Top Flash lajmet nga Futbolli

Van Persi i jep tri pikë Arsenalit
Portieri i tretë i Arsenalit, Vito Mannone, ka bërë një paraqitje të shkëlqyeshme, për të ndihmuar Arsenalin të shënojë fitore minimale, 1-0, në fushë të Fulhamit, në javën e shtatë të Ligës Premier.
Sulmuesi holandez Robin van Persie ka shënuar të vetmin gol të ndeshjes me një përfundim elegant në minutën e 52-të.

Megjithatë topçinjtë duhet të falënderojnë edhe portierin Mannone, i cili bëri një sërë të mbrojtjeve të klasit.

21-vjeçari italian ishte i vetmi në diskonim për trajnerin Arsene Wenger, pas lëndimeve të Manuel Almunia dhe Lukasz Fabianski.

Me tre pikët e reja, Arsenali mban pozitën e pestë me 12 pikë, duke qëndruar prapa Liverpool e Tottenham, me nga 15, dhe Chelseat dhe Manchester United, me nga 18 pikë.

Reali fiton me lehtësi ndaj Tenerife
Real Madrid ka fituar me rezultat 3-0 në Santiago Bernabeu përballë Tenerife, me Karim Benzema që shënoi dy gola dhe me Kaka që shënoi një supergol tjetër nga një top i kthyer.
Tenerife u duk më e rrezikshme në pjesën e parë të takimit, por një kombinim i përfundimeve të dobëta dhe portieri në formë i Realit, Iker Casillas, i la ata duarthatë.

Vetëm dy minuta në pjesën e dytë, Los Merengues kaluan në epërsi, kur sulmuesi francez Benzema shënoi me kokë pas një harkimi të shkëlqyeshëm të Xabi Alonso nga gjuajtja e lirë.

Francezi shënoi edhe një gol të dytë pas dhjetë minutash tjera, para se Kaka të vulosë rezultatin 13 minuta para fundit të kohës së rregullt të ndeshjes.

Sampdoria trondit kampionin e Italisë
Sampdoria ka arritur të mposhtë kampionin e Serie A, Interin, me rezultat minimal 1-0, falë golit të shënuar në pjesën e dytë nga Giampaolo Pazzini, për të rimarrë kështu kreun e tabelës së Serie A.
Sulmuesi italian çoi në rrjet një harkim të Daniele Mannini në minutën e 72-të të ndeshjes, pas gabimi të mbrojtësit Davide Santon.

Ekipi nga qyteti i Genoas me tre pikët radhës, mbledh 15 pikë nga gjashtë ndeshje, për të marrë kreun e tabelës.

Interi tash gjendet dy pikë prapa në pozitën e dytë. Juventusi që ka po ashtu 13 pikë, mund të marrë kreun nëse nesër shënon fitore ndaj Bolognas.

Benitez: Aquilani më i mirë se Alonso
Menaxheri i Liverpoolit, Rafa Benitez, thotë se transferi i sivjetmë i Redsave, Alberto Aquilani, do të dëshmohet si lojtar shumë më i mirë se Xabi Alonso, i cili u largua në drejtim të Real Madridit.
“Alberto ka filluar të vrapojë sërish, ndërsa kur do të udhëtojmë të luajmë kundër Fiorentinas në Ligën e Kampionëve këtë javë, ai do të qëndrojë për të vazhduar me programin e tij të rikuperimit”.

“E di se fansat janë të frustruar, mirëpo ne kemi transferuar një lojtar të mirë që ka talent, ndërsa unë nuk shqetësohem që duhet të presim derisa ai të jetë në formë”.

“Xabi ishte një lojtar që pranonte topin dhe luante me pasime të gjata dhe të shkurtra. Aquilani dëshiron të luajë në nivel më të lartë se ai. Ai dëshiron të jetë në treshen e sulmit që të krijojë shanse”, ka thënë Benitez.

tema Kthehet perseri ....


Belti... Mos te Ngarkojm Hostin .. me gjdo post tem t`re...


VAzhdojm...

