Top Flash lajmet nga Futbolli

Ktu mund ti postoni te gjitha te rejat nga futbolli

Messi: Argjentina do të kualifikohet në Botëror
Argjentina e ka shumë të vështirë që të sigurojë një vend për në Kampionatin e ardhshëm Botëror, mirëpo Lionel Messi thotë se kombëtarja e tij do të jetë në Afrikën e Jugut.
“Argjentina do të kualifikohet. Kjo është ajo që dëshirojmë më së shumti dhe do të luftojmë për ta arritur”.

“Do të mundohem ta përmirësoj lojën time te Argjentina, sepse nuk është njësoj sikurse këtu (te Barcelona)... Do ta bëj këtë në mënyrë të qetë”, ka thënë lojtari më i mirë në botë, i cili kohëve të fundit është kritikuar se nuk luan me përfaqësuesen ashtu sikurse luan me Blaugranët.

Ronaldo: Topi i Artë? Tashmë e kam fituar një herë
Ylli i Real Madridit, Crsitiano Ronaldo, thotë se ai është shumë i qetë kur është në pyetje Topi i Artë, pasi tashmë e ka të fituar atë një herë.
Sulmuesi i Barcelonës, Lionel Messi, është favoriti kryesor për ta fituar Topin e Artë këtë vit, pas një sezoni të shkëlqyeshëm me klubin katalanas. Dy yjet e futbollit këtë sezon janë rivalë edhe në kampionatin spanjoll, dhe pritet të luftojnë në të ardhmen për të njëjtin çmim.

“Topi i Artë? Kam pasur privilegjin tashmë ta fitoj atë njëherë, shpresoj se do ta fitoj edhe shumë herë, por për momentin jam i qetë. Unë tash vetëm i kryej detyrat e mia dhe dua të vazhdoj me paraqitje të mira”, ka thënë Ronaldo.

“A më pëlqen loja e Barcelonës? PO, është një ekip shumë i mirë me lojtarë që kanë kualitete të shkëlqyeshme. Ata janë përbërje e mirë, por ne do të luftojmë me ta deri në fund të sezonit dhe do të shohim kush do të fitojë”, ka shtuar portugezi.

Wolcott ka besim te Arsenali
Sulmuesi i Arsenalit, Theo Walcott, beson se ekipi aktual i Arsenalit ka mjaft kualitet për të fituar trofe këtë sezon.
Anglezi do të ketë mundësinë të luajë takimin e parë të sezonit këtë vikend kundër Fulhamit, pasi përfundimisht u rikuperua nga lëndimi në shpinë.

“I kemi ruajtur lojtarët. Nëse arrini të mbani një grup të caktuar të lojtarëve, shpresoni se kjo do t’ju mundësojë të fitoni trofe”, ka thënë Walcott.

“Mendoj se këtë vit e kemi përvojën nga pjesëmarrja në gjysmëfinale të Ligës së Kampionëve dhe është e nevojshme të bëjmë vetëm një hap më tej. Duhet të fitojmë diçka për fansat, pasi ata janë shumë të padurueshëm”, ka thënë Walcott.

Cassano: Duhej të zgjidhja Juventusin
Sulmuesi italian Antonio Cassano, thotë se para nëntë vitesh ka bërë gabim të madh kur ka vendosur të transferohet te Roma dhe ka shtuar se karriera e tij do të ishte shumë më e mirë nëse ai do të transferohej në Juventus.
“Nëse para nënë vitesh në vend të Romës do të kaloja në Juventus, do të shënoja shumë më shumë.... Flas për futbollin dhe sjelljen, pa dyshim do të kisha fituar më shumë”, ka thënë Cassano për Gazzeta dello Sport.

“Karakteri im do të ishte i njëjtë, por në Juventus do të gjeja një ambient më të mirë. Atëherë gabova shumë”, ka shtuar italiani.

Pepe: Liga e Kampionëve na motivon
Mbrojtësi i Real Madridit thotë se mezi pret të rikthehet në fushë dhe se shpreson se do të luajë në takimin e vikendit kundër Tenerife.
Portugezi përfundimisht e tejkaloi suspendimin e gjatë dhe është në kombinim për takimet e radhës në La Liga, pasi në takimin kundër Zurichut, e pati debutimin e tij në sezonin e ri.

