Lajmet me te reja nga FutBolli.

Messi: La Liga dhe Liga Premier në të njëjtin nivel

Ylli i Barcelonës, Lionel Messi, thotë se liga spanjolle qëndron në krah të ligës angleze, si kampionati më i mirë i futbollit në botë.



Messi së fundi fitoi çmimin prestigjioz Topi i Artë, ndërsa është edhe favoriti për të fituar çmimin e FIFA-s si Lojtari më i Mirë i Vitit.

“Kampionati spanjoll është më i miri së bashku me Ligën Premier, siç është edhe e vërtet se ekipet nga këto dy vende po thuajse gjithmonë arrijnë në finale të Ligës së Kampionëve”, ka thënë Messi./

Gerrard: Nuk jam legjendë e Liverpoolit

Kapiteni i Liverpoolit, Steven Gerrard, ka mohuar thëniet se ai është legjendë e klubit anglez.



Gerrard luajti ndeshjen e tij të 500-të për klubin në barazimin pa gola të së shtunës ndaj Blackburn Rovers.

“Nuk mendoj se jam legjendë e Liverpoolit. Mund t’i quani lojtarët legjendë vetëm kur ata e përfundojnë karrierën dhe ju shikoni në atë që ata kanë lënë prapa. Shumë njerëz e japin statusin e legjendës shumë herët për të bërat e mia”.

“Nuk e shoh veten si legjendë, i shoh Dalglish, Hansen dhe Rush si legjenda. Ata kanë qenë atë dhe ia kanë dalë. Shpresojmë se një ditë do të shoh prapa në atë që kam arritur dhe të them se jam pjesë e legjendave të klubit, por sigurisht nuk do ta vendosja veten në atë shportë tash”, ka thënë Gerrard./

Fabregas: Kemi nevojë për përforcime

Kapiteni i Arsenalit, Cesc Fabregas, thotë se ekipi i tij ka nevojë për më shumë përforcime për të luftuar me top ekipet tjera të Ligës Premier.




Me lëndimet e dy sulmuesve kryesor Robin van Persie dhe Nicklas Bendtner, topçinjtë kanë mungesë të lojtarëve që mund të avancojnë para golit kundërshtar dhe Fabregas beson se ekipi ka nevojë të sjellë lojtarë të cilët janë ca më ndryshe nga shumë të tjerë në listë.

“Gjatë ndeshjes në City ne kishim posedim më të madh, por vërtet nuk arritën të kalonim mbrojtësit me përjashtim të Carlos Vela. Ne kishim shumë lojtarë të ngjashëm, të cilët duan ta mbajnë topin në këmbë. Ndonjëherë është e vërtetë se keni nevojë për opsione të ndryshme”, ka thënë Fabregas.

“Kur një ekip është më i mirë se ju, ju duhet ta pranoni këtë, siç bëmë kundër Chelseat dhe ishim të gatshëm për ndeshjen e ardhshme. Ne e pranojmë se Chelsea është një ekip më i fuqishëm, ata po tregojnë më shumë qëndrueshmëri. Ajo që ne duhet të bëjmë është të mos lejojmë më shumë dështime”, ka shtuar spanjolli./

Lahm cak i Cityt për afatin kalimtar të janarit

Klubi i Ligës Premier, Manchester City, raportohet se është i gatshëm të harxhojë për të transferuar mbrojtësin e Bayern Munichut, Philipp Lahm.



Sipas ‘The Sun’, City është duke planifikuar të ofrojë 12 milionë funte për gjermanin. Menaxheri i ekipit anglez, Mark Hughes, e ndoqi atë derisa luan për Bayernin gjatë muajit të kaluar, si pjesë e udhëtimit të tij për të përcjellë nga afër cakun tjetër të ekipit, Franck Ribery.

Që të dy janë të pakënaqur në Bayern, por duket se Lahm është më i kapshëm se francezi. Gjermani shihet si një prej mbrojtësve më të mirë në Evropë./

Buffon mund të mungojë kundër Bayernit

Sipas faqes zyrtare të Bianconerëve, portieri i Juventusit, Gianluigi Buffon, është në dyshim për ndeshjen vendimtare në Ligën e Kampionëve kundër Bayern Munichut, e cila zhvillohet të martën mbrëma në Torino.



