Te rejat nga teknologjija !!

Google Chrome 4.0 edhe më stabil


Kompania
Google ka lansuar versionin e parë publik e stabil të shfletuesit të
vet të internetit Chrome 4.0 i cili vjen me mbështetje për shtojca.
Versioni i parë, siç kemi raportuar, ka qenë në dispozicion gjatë
muajit të kaluar.



Përveç mbështetjes për shtojca, të cilat
në këtë moment janë 1.841, Chrome 4.0 sjell mundësi të sinkronizimit të
bookmarks, ofron mbështetje për teknologjitë HTML5, janë përmirësuar
mekanizmat për programues, si dhe performansa dukshëm më të mira gjatë
leximit të faqeve, si dhe rregullim të shumë bug-ave.
Versioni i fundit i Chrome me mbështetje për shtojca tani për tani
është në dispozicion vetëm për shfrytëzues të Windows, mirëpo është
paralajmëruar edhe versioni për sistemin operativ Mac. Ndërkohë, nga
Google kanë porositur se shfrytëzuesit e Linuxit mund t’i provojnë
mundësitë e reja me anë të versionit eksperimental të Chrome.

Edhe një Android nga Samsung


Kompania Samsung
ka paraqitur edhe një telefon të mençur të bazuar në sistemin operativ
Android nga Google, të emëruar Galaxy Portal.



Ky model i
ri i Samsung do të shitet ekskluzivisht nga operatori i telefonisë
mobile T-Mobilea, gjersa duket shumë interesant dhe ka konfigurim
inovativ.

Galaxy Portal është i bazuar në versionin 1.5 paksa të dalë nga moda të
Android, mirëpo Samsung ia ka shtuar këtij sistemi operativ
konfigurimin e vet të pamjes të quajtur Layar i cili përdorë GPS si dhe
“realitet të përmirësuar”' (anglisht - augmented reality) për të na
sjellë informata të caktuara që kanë të bëjnë me lokacionin tonë të
momentit. Për shembull, nëse u intereson se ku gjendet kafeteria më e
afërm, Galaxy Portal do t’ua tregojë këtë, dhe atë në hartë e cila
mbushet varësisht se në cilën anë e ktheni telefonin.

Nga specifikat tjera teknike vlen të veçohen ekrani i ndjeshëm në
prekje me diagonale prej 3.2 inçësh dhe rezolucion 320 x 480 piksela,
fotoaparati prej 3.2 megapikselash, mundësia e ruajtjes së dhënave në
kartela të memories MicroSD me kapacitet deri në 32 gigabajt si dhe
lidhjet WiFi e HSDPA.

Bill Gates: Google do të duhej të qëndroj në Kinë


Shefi
i gjigantit softuerik Microsoft, Bill Gates, ka deklaruar të hënën se
interneti, si mjet i lirisë së shprehjes, do të duhej të qëndroj në
Kinë dhe censurën e Pekinit e ka përshkruar si “shumë të kufizuar.Në
një intervistë dhënë rrjetit televiziv amerikan ABC në lidhje me
kontestin e kompanisë Google me Kinën, Gates ka thënë se interneti
është subjekt i censurës në mbarë botën, por përkundër kësaj ai është
dëshmuar si i qëndrueshëm në promovimin e lirisë dhe shkëmbimit të
ideve.
“Duhet të vendosni, ose do të respektoni ligjet në shtetet në të
cilat veproni ose jo. Nëse jo, do të mund të ndërprisnit veprimtarinë”,
ka thënë Gates, njeriu më i pasur në botë, pa e përmendur kompaninë
Google.
“Orvatjet kineze me censurim të internetit janë shumë të kufizuara.
Mendoj se është shumë e rëndësishme që interneti të mbetet atje”, ka
shtuar ai.
Gates ka bërë këto deklarata në një kohë kur Kina po mbron orvatjet
e saja për kontrollimin e internetit, dy javë pasi që Google ka
njoftuar se dëshiron të heq dorë nga censurimi i makinës së saj të
kërkimit Google.cn. Kompania kishte raportuar se faqen e tyre po e
sulmonin vazhdimisht hakerët kinezë.

Facebook dyfishon numrin e përdoruesve


Facebook
ka rritur më shumë se dyfish numrin e përdoruesve të tij në Shtetet e
Bashkuara të Amerikës nga 54.5 milionë në dhjetor të vitit 2008 në
111.9 milionë vizitorë unik të këtij rrjeti në dhjetor të vitit të
kaluar, ka njoftuar kompania e hulumtimeve ComScore.



Suksesi i rrjetit online për shoqërim në vitin e tij të pestë është më i madhi për këtë kompani të uebit që prej themelimit.
Facebook aktualisht ka rreth 350 milionë përdorues, me ç’rast shtatë
për qind të kohës së përgjithshme online në Facebook i kalojnë
pikërisht përdoruesit nga Shtetet e Bashkuara.
Facebooku ishte nisur fillimisht si rrjet i mbyllur të cilin e
kishte nisur Mark Zuckerberg nga Universiteti i Harvardit, për t’u
hapur për të gjithë në vjeshtën e vitit 2006.

Symbian para Androidit?


