**Lajme nga Bota Islame**

Ketu mund ti Postoni te GJitha te rejat reth Botes .. Shteteve dhe Popullit Islam ..

Haxhilerët po arrijnë në tokat e shenjta

Mehdi Sherif po pret në radhët e gjata në aeroportin e Xhiddes, dhe është një nga miliona musliman që po presin për të hyrë në Arabinë Saudite për të filluar haxhin e sivjetmë, duke mos pasur frikë nga gripi i derrave.

Pak i hutuar nga përhapja e virusit, Sherifi i cili ka qenë në pritje për dy vjet për tu përzgjedhur nga 5000 Kurd Irakian për të kryer haxhin, mban një maskë mbrojtëse, por kurrë nuk i shkoi mendja për të shtyre haxhin.

"Këtë vit jam zgjedhur andaj erdha, nuk munda të them jo. Gëzimi i përzgjedhjes sime është më i madh se frika nga sëmundja," thotë Sherifi.

Prej se Organizata Shëndetësore Botërore e deklaroi virusin si pandemi në qershor, autoritetet Saudite këshilluan që personat e moshuar përmbi 65 vjet, shtatzënat dhe fëmijët si dhe të sëmurit për të shtyre haxhin e tyre.


Rreth 580.000 haxhilerë deri me tani kanë arritur në rajonin perëndimor të Arabisë Saudite, në vendin e xhamive të shenjta të Mekes dhe të Medinës, për tu përgatitur për haxhin që do të fillojë me 26 Nëntor.

Autoritetet Saudite kanë forcuar masat e shëndetësisë në portet dhe aeroportet ku po arrijnë haxhilerët.

Në aeroportin e Xhiddes Ministria e Shëndetësisë ka rritur personelin mjekësor për 22% nga një vit më parë në 568 përfshirë aty doktorë, teknikë të laboratorëve si dhe farmacistë.

Pas mbërritjes, haxhilerët kalojnë në skanerët termik që janë vendosur për të parë nëse dikush ka temperaturën më të lartë se 38 gradë, i cili person pastaj tërhiqet mënjanë për kontroll më të gjerë.

"Nëse dikush i ka simptomat e gripit.. ata do të ekzaminohen dhe nëse dalin rezultatet pozitive ata do të mbahen në mbikëqyrje për pesë ditë ku do ti jepet trajtimi, tha Muhamed El-Harti, menaxher shëndetësor në spitalin e aeroportit.

Ky spital është posaçërisht i përgatitur për rastet e gripit të derrave, dhe ka në dispozicion 300 shtretër, por zyrtarët thonë se ende nuk është regjistruar ndonjë rast.

Autoritetet Shëndetësore kanë ndaluar njoftimin në lidhje me numrin e njerëzve që kanë virusin deri tani por kanë ndodhur 66 vdekje të lidhura me virusin në tërë Arabinë deri me tani.

Këtë muaj autoritetet miratuan një vaksinë për virusin H1N1 dhe filloi fushata për vaksinimin kombëtar në mesin e popullatës 25 milionëshe.

Dënohet vrasësi i “Martires së mbuluar”


Alex Wiens, 28 vjeçar goditi me thikë kuzhine Egjiptianen Marwa El Sherbini, 31 vjeçare e cila ishte shtatzënë në të njëjtën gjykatë ku ai u dënua të mërkurën.

Wiens i cili kishte goditur El-Sherbinin përmbi 16 herë me një thikë të gjatë 18 centimetra kishte pranuar vrasjen e "Martires së mbuluar" në të njëjtën gjykatë.

Prokurorët thanë se Alex kishte një urrejtje të madhe dhe të shfrenuar ndaj të huajve.



Kryeprokurori Frank Heinrich tha se Wiens i cili ishte hedhur në viktimën e tij si një maniak nuk kishte asnjë fjalë keqardhjeje për aktin e tij brutal.

"I akuzuari kishte planifikuar aktin me gjakftohtësi," shtoi Heinrich.