Më herët është njoftuar se Buffon doemos duhet t’i nënshtrohet ndërhyrjes kirurgjike në meniskun e gjurit të majtë, mirëpo ai e ka shtyrë këtë procedurë duke dashur të jetë në derbin kundër Interit dhe në ndeshjen e të martës, e cila vendos nëse Juve do të kualifikohet në raundit tjetër të Ligës së Kampionëve.

Mëngjesin e të hënës, portieri italian u është nënshtruar disa ekzaminimeve mjekësore, të cilat kanë treguar dëmtim të meniskut anësor, ndërsa stafi mjekësor do të vendosë të martën nëse gardiani do të jetë në fushë.

Juventusi duhet të nxjerrë së paku një barazim nëse dëshiron të vazhdojë në fazën e eliminimit direkt të Ligës së Kampionëve.

Benitez dëshiron më shumë gola nga Mascherano

Menaxheri i Liverpoolit, Rafa Benitez, ka kërkuar nga mesfushori Javier Mascherano të përmirësojë rekordin e tij të shënimit të golave.



Benitez dëshiron që Mascherano dhe të tjerët të vazhdojnë të provojnë fatin e tyre edhe jashtë kuadrit para golit.

“Që nga dita e parë kur ne nënshkruam me Javier, biseduam për gola pasi ai nuk është i keq nga goditjet jashtë kuadrit. Ai mund ta bëjë këtë shumë mirë, andaj duhet të përpiqet. Nëse e bën, ai do të shënojë më shumë gola”, ka thënë Benitez

Hiddink në Torino për negociata me Juventusin?

Trajneri
kombëtares ruse, Guus Hiddink, sipas mediave italiane raportohet se është në
negociata me Juventusin.


Holandezi raportohet se dje në mëngjes kishte arritur në aeroportin e Torinos
për t’u takuar me drejtuesit e klubit italian.

Ai ka biseduar dje për një
zëvendësim të menjëhershëm të trajnerit aktual Ciro Ferrara. Ky ndryshim i
pritur në stolin e Juventusit, vjen si pasojë e rezultateve negative të
biankonerëve, së pari pas eliminimit nga Liga e Kampionëve nga Beyern Munichu
dhe së fundi humbja tjetër nga Bari./

Reali kërkon zëvendësim për Pepen?

Menaxheri Gjeneral i Real
Madridit, Jorge Valdano, konfirmoi se ata do të kërkojnë të nënshkruajnë me një
mbrojtës të ri në muajin janar.



Me Pepe i cili do të qëndrojë jashtë fushe për gjatë gjithë sezonit për shkak të
lëndimit të pësuar në ndeshjen ndaj Valencias, Valdano tha se ata do të dalin në
treg për blerje të reja në afatin e ardhshëm kalimtar.

“Ne nuk mund të
përjashtojmë blerjet, por asgjë ende nuk është e sigurt, pasi afati kalimtar
dimëror është shumë i vështirë. Pepe është një lojtar i pazëvendësueshëm. Në
treg asnjë nuk është si ai. Duke filluar nga nesër, ne do të mendojmë nëse do të
jetë më mirë të vazhdojmë kështu ose të sjellim dikë të ri”, ka thënë
Valdano.

Por mediat spanjolle thonë se trajneri Manuel Pellegrini i ka
thënë Valdanos se ai nuk ka nevojë për zëvendësim për Pepe dhe se fokusi duhet
të mbetet në gjetjen e një mbrojtësi të ri të majtë.

Pellegrini është i
bindur se lojtarët si Raul Albiol, Christophe Metzelder dhe Ezequiel Garay mund
të jenë në dispozicion për të mbuluar Pepen.

Galliani premton një sulmues të ri Zëvendëspresidenti i Milanit, Adriano Galliani, iu ka thënë fansave të presin një sulmues të ri në muajin janar.

Pas humbjes befasuese të djeshme nga Palermo, Galliani ka zbuluar se ata do të
angazhohen për të sjellë një sulmues të ri në ekip.

“Ne jemi duke shikuar
një sulmues, pa dyshim. Ne e duam Dzekon, por ai nuk i ka karakteristikat të
cilat ne i kërkojmë”, ka thënë Galliani.

Sulmuesi i Wolfsburg, Edin
Dzeko, muajin e kaluar edhe vetë shfaqi ambicien e tij për t’iu bashkuar
rosonerëve.

