.::::::Poezi Islame::::::.

nga **sam1r** Fri Sep 25, 2009 6:40 pm

Kjo zemra ime gjithnjë po vajton,
mëshirën Tënde Allah po e kërkon
dhe nëse Ti atë s’e mëshiron,
do të jetë e ngrata e humbur gjithmonë!

Kjo zemra ime shumë është duke u frikësu,
natën e varrit si ka me kalu?
Dhe nëse Ti Allah varrin s’ke me ia zgjeru,
ky trup i ngratë shumë ka m’u dëmtu.

Kjo zemra ime, ditë e natë po qan!
Dhe faljen Tënde Allah po e kërkon.
Dhe nëse Ti atë nuk e falë,
do të jetë e ngrata përgjithmonë në zjarr!

Kjo zemra ime shumë po shpreson,
në ditën e Mahsherit prej teje ndihmë kërkon
dhe nëse Ti Allah rahmet për të bën,
do të jetë e shpëtuar dhe e lumtur gjithmonë!

Kjo zemra ime lutjet kurrë s’i ndalë,
Prej Teje Allah xhenetin Firdevs kërkon
me pejgamberë dhe shehida që ta bashkosh
dhe kënaqësinë Tënde, Allah, t’ia dhurosh.

O Allah, Ti që je i Mëshirshëm,
na mëshiro!

O Allah, Ti që je Mëkatfalës,
mos na dëno!

O Allah, Ti që bën rahmet,
na shpëto!

O Allah, Ti që gjithçka ke,
Xhenetin na dhuro!

nga jetaaa Fri Sep 25, 2009 7:37 pm

Eshte Drite e Allahut

Është dritë e Allahut Rrugën na ndriçon, Nga terri i kobshëm Të gjithëve na shpëton.

Më e vleshmja dhuratë Nga i madhi Perëndi, Amanet i parë dhe i fundit Për krijesën njeri.

Që nga hazreti Ademi Njeri e pejgamber i parë, Kjo e vërtetë nga All-llahu Përherë është shpallë.

Sa herë që njeriu Është tjetërsuar, Pejgamberi i kohës E ka udhëzuar.

E ka udhëzuar Njeriun e shkretë, N’udhëkryqe të jetës Sa herë që ka mbetë.

Në formën e përsosur Kjo Fe e Vërtetë, Ju shpallë e plotësuar Të Lavduarit-Muhammed.

Këtë e dëshmon Kur’ani Fjala e Perëndisë, Të vërtetën e plotësuar Që ia shpalli njerëzisë.

Kush është besimtar Le të jetë krenar, Aq më tepër vlen Kur t’jetë atdhetar…!

La ilahe il-lall-llah Muhammedur-resul-ullah. Fjala e dëshmisë Shenjë e dashurisë.

Rreze e jetës Thelb’i së Vërtetës. Gur’i besës Shkëndijë e shpresës.

Dritë e amshuar Zjarr i pashuar Gjurmë ndër shtigje Urë ndër brigje.

Dy emra në fjali Më e shtrenjta stoli. La ilahe il-lall-llah Muhammedur-resul-ull-llah.

nga jetaaa Fri Sep 25, 2009 7:40 pm

Per Pejgamberin Muhamed a.s

Jetim ti linde
dhe i tille u rrite
edukove njerez,
megjithese shkrim nuk dite.

Tek ti merrnin mesime
Qe kur ishe i ri
Tek ti linin thesaret
Se kishe besnikeri.

Kur arrite te dyzetat
Dihet mire se cfare ndodhi
Allahu i madheruar
Pejgamber ty te zgjodhi

Te ofruan ty pushetet
Por kete e refuzove
Te premtuan pasuri
perseri ti se pranove.

Me pas shume u torturove
Nga vendlindja u largove
Por edhe atje ku shkove
Thirrjen tende se harrove.

Ne medine u vendose
Nje xhami atje ndertove
Thirre njerezit ne besim
Edhe kurre nuk u dorezove

Kurre nuk the se u lodha
Gjithmone njerezit keshillove
Ne Islam i vellazerove.
Rrugen e drejte ju mesove

Bere njerezit qe te njohin
Allahun e Madheruar
I bere ata qe te kuptonin
Qellimin pse jane krijuar.

I tregove mbare botes
Se nje i bardhe dhe nje i zi
Nuk kane asnje ndryshim
Perve?se ne devotshmeri.

Nuk ndertove grada?ela
As organe te pajtimit
Por ndetove per te tere
Ndertesen e bukur te besimit.

Kjo keshtjelle qe ti ndertove
Sprishet prej shiut as prej dimrit
Ajo do te jete ne kembe
Deri ne diten e gjykimit.

Keshtjella qe ti ndertove
Nuk eshte prone e padishahut
Por ne te do te valevitet
Flamuri i njehsimit te Allahut.

nga jetaaa Fri Sep 25, 2009 7:55 pm

Muhammedi a.s.

Errësirë ishte kudo
Injorancë mbretëronte
Kishte humbur çdo arsye
Bota dritën e kërkonte.

(Allahumme sal-li ala Muhammed
Ja rabbi sal-li alejhi ve sel-lem)

Në Mekë, n'këtë vend të bekuar
U lind i dashuri i Perëndisë
Muhammedi i lavdëruar
Shpëtimtari i njerëzisë.