Burri i Marwës, Elvy Okaz, po ashtu kishte pësuar lëndime gjersa po mundohej të ndihmonte gruan e tij tre muaj shtatzënë.

Gjatë këtij konfuzioni Okaz 32 vjeçar, ishte qëlluar në këmbë nga një roje.



Okaz tha për gjyqin se djali i tyre Mustafa tre vjeç e gjysmë po shikonte nënën e tij gjersa ajo po vdiste e mbuluar nga gjaku.

Tani Mustafës i cili jeton në Egjipt me të afërmit i mungon shumë e nëna e tij tha Okaz. "Ai po vuan shumë."

Marwa Sherbini ishte një nxënëse e dalluar në shkollën e saj në Aleksandri të Egjiptit. Ishte përzgjedhur nxënësja më shembullore në tërë kolegjin, për të vazhduar më pas në Fakultetin e Farmacisë në Universitetin e Aleksandrisë ku edhe diplomoi me nota rekorde.
Pasi u martua me Elvy Okazin, një hulumtues nga Institutin Max Planck, ajo u zhvendos të jetoj me atë në Gjermani.

Marwa kishte dalë me djalin e saj 3 vjeçar atëherë për të luajtur në një park në Dresden. Wiens kishte ofenduar atë për shkak të mbulesës islame duke e quajtur atë "terroriste".
Ajo pastaj kishte paditur Wiensin në gjykatën gjermane në lidhje me rastin.

Pasi ajo kishte fituar rastin, Wiens u dënua me gjobë prej € 780 për abuzimin e saj.
Por Wiens apeloi kundër verdiktit.

Pasi Sherbini dëshmoi në një apel në korrik të 2009-ës dhe u largua nga banka e dëshmitarëve, ai nxori një thikë që kishte arritur ta fuste në gjykatë dhe e masakroi atë për vdekje

Suphane Allah

Financat Islame arrijnë Gjermaninë


Ka katër milion muslimanë që jetojnë në Gjermani. Ata hanë pinë dhe luten në përputhje me parimet e tyre fetare. Por kur vjen puna për transaksionet monetare, ata kanë pengesa të mëdha këtu. Kjo është gati të ndryshojë tani.

Në fillim të vitit të ardhshëm, banka e parë Islame në Gjermani që do të hapë dyert e saja për ofrimin e produkteve në përshtatje me Sheriatin Islam do të jetë banka Kuveyt Türk Beteiligungsbank, e cila do të hap një degë në qendër të Manhajmit, qytet ky në Gjermaninë perëndimore, dhe që planifikon degë edhe për qytetet tjera gjermane.

Kjo bankë ka marrë licencen para pak kohe nga Autoriteti Rregullator Financiar i Gjermanisë.

Është një bankë Kuvajtiano-Turke e cila do të ketë mundësi të punojë në përputhje me rregullat islame por me kufizime.

Në vende të tjerë veçse ka filluar të rritet zgjerimi i bankave Islame, e sidomos në Britaninë e Madhe ku gjenden pesë banka Islame në tërë vendin.

Financat Islame me asetet e saja me vlerë mbi 700 miliard dollarë tani janë financat më më rritje në tregun ndërkombëtar.

Zvicra i bashkohet financave Islame


Duke ofruar një gamë të gjerë të produkteve bankare në përputhje me Sheriatin Islam Zvicra u bë vendi i fundit që po i bashkohet këtij sistemi që është në hov të madh të lulëzimit, raporton e përditshmja Gadishulli nga Katari.

"Ne jemi krenar që do të jemi banka e parë zvicerane që ofrojmë një gamë të gjerë të mundësive në sektorin e financave Islame për rajonin e Lindjes së Mesme dhe në shkallë globale," tha Fidelis M Goetz, nga banka Sarasin, gjatë një konference për shtyp në Doha të Katarit.

Banka do të ofrojë një spektër të plotë të produkteve në përputhje me Sheriatin si dhe shërbime për klientët.

"Kjo nismë pasqyron angazhimin tonë për tu shërbyer nevojave të ndryshme të klientëve tanë," tha Goetz.

