Re: Te rejat nga teknologjija !!

nga *lissa* Tue Feb 16, 2010 10:58 am

Rrjedhin fotografitë e Citroën DS3-R

Besohet se këto fotografi në fakt janë edhe fotografitë e
para të automjetit të ri të Citroën, respektivisht modelit DS3 Racing.
Ende nuk ka konfirmim zyrtar, mirëpo duket se Mini JCW do ta ketë edhe
një rival.Sipas informatave të tanishme, veç shtojcave
vizuale, ky model do të jetë 15 milimetra më i ulët, do të ketë sistem
të avancuar të frenimit, marsh prej gjashtë shpejtësish dhe motor 1.6
litërsh turbo me rreth 200 kuaj fuqi. Si rrjedhojë e kësaj është reale
të pritet arritja e shpejtësisë deri në 100 kilometra në orë për më pak
se shtatë sekonda

Ende nuk është përcaktuar se çfarë do të bëhet në lidhje me
diferencialin me bllokadë, mirëpo edhe kjo do të duhej të qartësohej
shpejt.
Po ashtu, ende nuk është e qartë nëse DS3-R do të paraqitet në
panairin e automjeteve të Gjenevës apo ai do të shtyhet për ndonjë datë
tjetër.

nga *lissa* Tue Feb 16, 2010 10:59 am

Tash e tutje mbrojtje prindërore edhe në YouTube

Përmbajtjet e internetit në një masë të caktuar
definitivisht nuk janë shembull i mirë për fëmijët. Ekzistojnë një varg
mekanizmash për kontroll prindëror, mirëpo YouTube ka vendosur për
integrimin e njërit prej tyre në shërbimin e vet.Përmbajtjet
e internetit në një masë të caktuar definitivisht nuk janë shembull i
mirë për fëmijët. Ekzistojnë një varg mekanizmash për kontroll
prindëror, mirëpo YouTube ka vendosur për integrimin e njërit prej tyre
në shërbimin e vet.
YouTube u ka mundësuar të gjithë shfrytëzuesve të vet të regjistruar
që të shfrytëzojnë mbrojtjen prindërore, respektivisht një mënyrë të
shfaqjes së përmbajtjeve e cila pamundëson riprodhimin e video
materialeve të cilat nuk janë shembull i mirë për fëmijët.
Për të aktivizuar mbrojtjen prindërore në cilëndo faqe të këtij
shërbimi, shkoni në fund të saj dhe klikoni në “Safety Mode Is Off”, pas
së cilës do t’u hapet opsioni për aktivizim. Dilni nga shërbimi dhe
kthehuni sërish dhe këtë opsion më nuk do të jetë e mundur të
çaktivizohet pa fjalëkalimin të cilin e përdorni në shërbim.
Veç video materialeve kontestuese, në këtë mënyrë të punës komentet
nuk do të paraqiten, e edhe pamja në ato të cilat përmbajnë fjalë
kontestuese do të largohen.
Për më tepër, shikoni video materialin e mëposhtëm:

nga *lissa* Tue Feb 16, 2010 11:00 am

Garmin-Asus nuvifone M10

Edhe një produkt i punës së përbashkët të Asus e Garmin në
tregun e celularëve është pajisja nuvifone M10.

Duke ngritur
temperaturën para vet fillimit të panairit World Mobile Congress i cili
mbahet javën e ardhshme në Barcelonë, Garmin-Asus ka paraqitur
zyrtarisht nuvifone M10.
Bëhet fjalë për një telefon të mençur të bazuar në Windows Mobile
6.5.3, i pajisur me ekran 3.5 incësh WVGA të ndjeshëm në prekje, 3D Task
Manager dhe me 512 MB RAM e 512 MB ROM të integruar.
Me pajisjen vijnë edhe 4 gigabajt memorie flash, e pjesa më e
fuqishme e kësaj pajisjeje është navigacioni i ashtuquajtur Click-and-Go
e cila supozohet se është po aq e specializuar për funksionalitet sikur
janë edhe pajisjet më të reja GPS të Garmin. Fotoaparati i integruar
prej pesë megapikselash përmban funksionin geo-tagging për të gjitha
fotografitë, gjersa është ofruar mbështetje për punë në Facebook e
Picasa.
Në shitje do të duhej të gjindej deri në mesin e këtij viti.

nga *lissa* Tue Feb 16, 2010 11:00 am

Samsung S2 Portable

Kompania Samsung të enjten ka paraqitur pajisjen Samsung S2
Portable, një disk i jashtëm i fortë i cili shitet me filmin e kopjuar
“Michael Jackson’s THIS IS IT”.