(Allahumme sal-li ala Muhammed
Ja rabbi sal-li alejhi ve sel-lem)

O Muhammed o i dërguar
Dritë dhe mëshirë për mbarë njerëzinë
Salavate duke t'kënduar
Falënderojmë Perëndinë

(Allahumme sal-li ala Muhammed
Ja rabbi sal-li alejhi ve sel-lem)

Ti je dritë që kurrë nuk fikesh
Flakadan-Udhëzim hyjnor
N'zemrat tona gjithmonë rritesh
N'ty gjejmë prehje përgjithmonë

(Allahumme sal-li ala Muhammed
Ja rabbi sal-li alejhi ve sel-lem)

Gjithmonë ishe dhe do t'mbetesh
Ideal-Shembull për ne
Fjalët tua kurrë nuk zbehen
Deri sa t'ketë jetë mbi dhe.

(Allahumme sal-li ala Muhammed
Ja rabbi sal-li alejhi ve sel-lem)
i a.s.

nga jetaaa Fri Sep 25, 2009 7:58 pm

Urime hixhabi !

Urime oj motër hixhabi
Shamia e bukur në kokë
Sa e bukur sot ti po dukesh
I lartësuar qofsh o Zot!

Në fytyrë po t' shkëlqen nuri
Sa bukur të rri shamia
Asgjë ty s'të përkuli
Gëzim t'madh ka shoqëria.

E lumja ti oj motër
Që këtë rrugë e zgjodhe
Atë që urdhëroi Zoti
Në vepër e jetësove.

Të jesh gjithmonë krenare
Për këtë gjest të mirë
E devotshme dhe fetare
Motër oj zemërdlirë.

Urime, urime oj motër
Të gjithë po të përgëzojmë
Dashuria ndaj Allahut
Përjetë le të shoqërojë.

nga jetaaa Fri Sep 25, 2009 8:01 pm

O Allah i Plotfuqishëm

O Allah i Plotfuqishëm, na ndihmo ne në këtë botë
Vështirësitë t'i tejkalojmë, zbrit mëshirë o i Madhi Zot!

Emri yt i lavdëruar, drita Jote përjetësi
O Allah i Madhëruar, zbrit mëshirë mbi këtë njerëzi.

O Allah i Gjithmëshirshëm, na udhëzo në mirësi
Hapi shtigjet e lumturisë, mos na le në errësirë.

Lutjet tona t'i drejtojmë, mëshira Jote shpresë për ne
Vetëm Ty t'falënderojmë, Islamin na e zgjodhe fe.

Na nderove me dy drita, me Kur'an e pejgamber
Muhammedin tonë të dashur, dritë e diellit për Ymet.

Rrugës Tënde na udhëzoi, vetëm Ty të adhurojmë
Me urtësi na këshilloi, Islamin të mos e lëshojmë

O Allah, o Mëshirëplotë, vetëm Ti, jep e merr.
Na ringjall me njerëz të mirë, me dëshmorë e pejgamberë.

O Krijues i kësaj gjithësie, toka e qielli t'madhërojnë
Na e mundëso që n'botën tjetër, Nurin Tënd ne ta shikojmë

nga Egz0n Sun Sep 27, 2009 8:45 am

E di...

...se dielli një ditë mund të pushojë së shkëlqyeri
Dhe nata e All-llahut nuk do të shohë dritë
Zemra ime do të qajë për të gjitha që i humbi
Për ata që i deshti, s'do te kem më jetë.

Do të ketë ikur shansi për të dashuruar
Apo për të pasur dike që të më shtërngojë fort
Zemrën time e shoqëron vetmia
netëve duke qarë.

...yjet që shkëlqejnë në netët e pafundme,
Kanë errësirë si shokët e tyre,
Pavarësisht nga humbja e dritës së ditës
Koha kurrë nuk do të mbarojë.

Do të doja që dashuria të ishte aq e dashur
Sa janë yjet për natën.
Se megjithëse zemra ime është afër
Nuk ka përkëdhelje, as të puthura ...

Drita e yjeve një ditë do të shuhet
Që të përzihet me natën;
Ëndërrat e mia për dashuri që kisha, Oh, sa të ëmbla!
I lash të shuhen hiç pa luftë.

Erërat tekanjoze të kohës
U huazojnë fluturim shpresave, ... dëshirave
Në lulëzim, me mosperfillje
Ku askush s'mund të blejë një shans të çmueshëm...

Ja Allah! Dëgjoma Dua'anë!
E di që Je gjithkund!
E di gjuhen e të gjitha zemrave,
Veçanërisht të atyre të dëshpruarave!

Oh! Zoti im! I Vetmi, ALLAH!
I Pafund dhe I Vërtetë
Po e qaj me lot këtë zemrën time të ngurtë
Në të cilën drita nuk ka arritur.

Lutjet e mia janë që dashuria të vijë
Si lindja e diellit,
Dhe shkëlqimi të mos zbehet
Biles as nata kur të fillojë të zbresë.

E derisa nata gjithmonë do të jetë
E mbushur me yje me shkëlqim të pafund
Pavarësisht errësirës së natës
Do ta dij se dashuria nuk ka ikur...

nga Egz0n Sun Sep 27, 2009 8:46 am

Kjo zemra ime gjithnjë po vajton,
mëshirën Tënde Allah po e kërkon
dhe nëse Ti atë s"e mëshiron,
do të jetë e ngrata e humbur gjithmonë!