Banka zvicerane, qe është ndër bankat kryesore private në botë shpreson të marrë një pjesë të tregut në rritje të financave Islame.

Financat Islame janë sektori më më rritje në industrinë financiare botërore

Partia e parë Islame në Spanjë

Partia Rilindja dhe Bashkimi e promovuar nga ish gazetari dhe profesori Arab në Granada Mustafa Barach ka qëllimin e përfaqësimit të muslimanëve në administratat e komunave spanjolle.

Barach i cili ka kombësi spanjolle insiston se ai është i moderuar dhe se mbështet kushtetutën Spanjolle.

"Rilindja dhe Bashkimi është një parti për muslimanët, por edhe për pakicat tjera si dhe emigrantët: "Vëlla, motër, ejani në rilindjen dhe çlirimin, të konsiderojmë se në çfarë gjendjeje jeni dhe të mendojmë në lidhje me këtë. Keni besim në vetveten e pastaj në partinë tuaj për të bërë që zëri juaj të dëgjohet," thotë ai.

"Ka ardhur momenti që muslimanët Spanjoll, Arab, Afrikan emigrantë apo vendas të lirohen nga poshtërimi."

Si anëtar i Këshillit Islamik të Spanjës Barak aspiron në mbledhjen e votave jo vetëm nga 1.3 milion muslimanët në Spanjë por edhe nga emigrantë të cilët përfaqësojnë 10% të popullatës spanjolle.

Konfiskohen 4 xhami dhe një ndërtesë 36 katëshe

Prokurorët federalë në Shtetet e Bashkuara janë duke ndërmarrë masa për konfiskimin e 4 xhamive dhe ndërtesës 36 katëshe, nga një grup jo profitabil, që dyshohet të ketë lidhje me qeverinë e Iranit.


Pos tjerash, prokurorët federalë në SHBA kanë akuzuar Fondacionin Allavi për transferim ilegal të fondeve te qeveria e Iranit.

Ky zhvillim ka pasuar vendimin e presidentit Barak Obama për të vazhduar edhe për një vit sanksionet ekonomike kudnër Iranit

Ndalimi i minareve para Gjykatës për të drejtat e njeriut

Vendimi i kontestuar i Zvicrës për ndalimin e minareve do të shqyrtohet nga Gjykata Evropiane për të Drejtat e Njeriut. Ish-zëdhënësi i xhamisë në Gjenevë, Hafid Ouardiri, ka paraqitur një ankesë në gjykatën në Strasburg, njofton agjencia zviceriane e lajmeve SDA. Ndalimi i minareve është i papajtueshëm me konventën evropiane për të drejtat e njeriut, argumentohet në ankesën drejtuar gjykatës. Në fund të muajit nëntor zvicerianët u shprehën me shumicë të madhe në një referendum popullor për ndalimin e ndërtimit të minareve.

Dijetarët kërkojnë ndalimin e magjisë në Malajzi

Raportet e përdorimit të ashtuquajturës magji e zezë janë të përhapura shumë në këtë vend musliman, ku plaqkitësit po përdorin atë për të pasur sukses në plaqkitjet e tyre.

"Kriminelët thuhet se kanë përdorur tymin e magjisë për ta bërë një viktimë të tyre që të mos i dikton ata gjatë plaçkitjes," tha dijetari musliman i respektuar Haron Din gjatë një seminari të mbajtur në lidhje me magjinë.

Dijetari me influencë Muhamed Abdul Tamyes Wahid, i cili organizoi seminarin, tha se ligjet mbi magjinë e zezë duhet të zbatohen për muslimanët, e po ashtu janë të rëndësishme edhe për të tjerët që banojnë në këtë vend.

Islami është fe zyrtare në Malajzi, vend ky që funksionon me sistemin e dyfishtë ligjor, ku sheriati Islam është i zbatueshëm për muslimanët ndërsa të tjerët kanë ligjet civile.

Dënimi për magji të zezë sipas ligjeve Islame përfshinë rrahjen me shkop si dhe dëbim nga vendi ku kryesi i veprës ka jetuar, thanë ata.