Sipas analizës së
kompanisë së hulumtimeve IDC, Symbian deri në vitin 2013 do të duhej të
jetë sistem dominues operativ në telefona të mençur, para atij Android.IDC
e bazon parashikimin e vet në pozicionin jashtëzakonisht të fuqishëm të
Nokias e cila e përdorë sistemin Symbian në pajisjet e saja dhe faktit
se edhe më tutje mbetet prodhuesi më i suksesshëm i telefonave të
mençur dhe atyre “të marrë”.
Vendi i dytë do t’i takoj Androidit i cili do të duhej të tejkalonte
sistemin operativ Windows Mobile, derisa pajisjet me Blackberry do të
janë në vendin e katërt.
Sipas
kësaj analize, Apple iPhone do të mbetet i pesti deri në vitin 2013 sa
i përket shpërndarjes së tij, por kur merret parasysh shitja në rritje
e Apple iPhone, dihet kush është fituesi i vërtetë, e për më shumë kur
pritet edhe shitja e 68 milionë pajisjeve tjera nga kjo kompani.
Pritet që të rritet edhe depërtimi në treg edhe i pajisjeve me
ndonjë prej versioneve të gjenerike të Linux, si dhe ato të bazuara në
sistemin webOS.

Numri i përdoruesve të Twitter ndalon në 75 milionë


Para
disa ditësh të HubSpot i ka publikuar të dhënat statistikore për
rrjetin dhe shërbimin për mikroblogje Twitter, e tani këto të dhëna i
plotësojnë ato të analistëve të kompanisë RJMetrics.



Sipas
të dhënave të HubSpot, gjatë tetorit numri i përdoruesve të Twitter ka
qenë vetëm 3.5 për qind, që është rënie e theksuar nëse krahasohet me
13 për qind sa ishte shtatë muaj më herët. Analistët e RJMetrics janë
diç më konkret dhe si numër të përgjithshëm të Twitter theksojnë të
jetë 75 milionë.
Si muajin me rritjen më të madhe të përdoruesve në RJMetrics e
theksojnë muajin korrik të vitit të kaluar, kur në këtë shërbim janë
regjistruar rreth 7.8 milionë njerëz, e tani janë 6.2 milionë.
Në RJMetrics theksojnë se shumica e llogarive në Twitter janë
joaktive, që përshtatet me të dhënën që gjatë muajit dhjetor së paku
një porosi të statusit kanë shkruar vetëm 17 për qind të përdoruesve.

Nokia X6 me 16 gigabajt memorie


Nokia ka paraqitur telefonin celular X6 me 16 gigabajt memorie si alternativë më të përballueshme të modelit me 32 gigabajt.



Nokia
X6 është paralajmëruar qysh në muajin shtator të vitit të kaluar.
Prodhuesi e ka paramenduar këtë telefon si pajisje multimediale për
përdoruesit të cilët nuk duan të heqin dorë nga koleksioni i tyre video
e audio derisa janë në lëvizje. Atëbotë ishte paralajmëruar pajisja me
32 gigabajt edhe ekran të diagonales 3.2 inç i ndjeshëm në prekje.

Pak para se të lëshonte modelin X6 në tregun evropian Nokia ka vendosur
të ofrojë edhe modelin me 16 gigabajt memorie i cili do të duhej të
jetë më i përballueshëm nga çmimi sesa ai që ishte paralajmëruar
fillimisht.

Specifikat tjera të telefonit janë identike: Fotoaparat prej 5
megapiksela me thjerrëz dhe blic të Carl-Zeiss, A-GPS, busollë e
integruar dhe Nokia Maps, konektor microUSB, WLAN, Bluetooth 2.0 dhe
bartje të dhënave me anë të protokollit HSDPA.

Nuk mund të vërejmë se Nokia i ka pajisur celularët e vet X6 në të
njëjtën mënyrë si edhe Apple që ka bërë me pajisjet e veta iPhone 3GS.
X6 e as iPhone nuk e kanë mundësinë e zgjerimit të memories me kartela
që nuk na çudit ky fakt për Apple, por është bukur e pazakontë për
Nokian.

Shërbim muzikor online nga HP


HP ka
paralajmëruar shërbim të ri muzikor online në Evropë të cilin e ka
emëruar HP MusicStation. Shërbimi do të mbulojë dhjetë shtete evropiane
dhe do të jetë i mbështetur nëpërmes ofruesit britanik të muzikës -
Omniphone.



Edhe pse ky shërbim ka të bëj vetëm me Evropën,
me anë të tij HP tenton t’i bëhet konkurrent i kompanisë Apple e cila
është udhëheqëse në tregun e muzikës online.
HP më herët kishte shitur kompjuterët e vet në Shtetet e Bashkuara
të Amerikës me softuer të integruar Apple iTunes, por ka vendosur ta
zëvendësojë atë në dobi të versionit të vet të softuerit Rhapsody.
Për dallim nga Apple e cila shet këngë dhe albume me shkarkim,
shërbimi i HP-së do të mund t’i ofrojë qasje pa pagesë në gjithë
bibliotekën e vet prej 6.5 milionë këngësh.