Samsung S2 Portable ka
teknologji të avancuar për leximin e të dhënave që e bën atë një
zgjidhje të shkëlqyer për numrin çdo ditë e më të madh të përdoruesve të
cilët bëjnë koleksionet e tyre të filmave në kompjuterët e tyre.
Pos që shitet me filmin e përmendur, Samsung S2 Portable dallohet
edhe për nga teknologjia USB On Board, derisa në të është edhe
mbështetja për karakteristika të ndryshme si Samsung Auto Backup e cila
mundëson krijimin e kopjes së sigurisë në kohë reale dhe SecretZone për
enkriptim të dhënave.

nga *lissa* Tue Feb 16, 2010 11:00 am

Del versioni final i Linuxit të hakerëve Backtrack 4

Versioni i sistemi operativ Linux i njohur si Backtrack i
cili është mjaft i popullarizuar në botën e hakerëve të botës, më në
fund e ka paraqitur versionin përfundimtar Backtrack 4.Backtrack
4 është një shpërndarje e Linux e cila mund të operohet
drejtpërsëdrejti në CD, USB apo edhe të instalohet në disk të fortë si
sistem operativ.
Funksionet e Backtrack 4 të cilat kryhen nëpërmes programeve të
para-instaluara në sistem janë të ndryshme, ku përfshihen zbulimi i
fjalëkalimeve, rrëzimi i faqeve të internetit, shifrat WEP e WPA të
rrjeteve pa tela të internetit, marrja përsipër/vjedhja e informatave të
individëve, dhe funksione tjera të ngjashme.
Backtrack mundëson edhe thyerjen e serverëve,
routers, duket perdorë metoda te ndryshme dhe programe te ndryshme të
instaluar aty. Në mesin e programeve të instaluara janë: Metasploit
intengration, RFMON inejection capable wireless drivers,
Kismet Autoscan-Network, Nmap, Etttercap, Wireshark.
Për më tepër, funksionalizimi i Backtrack e aranzhon e secilin mjet
softuerik në 11 kategori të ndryshme: Information Gathering, Network
Mapping, Vulnerability Identification, Web Application Analysis, Radio
Network Analysis (802.11,Bluetooth,Rfid) , Penetration (Exploit &
Social Engineering Toolkit), Privilege Escalation, Maintaining Access,
Digital Forensics, Reverse Engineering dhe Voice Over IP. /Autor:
G.P/

nga *lissa* Tue Feb 16, 2010 11:01 am

Një bollëk aplikacione për iPad në përgatitje

Pasi që Apple ka paraqitur pajisjen e vet iPad, e cila do
të del në shitje për diç më shumë se një muaj, programuesit kanë filluar
të nguten me përgatitjen e aplikacioneve për të. Analistët e kompanisë
Flurry kanë vërejtur një rritje të madhe të aplikacioneve për sistemin
operativ iPhone, të cilin iPhone e ndanë me iPad.

Siç pohojnë
në Flurry, në pjesën e dytë të vitit 2009 programuesit zhvillimor janë
orientuar bukur shumë në Android, derisa numri i aplikacioneve të reja
për iPhone kishte filluar të bie. Mirëpo, me paralajmërimin e iPad,
gjërat u kthyen sërish për së mbari për ta, prandaj në janar janë
paraqitur 1.600 aplikacione të reja për iPhone OS, që dëshmon se
programuesit i janë veshur punës dhe kanë filluar të punojnë me
shpejtësi në aplikacionet për iPad.
“Kjo është rritja më e madhe e tillë qëkur përcjellim aplikacionet
për iPhone OS”, pohojnë në kompaninë Flurry.
Kjo është vetëm edhe një dëshmi se iPad, edhe pse në shikim të parë
duket vetëm si një iPhone i zmadhuar, megjithatë mundet që në mënyra të
ndryshme t’i ndihmojë kompanisë Apple dhe t’u bëj sherr konkurrentëve.
www.flurry.com

nga *lissa* Tue Feb 16, 2010 11:01 am

Del versioni i ri OpenOffice 3.2

Versioni i ri i paketës pa pagesë për zyre OpenOffice 3.2
për Mac, Windows e Linux sjell shumë përmirësime në të gjitha
komponentët e saj.