Ronaldo: Dua të qëndroj te Reali gjithë jetën
Superylli portugez Cristiano Ronaldo është shumë i lumtur që është lojtar i skuadrës së ëndrrave të tij duke shprehur dëshirën që ta mbyllë karrierën me Real Madridin.
“Ata që nuk e njohin Real Madridin nuk mund as ta imagjinojnë si është këtu. Dëshiroj ta kaloj gjithë jetën në këtë klub”.

“Real Madridi është një familje e madhe. Më të rriturit- Raul, Guti dhe Casillas- më kanë ndihmuar që të përshtatem sa më shpejtë që ishte e mundur. Ata janë të jashtëzakonshëm”.

“Po ia kaloj shumë mirë me Kaka, Marcelo dhe Pepe- flasim gjuhët të njëjtë dhe kjo ndihmon shumë”, ka thënë Ronaldo për “AS”.

Maradona: Messi është asi i Argjentinës
Trajneri i Argjentinës, Diego Maradona, e ka etiketuar superyllin e Barcelonës, Leo Messi, si njeriun kryesor të kombëtares së tij para ndeshjeve vendimtare kualifikuese, kundër Perusë dhe Uruguait, për të shuar kritikat e drejtuara ndaj lojtarit më të mirë në botë.
“Barcelona është një skuadër ku Guardiola mund të trajnojë për muaj të tërë, duke provuar forma të ndryshme dhe duke shikuar se si ato funksionojnë. Këtu ne nuk kemi shumë kohë”.

“Mirëpo ne do t’i japim Lios gjithçka që i nevojitet që të japë më të mirën për ekipin (kombëtar). Kjo është sfida kryesore e ekipit trajnues. Gjithmonë do të presim diçka nga ai- ai është asi i ekipit”.

“Dëshirojmë që ai të tregojë në fushë atë që bën në stërvitje. Lio do të jetë gjithmonë startues në ekipin tim”, ka thënë Maradona.

Postuar: 22:07 / 9 Tetor 2009 | RSS

Evra parashikon përballjen United-Real në LK
Patrice Evra është i bindur se Manchester Unitedi do të përballet me Real Madridin në ndonjërin nga stadet e sivjetme të Ligës së Kampionëve.
“E di se do të ndeshemi me Real Madridin. Nuk mund ta shpjegoj pse, është vetëm një ndjenjë. Por mendoj se do të përballemi, madje ndoshta drejt në raundin tjetër”, ka thënë Evra.

Nëse parashikimi i mbrojtësit francez realizohet, atëherë dy gjigantët e futbollit do të ndeshen për herë të parë pas takimeve dramatike të vitit 2003, të cilin e fituan Mbretërit me rezultat të përgjithshëm 6-5.

Rooney: Nuk shqetësohem nëse Ronaldo ose Messi nuk janë në KB
Wayne Rooney ka deklaruar se nuk i intereson nëse ish-bashkëlojtari i tij te Manchester United, Cristiano Ronaldo, apo ylli i Barcelonës, Lionel Messi, do të mungojnë në Kampionatin e ardhshëm Botëror.
Anglia tashmë ka siguruar kualifikimin për në Afrikën e Jugut, ndërsa dy superyjet Cristiano Ronaldo (Portugali) dhe Lionel Messi (Argjentinë), shumë lehtë mund të mungojnë në Botërorin 2010.

“Nuk shqetësohem shumë nëse Cristiano ose Messi nuk janë atje. Ne duhet të përqendrohemi te vetvetja, dhe të them të drejtën do të ishte mirë të mos ishte Portugalia atje- sepse në dy kampionatet e fundit na ka eliminuar”, ka thënë Rooney për “The Daily Mirror”.

Buffon do t’i nënshtrohet operacionit?
Juventusi dhe Italia kanë marrë një goditje të rëndë, pasi që portieri Gianluigi Buffon ndoshta duhet t’i nënshtrohet operacionit për të trajtuar një problem me gjurin.
Lajmi vjen një ditë pasi lojtari tjetër italian i Juventusit, Claudio Marchisio, ishte kthyer në shtëpi si pasojë e lëndimit të meniskut.