Kjo zemra ime shumë është duke u frikësu,
natën e varrit si ka me kalu?
Dhe nëse Ti Allah varrin s"ke me ia zgjeru,
ky trup i ngratë shumë ka m"u dëmtu.

Kjo zemra ime, ditë e natë po qan!
Dhe faljen Tënde Allah po e kërkon.
Dhe nëse Ti atë nuk e falë,
do të jetë e ngrata përgjithmonë në zjarr!

Kjo zemra ime shumë po shpreson,
në ditën e Mahsherit prej teje ndihmë kërkon
dhe nëse Ti Allah rahmet për të bën,
do të jetë e shpëtuar dhe e lumtur gjithmonë!

Kjo zemra ime lutjet kurrë s"i ndalë,
Prej Teje Allah xhenetin Firdevs kërkon
me pejgamberë dhe shehida që ta bashkosh
dhe kënaqësinë Tënde, Allah, t"ia dhurosh.

O Allah, Ti që je i Mëshirshëm,
na mëshiro!

O Allah, Ti që je Mëkatfalës,
mos na dëno!

O Allah, Ti që bën rahmet,
na shpëto!

O Allah, Ti që gjithçka ke, Xhenetin na dhuro!

nga Egz0n Sun Sep 27, 2009 8:46 am

PADREJTESIA

Perse çdo kund gjendesh

Perse kaq shum frekuentohesh

Perse shumica te shoqerojn ty

Besa edhe te dashurojn ty

Perse lendoni, kur nuk ju lendojnÃª

Perse harroni, kur nuk ju ledhatojnÃª

Perse demtoni, kur nuk ju demtojne

Perse qeshni, kur një femije syte I lotojne

Perse i urreni, kur ju rrespektojnÃª

Perse gezoni, kur te varferit varferojne

Perse te drejtat tona na mohojne

Perse kaq veshtirÃª zemrat e sinqerta te mbijetojne

Te gjith jan kunder te sinqertit

I besojne genjeshtarit e jo te vertetit

I ndihmojne te fortit e jo te shkretit

Dhe me shumë I duan te dridhurat e termetit

Perkrahin padrejtesin dhe jo realitetin

Denojne te pafajshmin e jo kriminelin

besojne genjeshtren e jo realitetin

për ta degjeneruar një shoqeri ,

I godasin themelin

Duroni o ju zemra te sinqerta

Jan ne perendim kohet e erreta

Jan ne lindje kohet e blerta

është ne lindje, si një bime e drejtaPo fute rrenje lumturia

është ne kembe mevetesia

Po ngadhnjen urtesia

Po triumfon pafajsia

Dhe po lulzon lumturia

nga Egz0n Sun Sep 27, 2009 8:51 am

Jam vetem me Zotin

O Zoti im,
Yjet në qiell
Po ndriçojnë,
Njerëzit në gjumë
Po ëndërrojnë.
Mbretërit,
Sundimtarët,
Kanë mbyllur dyert,
Janë ngujuar.
Të dashuruarit
Janë bashkuar.
Vetëm unë
Jam vetëm,
Por,
Nuk rri kot,
Të përkujtoj Ty,
Të përmendi,
O i Madhi Zot!

nga Egz0n Sun Sep 27, 2009 8:51 am

Njeriu

Sa i çuditshëm
Është njeriu!
Dy meleqë
E ruajnë
E përcjellin,
Kurrë nuk e lënë
Të vetmuar;
Gjuha e tij
Është penë,
Kurse
Pështyma ngjyrë.
Ai,
Megjithatë,
Flet,
Edhe atë
Që s'i përket!

nga Egz0n Sun Sep 27, 2009 8:51 am

Nuk kam dert

Nuk kam dert per uri
Ngase kam Zotin qe me furnizon
Pasuria eshte ne duart e Tij
Kend don Ai, e sprovon

As per ilac dert se kam
Ngase kam Zotin qe me sheron
Kush ne Zotin ka Iman
E din qe Ai, sebepin dergon.

nga Egz0n Sun Sep 27, 2009 8:52 am

Kur dy namaze kanë nji vlerë

Më shkon mendja
tek një bisedë
kur nji palestinez
me çifutin fletë

një hadith ia sqaroj
kur guri dhe druri
vend strehimin e çifutit
muslimanëve do t"ua tregojë

po, thotë çifuti e di,
n"librat tona kjo është shkruar
por ju nuk jeni ata!
Ne ende do të sundojmë
Se mes veti ju kemi përça

kjo do të ndodhë
vetëm atëherë
kur për muslimanin
dy namaze kanë një vlerë

kur namazi në xhuma
e ka vleren si n"sabah
dhe namazi në sabah
me vlerë si në xhuma.

nga Egz0n Sun Sep 27, 2009 8:52 am

O ZOT!

O Zot! Sjelli vëllazërive që të përhapin dashamirësinë,
Që të mos coptohen mes vehtes duke përhapur armiqësinë.

O Zot! Sjellu shqiptarëve që të gjejnë virtytet e humbura,
Që të mos vazhdojnë jetën duke i vepruar krijimit kundra.

O Zot! Sjelli vëllezërit të mos e shpenzojnë moshën kot,
Sepse shumë është gabim të mendojnë vetëm për sot.

O Zot! Sjelli që tanët të fitojnë lumturinë e të dy jetëve,
Edhe në këtë jetë të shpëtojnë nga ndëshkimi i të tjerëve.