Benitez: Penaltia e mosakorduar na dëmtoi Menaxheri i Liverpoolit, Rafael Benitez, ka përmendur penaltinë e mosakurduar për ekipin e tij si një prej arsyeje për humbjen e djeshme prej 2-1 ndaj Arsenalit në Anfield.

Spanjolli beson se incidenti kur kapiteni Steven Gerrard u ndalua nga mbrojtësi
i Arsenalit, William Gallas, në pjesën e parë të ndeshjes, duhej të ishte
penalti.

“Do të ishte shumë më ndryshe nëse do të na jepej ajo penalti
(kur Gallas faulloi Gerrard. Nuk është me rëndësi nëse topi është larguar nga
lojtari, ajo ende është penalti nëse ju e faulloni dhe e rrëzoni. Këto vendime
mund të bëjnë një diferencë të madhe”, ka thënë Benitez.

“Ne paguam për
faktin që nuk e shfrytëzuam dominimin në pjesën e parë të ndeshjes. Është
vështirë të shpjegohet, pasi ishim më të mirë se ata”, ka shtuar spanjolli.

Cech i befasuar me reagimin e fansave

Portieri i bluve, Petr
Cech ka kritikuar fansat e Chelesat për shkak të fishkëllimave të drejtuara në
lojtarët pas barazimit 3-3 ndaj Evertonit.



Çeku ka qenë i tmerruar me fansat vendas të cilët i fishkëllyen lojtarët pas
fundit të ndeshjes në Stamford Bridge.

“Isha shumë i befasuar të dëgjoj
fishkëllimat nga turma, pasi ky ishte barazimi jonë i parë në Ligën Premier në
shtëpi gjatë gjithë sezonit.

Shikoni ndeshjet që kemi luajtur këtu, në
ligë, Ligën e Kampionëve dhe Kupën Carling dhe shihni sa herë kemi dalë pa
pësuar gol dhe sa gola kemi shënuar. Andaj vërtet isha i befasuar të dëgjoj
reagimin e fansave. I befasuar pasi nuk e kuptoja këtë”, ka thënë Cech./

Ancelotti: Nuk ka nevojë për panik

Menaxheri i Chelseat, Carlo
Ancelotti, thotë se nuk ka ‘asgjë për panik’ pas barazimit 3-3 në vikendin e
kaluar në Stamford Bridge ndaj Evertonit.



Blutë vazhduan të pranojnë gola nga ndërprerjet e ndeshjeve, një problem të
cilin ata e kanë pasur që nga fillimi i sezonit, por Ancelotti vazhdon të jetë i
qetë.

“Menduam se problemi nga ndërprerjet e ndeshjeve u zgjidh pas
Aston Villas. Por tash duhet t’i rikthehemi punës sërish. Ndonjëherë kur fitoni
vetëbesim, humbni një pjesë të vëmendjes dhe kundërshtarët e shfrytëzojnë këtë
avantazh”.

“Në stërvitje ne gjithmonë kalojmë shumë kohë në mbrojtje nga
situatat e tilla të ndërprerjeve. Ne nuk kemi nevojë të harxhojmë më shumë kohë
në këtë, vetëm duhet të jemi më të përqendruar. Duhet të kemi një kontroll më të
mirë”, ka thënë Ancelotti./

Capello emërohet Trajneri i Vitit nga BBC

Përzgjedhësi i
kombëtares angleze, Fabio Capello, është emëruar Trajneri i Vitit në ndarjen e
çmimeve BBC Sports.



Capello u emërua trajneri i vitit pasi dërgoi kombëtaren e Anglisë për në Kupën
Botërore me një rezultat po thuajse të përkryer.

“Jam krenar që e fitoj
këtë çmim, por dua këtë ta ndaj me gjithë stafin tim dhe lojtarët, të cilët do
të jenë me e mua vitin e ardhshëm në Afrika e Jugut”, ka thënë Capello

Wenger: Ne kishim frikë nga ndeshja Menaxheri i Arsenalit, Arsene Wenger, thotë se ekipi i tij kishte frikë nga humbjet në ndeshjet e mëdha në takimin e djeshëm ndaj Liverpoolit në Anfield.