E përktheva Kur'anin në gjuhën rome




Autor i CD-ve të suksesshme, si "Xhemile dhe Flokëzeza Hatixhe", si shumë këngë të tjera rome u lind më 2, maj 1950 si fëmija më i madh i nëntë fëmijëve në lagjen më të madhe rome në Evropë, në Shuto Orizari.
Ai është i njohur me atë se dëshiron të përballet me detyra të vështira. Në gjuhën rome e ka përkthyer Kur`anin Famëlartë.
Muharem Serbezovski për vete thotë se është një prej pak intelektualëve të popullit të tij i cili mund të krenohet se për njëmbëdhjetë vite ulet në tavolinën e punës.
Përveç turnirëve dhe aventurave nëpër botë, Muharrem ka shkruar edhe një numër të madh librash me poezi, prozë, të cilat janë të përkthyera nëpër shumë gjuhë të botës. E intereson edhe politika dhe momentalisht është anëtar në parlamentin e Bosnjë dhe Hercegovinës, ndërsa në Federatë është kryetar i komisionit për të drejtat e njeriut. Megjithatë, kënga është në gjakun e tij. Por, para vetes ka një detyrë të rëndë, ka filluar të punojë në përkthimin e Biblës dhe dëshiron që të bëjë studime mbi teologjinë.
Si erdhët deri tek ideja për ta përkthyer Kur'anin në gjuhën rome?
Desha të bëj diçka që do të ngelë pas meje, e që do t'iu kushtohet Romëve. Vendosa ta përkthej Librin e Shenjtë (Kur'anin Famëlartë). Të parit që i ra ndërmend ta përkthej Kur'anin ishte babai im (rahmet i pastë shpirti), i cili ishte hafëz, mësues. Në Shkup, në vitin 1927, ka kryer medresenë e lartë dhe ishte mësuesi i parë te romët, dhe intelektuali i parë rom në Ballkan. Filloi që ta përkthej Kur'anin dhe arriti që ta përkthejë suren e parë dhe 46 ajete nga sureja e dytë, e më pastaj u nisë në botën pafund. 15 vjet pas vdekjes së tij e mora mbi vete obligimin që ta përfundojë punën e tij. Desha që ta realizojë dëshirën e parealizuar të babait tim. Ndërsa 11 vite punë pa ndërprerë për një romë, me të vërtet janë shumë. Ajo është e para dhe e fundit vepër në gjuhën rome, dhe vërtetoj se asnjë rom nuk do të ulej 11 vite për të bërë një përkthim të tillë.
Në çfarë pengesa hasët gjatë përkthimit të Kur'anit?
Pengesa esenciale ishte tek varfëria e fjalëve në gjuhën rome. Kam humbur tre vite, pasi që u mora me formulimin e fjalëve në disa dialekte rome, për arsye se gjuha rome nuk është e standardizuar. Ka shumë dialekte, si maxhurski, xhambarski, çergarski, koritarski, buraxhiski, topallski, kovaçki. Secili rom me xhelozi e ruan dialektin e vet. Megjithatë, sot duke iu falënderuar angazhmanit tim, standardizimi ekziston. Përkthimin e sjella në dituri më të thjeshta dhe nuk kam shkuar drejtë termeve shkencore. Kur'ani është libër i shenjtë dhe qysh në start romët kanë respekt për të.
Nga Maqedonishtja: Hamdi Nuhiju