“Dua të luaj dhe t’i ndihmoj ekipit në çfarëdo forme me të cilën mundem. Por, po ashtu dua të fitoj tituj, pasi kjo është e rëndësishme për karrierën e çdo futbollisti, siç është për çdo klub, veçanërisht Real Madridin”, ka thënë Pepe.

Finalja e Ligës së Kampionëve këtë sezon do të zhvillohet në Bernabeu dhe Pepe thotë se gara më prestigjioze është ajo që i motivon lojtarët.

“Liga e Kampionëve është ajo që na motivon, të gjithë jemi të ngazëllyer të luajmë në finale pasi kjo është një mundësi e madhe për ne. Do të punojmë me ngulm për të arritur atje”, ka shtuar Pepe.

Lucio: Juve është rivali ynë për skudeton
Mbrojtësi brazilian Lucio ka thënë se Juventusi është rivali kryesor i Interit në garën për skudeton, por se fokusi i nerazurëve do të jetë edhe në Ligën e Kampionëve.
Lucio shënoi gol në fitoren 3-1 ndaj Napolit, derisa Juventusi dje vetëm barazoi me rezultat 2-2 në fushë të Genoas.

“Kishim një fillim të mirë të sezonit, por mund të ishte edhe më i mirë. Tashmë jam i lumtur në Inter. Duhet të vazhdojmë të jemi të fokusuar, pasi para nesh ka shumë takime dhe është e nevojshme të luajmë mirë, për të arritur te rezultati i dëshiruar”, ka thënë Lucio.

“Juventusi është një ekip që ka kualitet të shkëlqyeshme, edhe krahas asaj që ka shumë ndeshje deri në fund, pa dyshim ata do të jenë rivalë për skudeton”, ka shtuar braziliani.

Pellegrini: Do të përmirësohemi
Strategu i Real Madridit, Menuele Pellegrini, thotë se ai i din qëllimet e klubit dhe se çfarë duhet të bëjë që ato të realizohen.
Kiliani pranon se Reali duhet të përmirësohet edhe më shumë dhe shton se është i pari i cili dërgon kritika për paraqitjet e ekipit.

“Nuk jam i befasuar nga kritikat për mënyrën e lojës, pasi gjithmonë jemi në kërkim të së përkryerës. Kritikat nuk janë gjithmonë të njëjta dhe unë jam i pari që i kritikon paraqitjet e ekipit”.

“Ekipi mund të përmirësohet dhe ne punojmë në këtë drejtim. Shumica menduan se tash do të fillojmë të përballemi me probleme, por ekipi është duke u përgjigjur mirë. I dimë cilat janë qëllimet tona dhe se si duhet t’i realizojmë”, ka thënë Pellegrini.

Pato dëshiron të transferohet te Chelsea?
Shqetësimet e Milanit për një largim të mundshëm të sulmuesit Alexandre Pato po bëhen gjithnjë e më të shprehura.
Pato ka dështuar të gjejë rrjetën në pesë ndeshjet e fundit me Milanin dhe kjo e përkeqëson edhe më shumë situatën.

Corriere della Sera shkruan se frika se Pato dëshiron të ribashkohet me ish-trajnerin, Carlo Ancelotti, i cili drejton Chelsean, po rritet brenda rosonerëve, dhe kjo ndikon edhe në formën e vetë lojtarit në fushë.

Megjithatë një kalim i tij në Stamford Bridge mund të ndodhë vetëm nëse FIFA zbut ose heq ndalimin e klubit anglez për të transferuar lojtarë në dy afatet e ardhshme kalimtare.

Wenger: Arsenali më i fuqishëm se United dhe City
Menaxheri i Arsenalit, Arsene Wenger, thotë se ekipi i tij është shumë më i fuqishëm se dy rivalët tjerë të Ligës Premier, Manchester United dhe Manchester City.
Ishin pikërisht dy skuadrat nga Manchesteri ato që ia shkaktuan dy humbje Arsenalit në Ligën Premier, por strategu francez megjithatë mendon se ekipi i tij është më i mirë.