Komuniteti OpenOffice.org ka paraqitur
versionin e ri të OpenOffice 3.2. Modifikime kanë përjetuar të gjitha
komponentët, e prej tyre më së shumti kalkulatori Calc.
Në përgjithësi, softueri merr kohë më të shkurtër për nisjen e
aplikacioneve, kompatibilitet me formatin ODF dhe formatet tjera,
stabilitet e siguri më të madhe, grafikë, formula dhe përmirësim të
bazës së të dhënave.
Me paraqitjen e versionit të ri, OpenOffice.org raporton edhe për
suksesin e deritanishëm të kësaj pakete softuerike, e cila prej vitit
2002 deri tani është shkarkuar mbi 300.000 herë.

nga *lissa* Tue Feb 16, 2010 11:01 am

Windows 7 kundër piraterisë

Microsoft ka paralajmëruar përditësimin e sistemit të vet
operativ i cili me vete do të sjell mbështetje më të mirë për
identifikimin e versioneve pirate të Windows.

Ditëve në
vazhdim Microsoft do të lëshoj në qarkullim përditësimin për Windows 7 i
cili do ka për detyrë të përmirësoj sistemin e aktivizimit të sistemit
operativ.
Sipas pohimeve nga Microsoft, ky sistem i ri do të mund të
identifikojë mbi 70 mënyra të aktivizimit ilegal të Windows. Nëse
zbulohet versioni pirat i sistemit operativ, Windows në mënyrë diskrete
do t’ua tërheqë vërejtjen përdoruesve se kanë version pirat. Vërejtjet
do të përfshijnë largimin e prapavijës nga desktopi, si dhe vërejtje të
kohëpaskohshme me informata se si të legalizohet kopja e tyre Windows.
Nga Microsoft megjithatë porosisin se instalimi i këtij përditësimi
është opsional, dhe se sistemet të cilat identifikohen si pirate edhe më
tutje do të kryejnë të gjitha funksionet.
Në të njëjtën kohë, kompania në asnjë mënyrë nuk do të tentojë të
identifikojë përdoruesit të cilët do të përdorin kopjet ilegale të
sistemit të saj operativ.

nga *lissa* Tue Feb 16, 2010 11:02 am

Facebook largon faqe të caktuara

Qeveria britanike ka njoftuar se Facebook ka qenë i shtyrë
të largoj profilet e 30 personave të cilët gjenden në burg me kërkesë të
tyre. Kjo ka ndodhur pas një varg incidentesh me ç’rast të burgosurit
kanë përdorë këtë rrjet shoqërimi online për organizim të veprave
kriminale apo mashtrim të tjerëve.

Ky njoftim ka bërë që një
numër i caktuar i shfrytëzuesve të internetit të brengosen për faktin
se shteti po përzihet edhe në zbavitjen online, por edhe për një numër
të madh të atyre të cilët janë bërë viktima të mashtrimeve të tilla
online të reklamimit dhe ata theksojnë se shteti është dashur të
involvohet edhe më tepër në këto raste.
Po ashtu është themeluar edhe grupi i personave të cilët kanë qenë
viktimë e atyre të cilët theksojnë se kriminelëve duhet t’u ndalohet
edhe liria e internetit.

nga *lissa* Tue Feb 16, 2010 11:02 am

YouTube feston ditëlindjen e pestë

YouTube definitivisht ka bërë revolucion në mënyrën me të
cilën ne shikojmë dhe publikojmë video materialet online dhe pak kohë
pas paraqitjes është bërë lojtari kryesor në këtë pjesë të tregut,
mirëpo më e mira mbi të gjitha është se ky shërbim ekziston që vetëm
pesë vjet.