O Zot! Sjelli vëllezërve që të shpëtojnë nga ateizmi,
Të mos harrojnë se vetëm islami është shkak shpëtimi.
O Zot! Mësoju tanëve shkakun e ardhjes në këtë botë,
Duke u kujdesur të mendojnë se njeriu çka do të thotë.

O Zot! Sjelli vëllezërve ta ndiejnë nevojën e bashkimit,
Duke vënë re se ajo është shkaku më i madh i shpëtimit.

O Zot! Sjelli shqiptarëve që t’i përulen urdhërave të fesë,
Që të fitojnë ndaj të gjithë botës respekt dhe besë.

O Zot! Sjelli vëllezërve që të zotërojnë besim të fortë,
Për ta zotëruar atë nuk duhet ta kalojnë kohën kot.

O Zot! Sjelli shqiptarëve që të gjejnë Krijuesin e vet,
Që të mos u përulen krijesave dhe të jenë të qetë.

O Zot! Shpëtoji vëllezërit nga ndëshkimi i armiqve,
Të ndjekin rrugën Tënde që i çojnë pas shpëtimeve.

O Zot! Sjelli shqiptarëve që të mos harrojnë vdekjen,
Ajo është një shkak i bukur për të vlerësuar përpjekjen.

O Zot! Zgjoji vëllezërit shqiptarë që të gjejnë rrugën,
Që të mos harrojnë se kush atyreve ua sjellë bukën.

O Zot! Kujtoju tanëve që të dinë se do të japin llogari,
Të mos kalojnë jetën në vende boshe si në angari.

O Zot! Zgjoji vëllezërit tanë që të bëhen besimtarë,
Përndryshe nuk vlen jeta, vetëm se është një barrë.

O Zot! Sjelli vëllezërve tanë që të bëhen të sjellshëm,
Duke u zgjuar, të pëlqejnë sendin më të vlefshëm.
O All-llah! Sjelli vëllezërve që të fitojnë hirën Tënde,
Duke u mbështetur tek Ti, të mos adhurojnë tjera sende.

O All-llah! Sjellna të bashkohemi me besim në Zot,
Për ndryshe nuk vlen jeta, përpjekjet shkojnë kot.

nga Egz0n Sun Sep 27, 2009 8:53 am

VËLLEZËR TË DASHUR

Vëllezër të dashur që kërkoni të jetoni qetë,
Gjithnjë kuvendoni e mos thoni se e di vetë.

Mbajuni të drejtës se aty është shpëtimi,
Sepse tek tradhtia nuk ka kurrfarë fitimi.

Në univers asgjë nuk është e çrregullt,
Madje edhe planetet qarkullojnë të rregullt.

Studioni të dy jetët për të mos u penduar,
Të mos harroni se ku keni për të shkuar.

Ruzulli tokësor është një urë e vjetër,
Plotësoni detyrat se nuk ka rrugë tjetër.
Ne duhet të zgjohemi pak më herët,
Që të mos pendohemi si ata të tjerët.

Urdhërat e Krijuesit pranoji si burrë,
E fitoji mirësitë që nuk sosën kurrë.

Mos harro se ke ardhur për t’u provuar,
Se pas pak kohe ke për të shkuar.

Mos i bën kujt keq vëlla ti në këtë jetë,
Se kënaqësia përrallore atje po të pret.

Kujdesu vëlla jetës së përkohshme,
Se ke përpara një jetë të përhershme.

O vëlla! Të mos të mashtrojnë ty armiqtë,
Mos i beso atyre edhe kur të thojnë shpirt.

Zgjidhe mikun e mirë për kokë e për shtatë,
Mos puno pa logjikë se mbetesh duarthatë.

Zoti të ka pajisur me shumë lloj shqisash,
Ty të ka ndërtuar prej disa trilionë qelizash.

Shih aeroplanin madhështor që e ndërtoi dikush,
Por mushkonjën e vogël nuk mundet askush.

nga Egz0n Sun Sep 27, 2009 8:53 am

Motra ime fisnike

Motra ime, vajza e nënës fisnike,
ruaje nderin, e bëhu besnike.

Mbroje moralin si vajzë fetare,
se femra pa to nuk vlen fare.

Ajo është caktuar për burrin e vet,
duhet të mbrohet si letër sekret.

Në qoftë se do të jetosh rehat e qetë,
asnjëherë natën mos shko diku vetë.

Fatkeqësisht të tjerët ua kanë empozuar,
ke marrë pa zgjedhur dhe i ke huazuar.

Veshu e mbathu si vajzë besimtare,
dhe nëpër rrugë bëhu këshilltare.

Gjendja shprehjet i argumenton,
se vetëm fjala kudo nuk ndikon.

Kujtoje mirë punën që po bën,
duhet ta mendosh se ku ajo të çon.

Duhet të adhurosh Krijuesin tënd,
se nuk je e krijuar nga tjetërkënd.

O motra ime bëhu shembullore,
mos u përul si disa shërbëtore.

Femrat All-llahu nuk i ka burgosur,
por me mbulesën e tyre i ka përsosur.

Ai shumë më mirë i di nevojat e saj,
vajza të mos mbesë asnjëherë ndër faj.

Mosmbulesa e femrave për kohën e tashme,
është një armë e mirë forcave të jashtme.

Ata ta hoqën formën që ke pasur,
ke marrë pa zgjedhur atë që ke hasur.

Nën maskën e kulturës femrën e abuzojnë,
me femrat tona ne fort po na lëndojnë.