Topçinjtë luajtën me ‘frena’ gjatë pjesës së parë të ndeshjes sipas Wenger, por
kjo ndryshoi në pjesën e dytë. Një autogol i Glen Johnson dhe gol tjetër i
Andrey Arshavin ndihmuan Arsenalin të përmbysë rezultatin e pjesës së parë, kur
kishte shënuar Dirk Kuyt.

“Liverpooli luajti shumë mirë dhe ne luajtëm
të frenuar nga frika. Frika nga mos fitimi në ndeshjet e mëdha, pasi humbëm nga
Chelsea dhe Manchester United. Sollëm frikë në lojë. Kur nuk patëm çfarë të
humbasim në pjesën e dytë luajtëm pa frikë dhe e kontrolluam ndeshjen”, ka thënë
Wenger.

“Ishim me fat në golin tonë të parë, por frika ishte në radhët e
Liverpoolit në pjesën e dytë dhe ne shënuam një gol të jashtëzakonshëm. Nga ky
moment rritmi i Liverpoolit ra dhe ne nuk u kërcënuam në minutat e fundit”, ka
shtuar francezi

Totti i tronditur me sulmin ndaj Berlusconit


Kapiteni i Romës, Francesco Totti, ka dalë në mbrojtje të presidentit të Milanit dhe kryeministrit italian Silvio Berlusconi.



Berlusconi është duke u rikuperuar në një spital pasi u godit në fytyrë
nga një statujë e hedhur në të gjatë një tubimi politik në Milano. Ai
pësoi një çarje në hundë, dy dhëmbë të thyer dhe lëndim në buzë.

“E shoh thelbësore në pozitën time si sportist të them zëshëm dhe
qartas: jo të gjitha llojeve të dhunës. Ajo çfarë ndodhi ishte diçka e
trishtuar dhe shqetësuese”.

“Shprehni opinionet tuaja, ose edhe mos u pajtoni. Por me akte brutale?
Kjo kurrë, kurrë, kurrë nuk është e arsyetuar. Për momentin ndjej
afërsi me familjen Berlusconi, veçanërisht me mikun tim Pier Silvio,
dhe i dëshiron kryeministrit tonë një dëshirë shumë të ngrohtë për
rikuperim të shpejtë”, ka thënë Totti.

Maicon: Balotelli më i mirë se Pato


Mbrojtësi i
Interit, Douglas Maicon, e vlerëson bashkëlojtarin e tij te ekipi
italian Mario Balotelli më shumë se bashkëkombësin e tij Alexandre Pato.




“Balotelli dhe Pato janë dy lojtarë të klasit botëror. Ata dolën nga
askund dhe po bëjnë gjëra fantastike. Por nëse duhet të zgjedh njërin
prej tyre, do të thosha SuperMario është favorit për mua”.

“Por, jam i sigurt se edhe Pato po ashtu bën gjëra të shkëlqyeshme. Ne
do të luajmë në Kupën Botërore së bashku dhe mezi pres për këtë”, ka
thënë Maicon./

Benzema: Kam gjetur vendin në Real


Sulmuesi
francez Karim Benzema ndjen se ai tashmë është përshtatur si lojtar i
Real Madridit, pas paraqitjes së tij në fitoren ndaj Valencias.



Benzema tregoi një paraqitje të shkëlqyeshme në këtë ndeshje dhe thotë se tash e ndjen veten si pjesë të rëndësishme të ekipit.

“Gjatë të shtunës jam ndjerë shumë i fuqishëm. Ndjej se kam gjetur
vendin tim dhe se pak nga pak po fitoj respekt si futbollist. E di se
kam nevojë për një sërë ndeshjes, për të luajtur sa më shumë minuta për
të arritur nivelin tim të lojës”.

“Më vjen keq që pauza e Krishtlindjeve është aq afër, pasi bëj një
progres të mirë dhe nuk dua të ndaloj. Qarku im i miqve tashmë është më
i madh”, ka thënë Benzema./

Walcott: Arsenali mund ta fitojë titullin pa Van Persien


Anësori
i Arsenalit, Theo Walcott, thotë se ekipi i tij mund ta fitojë
kampionatin anglez edhe pa sulmuesin kryesor Robin van Persie.



Anglezi thotë se fitorja ndaj Liverpoolit është dëshmi se ata janë mjaft të mirë për të fituar titullin e Ligës Premier.

