të EULEX-it dhe Kosovës në vendosjen e rendit dhe ligjit në
të gjithë Kosovën përmes ndërtimit të institucioneve shumetnike”, tha
Hyseni, duke shtuar se, ndërhyrja e vazhdueshme destabilizuese e
Serbisë në Kosovë është e papranueshme dhe ajo duhet të marrë fund.
“Kosova, nga ana e saj, do të vazhdojë të gjejë mënyra për të
përmirësuar dhe forcuar edhe më shumë marrëdhëniet me fqinjët,
përfshirë me Serbinë, dhe kjo mbetet një prej prioriteteve kyçe të
Qeverisë sime”, theksoi Hyseni.
Hyseni bëri paraqitjen në Këshillin e Sigurimit të OKB-së, i cili
diskutoi mbi raportin e sekretarit të përgjithshëm, Ban Ki-moon për
gjendjen në Kosovë në tre muajt e fundit.
Sekretari Ban në raportin e tij i ka kërkuar Prishtinës dhe Beogradit
që të lënë mënjanë çështjen e statusit të Kosovës dhe të përqendrohen
në bashkëpunimin rajonal. Ai rekomandon krijimin e lehtësive për
pjesëmarrjen e Kosovës në mekanizmat rajonal dhe ndërkombëtarë.
Para Hysenit, në seancën e KS të OKB-së ka folur edhe presidenti serb,
Boris Tadic, i cili ndër të tjera ka vazhduar me refrenet e përhershme
të Serbisë, për gjoja, “kërcënimin e vazhdueshëm që i kanoset objekteve
kulturore serbe në Kosovë, dhe për pozitën e vështirë të këtij
komuniteti në Kosovë”. Tadic po ashtu ka kundërshtuar edhe aktin e
dëbimit të ministrit serb Bogdanovic nga Kosova nga ana e Policisë së
Kosovës.
Tadic paralajmëroi KS të OKB-së, se situata në veri të Kosovës është
delikate ndërsa theksoi rrezikun e zbatimit me forcë të planit
Ahtisaari. Presidenti serb deklaroi se retorika e ashpër që EULEX
përdor kur i referohet institucioneve legjitime serbe në veri të
Kosovës duke i cilësuar ato si “paralele”, nuk i kontribuon
stabilitetit.
Presidenti serbe Tadic tërhoqi vëmendjen për atë që ai e cilësoi si
zgjidhja finale për veriun e Kosovës që ka si qëllim të zbatojë me
forcë planin Ahtisaari për të gjithë territorin. “Kjo strategji mund të
avancojë vetëm nëpërmjet masave të ashpra dhe jodemokratike mbi
komunitetin serb në veri të Kosovës. Ata të cilët e kanë bërë të ditur
këtë plan duhet të marrin mbi vete përgjegjësinë për destabilizimin e
situatës duke nxitur konflikte” u shpreh Tadic.
Ndërkaq gjatë diskutimit të ambasadorëve të shteteve anëtare të
Këshillit të Sigurimit, është përshëndetur përparimi i bërë në Kosovë,
si dhe u është bërë thirrje palës serbe dhe asaj kosovare, që të
përmbahen nga aktet e dhunës dhe të tregojnë më shumë gatishmëri për
bashkëpunim.
Njëjtë, sikurse edhe në seancat të tjera të KS të OKB-së, shtetet që
kanë njohur Kosovën mbështeten përpjekjet e Prishtinës për konsolidimin
e shtetit dhe përmirësimin e pozitës së pakicave, ndërsa ato që
kundërshtojnë pavarësinë e Kosovës, mbështeten qëndrimet e Serbisë.

nga *lissa* Sat Jan 23, 2010 7:05 am

Dedaj: PLK mbështet PDK-në në Lipjan dhe Prizren
Me
rastin e shpalljes së zgjedhjeve të brendshme të Partisë Liberale të
Kosovës, kryetari Gjergj Dedaj ka ftuar të gjithë anëtarët e partisë që
të kandidojnë për strukturat dhe organet më të larta partiake, ndërsa
ka bërë të ditur se PLK në garën e 31 janarit do të mbështesë
kandidatët e PDK-së për Prizren dhe Lipjan.
Në një konferencë për media të shtunën, kreu i liberalëve të Kosovës
Gjergj Dedaj ka dhënë detaje rreth organizimit të kuvendeve zgjedhore
partiake, të cilat do të mbahen gjatë këtij viti në të gjitha degët,
kuvendi i liberalëve të ri dhe kuvendi i Forumit Liberal të Gruas.
Duke vlerësuar të qetë situatën e sigurisë në Kosovë, numri një i
liberalëve i ka dhënë mbështetje të plotë strategjisë për integrimin e
veriut, të hartuar nga Qeveria e Kosovës dhe Përfaqësuesi Civil
ndërkombëtar në Kosovë, Piter Feith.
“PLK e mbështet fuqishëm strategjinë e institucioneve të Republikës së
Kosovës, për të vu rend, ligj në këtë pjesë komfor Kushtetutës të
Republikës Kosovës dhe të shpërbëhen të gjitha strukturat paralele,
sepse vetëm struktura, të cilat janë legjitime të dala nga vota e lirë
e qyteteve të Kosovës janë të ligjshme dhe kushtetues të cilat duhet të
marrin kontrollin dhe të ushtrojnë mandatin e tyre në të gjitha komunat
e Kosovës, por edhe në të gjitha pjesët dhe çdo centimetër të
Republikës së Kosovës”, tha Dedaj
Partia Liberale e Kosovës njëherësh e konsideron të suksesshme
prezantimin e Kosovës mbrëmë në Këshillin e Sigurimit përmes shefit të
saj të diplomacisë Skënder Hyseni, për të cilin kryetari Dedaj tha se
edhe njëherë konfirmoi se pavarësia e Kosovës nuk ka kthim dhe është e
vetmja rrugë që mban paqe dhe stabilitet në vend dhe rajon.
Ai ndërkaq e ka quajtur për keqardhje qëndrimin e presidentit serb
Boris Tadiq, i cili ka kërkuar hapjen e negociatave për statusin, duke
thënë se Beogradi zyrtar sa më parë duhet të pranojë realitetin e ri të
krijuar në Kosovë dhe të heqë dorë nga koncepti Millosheviqian.

nga *lissa* Sat Jan 23, 2010 7:06 am

Britania rrit shkallën e gatishmërisë

Britania
ka ngritur shkallën e sigurisë në vend, çfarë sipas ministrit të
brendshëm, Alen Xhonson, do të thotë se gjasat për një sulm terrorist
janë reale.
Xhonson shtoi se nuk ka informacione që të sugjerojnë se ndonjë sulm konkret është planifikuar për këtë periudhë.
Në Londër më 28 janar do të mbahet një konferencë ndërkombëtare për
Afganistanin, ku do të marrin pjesë shumë udhëheqës ndërkombëtarë.

nga Sponsored content