Për stërgjyshërit tuaj lexo historinë,
çfarë ka qenë namusi për shqiptarinë.

Duke patur shansin ta fitosh xhennetin,
mos të të bëjnë tradhtarët dru për xhehennemin.

Mëshira e Allahut të dhuroi çdo gjë,
sepse ti përpara nuk ke qenë asgjë.

Motra fisnike ke shans sa je gjallë,
të ikën nga dora kur të mblojnë me zallë.

O vajza besimtare dhe nëna fisnike,
mbroje fenë tënde dhe bëhu besnike.

nga **sam1r** Sun Sep 27, 2009 9:02 am

All-llahu ju shperbleft Shum shum t`mira....

nga NoOrA Fri Oct 02, 2009 6:37 am

Drita e dijes

Valët e detit më lëkundin
gjersa puhinë pranverore shijoj
bukuritë në univers më mahnisin
e në lartësi thesaret që ndriçojnë vrojtoj.

Këto reflektime dritash në horizont
janë ndriçime mbi kështjellën e diturisë
zemra nga ambicjet më brof
sytë përshkojnë lart arritjen e krenarisë.

Kjo kështjellë e dijes që na tërheq
pamja e saj na mahnit
është një bukuri e fortifikuar me aq kujdes
ndërsa drita e saj arrin lartësit.

Por kjo dritë nuk ndriçon lehtë
drejt saj është një rrugë me peripeci,
drita e Allahut është me vlerë
andaj duhet fituar me mund e gjith kënaqësi.

Të mos venitim këto drita që shndrisin,
enigmën e dijes të zbërthejmë në tërësi
çelësin e suksesit le të kërkojmë me nxitim
e të hapim portat e ndriçuara me DITURI.

nga NoOrA Fri Oct 02, 2009 6:40 am

Lotët e pendimit

Ç’janë këta lot?
Përse sytë e mi lotojnë!
Ç’është ky pikëllim?
Në zemër ky rënkim!

Eh, si kam jetuar!
Në gjëra të kota kam shpresuar.
Veç tek kënaqësitë e kësaj bote,
unë kam lakmuar.

E penduar para Zotit...
Kërkoj falje dhe shpëtim.
Ti më shpëto, Ti më udhëzo!
Ti nga e ndaluara, o Zot, më largo!

Pse?
Pse lotët s’pushojnë?
Pse sytë e mi s'thahen?
Përse pa pushim rrjedhin lotët e mi?
A thua lot pendimi janë?
Që nga sytë e mi s'ndahen?

Pse pyetjet s’dinë të ndalen?
Pse isha e verbër?
Kah e mira s'shkoja,
veç tek e ndaluara unë gjithmonë lakmoja.

Falëm, o Zot!
Të lutem për çdo gabim.
E penduar para teje
kërkoj falje e shpëtim!

I vetmi je Ti, o All-llah!
që fal e mëshiron.
E falësit shumë i do.
Të përulem, të përgjërohem.

Që të fitoj faljen tënde,
unë gjithmonë do mundohem.
Shpresa për faljen tënde
kurrë nga unë s'largohet.

Të lutem, o All-llah!
nga e ndaluara më largo!
E në rrugë të drejtë, të lutem më udhëzo!
Këta lot pendimi
në lumturi të fesë islame, m’i shndërro!

nga NoOrA Fri Oct 02, 2009 6:43 am

Vlera e mbulesës

Ec rrugës oj motër, ti me mbulesë!
Sepse të gjithë për ty,
oj motër do të kenë nder dhe respekt.
Oj motra ime e dashur!
të gjithë do ta kenë lakmi,
dhe shejtani do të jetë,
oj motër, larg nga ti.

Kujdes, oj motra!
për Zotin, kujdes!
Që bukurinë ta ruani,
vlerën dhe karakterin,
moralin dhe nderin,
ta kemi në këtë jetë.
sepse shpërblimi i Allahut neve na pret.

Po të dalësh në rrugë,
me veshje provokuese,
tërheqëse dhe ngacmuese,
të gjithë do të shikojnë,
e së bashku me shejtanin e mallkuar,
ty do të ngacmojnë.
E ty oj motër, shejtani të verbon,
që veten mos ta shohësh
se sa poshtë ke rënë.

Oj motra, ju lutem, të keni kujdes!
për veprat që bëni në këtë jetë.
Mbulohu oj motër!
mbulohu sa më shpejt!
sepse Allahu na shpërblen, oj motra!
pas vdekjes me Xhenet.

nga NoOrA Sun Oct 11, 2009 11:58 am

Ke frikë Allahun, o nënë!