Steve Jobs zbulon kompjuterin tablet – iPad


Thashethemeve
dhe pritjeve u erdhi fundi. Apple ka paraqitur versionin e vet të
kompjuterit tablet me emrin iPad, duke shpresuar se me këtë ka definuar
edhe një kategori të re të pajisjeve, diku në mes laptopëve, telefonit
të mençur dhe një pajisjeje për lojë e zbavitje. Është vështirë të
parashikohet nëse kjo orvatje do t’i përfundoj suksesshëm, mirëpo nga
ajo që kemi parë në konferencën e Apple për shtyp të mbajtur të
mërkurën, iPad i ka të gjitha predispozitat që ta bëj këtë.Kur
Apple e kishte paraqitur iPhone, të gjithë kishin supozuar për
mundësitë e tij harduerike. Tri vite pas, Apple paraqet edhe iPad,
mirëpo tani theksi nuk bie edhe aq shumë në harduer, por në përmbajtjet
dhe shërbimet të cilat do t’i marrim me këtë pajisje.
Strategjia e kompanisë Apple është e qartë: të fokusohet në një
pjesë të tregjeve me përmbajtje digjitale, të bëj pajisje për
shpërndarje dhe kënaqësi me ato përmbajtje të cilat janë nën kontrollin
e saj dhe më pas të merr përqindjen e vet. Kjo gjë u ka funksionuar
shkëlqyeshëm edhe me muzikë (iPod), e edhe më mirë me aplikacionet
mobile (iPhone), e tani u ka ardhur radha, videove, fotografive,
librave elektronikë dhe revistave.
Le
t’ia nisim me harduerin. Apple iPad është gjithsej 1.27 centimetra i
trashë dhe 0.68 kilogramë i rëndë. Ekranin e ka IPS LCD me diagonale
prej 9.7 inç, e futet në funksion nga çipi i Apple me emrin A4, i cili
ka takt punues prej 1 GHz. Sa i përket ruajtjes së të dhënave, iPad do
të vjen në tri variante: 16, 32 e 64 gigabajt hapësirë të dhënash. Nga
lidhjet e mundshme, në të janë Wi-Fi e Bluetooth (me shtojcë të 3G që
vjen si opsion), e bateria zgjat deri në 10 orë punë dhe deri në një
muaj në pritje (standby). iPad megjithatë nuk ka porte USB, e me
kompjuter dhe pajisjet tjera periferike lidhet me anë të konektorit 30
pinësh.
Kur
jemi te shtojcat, një prej tyre është paralajmëruar: tastiera e cila
njëkohësisht shërben edhe si pikë furnizimi, që e bën atë një shtojcë
të shkëlqyeshme. Nga pikëpamja softuerike iPad është i ngjashëm me
iPhone dhe me të ndan të njëjtin sistem operativ, mirëpo shumë
aplikacione janë bartur nga Mac dhe janë përshtatur për iPad dhe
tastierës së saj softuerike. Mund të presim që për këtë tastierë të
dëgjomë shumë gjatë ditëve në vijim, mirëpo tani për tani është
vështirë të thuhet se sa ajo do të mund të jetë zëvendësim për
tastierën standarde, atë harduerike QWERTY. Vlen të përmendet edhe një
gjë e cila mungon: kamera. Duket se Apple e ka menduar pajisjen iPad më
të të afërt me kompjuterin sesa me celularin, prandaj kamerën e ka
menduar si shtojcë të cilën do ta shes ndaras.
Hmmm...
Gjërat paksa komplikohen kur vjen puna të çmimi. iPad me 16 GB memorie
kushton 499 dollarë, modeli 32-gigabajt është 599, e ai 64-gigabajt 699
dollarë. Nëse doni lidhje 3G, që në ditë të sotme është domosdo, çmimi
rritet për 130 dollarë për model.
E përmendëm pajisjen iPod me të cilën Apple bëri për vete tregun e
muzikës digjitale dhe atë iPhone i cili po bën kërdi në tregun e
aplikacione mobile. iPad është pajisje më e gjithanshme dhe vlerësojmë
se dominimi e saj mund të shpërndahet në disa fusha: film, video e
televizion, fotografi, libra, revista e lojëra. Kemi dyshime që
përdoruesit do ta pranojnë atë njëjtë kur bëhet fjalë për të gjitha
këto përmbajtje, por nëse Apple i shkon për dore të zgjeroj afarizmin e
vet në ndonjërën prej këtyre që u përmendën, iPad do të jetë një
pajisje shumë e suksesshme.

SHBA-ja nuk heq dorë nga liria e internetit


Shtetet
e Bashkuara të Amerikës kanë deklaruar se nuk do të heqin dorë nga
veprimet e tyre të cilat kanë për qëllim të promovojnë lirinë e
internetit.



Kjo gjë është theksuar së tepërmi pas
përleshjeve në mes të makinës së kërkimit Google dhe qeverisë kineze,
pasi që Google vlerëson se sulmet kompjuterike të cilat janë kryer ndaj
kësaj kompanie kanë mundur të bëhen me ndihmën apo njohurinë e qeverisë
së Kinës.
Përfaqësuesi për shtyp i Departamentit Amerikan të Shtetit Philip
Crowley ka deklaruar se SHBA-ja kupton pozicionin ndryshe të Kinës sa i
përket kufizimit të informatave, por ka shtuar se SHBA-ja vlerëson se
një gjë e tillë është e paqëndrueshme në shekullin XXI kur kihet
parasysh qarkullimi i tanishëm i informatave dhe mjedisi i internetit.