Domeni YouTube.com është regjistruar më 14 shkurt
2005, derisa ai ishte shpikur nga tre ish të punësuar të kompanisë
PayPal - Steve Chen, Chad Hurley e Jawed Karim. YouTube ka bërë
revolucion në formën si i shikojmë dhe i publikojmë video materialet,
sepse është shërbimi i parë i këtij lloji i cili procedurën e ka
thjeshtuar në maksimum.
Rritja e popullaritetit të shërbimit YouTube është ndihmuar edhe nga
vendimi i kompanisë Google që ta bëj atë për vete. Sa për rikujtim,
Google në tetor të vitit 2006 e ka blerë këtë shërbim për hiq më pak se
1.65 miliardë dollarë amerikanë.
Gjatë këtyre pesë viteve YouTube vazhdimisht avancon shërbimin e vet
duke shtuar mundësi të reja dhe dihet që ky shërbim tanimë përcakton
standardet në këtë segment të teknologjisë për komunikim dhe informim.

nga *lissa* Tue Feb 16, 2010 11:03 am

Google në rënie

Pjesëmarrja e Google në tregun e kërkimeve në Shtetet e
Bashkuara të Amerikës gjatë muajit janar ka rënë për 0.3%, në 65.4%,
derisa Microsoft Bing ka shënuar rritje prej 0.6%, dhe tani ka për vete
11.3% të tregut.

Sipas rezultateve të hulumtimit të kryer nga
kompania ComScore, Google gjatë janarit krahasuar me muajin paraprak ka
humbur një pjesë të tregut në SHBA.
Numri i përgjithshëm i kërkimeve në internet edhe më tutje është në
rritje, respektivisht nga dhjetori në muajin janar është rritur për 3%,
prandaj të gjitha kompanitë kanë shënuar rritje, mirëpo prapëseprapë më
së miri ka kaluar Microsoft e cila ka realizuar 9% më shumë kërkime.

nga *lissa* Tue Feb 16, 2010 11:03 am

Samsung paraqet edhe një konkurrent të iPhone

Kompania jugkoreane Samsung ka paraqitur telefonin e saj më
të ri të mençur me në sistemin e ri operativ Bada, të zhvilluar nga vet
kjo kompani.Samsung e kishte paralajmëruar sistemin e vet
operativ Bada qysh në muajin nëntor të vitit të kaluar, e mu sipas
paralajmërimeve në treg do të paraqitet pajisja e parë e cila do ta
përdorë këtë sistem.
Nën emrin Samsung S8500 Wave vjen një telefon i mençur me ekran OLED
të diagonales prej 3.3 inç, procesor me shpejtësi prej një GHz,
fotoaparat me rezolucion prej pesë megapiksela, e kjo pajisje do të ketë
deri në tetë gigabajt hapësirë. Kjo hapësirë do të mund të rritet edhe
më shumë me anë të kartelave përkatëse të memories.
Te rejat nga teknologjija !! - Faqe 3 Badasamsung1

Te rejat nga teknologjija !! - Faqe 3 Badasamsung1

Veçantia themelore e kësaj pajisje është
sistemi i ri operativ Bada nga Samsung. Pajisja mbështet numër
jashtëzakonisht të madh të formateve multimediale, e në treg do të
paraqitet gjatë muajit prill me çmim tani për tani të panjohur.
www.samsungmobile.com

nga *lissa* Tue Feb 16, 2010 11:03 am

Asus tablet edhe zyrtarisht

Asus ka paraqitur edhe zyrtarisht kompjuterin e vet tablet
Eee PC i cili vjen me procesor Atom dhe ekran 10 inçësh të ndjeshëm në
prekje.