Në ditët e para të shtatzënisë sate
Përse ti s’je e lumtur?
Për këtë dhuratë që nga Zoti e ke
Përse, nënë, ti nuk je e gëzuar?
Gjatë muajve të shtatzënisë,
në vend që të bisedosh me babanë,
se me ç'emër do të më përgëzoni
apo ç’ngjyrë teshat e para do të m’i blini...
Përse, nënë, ti kështu s'mendon?
Përse veç për braktisjen time, ju gjithë bisedoni?
Eh, erdhën ditët që të dalë në këtë botë!
më beso nënë, shumë jam e frikësuar.
Se çka do bësh me mua!
A do të më vrasësh me thikë në tualet...
Apo do të më hedhësh të gjallë në kontinjer,
tek mbeturinat që ti i hedh,
se për ty unë jam një mbeturinë,
e jo një fryt që del nga ti.
Përse, nënë këtë po e bën?
përse me gjirin tënd nuk më ushqen?
Nënë, mos më braktis, të lutem!
Mos e bëj këtë, o nënë!
Kujto Allahun, o nënë!
dhe mos e hidhëro, të lutem, mos!
O nënë, kujtoje ditën kur të dalësh për të dhënë llogari!
Kujtoje zjarrin e xhehenemit, mëkatarët aty përfundojnë, oj nënë!
Unë këtë ty s’ta dëshiroj.
Mirë nënë...
Ti vendose që unë të mbetem e gjallë?
të lutem, më mbështjell mirë!
sepse jashtë bën ftoftë...
ohhhhh nënë!
Të lutem, ndal dhe një herë mendo!
Përse nuk më dëgjon?
nga zemra, nënë, po të flas,
sepse jam e vogël dhe fjalët nuk mund t’i shqiptoj.
Nuk të vret vaji im, o nënë?
Nënë!
ti nuk ke as një pikë lot në sy!
Allahu të udhëzoftë, nënë!
Mos më le, të lutem, mos!
përse po largohesh e në këtë vend të vetëm po më lë?
Kthehu, nënë, jam fëmija yt!
jam pjesë e trupit tënd,
ti më linde o nënë, përse je kaq e pashpirt?!
Mirë, vazhdo jetën tënde dhe lumturinë që ti kërkon,
me aventurat e tua!
Mua Allahu do të më ndihmojë, Ai është Zoti ynë,
dhe prej Tij unë pres ndihmë!
Por një gjë mos e harro nënë,
se vdekja do të vij, në varr do të shkosh
E shumë vuajtje do t’i përjetosh,
shumë shpejt lumturitë e kësaj bote do t’i harrosh!
Dhe Ditën e Gjykimit kur do të dalësh, ti nënë para Allahut.
E përulur ti do të jesh nga ky mëkat që bëre,
dhe të tjerët që janë pa numër.
Allahu çoftë mëshirë mbi ty!
Nënë, prapë se prapë unë jam fëmija yt,
të keqen s’ta dëshiroj,
dhe në zjarr të xhehenemit s’kam dëshirë të të shoh.
Allahu të faltë dhe në rrugë të drejtë të udhëzoftë...!

nga NoOrA Sun Oct 11, 2009 12:03 pm

Kujdes namazin, o musliman!

Fale namazin, o musliman,
falu, Zoti që ty të don,
mos lejo që jeta ty,
pa namaze të mbaron.

Mosfalja e namazit,
na kushton me hidhërim,
namazin e kemi urdhër,
nga Allahu, Zoti ynë.

Fale namazin dhe gjeje mirësinë,
se llogaria është e rëndë,
për ata njerëz që s’kanë kujdes,
pas namazin që e kanë lënë.

Kjo botë mos t’ju mashtrojë,
ndaj namazit keni kujdes,
se kam frikë mos bëhet vonë,
kur një ditë nuk ka më kthesë.

Të gjithë ju o muslimanë,
namazit shpejt t’i përgjigjeni,
mos gaboni po ju lus,
namazin ta braktisni.

nga Manushaqe Thu Oct 22, 2009 2:10 pm

për Pejngamberin Muhamed A.S

Jetim ti linde
dhe i tille u rrite
edukove njerez,
megjithese shkrim nuk dite.

Tek ti merrnin mesime
Qe kur ishe i ri
Tek ti linin thesaret
Se kishe besnikeri.

Kur arrite te dyzetat
Dihet mirë se çfarë ndodhi
Allahu i madheruar
Pejgamber ty te zgjodhi

Te ofruan ty pushetet
Por kete e refuzove
Te premtuan pasuri
perseri ti se pranove.

Me pas shumë u torturove
Nga vendlindja u largove
Por edhe atje ku shkove
Thirrjen tende se harrove.

Ne medine u vendose
një xhami atje ndertove
Thirre njerezit ne besim
Edhe kurre nuk u dorezove

Kurre nuk the se u lodha
Gjithmone njerezit keshillove
Ne Islam i vellazerove.
Rrugen e drejte ju mesove

bërë njerezit qe te njohin
Allahun e Madheruar
I bërë ata qe te kuptonin
Qellimin pse jane krijuar.

I tregove mbarë botes
Se një i bardhe dhe një i zi
Nuk kane asnje ndryshim
Perve?se ne devotshmeri.

Nuk ndertove grada?ela
As organe te pajtimit
Por ndetove për te tere
Ndertesen e bukur te besimit.

Kjo keshtjelle qe ti ndertove
Sprishet prej shiut as prej dimrit
Ajo do te jete ne kembe
Deri ne ditën e gjykimit.