Mazda 6 ridizajnohet për tregun japonez


Fillimi
i vitit është kohë ideale për rifreskimin e dizajnit. Të vetëdijshëm
për këtë janë edhe në Mazda prandaj zbukurimit i është nënshtruar edhe
njëri prej modeleve ë të popullarizuara të këtij prodhuesi, ai Mazda 6.Mazda
6, e cila në Japoni njihet me emrin Atenza, ka përjetuar një ridizajnim
më të vogël për tregun lokal. Megjithatë, kur merret parasysh se po
afrohet dita e hapjes së panairit të automjeteve në Gjenevë, nuk do të
na çudiste aspak fakti po që se do të shihnim një model të ridizajnuar
ngjashëm edhe për tregun evropian.
Ndryshimet më të mëdha i ka pësuar eksterieri me rrjetin e ftohësit
të ajrit të ridizajnuar, thithësit më theksuar të ajrit, dritat të reja
të para dhe të prapme dhe rrotat e reja, derisa enterieri ka mbetur pak
a shumë i njëjti.

G-Power nga BMW X5 bën raketë


G-Power ndoshta
nuk është i njohur për përpunimin e automjeteve të BMW-së sa janë të
njohur Alpine, apo AC schnitzer, mirëpo ky dekorues automjetesh ka dalë
në sipërfaqe sepse ka bërë një çmenduri totale.Dekoruesi
gjerman i automjeteve G-Power deri më tani mund të lavdërohet për
projektin e vet M5 Hurricane RS me të cilin me BMW-në e përpunuar M5 me
750 kuaj fuqi e ka marrë titullin e automjetit më të shpejt nga Brabus
CLS Rocket.
Kësaj radhe në G-Power i janë kapur përpunimit të SUV-it X5 të
BMW-së e rezultatet janë “të çmendura”. Veçse e kanë bërë
jashtëzakonisht sportiv, në G-Power këtij SUV-i të BMW-së ia kanë
montuar edhe rrotat prej 23 inçësh, dhe tërë karrocerinë e tij e kanë
mbuluar me plastikë aerodinamike.
Në dekorim është përfshirë edhe motori 4.8 litërsh V8 të cilit i
është modifikuar ECU-ja, është shtuar kompresori SK III RS për të
arritur fuqinë e përgjithshme prej 635 kuaj fuqi. Arritja e shpejtësisë
prej 100 kilometrash në orë zgjat vetëm 4.5 sekonda, derisa ajo
maksimale është më e madhe se 300 kilometra në orë.
Pas përpunimit, në G-Power e kanë emëruar këtë automjet - Typhoon 'Black Pearl'. E çmimi - 295.000 euro.

Fujitsu – iPad është emër i yni!


Në Fujitsu
besojnë se Apple nuk ka të drejtë të përdorë emrin iPad i cili e
përshkruan pajisjen e fundit të paraqitur nga kjo kompani.



Ditën
e madhe për kompaninë Apple, paraqitjen e pajisjes iPad, ka tentuar ta
prish Fujitsu. Në fakt, shefi i marrëdhënieve me publikun i kompanisë
japoneze ka deklaruar se “nuk beson që Apple ka të drejtë të përdorë
emrin iPad".
Supozohet se Fujitsu qysh në vitin 2003 ka bërë kërkesë për
regjistrimin e emrit të kontestuar me të cilin e ka dalluar pajisjen e
vet PDA e cila kryesisht është shitur në Shtetet e Bashkuara të
Amerikës. Edhe pse ata vitin e kaluar e kishin humbur të drejtën për
përdorur këtë emër, e në ndërkohë kanë bërë kërkesë për të, në Fujitsu
besojnë se emri ende është i tyre. Kompania tanimë po konsultohet me
avokatët e vet në lidhje me hapat e mëtutjeshëm.
Fujitsu iPad ka pasur ekran 3.5 inçësh të ndjeshëm në prekje, ka
pasur sistem Ëindoës CE, e në tregun amerikan kushtonte 2.00 dollarë.
Përndryshe, Apple ka pasur probleme edhe me kompaninë Cisco rreth
përdorimit të emrit iPhone, mirëpo ai problem ishte zgjidhur me
marrëveshje në mes të dyja palëve.