“Mendojmë se jemi më të fuqishëm se Manchester United dhe Manchester City dhe duhet ta transformojmë këtë në pikë dhe fitore. Kundër Wiganit ne fituam 4-0 me Nicklas Bendtner në stol dhe me Theo Walcott, Andriy Arshavin, Samir Nasri dhe Denilson që nuk luajtën”.

“E dini, ne erdhëm nga dy ndeshje ndaj Cityt dhe United, duke ndjerë tërësisht të kundërtën e asaj çfarë njerëzit mendojnë, se ne vërtet kemi potencial të madh. Ne duhet ta kthejmë këtë në një opsion real për të fituar Ligën Premier. Duke u bazuar në ndeshjen ndaj Manchester United nuk duhet të kemi komplekse të inferioritetit. Në fund do të shohim se kush është më i fortë”, ka thënë Wenger.

Sneijder dhe Muntari mungojnë kundër Sampdorias
Trajneri i Interit, Jose Mourinho, do të ketë probleme në zgjedhje në ndeshjen e fundjavës kundër Sampdorias, pasi që nuk do të mund të llogarisë në shërbimet e Wesley Sneijder dhe Sulley Muntari.
Sneijder ende nuk është rikuperuar nga lëndimi i muskulit që pësoi në ndeshjen kundër Napolit, ndërkohë që edhe Muntari nuk është në gjendje të luajë.

Të dy lojtarët janë lënë jashtë stërvitjeve të premten, për t’iu nënshtruar fizioterapisë, ashtu që nuk bëjnë pjesë në grupin e lojtarëve që do të jenë në dispozicion të trajnerit të Nerazzurëve.

Lopez Muniz: Mund ta mposhtim Barcelonën
Trajneri i Malagas, Juan Ramon Lopez Muniz, thotë se ekipi i tij mund të nxjerrë rezultat pozitiv në ndeshjen e të shtunës kundër Barcelonës.
“Jam i bindur se ata nuk do të mund t’i fitojnë të gjitha 38 ndeshjet në Primera Division”.

“Ne kemi shpresat tona dhe unë nuk do të heq dorë nga ndeshja dhe ta konsideroj humbje, por ne do të mundohemi dhe do t’i shfrytëzojmë të gjitha opsionet që i kemi”, ka thënë Lopez Muniz për “AS”.

Guardiola: Edhe skuadrat tjera janë në garë për titull
Pep Guardiola nuk pajtohet me mendimet se gara për titull gjatë sezonit 2009/2010 në La Liga do të zhvillohet vetëm ndërmjet Barcelonës dhe Real Madridit.
“Është mungesë respekti, të mendosh pas vetëm katër ndeshjes se lufta do të jetë vetëm në mes Barcës dhe Madridit. Unë nuk besoj në diçka të këtillë”.

“Nëse i kemi fituar të gjitha ndeshjet deri më tani, do të thotë se të dyja ekipet jemi në formë. Fakti që i kemi fituar ndeshjet është vetëm se kemi qenë më të fortë se kundërshtarët tanë”, ka thënë trajneri i Barcës, i cili thotë se edhe Sevilla, Valencia, Villarreali dhe Atletico Madridi do t’u konkurrojnë dy gjigantëve spanjollë për titull.

De Rossi mund të mungojë kundër Catanias
Daniele De Rossi mund të mungojë në ndeshjen e fundjavës ndaj Catanias si pasojë e dhimbjes në shpinë.
Forzaroma.info njofton se mesfushori italian është paraqitur të premten në fushën stërvitore në Trigoria duke u ankuar për dhimbje të shpinës.

Si pasojë e kësaj dhimbjeje, De Rossi nuk ka mundur të bashkohet me grupin e tjetër të lojtarëve për të vazhduar seancën e sotme stërvitore, ashtu që është në dyshim që mund të inkuadrohet në ndeshjen e të dielës kundër Catanias.