Keshtjella qe ti ndertove
Nuk është prone e padishahut
Por ne te do te valevitet
Flamuri i njehsimit te Allahut.

nga Manushaqe Thu Oct 22, 2009 2:11 pm

Njetim-Teuhid

Det’i ashkut mori valë,
Zot i madh të qofsha falë,
Falmë një mejtim të lartë,
edhe një gjuhë të zjarrtë,
të të them bukurinë tënde,
që mbretëron në çdo vënde.
Të flas si bilbil i prillit,
që ka zjarr prej trëndafilit,
Dyk e djegur porsi flutur.
me vaje dyk e këputur.
Dyk e tretur si qiriri,
t’i radhit vjershat nga gjiri.
Syt’e zemrës çelmi mirë,
të njoh ç’ka ndër hapsirë.
Zjarr’i yt ah kur merr flakë!
S’na lë ment o Zot as pakë!
Ne si duhet lëvdim s’dimë,
ty të lëvdon çdo fill bimë,
e çdo ndrydhë e gjithësisë,
ka nga’j zjarr i dashurisë.
Ashku ish avull i zjarrtë,
që çpike yjet’ e artë.
اdo send nga ashku ka pjesë,
Zot mos lër askë pa ndjesë.
Mijra hëna,dielle qite,
prej syresh bojrat i ndrite.
Ti je vetë drit’ e parë
që s’ke as shok as të ngjarë.
Ti vetëvetiu ke qënë,
çdo zakon vet’e ke vënë,
për ty s’ka as do të ketë,
nisje e sosje në jetë.
Dhenë si të tjerët yje,
me det,me stetë,me pyje,
me gjëra shum’e stolise,
vet’e di se qysh e nise!
e qysh e gatove vallë!
dhenë e bukur palë palë!
Në çdo palë dhe që qite,
lloje bar,kafshë gatite.
E ke bërë shumë herë,
terë, uj’e ujët terë,
mijra herë e ke ndërtuar,
mijra herë e ke shkretuar.
Trualli i Oqeanës,
ti e di se ç’kishte anës,
shesh i tij a kish qytete?
kur s’qe mbuluar me dete,
pol i veriut e i jugës,
kur pshtillej me brezn’e drugës.
Zot i madh e i vërtetë,
ç’ka patur ti e di vetë.
Nevoj’e kohës si donte,
dheu asi gjërash bleronte.
Këmbët e gjeologjisë,
në fuqi të përëndisë,
aqë fort të shkurtra janë,
sa A,B,C,vleftë s’kanë.
Së fundi çpike njerinë,
i dhe mendjen,bukurinë.
Me katerilion vijuar,
shpirt i tij ishte krijuar.
Pas kohej i dhe fytyrë,
në veprime për të hyrë.
Si çdo yll në vehte botë,
as një send nuk çpike kotë.
Në çdo yll ka njerëz,shtëza,
po s’gjasin si njëza-njëza.
Mustafanë pse e ftove ?
I pa;….diturin’ia shtove!
اdo njeri q’e di Kuranë,
(ve ma beththe fihima)në.¹)
Në tëfsir të Fahrud-dinit,
te tjerë mund te ketë jetë.
e sheh,ndan punën’e dinit.
Deshe vet’hen ta tregonje,
prandaj1)profetër dërgonje.
Shumë herë njerëz kreve,
u bënë fajtor i greve!
Prap krijove të tjetrë,
I’u dërgove Pejgamberë!
O Adem o At’i tënë,
me havanë q’ish si hënë.
Më së fundi ju u çuat,
në gji të Zotit u ndriçuat.
Nuhu,Luti e Jakubi,
Ibrahimi dhe Ejjubi,
Musaj,Isaj,Muhammedi
edhe gjithë ky remeti,
ju u kanë mëm e atë,
prej jush kanë mar’uratë.
U mplake o bot e shkretë!
sa po vjen bën tatpjetë!
lid e vdis po vjen një ditë ,
shkretohesh mbetesh pa dritë.
As lënda as trupe s’mbeten,
pa dyshim të gjitha treten,
edhe yjet që vërtiten,
vjen koha,derdhen, roniten.
Gjithësia ç’është tretet,
vetëm përëndia mbetet.
Kush e di,sa rri e shkretë,
por sërish Zot’i vëtetë,
gjithë trupet i ngjiz prapë,
si kujt-do shpirt do ti japë,
vet’e di qysh është ngjizja
dhe ringjallja e lëvizja!
Zot për ty s’ka gjë të rëndë,
çdo send e ke lehtë pendë,
më parë si i javite,.2)
kaqë botra që gatite,
pa dyshim e pa të metë,
i humb i çpik si do vetë.
Ah ky det sa është thellë
çdo njeri brenda ka ngelë,
ç’shohim ç’nuk shohim në jetë,
ti je ti je Zot vetë.
Unë nuk them gjithësia,
është vetë përëndia.
Por them kushdo q’ësht’i pjekur
dhe e ka zemrën të djegur,
në çdo atom sheh Allahun,
kësi soj e kalon vahun.
Penda ime ësht’e çalë,
ky det s’tregohet me fjalë.

¹)Në Suren U-shshura (ve min ajatihi ve ma beththe fihima…) kuptojm se në yje
2)Javitur-me e ngjiz,me i dhënë trup.
Ngase përsëriten pra u thuhet 7 dite jave

Marrë nga libri "Historia e Shenjtë e Hafiz Ali Korçës.

nga Manushaqe Thu Oct 22, 2009 2:11 pm

MENDO

Thua kam zemër të pastër
Allahu e di,
Por pasqyrë e zemrës tënde
Është puna që bënë ti.

Nuk falem s’kam kohë
Allahu do të me falë,
Por Allahu kur të krijoi
Së pari kohën për këtë ta dha

Mbulesën nuk e mbaj
Thua mëkat i vogël,
Por urdhërit të kujt nuk i bindesh
Vallë a të shkon në mend?

Mëson gjithçka,
Që ke në fakultet,
Por për të lexuar Kur’an
Nuk ke kohë as për një ajet.