Ekrane tredimensionale nga Samsung


Samsung
bëhet kompania e parë e cila fillon me prodhimin masiv të ekraneve
tredimensionale (3D) për televizorët LCD me diagonale të ndryshme.Samsung
ka njoftuar se gjatë këtij muaji ka filluar me prodhimin e ekraneve 3D
për televizorët LCD me ndriçim të thjeshtë dhe ata me ndriçim LED të
prapavijës. Në prodhim janë ekranet me diagonale prej 40, 46 e 55 inç
me rezolucion të plotë të lartë (Full HD) dhe frekuencë të rifreskimit
të fotografisë prej 240 Hz.
Kompania
pohon se koha e përgjigjes në të gjitha këto ekrane është më e shkurtër
se katër milisekonda, që në kombinim me teknologjitë tjera zvogëlon
interferimin për syrin e djathtë dhe të majtë, dhe kështu jep ndjesi më
të mirë në paraqitjen tredimensionale, e po ashtu edhe në
dydimensionale. Kjo më së shumti ka të bëj me skenat dinamike kur
përdoret teknologjia 3D Active Glasses, e definuar nga Glasses
Standardization Working Group e organizatës CEA.
Kompania për hulumtimin e tregjeve DisplaySearch parasheh rritje të
shpejtë të tregjeve të ekraneve tredimensionale gjatë viteve të
ardhshme - vlera e përgjithshme do të duhej të rritej nga 902 milionë
dollarë në vitin 2008 në 22 miliardë dollarë deri në vitin 2018.

Nokia po këndellet


Prodhuesi finlandez i
celularëve, pos të hyrave të larta, ka arritur të kthej edhe pjesën e
tregut të humbur gjatë periudhës së kaluar.Nokia i ka
publikuar rezultatet e afarizmit të cilat kanë dal të janë larg më të
mira sesa ato që janë pritur nga shumëkush. Gjatë tremujorit të fundit
të vitit të kaluar të hyrat e përgjithshme të prodhuesit finlandez kanë
qenë 12 miliardë euro, e profiti ka qenë hiq më pak se 882 milionë
euro. Çmimi mesatar i shitjes së celularëve të Nokias ka qenë 63 euro.
Nga gjithsej 329 milionë celularë sa janë shitur gjatë këtij
tremujori në tërë botë, 126.9 milionë kanë qenë të Nokias, që është 17%
rritje me tremujorin paraprak, dhe 12% më shumë sesa tremujori i njëjtë
i vitit të mëhershëm.
Në tregun e telefonave të mençur Nokia ka shitur gjithsej 20.8
milionë pajisje, e në tremujorin e mëhershëm ka shitur “vetëm” 16.4
milionë. Pjesëmarrja e Nokia në treg është rritur në 40%, nga 35% sa
ishte gjatë verës.
Nokia pret që të vazhdoj me rritje edhe gjatë tremujorit vijues.

QIK-un e “marrin” hakerët


Ueb-faqja e Qendrës
për Informim të Kosovës (QIK), kosova.com, është sulmuar nga hakerët,
dhe si e tillë vazhdon të jetë jofunksionale.



Artikujt e
ndryshëm të publikuar në këtë qendër nuk hapen, ndërsa pas së cilit
qëndron pohimi i hakerëve se duhet të kihet kujdes, ngase posedojnë
kontroll të plotë mbi faqen në fjalë, duke dhënë edhe adresën e
ueb-faqes së tyre.
Kjo nuk është hera e parë që agjenci dhe portale të ndryshme të Kosovës sulmohen nga hakerët dhe bëhen të papërdorshëm.

Paraqitet Ford Mustang 2011

Ford ka nxjerrë disa detaje dhe karakteristika të reja dhe inovative teknike të vetures së re Ford Mustang si brezi i ardhshëm i kesaj veture, që vijnë në vitin 2011 para se të paraqitet në LA Motor Show në vitin 2011.



Ford Mustang me sa duket do të jetë një version i përmirësuar mirë krahasuar me llojet tjera të nxjerrura nga kjo shtepi e veturave.
Kjo veturë vie me një numër të madhë të përmirësimeve si në shasi po ashtu edhe në peshë. Ai gjithashtu ka një motor Duratec V6 që zhvillon 305kuaj fuqi.

Kompjuteri tablet nga Acer në vjeshtë?


Prodhuesi korean Acer për këtë vit planifikon që të lëshoj në treg lexuesin e vet elektronik të librave, netbookun e bazuar në sistemin operativ Chrome OS dhe kompjuterin tablet i cili do të duhej të jetë konkurrent i idesë së Apple.



Sipas gazetës “Bloomberg”, Acer gjatë këtij viti ka për qëllim të na qeras edhe me tabletin e vet, i cili sipas të njëjtin burim që një kohë të gjatë është në përpunim e sipër. Tani për tani nuk dihen asnjë lloj detajesh teknike, derisa dalja e produktit final është i mundur të del në vjeshtë.
Siç ka pranuar edhe Acer, ata janë duke pritur së pari të shohin se si do të duket kompjuteri tablet nga Apple para se ta lansojnë atë të tyre duke vlerësuar atë si një inspirim shtesë nuk mund t’u bëj dëm.
Veç tabletit, Acer për fillim të verës ka paralajmëruar edhe paraqitjen e lexuesit të vet elektronik të librave, me diagonale prej gjashtë inç i cili fillimisht do të del në tregun evropian, e për vjeshtë pritet dalja e kompjuterit netbook të bazuar në sistemin operativ Chrome OS.

Toshiba Satellite E205 fillon shitjen

Toshiba ka filluar me shitjen e kompjuterëve të saj netbook Satellite E205 të cilët shfrytëzojnë teknologjinë Wireless Display të Intel.