Trajneri Claudio Ranieri do të ketë telashe në formacion, duke qenë se edhe Philippe Mexes, Rodrigo Taddei dhe Jeremy Menez nuk janë stërvitur sot.

Higuain dhe Aimar ftohen nga Maradona
Përzgjedhësi i kombëtares së Argjentinës, Diego Maradona, ka vendosur të bëjë ndryshime të vogla për ndeshjet e radhës kundër Perusë dhe Uruguait, dhe ka ftuar Gonzalo Higuain dhe Pablo Aimar.
Maradona po ashtu e ka kthyer sërish në përfaqësuese Angel Di Maria, bashkëlojtarin e Aimar te Benfica, si edhe Luis Gonzales nga Olimpique Marseille.

Higuain, i cili është i lindur në Francë, refuzoi mundësinë të luajë për trengjyrëshit, dhe u shpërblye për durimin e tij dhe formën e mirë në La Liga dhe mund të jetë startues krahas Lionel Messi.

Dy ndeshjet e radhës do të jenë edhe vendimtare për kualifikimin e Argjentinës për në Kupën Botërore, Afrika e Jugut 2010. Argjentina do të presë Perunë më 10 tetor, ndërsa katër ditë më pas, ata do të luajnë kundër Uruguait në fushë mysafire.

Të ftuar janë edhe Javier Zanetti nga Inter, Fernando Gago nga Real Madrid dhe Lisandro Lopez nga Lyon.

Përbërja e plotë:

Portierë: Diego Romero (AZ Alkmaar) dhe Mariano Andujar (Catania)

Mbrojtës: Fabricio Coloccini (Newcastle), Nicolas Pareja (Espanyol), Pablo Zabaleta (Manchester City), Emiliano Insua (Liverpool) dhe Gabriel Heinze (Marseille)

Mesfushorë: Jonas Gutierrez (Newcastle), Javier Mascherano (Liverpool), Angel Di Maria (Benfica), Pablo Aimar (Benfica) dhe Luis Gonzalez (Marseille)

Sulmues: Lionel Messi (Barcelona), Ezequiel Lavezzi (Napoli), Carlos Tevez (Manchester City), Diego Milito (Inter Milan), Sergio Aguero (Atletico Madrid) dhe Gonzalo Higuain (Real Madrid).

Galliani: Pato ka rinovuar marrëveshjen
Zëvendëspresidenti i Milanit, Adriano Galliani, ka pohuar se braziliani Alexandre Pato ka nënshkruar marrëveshje të re me rosonerët, e cila do ta mbajë atë në San Siro deri në vitin 2014.
Galliani zbuloi se ylli i ri i ekipit e ka vazhduar besimin dhe ka nënshkruar marrëveshje pesëvjeçare. Pato verën e kaluar ishte cak i shumë klubeve, mes të cilave edhe Chelseat, por pas shitjes së Kaka, drejtuesit e Milanit nuk dëshironin të mbeten edhe pa një lojtar kyç.

Me marrëveshjen e re, rosonerët treguan se kanë besim të madh në lojtarin dhe sigurisht se do t’i largojnë synimet e klubeve tjera, të cilët përgatisin sulme të reja për të marrë shërbimet e brazilianit.

“Pato ka rinovuar kontratën me Milanin për edhe pesë vitet e ardhshme”, ka thënë Galliani në Milan TV.

Pato arriti në Milan në vitin 2007 në moshën 17 vjeçare nga Internacional, por duhej të presë deri sa të mbushë 18 vjet për të debutuar me fanellën kuqezi, në janar të vitit 2008.

Van Persie: Adebayor nuk më ka kërkuar falje
Sulmuesi holandez Robin van Persie thotë se ai ende nuk ka marrë kërkim falje nga ish-bashkëlojtari i tij, Emmanuel Adebayor, për incidentin që ndodhi dy javë më parë.
Adebayor e goditi Van Persien në fytyrë në takimin në mes të Manchester Cityt dhe Arsenalit, për të cilën arsye sulmuesi i Cityt u suspendua për tre ndeshja nga FA.