“La Stampa” njofton se Gigi ka vuajtur qe një kohë nga gjuri, ndërsa edhe pse ai do të paraqitet kundër Irlandës, lajmet e reja nga Torino thonë se ndoshta Buffon duhet të operohet për ta tejkaluar problemin e tij përgjithmonë.

Muntari: Kam kontratë me Interin
Mesfushori i Interit, Sulley Muntari, ka refuzuar fuqishëm spekulimet të cilat e lidhin atë me një mundësi kalimi te Tottenham Hotspur.
“Nuk kam dëgjuar asgjë në lidhje me këtë transferim, sinqerisht nuk di asgjë për këtë”.

“Unë e di që jam lojtar i Interit. Energjitë e mia janë të përkushtuara ndaj kësaj skuadre, sepse kam kontratë me të. Prandaj është e pakuptimtë që të flas për ekipe tjera”, ka thënë 25-vjeçari.

Maradona: Nuk do të jap dorëheqje
Trajneri i përfaqësueses së Argjentinës, Diego Maradona, ka thënë se njerëzit i kanë keqkuptuar komentet e tij, dhe se ai nuk do të japë dorëheqje nga posti i trajnerit para dy ndeshjeve vendimtare për kualifikim në Kampionatin e ardhshëm Botëror.
“As nuk jap dorëheqje e as nuk largohem, dëshiroj t’ua bëj të gjithëve të qartë këtë gjë”.

“Duhet të takohem me Grondonan (presidentin e Federatës së Futbollit të Argjentinës) dhe nëse gjithçka shkon mirë, do të vazhdoj, nëse nuk shkon mirë atëherë do të shohim”, ka thënë Maradona.

Kaka: Dua të bëhem sërish më i miri
Superylli brazilian Ricardo Kaka ka deklaruar se dëshiron që edhe njëherë të njihet si lojtari më i mirë në botë dhe beson se fitimi i trofeve me Real Madridin dhe Brazilin do t’ia mundësojë një gjë të tillë.
“Për t’u zgjedhur sërish si lojtari më i mirë në botë duhet të fitoj tituj të përbashkët. Mendoj se e kam mundësinë e arritjes së kësaj me Madridin dhe Selecaon”.

“Do të jap më të mirën nga vetja për të arritur diçka të këtillë. Secilën herë kur Brazili është i përgatitur mirë ne arrijmë sukses, mirëpo kjo nuk ndodhi në vitin 2006”, ka thënë Kaka për “AS”.

Flamini: Milani ka kualitet
Mesfushori i Milanit, Mathieu Flamini, beson se falë kualitetit që ka skuadra e tij, Rossonerët do të arrijnë të kthehet në formën më të mirë.
“Kam shumë besim, kjo skuadër ka shumë kualitet dhe jam i sigurt që në ndeshjet e radhës gjërat do të përmirësohen”.

“Nuk janë vetëm tifozët që nuk po kënaqen, edhe ne ndjehemi keq kur nuk fitojmë. Sido që të jetë, është me rëndësi të punojmë, sepse vetëm në këtë mënyrë mund ta kthehemi në rrugë të mirë”, ka thënë francezi për “Studio Sport”.

Fabregas prioritet i Realit
Edhe pse vazhdimisht thuhet se Barcelona do të sigurojë shërbimet e kapitenit të Arsenalit, Cesc Fabregas, në sezonin e ardhshëm, duket që Real Madridi do të jetë një konkurrent i fortë në këtë drejtim.
Sipas “AS”, në sezonin e ardhshëm Mbretërit planifikojnë të sjellin dy emrat ri në mesfushë: Cesc Fabregas dhe Franck Ribery.

Deri më tani, spanjolli ka pëlqyer të qëndrojë te Topçinjtë, mirëpo ofertat që bën Reali zakonisht janë të parefuzueshme nga skuadrat, prandaj mund të besojmë që ky transferim mund të ndodhë.