Ky sistem pa tela (wireless) i cili është paraqitur në panairin e elektronikës shpenzuese punon në çipsetat më të ri të Intel të cilët u mundësojnë përdoruesve të shohin ekranin e netbookut në cilindo televizor të definicionit të lartë që ka hyrje kompozite apo HDTV. Adapteri i vogël lidhet drejtpërdrejt në televizor dhe ai pranon pamjen nga kompjuteri netbook, derisa nga ana e netbookut nuk nevojitet asnjë lloj adapteri.
Modelin E205 e karakterizon ekrani 14 inçësh me rezolucion 1.366 x 768 piksela, procesori Core i5-430M, 4 GB memorie e sistemit, DVD Writer si dhe disk i fortë me kapacitet prej 500 gigabajt.
Satellite E205 ka dalë në shitje me çmim prej 900 dollarë, apo 635 euro

Facebook i ndjeshëm në sulme


Facebook është i ndjeshëm në lloje të caktuara të sulmeve të cilat sulmuesit potencial do t’i mundësonin të merr përsipër kompjuterin derisa përdoruesi është në interaksion me ndonjë faqe tjetër interneti, kanë tërhequr vërejtjen ekspertët e fushës së sigurisë.



Njëri prej tyre, Nitesh Dhanjani, gjithashtu thekson se pika e dobët është tek dizajni i Facebookut i cili u mundëson përdoruesve që me anë të aplikacioneve tjera t’i qasen profilit të tyre pa miratim paraprak.
Facebook është shumë i ndjeshëm në sulmet e njohura si “clickjacking” me anë të cilave mund t’iu merret llogaria juaj në Facebook, nëse klikoni në faqe të caktuara të cilat përmbajnë kod të fshehur dashakeq

Së shpejti MacBook Pro më të fuqishëm


Apple
shumë shpejt do të mund të rifreskonte laptopët MacBook Pro me
procesorët e ri të Intel nga familja mobile Arrandale e kompanisë Intel.




Informata
cdo ditë e më të shumta flasin për modernizimin e laptopëve MacBook Pro
të Apple me procesorët e ri të kompanisë Intel. Sipas këtyre
informatave, përmenden laptopët MacBook Pro me shenjën dalluese 6.1 dhe
çipi dybërthamësh i Intel nga linja mobile Arrandale, top-model Core i7
620M.
Procesori i përmendur ka takt pune 2.66 GHz, 4 MB L3 cache memorie dhe bërthamë të integruar grafike me takt prej 766 MHz.
Si pjesë tjetër e ofertës së laptopëve të rinj përmenden edhe çipat
Core i5 430M (2.26 GHz) apo 520M (2.4 GHz) dhe Core i5 540M (2.53 GHz)
për ofertën e mesme.
Postuar: 1:02 / 8 Shkurt 2010 | RSS

Vjen iTablet


Në
tentim që të shfrytëzojë zhurmën të cilën e ka krijuar Apple iPad,
kompania britanike X2 Computing paraqet versionin e vet të kompjuterit
tablet, i cili është emëruar iTablet.




Për dallim nga
modeli i kompanisë Apple, ky do të ketë sistem Windows 7 apo Linux, dhe
si i tillë do të ketë mbështetje për Flash dhe multitasking.
Natyrisht, iTablet nuk pritet që të jetë ndonjë pajisje
revolucionare në ndonjë formë. Do të vjen me komponentë të cilët janë
tipikë për një netbook, me ekran të diagonales prej 10 apo 12 inç,
derisa mundësia e udhëheqjes me multi-touch do të jetë opsionale.
Procesori i integruar do të jetë ai Atom 1.6 GHz Atom, disku do të ketë
kapacitet prej 250 gigabajt, do të ketë fotoaparat me rezolucion prej
1.3 megapikselash, si dhe tri qasje USB. Për më tepër, ky kompjuter
tablet do të pajisjet edhe me daljen HDMI, Wi-Fi dhe modulin 3G për
qasje në internet.
Komponentët e integruar e diktojnë edhe trashësinë e shtëpizës e
cila është 35 milimetra, që pak a shumë i bien tri herë më e trashë se
ajo e iPad, e as pesha prej 1.8 kilogramësh, nuk lë përshtypje të mirë.
Pajisja del në shitje gjatë muajit prill. Çmimi nuk është publikuar, mirëpo pritet të mos e kalojë shumën prej 500 dollarësh.
Postuar: 0:28 / 7 Shkurt 2010 | RSS

Xperia X10 vjen në muajin prill


Operatori
i telefonisë Vodafone ka njoftuar se do të filloj të shes telefonin
celular Xperia X10 të prodhuesit Sony Ericsson në Britani të Madhe
gjatë muajit prill.