Asus ka paraqitur tabletin për të cilin qe një kohë
të gjatë po flitet - T101MT. Ky kompjuter vjen me ekran 10-inçësh të
ndjeshëm në prekje dhe mbështet kontrollet multi-touch.
Ai është i bazuar në platformën Pine Trail të kompanisë Intel,
procesori është Atom N450, e rezolucioni i ekrani me ndriçim LED të
prapavijës është 1.024 x 600 piksela. Mund të blihet me një apo dy
gigabajt të memories punues, grafika është GMA 3150 e Intel, gjersa vjen
me disk të fortë me kapacitet prej 160 apo 320 gigabajt. Pesha e këtij
kompjuteri tablet është 1.3 kilogramë, përderisa bateria e tij ofron
deri në 6.5 orë autonomi pune.
Asus Eee PC T101MT do të vjen në ngjyrë të bardhë apo të zezë, kurse
do të vjen me versionet Starter, Home Basic apo Home Premium të Windows
7. Tani për tani nuk ka të dhëna për çmimin.

nga *lissa* Tue Feb 16, 2010 11:03 am

T-Mobile paraqet telefonin e mençur Pulse Mini

Një prej trendeve të cilat i kemi vërejtur gjatë kohëve të
fundit është paraqitja e telefonave të mençur e të fuqishëm, por me çmim
të arsyeshëm. I tillë është edhe Pulse Mini i T-Mobile, i cili është
bazuar në sistemin operativ Android të Google.

T-Mobile në
konferencën për gazetarë në kongresin Mobile World Congress në
Barcelonë ka paraqitur këtë pajisje.
Ky telefon i mençur do të duhet të përshtatej në mënyrë të përsosur
në strategjinë e re të T-Mobile të quajtur Connected Life and Connected
Work. Ky telefon është bazuar në versionin më të ri të sistemit operativ
Android 2.1, e veçohet për ekranin HVGA me diagonale prej 2.8 inç,
fotoaparat me rezolucion prej 3.2 megapiksela me autofokus, memorie
interne prej 300 megabajt dhe memorien maksimale për ruajtje të dhënave
prej 16 gigabajt. Sa u përket lidhjeve, në këtë pajisje ofrohen
Bluetooth, USB, WiFi, GPRS e HSDPA.
Dimensionet e Pulse Mini janë 106 x 57 x 14 milimetra, peshon rreth
110 gramë, gjersa bateria do të ofrojë autonomi prej 420 orësh në pritje
dhe 300 minuta bisedë.
Pulse Mini do të duhej të paraqitej në fillim të tremujorit të këtij
viti, me çmim tani për tani të panjohur.
www.t-mobile.com

nga *lissa* Tue Feb 16, 2010 11:04 am

Arnim i dobët nga Windows

Përditësimi i sigurisë të cilin kompania Microsoft e
publikon çdo të dytën të martë të muajit ka sjell problem i cili shfaqet
me një pamje të kaltër të kompjuterëve me sistemin operativ XP,
përndryshe i njohur si Blue Screen of Death (BSOD).

Në fakt,
ankesat e përdoruesve kanë filluar pak kohë pasi që ky përditësim është
publikuar dhe ata thonë se pas përditësimit, kompjuterët e tyre kanë
filluar të mos funksionojnë si duhet, ka qenë e pamundur të ristartohet
sërish e pas së gjithave është paraqitur ekrani i kaltër me porosinë e
njohur se është zbuluar një problem dhe se Windows duhet të çaktivizohet
për të parandaluar dëmtimin e kompjuterit.
Microsoft ende nuk është deklaruar në lidhje me këtë çështje.

nga *lissa* Tue Feb 16, 2010 11:04 am

Motorola paraqet edhe një telefon të mençur

Kompania Motorola ka paraqitur telefonin e saj të radhës të
mençur me ekran të ndjeshëm në prekje i cili vihet në funksion nga
sistemi operativ Android.

Sipas Motorolas, kjo pajisje e
emërtuar Cliq XT apo Quench synon të organizojë porositë dhe të
sinkronizojë kontaktet për të mundësuar bisedat gjatë tërë kohës.
Pajisja është paraqitur në kongresin “Mobile World Congress” i cili po
mbahet këto ditë në Barcelonë.
Quench ka ekran me diagonale prej 3.1 inçësh, gjersa në Shtetet e
Bashkuara të Amerikës do të del në shitje gjatë muajit të ardhshëm.

nga Sponsored content