Ronaldo i gatshëm kundër Hungarisë
Superylli i Real Madridit, Cristiano Ronaldo, do të jetë në gjendje të luajë në ndeshjen e të shtunës të cilën Portugalia e zhvillon kundër Hungarisë.
Portugezi u lëndua në ndeshjen e Ligës së Kampionëve kundër Marseille, ashtu që mungoi në humbjen e parë të sezonit të Los Blancos ndaj Sevillas.

Mirëpo të enjten, ai është stërvitur me orar të plotë me bashkëkombësit e tij duke qenë i gatshëm për të zhvilluar ndeshjet e fundit kualifikuese kundër Hungarisë dhe Maltës, të cilat duhet me çdo kusht që Portugalia t’i fitojë për të shpresuar për një vend në Kampionatin Botëror 2010.

Shqipëria me formacionin 4-2-3-1 ndaj Suedisë
Sfida e te mërkurës së ardhshme në shtëpinë e Suedisë do të jetë jo pak e rëndësishme për Shqipërinë, edhe pse Kombëtarja kuqezi ka dalë jashtë objektivave sa i përket klasifikimit në Grupin 1 eliminator të Botërorit 2010.
Shqipërisë i duhet të marrë një rezultat pozitiv për të shpresuar të mos pësojë humbjen e vazos së katërt, ku pozicionohet e fundit.

Kërcënimi i Qipros ndihet shumë pranë, pasi ishulloret e Mesdheut pozicionohen të parët në vazon e pestë.

Prandaj kuqezinjtë e dinë mirë se duhet të japin maksimumin në një ndeshje, e cila konsiderohet shumë e vështirë, pasi kundërshtari është jo vetëm një emër i madh, por edhe e konsideron këtë takim “për jete a vdekjë” në lidhje me kualifikimin për në Botërorin 2010.

Burime të besueshme pranë teknikut kroat Josip Kuzhe, pohojnë se trajneri tashmë e ka të qartë se cila do të jetë vendosja e skuadrës në përballjen ndaj suedezëve në stadiumin Rasunda.

Trajneri do t’i besojë sistemit 4-2-3-1 të cilin e ka provuar në të gjitha ndeshjet që Kombëtarja ka zhvilluar deri më tani, që kur Kuzhe mori drejtimin e Shqipërisë.

Chelsea pëson humbjen e dytë
Lideri i tabelës në Ligën Premier, Chelsea, ka pësuar humbjen e dytë të sezonit, duke mposhtur nga Aston Villa në Villa Park me rezultat 2-1.

Blutë kaluan të parët në epërsi me një gol nga Didier Drogba (15’), ndërsa vendasit barazuan rezultatin me anë të Richard Dunne (32’), i cili i dërgoi skuadrat në pushim me rezultat të barabartë.

Në minutat e para të pjesës së dytë (52’), James Collins shënoi golin e dytë për Aston Villan, i cili rezultoi të ishte goli i fitores për vendasit, duke qenë se Chelsea nuk mundi të bëjë asgjë deri në fund të ndeshjes.

Kështu, nëse Manchester United shënon fitore kundër Boltonit në ndeshjen e të shtunës, atëherë Djatë e Kuq do ta marrin kreun e tabelës.

Zenden ‘me fat’ pas rikthimin në Premier
Mesfushori Boudewijn Zenden ka thënë se ai është një lojtar me fat, pasi nënshkroi marrëveshje njëvjeçare me Sunderlandin, ku do t’i bashkohet ish-bashkëlojtarit të tij, Lorik Cana.

Disa orë pasi ka nënshkruar me klubin e tij të ri, Zenden thotë se është i lumtur që ka gjetur një ekip ku ndjehet mirë dhe respektohet nga trajneri, por se nuk do ta harrojë Olympique Marseillen ku kaloi dy vite.

“Doja të rikthehem në Angli dhe në Ligën Premier. Isha i ftuar nga Steve Bruce për një provë dhjetë ditore gjatë javës së kaluar dhe kësaj jave për të parë gjendjen time. Gjithçka ishte pozitive, andaj këtë vikend arritëm marrëveshje”, ka thënë Zenden.

Zidane edhe zyrtarisht pjesë e Realit
Legjenda e futbollit Zinedine Zidane pritet që gjatë javës që vjen edhe zyrtarisht të marrë detyrë në ish-klubin e tij, Real Madrid.