Kur shikon gjithë këtë krijim
Si mashtrohesh
Të thuash është bërë
Pa qëllim.

Pendohu dhe në adhurim kaloi ditët
Se vdekja vjen kur nuk e pret
E koha nuk të përsëritet.

nga Manushaqe Thu Oct 22, 2009 2:12 pm

Njihe Vehten

Gjeje arsyen
Shkakun
Parashiko pasojën.

Parashiko pasojën
Gjeje shkakun
Arsyen.

Shiko përtej yjeve që rrethojnë tokën
Mblidhe veten, largo frustrimin
Pastro zemrën tënde.

Me besim të vërtetë.

nga Manushaqe Thu Oct 22, 2009 2:12 pm

Të gjithë do të vdesim

I drejti do të vdesë,
dhe i ligu do të vdesë…
Luftëtarët që bëjnë xhihad do të vdesin,
dhe ata që rrinë në shtëpi do të vdesin…
Ata që preokupohen me besimin e saktë, do të vdesin
dhe ata që trajtojnë njerëzit sikur robër të tyre, do të vdesin…
Të guximshmit që nuk pranojnë padrejtësinë do të vdesin,
dhe frikacakët që kërkojnë t'i kacavirren kësaj jete me çdo çmim, do të vdesin…
Njerëzit e çështjeve të mëdha dhe synimeve fisnike do të vdesin,
Dhe njerëzit e mjerë që jetojnë për kënaqësi të ulëta, do të vdesin…
Çdo shpirt do ta shijojë vdekjen…

nga Manushaqe Thu Oct 22, 2009 2:12 pm

një ditë kur zjarri do ta mbulojë tokën
edhe retë do të skuqen nga të nxehtët
Njerëzit do të harrojnë ku e kanë kokën
Do të mësojnë ç’ka qenë mirësia

E... një ditë kur qielli do të zbehet
do të shohim se s’ka strehim
do të shohim që...edhe pa raki njeriu dehet
O i dashuri, miku im

E një ditë kur vullkanet do të derdhen
do t’i falemi Zotit deri në agim
Është koha që të paguajmë
O i dashuri miku im

E një ditë kur qielli do të çahet
e di... do të qajmë pa pushim
Por atë ditë loti do të thahet
O i dashuri miku im

E një ditë kur ajri do të tretet
do të mbetemi edhe pa frymë
Atë çka e dha Zoti do t’na e marrë
O i dashuri miku im

E një ditë do ta ulim kokën
e do të dalim në gjykim
Por qindra shekuj kokëshkretë
O i dashuri miku im

E një ditë kur do ta kuptosh pendimin
do të kthehesh në besim
Por qindra shekuj plot urrejtje
O i dashuri miku im

E një ditë kur t'na i vënë prangat
do ta kuptojmë fjalën durim
Do t'kuptojmë çka qenë liria
O i dashuri miku im

Se Zoti na i dhuroi të gjitha
E nuk e fitoi asnjë falënderim
E një ditë të gjitha do t'i tretë
Por jo pa i paguar, o miku im.

nga Manushaqe Thu Oct 22, 2009 2:13 pm

BUKURIA E një GRUAJE

Bukuria e një gruaje
s'është në veshjen e saj,
as në pamjen që i kushton kujdes,
apo mënyrën e flokëve si i mban!

Bukuria e një gruaje
duhet të shifet në sytë e saj!
Sepse aty është dera për në zemrën e saj,
në rezidencën e dashurisë.

Bukuria e një gruaje
s'është një shenjë në fytyrë!
Por bukuria e vërtetë e një gruaje
reflekton në shpirtin e saj!

Është kujdesi që ajo me dashuri ofron,
pasioni që ajo tregon!
Dhe Bukuria e një gruaje,
me kalimin e viteve - ajo vetëm rritet!

Nuk të ik buzëqeshja se të vjen pleqëria;
por pleqëria të vjen se të ik buzëqeshja!

nga Manushaqe Thu Oct 22, 2009 2:14 pm

Nëse beson ne përëndi

Nëse beson në përëndi
Edhe dielli edhe hëna janë për ty,
Kënaqesh edhe për pikën e shiut mbi çati
Edhe për yjet në qiell që bëjnë dritë.
Kënaqesh për erën, për lulet
Për zogjtë që shkojnë fluturim
Për pranverën dhe gurgullimën e ujit,
Pasi dhe vetë jeta e merr një kuptim.
E shpirti lehtësohet, gëzohet
Në çdo agim,
Dhe vetë sa është e ëmbël
Shpresa për shpëtim.
Nëse beson në përëndi,
E kupton fjalën lumturi,
E kupton se shumë vuajtje dhe strese janë kot
E kupton se punët s’i kontrollon dot.
Sa kënaqësi
Për gjithë këto mirësi
Të përkulemi duke thënë:
Falënderit o përëndi...

O I Madhi përëndi
O I madhërishëm pa kufi,
Që fshehtësitë e zemrave i di,
Kam nevojë,
për një qetësi shpirtërore kam nevojë.

O i madhi përëndi,
Që edhe fshehtësitë e zemrës sime i di,
Sa rëndë është të shprehet me gojë
Edhe faji, edhe brenga dhe mëkati që rëndojnë.
Kam nevojë,
Për një lehtësim të zemrës kam nevojë...

nga Sponsored content

.::::::Poezi Islame::::::.

.::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.

Re: .::::::Poezi Islame::::::.