Vodafone ka njoftuar për shitjen e
Xperia X10 në faqet e saja zyrtare të internetit, mirëpo tani për tani
nuk ka informata për çmimin e kësaj pajisje.
Sony Ericsson Xperia X10 është pajisja e parë e kësaj kompanie e
bazuar në sistemin operativ Android i cili futet në funksion nga
procesori Snapdragon i Qualcomm. Në të gjendet edhe ekrani 4 inçësh i
ndjeshëm në prekje, GPS dhe fotoaparati prej 8.1 megapiksela.
Sony Ericsson edhe më herët kishte paralajmëruar se ka për qëllim të
nis shitjen e Xperias X10 nëpërmes faqeve të saja të internetit gjatë
muajit mars apo prill të këtij viti.
Postuar: 0:27 / 7 Shkurt 2010 | RSS

Softuerët për telefonat me Symbian pa pagesë


Fondacioni
Symbian ka njoftuar se softueri i cili përdoret për shumicën e
telefonave të mençur që tani e tutje është bërë pa pagesë për të gjithë
shfrytëzuesit e saj.




Fondacioni është themeluar në vitin
2008 kur kompania Nokia, si prodhuesi më i madh në botë i këtij lloji
të softuerëve, kishte blerë konsorciumin të cilin e ka programuar për
nevoja të veta. Nokia ditë më parë ka vendosur që të nis me
shpërndarjen pa pagesë të këtij softueri.
Drejtoria e kompanisë e arsyeton këtë veprim me nevojën që Symbian
të bëhet i popullarizuar edhe në mesin e prodhuesve tjerë të
telefonave, që deri tash nuk ka qenë rast i njohur në botën e
teknologjisë.
Lee Williams, drejtor ekzekutiv i Fondacionit i cili ka qendrën e
vet në Londër, ka deklaruar se tani është kompletuar konversioni më i
madh i softuerit të mbyllur në atë që zakonisht quhet “kod i hapur” apo
softuer pa pagesë i cili është në dispozicion të çdokujt.
Megjithatë,
softueri i përshtatur për karakteristikat e veçanta telefonike mbetet
të paraqitet, ka njoftuar Nokia duke mos precizuar se për çfarë bëhet
fjalë saktësisht.
Softueri Symbian aktualisht përdoret në mbi 330 milionë telefona në
mbarë botën, thekson Fondacioni. Ai tani është duke u përballë me
konkurrencë të fortë në fushën e telefonave të mençur, dhe lufton me
sistemet si ai i Apple iPhone dhe Google Android. Sa për ilustrim,
Android është pa pagesë për të gji hë ata që duan ta përdorin.
Analistët thonë se Symbian, i cili pas vetes ka 10 vite zhvillim, ka
filluar të del jashtë modës dhe ka mbetur prapa për zgjidhjet në
telefonat bashkëkohorë, si për shembull ekranet e ndjeshme në prekje.
Mu për shkak të kësaj ngecje, tregu në Amerikë asnjëherë nuk e ka
pranuar në masë.
Postuar: 15:04 / Shkurt 2010 | RSS

Interesim i dobët për Apple iPad


Rreth dhjetë ditë pas paraqitjes spektakulare të pajisjes
së re iPad nga kompania Apple, kërkesa për pajisjen “revolucionare”
është goxha e dobët.Shumë pak njerëz kanë shprehur dëshirën
që të blejnë këtë pajisje, pa marrë parasysh zhurmës së madhe që u bë
rreth iPad dhe përgjigjes së madhe të medieve në paraqitjen e saj.
Sipas të dhënave të cilat i ka mbledhur kompania Retrove para dhe pas
paraqitjes së iPad, interesimi i përdoruesve për këtë pajisje ka rënë
dukshëm pas paraqitjes së saj nga ana e drejtorit të Apple, Steve Jobs,
raportojnë mediet botërore.
Përqindja e njerëzve të cilët dinë për
pajisjen dhe nuk duan ta blejnë atë është dyfishuar pas paraqitjes.
Përqindja e atyre që kanë nevojë për më shumë informata, por janë të
interesuar pak, është rritur nga 19 në 21 për qind.
Numri i atyre të cilët pohojnë se nuk dinë për iPad dhe se nuk janë
të interesuar është zvogëluar, sepse shumë kanë arritur që tani të
dëgjojnë për pajisjen, por nuk janë të interesuar. Pas paraqitjes së
iPad, janë vetëm nëntë për qind e të anketuarve të cilët kanë deklaruar
se do të donin të blinin këtë pajisje.
Për këtë pajisje nga e cila pritet që të hap një kategori të re të
produkteve dhe të revolucionarizojë kompjuterët e ndjeshëm në prekje,
këta tregues janë shumë dëshpërues.

Honda CR-Z gati për Gjenevë


Prodhuesi Honda shpreson se automjeti i tij i ri hibrid
sportiv do t’ia ndryshoj fytyrën vozitjes së “gjelbër”. Bëhet fjalë për
modelin CR-Z, i cili premierën e vet do ta ketë në panairin e
automjeteve të Gjenevës në muajin mars, derisa në shitje në Britani të
Madhe do të del gjatë kësaj vere.Honda CR-Z është automjet
unik, i cili paraqet një kombinim të motorizimit hibrid benzinë-elektrik
të pastër dhe efikas me marsh mekanik prej gjashtë shpejtësish dhe
karroceri elegante kupe 2+2.
Pamja
e jashtme e modelit CR-Z është krijuar në bazë të konceptit të
titulluar “one motion wedge” me pjesën e përparme të ulët dhe qëndrim të
gjerë që këtë automjet e bëjnë të duket me vetëbesim dhe atletik.
Marshi mekanik është në kombinim me
motorin katër-cilindërsh me 1.5 litra, i cili është tërësisht i ri në
tregun e Bashkimit Evropian dhe ai paraqet komponentin kryesor të
karakterit unik të modelit CR-Z.
Për t’u përmirësuar natyra e motorit të
kapacitetit të mesëm, atij i janë shtuar edhe 78 Nm moment rrotullimi të
elektromotorit me 14 kuaj fuqi. Motori 1.5 litërsh i kombinuar me
fuqinë dhe momentin e rrotullimit të sistemit paralel IMA, jep fuqi të
përgjithshme prej 124 KF dhe ka moment rrotullimi prej 174 Nm.