Ish-Lojtari Më i Mirë në botë do të jetë në Santiago Bernabeu në takimin përballë Real Valladolid para se javën e ardhshme të fillojë detyrën e re në klub.

Zidane ka shmangur mundësinë për të pasur një zyre dhe në vend të saj do të takohet me drejtuesit dhe do të diskutojë mundësinë e të qenit pjesë e stafit teknik.

Valdano: Reali kurrë nuk ka kontaktuar me Mourinhon
Drejtori sportiv i Real Madridit, Jorge Valdano, thotë se ata kurrë nuk kanë kontaktuar me Jose Mourinho për t’ia ofruar drejtimin e klubit.

“A ishte Jose Mourinho qëllimi ynë? Jo. Me Florentino kishim në mendje dy trajnerë, Manuel Pellegrini dhe Arsene Wenger. Mourinhon kurrë nuk e kemi kontaktuar. Kjo edhe për faktin se ai kishte një marrëveshje me Interin”, ka thënë Valdano.

Valdano ka folur edhe për takimin e radhës të Ligës së Kampionëve përballë Milanit.

“Takimi me Milanin do të jetë i shkëlqyeshëm. Do të takohen dy gjigantë me histori të shkëlqyeshme në këtë garë. Milani për momentin kalon në një periudhë të vështirë, por ata mbeten një klub i madh”, ka shtuar Valdano.

Wenger: Arshavin mund të arrijë Ronaldon
Menaxheri i Arsenalit, Arsene Wenger, thotë se ai ka zgjeruar popullaritetin e Ligës Premier duke nënshkruar me Andrey Arshavin.

“Liga Premier ka nevojë për yje si Arshavin, tash që Cristiano Ronaldo është larguar. Arshavin ka gjithçka që i duhet futbollit”, ka thënë Wenger.

“Ai nuk është vetëm një lojtar i shkëlqyeshëm por ai ka një qëndrim të ndershëm dhe freskues. Kur nuk ka penalti ai kurrë nuk ankohet. Ai nuk është njeri i dramave. Ai është një lojtar fantastik për Ligën Premier”, ka shtuar francezi

Henry lavdëron Gallasin
Sulmuesi i Barcelonës, Thierry Henry, ka lëshuar lëvdata në ish-bashkëlojtarin e tij William Gallas.

Henry ka qenë mik me Gallas që kur ata kanë qenë tinejxherë, dhe ai e di se sa vështirë është për të, të bëjë për vete fansat në Emirates pas një viti të vështirë.

“William Gallas është burrë. Nuk njoh shumë lojtarë të cilët do të ishin në gjendje ta rikthejnë situatën siç e ka bërë ai. Kjo flet shumë për të. Ai është shumë i ndershëm, ndoshta së tepërmi ndonjëherë”, ka thënë Henry.

Në një deklaratë të fundit, edhe Wenger ka lavdëruar francezin, duke thënë se ai kurrë nuk ka menduar të shesë William Gallas./

Pato i sigurt se do t’u rikthehet golave
Sulmuesi i Milanit, Alexandre Pato, është i bindur se golat shumë shpejt do të arrijnë për të, sapo ai të çajë një herë rrjetën.

Pato nuk ka shënuar që nga java e parë e sezonit, por ai është optimist se do të gjejë rrjetën ndoshta edhe në derbin e vikendit kundër Romës.

“E di se giallorossët janë një ekip i madh dhe i fuqishëm. Kur Roma vjen në San Siro, gjithmonë është vështirë të përballemi me ta”, ka thënë Pato.

“Ne kemi pasur një javë të shkëlqyeshme në përgatitje për këtë takim. Këtë javë Leonardo vërtet ka bërë një punë të shkëlqyeshme. Për mua, jam i sigurt se së shpejti do të filloj të shënoj sërish dhe se sapo të filloj nuk do të jem në gjendje të ndaloj më”, është zotuar braziliani.

Liverpool kthehet kah Forlan
Sulmuesi i Atletico Madrid, Diego Forlan, mund të rikthehet në Ligën Premier, raportojnë mediat angleze.