“A pres të marr kërkim falje nga Adebayor? Tashmë jo. Çfarë mund të them? Dhashë deklaratë pas ndeshjes, në të cilën vërtet besova dhe e cila i shprehu ndjenjat e mia dhe ende i shpreh. Nëse shoh në pasqyrë, mendoj se nuk mund ta fajësoj veten”, ka thënë holandezi.

“Nuk dua të harxhoj më shumë kohë në zotëri Adebayor, pasi ai tashmë ka treguar se si është në disa javët e kaluara”, ka thënë më tej Van Persie.

Mancini favorizon Sampdorian
Ish-lojtari i Sampdorias dhe ish-trajneri i Interit, Roberto Mancini, ka zbuluar se sot në mbrëmje do të bëjë tifo për Sampdorian.
Në ora 18 Sampdoria do ta presë Interit në takimin e javës së gjashtë të Serie A. Gjatë një interviste për Corrire dello Sport, Roberto Mancini pret një ndeshje shumë emocionuese të cilët shpreson ta fitojë Sampdoria.

“Sigurisht, zemra ime është në anën e Sampdorias, ku kalova 15 vite. Shpresoj se do të shohim një futboll të mirë. Pres të jetë i tillë pasi dyja palët kanë shumë kampionë”, ka thënë Mancini.

Valdano: Ronaldo dhe Kaka janë të ndryshëm
Drejtori sportiv i Real Madridit, Jorge Valdano, thotë se Roonaldo gjithmonë dëshiron të tregohet se kush është dhe shpesh është i nervozuar për shkak të paraqitjeve, derisa Kaka është më i qetë.
“Presidenti gjithmonë thoshte se është e nevojshme ta bëjmë për një vit, atë që zakonisht bëhet për tre vite. Reali kurrë nuk ka angazhuar aq shumë lojtarë, por në të njëjtën kohë nuk ka shitur aq shumë”, ka thënë Valdano për Gazzetta dello Sport.

Duke folur për dy yjet më të shtrenjta të futbollit, Kaka dhe Cristiano Ronaldon, Valdano ka thënë: “Kaka është një top talent. Ai është shumë i qetë, nuk ka frikë nga paraqitjet e dobëta dhe më duket se vetëm luaj për t’u argëtuar”.

“Ronaldo është shumë ambicioz, ka nervozë të natyrshme rreth paraqitjeve të tij. Gjithmonë dëshiron të dëshmohet kush është. Të dy kanë mënyrë të ndryshme të arritjes te kulmi”, ka shtuar Valdano.

Ancelotti: Chelsea nuk është i pamposhtshëm
Trajneri i Chelseat, Carlo Ancelotti, i ka hedhur poshtë supozimet se Chelsea mund ta përfundojë Ligën Premier pa pësuar humbje.
Italiani ka një fillim të shkëlqyeshëm në karrierën e tij në Stamford Bridge, duke i udhëhequr blutë drejt gjashtë fitoreve të njëpasnjëshme që e mbajnë ekipin në krye të tabelës.

Arsenali në sezonin e vitit 2003/2004 bëri histori, duke e fituar titullin pa shënuar asnjë humbje, ndërsa formacioni i Arsene Wenger u etiketua si ‘i pamposhtshëm’. Megjithatë Ancelotti e ka hedhur mundësinë që të ndjekë hapat e topçinjve.

“Gjërat po shkojnë shumë mirë për ne, por e di se nuk do ta fitojmë çdo ndeshje këtë sezon. Ka shumë ekipe të mira në Ligën Premier, për të qenë të pamposhtur gjithë sezonin, andaj për momentin qëllimi ynë është ta ruajmë këtë në nivel të mirë, sa më shumë që mundemi”, ka thënë Ancelotti.

Milito i gatshëm në janar
Mbrojtës i Barcelonës, Gabriel Milito, i cili nuk luan për më shumë se një vit, do të jetë i gatshëm që t’i shërbejë klubit katalunas pas pushimit dimëror.
“Sport” njofton se Milito, i cili është jashtë loje që nga prilli i vitit 2008, do të jetë në gjendje që të kthehet në fushë nga fillimi i vitit të ardhshëm.