Vjen LG Cookie Plus


Kompania LG ka paralajmëruar trashëguesin e njërit prej
modeleve të saja më të popullarizuara. Bëhet fjalë për modelin Cookie
Plus.



Dallimi më i madh në krahasim me modelin më të vjetër
është mbështetja për rrjetin e gjeneratës së tretë (3G), gjersa janë
integruar edhe aplikacionet për qasje të lehtë në shërbimet Facebook,
Twitter e Flickr.
Konfiguracioni i kësaj pajisje gjithashtu është rifreskuar dhe tani
sjell animacione dhe widgets. Fotoaparati i integruar ka rezolucion prej
tre megapikselash e në të është edhe FM radio.
LG do të filloj shitjen e Cookie Plus së pari në tregjet e Francës
dhe Italisë. Në shitje del qysh muajin e ardhshëm, mirëpo çmimi nuk
është bërë i njohur.

Nokia X6 sjell ekran të ndjeshëm në prekje


Pajisja më e re e Nokias për telekomunikim dhe multimedia
vjen me shenjën dalluese X6. Pikërisht këto ditë kjo pajisje është
paraqitur në Britani të Madhe, e shumë shpejt do të duhej të paraqitej
edhe në tregjet tjera evropiane.



Nokia X6 është pajisja e
parë e kësaj kompanie e cila përdor ekran vëllimor, e ai do të futet në
funksion nga versioni 5 i sistemit operativ S60. Ekrani i pajisjes ka
diagonale prej 3.2 inç, rezolucion 640 x 360 piksela, derisa X6 vjen me
kapacitet prej 16 apo 32 gigabajt.
Nga aspektet e tjera teknike në Nokia theksojnë se X6 peshon 122
gramë, se ka fotoaparat prej pesë megapikselash me blic LED, dalje për
televizion, qasje në dyqanin online Nokia Music, Ovi Maps, A-GPS si dhe
karakteristika tjera multimediale që janë tipike për celularët muzikorë
të Nokias.
Vlen të theksohet po ashtu se Nokia X6 përmban edhe Bluetooth e
Wi-Fi.

Google sjell internetin më të shpejtë në botë


Kompania Google nuk heq dorë nga përpjekjet e saja për të
sunduar botën e teknologjisë. Vetëm disa ditë pasi që ka paraqitur
shërbimin Buzz, ajo ka paralajmëruar edhe ndërtimin e rrjeteve me shirit
të gjerë që është njëqind herë më i shpejt sesa pjesa dërmuese e
internetit të sotëm.Gjiganti i internetit ka paralajmëruar
rrjetin optik me shpejtësi prej një gigabit në sekondë. Për fillim me
këtë rrjet do të mbulohen rreth 500.000 shtëpi amerikane, mirëpo rrjeti
me kohën do të zgjerohet.
Ky projekt i Google është thikë pas shpine për ofruesit amerikan të
shërbimeve të internetit, siç janë AT&T dhe Comcast Corp.
Megjithatë, ekspertët mendojnë se qëllimi i tanishëm i Google nuk është
që t’u konkurrojë drejtpërsëdrejti të mëdhenjve, mirëpo vetëm të krijojë
vendin e vet në treg. Duke pasur parasysh se ka qenë një pjesë e
amerikanëve të cilët kanë qenë shumë të pakënaqur me kualitetin dhe
shpejtësinë e rrjetit të internetit, Google do të duhej të kishte
probleme me hyrjen në këtë treg.
Google
është shumë aktive në fushatën për internet më të shpejtë. Ajo që një
kohë të gjatë lobon për shfrytëzimin e kanaleve të lira televizive në
internet, derisa ajo ka ofruar edhe mbulimin e San Franciscos me
internet pa tela falas.
Google nuk e ka nisur këtë projekt sepse është aq zemërmirë:
interneti më i shpejtë do t’i mundësojë kompanisë shfrytëzimin e
aplikacioneve më të komplikuara dhe më të rënda nëpërmes internetit, që
do të jetë me dobi të madhe kur ajo do ta lansojë sistemin e vet
operativ Chrome OS.
Kompania aktualisht pret paraqitjen e lagjeve të qytetit të cilat
janë të interesuara për bashkëpunim. Nafakalitë do të përzgjidhen deri
në fund të muajit mars, derisa ata do të bëhen me këtë lloj interneti në
pjesën e dytë të këtij viti.