Sipas Daily Mail, klubi spanjoll ka një borxh të përgjithshëm që kap shifrën e 275 milionë funteve, po thuajse dyfish më shumë se sa llogaritja e mëhershme. Në kërkim për të mbuluar këtë borxh, Atletico mund të detyrohet të shesë yjet më të mëdha të saj.

Ish-sulmuesi i Manchester United, Diego Forlan, së fundi nënshkroi kontratë të re, ku përcaktohet klauzula prej 33 milionë funtesh. Liverpool dhe Manchester City thuhet se janë të gatshëm të paguajnë këtë shumë për të transferuar sulmuesin. Ndërsa për të të interesuar janë edhe dy gjigantët e Spanjës, Real Madrid dhe Barcelona.

Reali do ta shesë Ramos-in
Real Madridi raportohet se është i gatshëm ta shndërrojë në para mbrojtësin Sergio Ramos.

Sipas El Mundo Deportivo, tashmë është marrë vendimi për të shitur përfaqësuesin e kombëtares spanjolle në fund të sezonit, pavarësisht se ai ende ka edhe katër vite të mbetura në kontratën e tij.

Presidenti i Realit, Florentino Perez, është i bindur se në vitin e ardhshëm kur organizohet Kupa Botërore ata mund të nxjerrin një çmim të mirë nga Ramos, i cili ka pasur probleme disciplinare dhe lëndime gjatë 12 muajve të fundit.

Vetëm një rikthim dramatik në formë do ta ‘shpëtonte’ atë nga largimi.

Pavlyuchenko në Milan?
Agjenti i sulmuesit rus Roman Pavlyuchenko thotë se ai është duke e eksploruar mundësinë e kalimit të klientit të tij në Milan.

Italianët raportohet janë duke menduar të ofrojnë sulmuesin holandez Klaas-Jan Huntelaar në shkëmbim për dyshen e Tottenhamit, Pavlyuchenko dhe mbrojtësin Gareth Bale.

“Kjo është një informatë e hershme. Kam telefonuar miq në Itali dhe shumë shpejt do të dëgjoj nëse një shkëmbim i tillë është vërtet i mundshëm ose këto janë vetëm thashetheme”, ka thënë agjenti Oleg Artemov.

“Sigurisht, opsioni i kalimit në Milan do të ishte joshës për çdo lojtar, agjent dhe për klubin që e shet lojtarin”, ka shtuar ai./

Tevez të largohet nga kombëtarja argjentinase
Sulmuesi i Manchester Cityt, Carlos Tevez, është duke menduar të largohet nga kombëtarja e Argjentinës.

Argjentinasit arritën të sigurojnë biletë për në Kupën Botërore Afrika e Jugut 2010, duke fituar dy takimet e fundit kualifikuese, por megjithatë kaluan njërën prej periudhave më të dobëta nën drejtimin e Diego Maradona.

“Askush nuk më fishkëllen mua në Angli, andaj pse duhet të vij në Argjentinë dhe të kaloj momente të këqija? Fansat na ofendojnë, gazetarët kritikojnë gjithçka. Jam lodhur nga kjo”, ka thënë Tevez./T

Benitez: Mund të fitojmë edhe pa Gerrard e Torres
Steven Gerrard dhe Fernando Torres nuk do të jenë në dispozicion të trajnerit të Liverpoolit, Rafael Benitez, në ndeshjen e të shtunës kundër Sunderlandit, mirëpo tekniku spanjoll thotë se Të Kuqtë mund t’ia dalin mbanë edhe pa dy lojtarët kryesorë.

“Mund të fitojmë pa ata. Kemi lojtarë të mirë në skuadër të cilët mund t’i zëvendësojnë, por duhet të shfaqim karakter dhe shpirt për të tejkaluar këtë problem”.

“Kemi lojtarë të cilët janë stërvitur mirë dhe presin shansin e tyre. Tash momenti ka ardhur dhe ata mund ta shfrytëzojnë mundësinë e tyre.”, ka thënë Benitez.