“Njëri nga tregimet më të mira të vitit do të jetë kthimi i Gabriel Militos në skuadër”, ka thënë trajneri i Barcës, Pep Guardiola.

Ferrara: Zemërimin do ta zbrazim ndaj Bolognas
Strategu i Juventusit, Ciro Ferrara, dëshiron që zemërimi i ndeshjes ndaj Genoas, në të cilën biankonerët barazuan 2-2, të transformohet në energji pozitive për takimin kundër Bolognas.
“Pash se lojtarët e mi pas takimit ndaj Genoas dhe dështimit për të arritur te tre pikët ishin të dëshpëruar dhe të zemëruar. Kjo është një shenjë e mirë se mund ta transferojmë zemërimin në një energji pozitive për takimin me Bologhan”, ka thënë Ferrara.

Në përbërje për takimin e nesërm janë kthyer edhe Diego dhe Del Pierro, por trajneri nuk ka zbuluar nëse ata do të luajnë.

Ballardini: Më herët ose më vonë do ta fitoj Serie A
Dy titujt e vetëm të Lazios në ligën italiane janë ato të viteve 1973/74 dhe 1999/00, por trajneri i ri Davide Ballardini beson se ai është i aftë t’ia sjellë skudeton edhe një herë ekipit romak.
“Mendoj se në karrierën time do ta fitoj ligën më herët ose më vonë. Nuk e di kur... tash jam këtu në Lazio, është një klub i madh dhe mbase do të bëhet edhe më i madh”, ka thënë Ballardini në një intervistë për Sky Sport Italia.

Lazio nesër pret në fushë të vet Palermon, ish-klubin e Ballardinit, që gjatë mesjavës barazoi në fushë të vet ndaj ekipit tjetër romak, Romës.

Saha i jep fitoren Evertonit
Evertoni ia ka shkaktuar humbjen e shtatë të sezonit ekipit të Portsmouth, me Louis Saha që shënoi golin e vetëm të fitores.
Goli i francezit, i shënuar në fund të pjesës së parë të ndeshjes, ishte i mjaftueshëm për t’i dhënë fitoren e tretë të sezonit Evertonit, në takimin e zhvilluar në Fratton Park.

Ky është goli i shtatë i Saha në Ligën Premier në gjashtë ndeshje për Evertonin, ndërkaq është humbja e shtatë e Portsmouth nga po aq ndeshje. Rol të rëndësishëm në fitore luajti edhe portieri mysafir Tim Howard, që bëri disa mbrojtje të mira për Evertonin.

Bundesliga: Fitojnë favoritët
Kampioni në fuqi i Bundesligës, Wolfsburg, ka shënuar fitore 4-2 në fushë të vet ndaj Hannoverit, derisa nga tre pikës sot kanë arkëtuar edhe Schalke, Werder, Stuttgart dhe Leverkusen.
Wolfsburg kaloi në epërsi me anë Zvjezdan Misimovic pas tetë minutash lojë, derisa Hanno Balitsch barazoi për mysafirët pas gjysmë ore. Në fund të pjesës së parë, vendasit rimorën epërsinë me Christian Gentner (45’), për ta zgjeruar atë me të filluar pjesa e dytë me anë të Makoto Hasebe (47’)

Një autogol i Alexander Madlung (50’) ngushtoi epërsinë e kampionëve, por si gjithmonë aty ishte sulmuesi në formë Edin Dzeko që vulosi rezultatin kur kishin kaluar një orë lojë.

Fitore minimale në udhëtim te Borussia Dortmund ka shënuar Schalke me golin Jefferson Farfan pas gjysmë ore lojë, ndërsa me të njëjtin rezultat, 1-0, fitore ka shënuar Bayer Leverkusen në fushë të Koln me golin e kapitenit Simon Rolfes.

Het-trik i Torres në fitoren e lartë Liverpoolit
Liverpooli ka shënuar fitore të lartë prej 6-1 kundër Hull Cityt në ndeshjen e zhvilluar të shtunën në Anfield.
Heroi i ndeshjes ishte sulmuesi spanjoll Fernando Torres, i cili shënoi tri herë në këtë përballje.