Vendet islamike kërkojnë ndalimin e talljes së fesë

Gjenevë - Vendet islamike e kanë nisur një fushatë për ndalimin global të talljes të simboleve dhe ndjenjave fetare, e qëllimi i tyre është hartimi i marrëveshjes ndërkombëtare për ndalimin e blasfemisë në Asamblenë e Përgjithshme të Kombeve të Bashkuara, ka lajmëruar The Associated Pess.
Algjeria dhe Pakistani janë shtete Organizatës së Konferencës Islamike, që procedojnë procesin e lobimit.
Analistët janë të bindur se iniciativa do të ketë sukses në qoftë se shtetet myslimane këmbëngulin në te.
Shtetet e konferencës islamike muajin e kaluar kanë dërguar një letër Komitetit për Standarde Komplementare, ad hoc OKB-së Komitetit të vendosur në Gjenevë, ku qëndron se shtetet nënshkruese
besojnë se “ataku ndaj fesë dhe tallja me religjionin, simbolet të fesë, njerëzve dhe bindjeve rrezikon të drejtat e njeriut dhe pasuesve të religjionit”.
SHBA-ja tani është deklaruar, se nuk do të pranojë marrëveshjet ndërkombëtare që kufizojnë lirinë e fjalës.
Vendet islamike në disa vitet e fundit kanë arritur ta paraqesin rezolutën ku dënohen karikaturat ndaj Muhammedit dhe format e tjera të talljes si dhe trajtimet humoristike-satirike të islamit.
Rezultat janë, megjithatë, joobligueshme dhe për atë Konferenca Islamike (OIC përmban 57 vende) ka nisur iniciativën në OKB që të miratohen ligjet ose detyrimet ndërkombëtare me çka do të sigurohen dënimi dhe parandalimi i “talljes së fesë”. Pas tri vitesh në fakt, kulmon ai çka filloi me stuhinë të cilën ka provokuar publikimi i karikaturave ndaj Muhammedit në Danimarkë. Këto karikatura u bënë të njohura në tërë botën, e në hidhërimin islam shoqëritë Perëndimore më së shumti kanë reaguar me përkrahjen e lirisë së shprehjes.
Propozimin e OIC këtyre ditëve kanë shqyrtuar Komisioni i OKB-së dhe Komisioni për të Drejtat e Njeriut (UNHCR). SHBA-ja një kohë të gjatë ka refuzuar të marr pjesë në punën e këtij trupi të OKB-së, i cili, sipas mendimit të tyre, është shenduar në zëdhënës të regjimit të cilët vetë pa fije turpi e shkelin të drejtat e qytetarëve të vetë. /Al-Jazeera/

Londër: Ekspozitë për shenjat që ka lënë Islami në shkencë




Ekspozita e hapur në Muzeun e Shkencës në Londër nxjerr në pah një sërë zbulimesh të shkencëtarëve myslimanë midis shekujve 7-16 të cilat nuk diheshin më parë ose që kishin filluar të harroheshin.
Një ndër veprat më të pëlqyera të kësaj ekspozite e cila do të jetë hapur deri në datën 25 prill, është një kopje gjigande e Orës së Elefantit e projektuar në shekullin e 13-të.
Kjo orë e projektuar me një teknologji tepër të avancuar për periudhën e saj, jep orën çdo 30 minuta me anë të kuçedrave që shkojnë poshtë.
Një tjetër vepër e pëlqyer nga vizitorët është një kopje e hartës botërore e pikturuar nga udhëtari mysliman El-Idrisi në shekullin e 12-të.
Ekspozita e hapur duke pasur në plan të parë fëmijët dhe të rinjtë në moshën shkollore, po tërheq interes të madh nga shkollat.
Ekspozita synon të arrijë kuptimin e Islamit nëpër botë, dhe pas Anglisë ajo do të hapet edhe nëpër vende të tjera të botës. /TRT/

Arabi, tani edhe grate avokate



Mbreteria e Arabise Saudite po pergatit nje sere ndryshimesh ligjore per te permiresuar gjendjen e femrave ne sistemin e saj te drejtesise.

“Ne perputhje me ligjin e ri qe pritet te miratohet, profesioni i avokatise mund te ushtrohet edhe prej femrave, si dhe do t’i lejoje ato te kryejne disa veprimeve proceduriale duke paraqitur vetem nje dokument identifikimi pa patur nevojen e nje deshmitari shoqerues”, deklaroi ministri i Drejtesise saudit, Mohammed al Issa.

Megjithese ligji ende nuk eshte miratuar ai pritet t’i jape me shume frymemarrje jetes se femrave ne mbreteri, por per shume kritike te te drejtave te grave ky hap mbetet ende shume pak.