Sejdiu: Kosova ka bërë maksimumin

nga *lissa* Tue Feb 16, 2010 9:47 am

Sejdiu: Kosova ka bërë maksimumin

Presidenti i Kosovës, Fatmir Sejdiu, ka thënën në një
intervistë ekskluzive për BBC-në se Kosova për dy vjet të funksionimit
si shtet ka bërë maksimumin e saj. Ai tha se pritjet për njohjen
ndërkombëtare të Kosovës, kanë qenë më të mëdha, por se kjo gjë ka qenë e
pamundur, edhe për shkak të procesit në Gjykatën Ndërkombëtare të
Drejtësisë edhe për shkak të luftës diplomatike të Serbisë kundër
njohjes së Kosovës.

Sejdiu: Kosova ka bërë maksimumin F.0216174401650_m

Sejdiu: Kosova ka bërë maksimumin F.0216174401650_m

Lidhur me mundësinë e bisedimeve me Serbinë, presidenti Sejdiu ka
thënë se, me Beogradin jemi të gatshëm të bisedojmë për të gjitha
çështjet që janë me interes vital për të dy vendet, për të dy popujt, si
tërësi nacionale, ndërsa ka shtuar se, asnjëherë nuk do të bisedojmë
për çështje që kanë të bëjnë me statusin.
Presidenti Sejdiu ka thënë se me Beogradin mund të bisedojmë për tema
që janë praktike – por ka përsëritur se me Beogradin nuk mund të
bisedohet në tema për çfarë ata kanë iluzione në kokën e tyre, për të
pasur rolin hegjemon ndaj të tjerëve në Kosovë dhe në Evropën
Juglindore, për të pasur rolin hegjemon në sjelljen e brendshme të
njerëzve në Kosovë, por absolutisht ata s'mund të jenë padron i Kosovës.
I pyetur se cilat do të jenë objektivat e shtetit të Kosovës në vitin
e tretë të pavarësisë, presidenti Sejdiu ka përmendur përmbushjen e
kritereve për liberalizimin e vizave dhe joshjen e investimeve nga
jashtë.
“Në vitin e tretë do të bëjmë shumë punë posaçërisht në përmbushjen e
kritereve në liberalizimin e vizave, që kanë të bëjnë me joshje të
investimeve të jashtme dhe që kanë të bëjnë posaçërisht në planin e
brendshëm dhe sundimin e ligjit. Ajo që do të jetë funksionim i shtetit
ligjor të funksionojë me kapacitete të mira”, ka thënë ai.