Torres filloi serinë e golave në minutën e 12-të, ndërsa tre minuta më pas (15’), Geovanni barazoi rezultatin.

El Nino krijoi sërish epërsinë për të Kuqtë (28’) dhe me rezultatin 2-1 përfundoi pjesa e parë.

Me të filluar pjesa e dytë (47’), Torres kompletoi het-trikun e tij duke shënuar për rezultatin 3-1 në favor të vendasve.

Për ta fundosur krejtësisht skuadrën mysafire u përkujdesën Steven Gerrad (61’) dhe Ryan Babel (88’dhe 90’) duke bërë që Liverpooli ta mbyllë ndeshjen me rezultatin 6-1.

Werderi dhe Stuttgart shënojnë fitore
Werder Bremen dhe Sttutgart kanë shënuar fitore në javën e shtatë të ndeshjeve në Bundesliga, që të dyja me rezultat 3-0.
Dy gola të Julian Schieber në pjesë të parë (17’ dhe 31’) dhe një tjetër nga kapiteni Thomas Hitzlsperger në pjesë të dytë (54’), i kanë dhënë fitoren Sttuttgartit si mysafir i Eitracht Frankfurtit.

Claudio Pizzaro po ashtu ka shënuar dy gola, që të dy në pjesë të dytë (71 dhe 82), për të kompletuar fitoren bindëse të Werderit në fushë të vet ndaj Mainz. Golin e parë për vendasit e kishe shënuar Aaron Hunt në fund të pjesës së parë të takimit (38’).

Chelsea shijon humbjen
Skuadra e Chelseat ka shijuar ndalesën e parë të sezonit duke u mposhtur si mysafir i Wigan Athletic me rezultat prej 3-1.
Vendasit kaluan në epërsi me anë të Titus Bramble (16’) dhe me rezultatin prej 1-0 përfundoi pjesa e parë e takimit.

Me të filluar pjesa e dytë (47’), Blutë barazuan rezultatin me golin e Didier Drogbas, dhe kjo ishte krejt çka bënë atë në këtë ndeshje.

Në minutën e 51-të Chelsean e mori teposhta, pasi që portieri Petr Cech u përjashtua me karton të kuq, ndërsa u akordua penallti në favor të Wiganit, të cilën e shndërroi në gol Hugo Rodallega (53’) përballë portierit Hilario, i cili u inkuadrua në vend të Maloudas.

Me një lojtar më pak në fushë, Chelsea vetëm se pësoi edhe golin e tretë (90’+1), ndërsa realizues ishte Paul Scharner.

Keane shkatërron Burnleyn
Robbie Keane ka shpërthyer për të shënuar plot katër gola, duke ndihmuar Tottenhamin të shënojë fitore të thellë prej 5-0 ndaj Burnleyt në White Hart Lane.
Sulmuesi irlandez hapi serinë e golave pas 18 minutash lojë, pasi ishte i saktë nga penaltia, ndërsa rezultatin që në pjesë të parë e dyfishoi Jermaine Jenas (33’).

Tre golat e Keane të shënuar në 16 minutat e fundit të takimit, fundosën mysafirët e Burnleyt (74’, 77’ dhe 87’).

Me këtë fitore Tottenham iu rikthehet lojërave impresive dhe fitoreve bindëse, pas dy humbjeve radhazi ndaj Manchester United dhe Chelseat.

Djajtë pikë të njëjta me Blutë
Manchester United ka shënuar fitore komode si mysafir i Stoke Cityt me rezultat 2-0.
Pjesa e parë përfundoi pa gola, ndërsa kampioni në fuqi shënoi dy herë në pjesën e dytë për të siguruar tri pikë të plota nga ky udhëtim.

Dimitar Berbatov (62’) shënoi golin e parë, ndërsa John O'Shea vulosi fitoren e Djajve të Kuq (77’).

Me këtë fitore United barazohet me pikë me liderin e Ligës Premier, Chelsea që sot pësoi nga Wigan Athletic.