“Ne deshëm t’u japim diçka fansave pasi ata ishin fantastik për ne. Ne
besojmë se mund të kalojmë sfidat edhe pa Robin. Ai është një lojtar
shumë i madh për ne, ai ka shënuar shumë gola të rëndësishëm dhe
gjatësia e tij i frikëson mbrojtësit”.

“Ishte e shkëlqyeshme të fitojmë tre pikë dhe gradualisht t’i afrohemi
Chelseat dhe Manchester United. Kemi një ndeshje më pak, por tash duhet
të përqendrohemi për takimin e të mërkurës kundër Burnleyt dhe të
synojmë tre pikë”, ka thënë Walcott./

Giggs: Jam më i etur se kurrë


Legjenda e
Manchester United, Ryan Giggs, i cili të dielën u emërua Personaliteti
Sportiv i Vitit nga BBC, thotë se ai është i etur për sukses, siç ka
qenë gjithmonë.



“Jam më i etur për të luajtur se kurrë më parë. Kam qëndruar atje gjatë
ceremonisë dhe në ato momente kam menduar për ndeshjen e një nate më
parë (humbja kundër Aston Villa). Ende dhemb që u mposhtëm”.

“Nëse humbjet ende shkaktojnë dhimbje atëherë kjo tregon se ende keni
dëshirë të vazhdoni dhe sigurisht kjo është rast për momentin. Mbase
luaj formën më të mirë që kam luajtur ndonjëherë dhe po e shijoj më
shumë se më herët”, ka thënë Giggs.

Ranieri dëshiron vendin e parë në grup

Trajneri i Romës, Claudio Ranieri, kërkon nga skuadra e tij që ta mbajë vendin e parë në Grupin E, në përfundim të fazës grupore të Europa League.



Giallorossët aktualisht gjenden në krye të grupit të vet, me një pikë më shumë se Baseli (në vend të dytë) dhe dy më shumë se Fulhami (në vend të tretë), ndërsa me fitore kundër CSKA Sofjes në ndeshjen e të mërkurës, kryeqytetasit do ta siguronin pozitën e parë.

“CSKA është një skuadër e mirë, dhe do të dëshirojë ta mbyllë fushatën me një notë pozitive, sikurse edhe ne”.

“Dallimi ndërmjet Ligës së Kampionëve dhe Europa League? Vetëm muzika në fillim të ndeshjes ndryshon, pjesa tjetër është e njëjtë”.

“Duhet të japim më të mirën nga vetja për të vazhduar tutje”, ka thënë Ranieri për Sportal. /

Torres: Nuk largohem nga Liverpooli

Fernando Torres ka ripërsëritur se e ardhmja e tij është e lidhur fortë për Liverpoolin, përkundër problemeve aktuale që ka klubi.



Të Kuqtë janë në borxhe të mëdha dhe nuk po shfaqin formë të mirë, duke eliminuar nga Liga e Kampionëve, ndërsa gjenden 13 pikë prapa vendit të parë në Ligën Premier.

Sido që të jetë, sulmuesi spanjoll është i vendosur t’i qëndrojë besnik skuadrës, derisa ajo të ketë nevojë për të.

“Tash për tash nuk mendoj se mund të luaj diku tjetër. Krejt çka dua është të përmirësojmë gjendjen aktuale të skuadrës dhe shpresoj që do të qëndrojmë së bashku”, ka thënë Torres për mediat spanjolle. /

Nedved kërkon nga Juve të mos dorëzohet

Legjenda e Juventusit, Pavel Nedved, ka deklaruar se nuk është aspak i kënaqur pas eliminimit të ish-ekipit të tij nga Liga e Kampionëve, mirëpo ai kërkon nga skuadra që të qëndrojë e vendosur për rikthimin e krenarisë.



“Si një tifoz, u lëndova kur ish-skuadra ime u largua nga Liga e Kampionëve aq herët”.

“Nuk ishte diçka e mirë, kjo është e kuptueshme. Mirëpo ata nuk guxojnë të dorëzohen tash. Duhet të shikojnë përpara”.

“Mendoj se Juve i sotëm është më i fortë se ai i sezonit të kaluar, mirëpo (lojtarët) duhet ta shfaqin këtë në fushë”, ka thënë çeku për Tuttosport.

Beckham: Milani mund ta fitojë titullin

Mesfushori i Los Angeles Galaxy, David Beckham, është pranë rikthimit te Milani, ndërsa shpreson që t’u ndihmojë Rossonerëve që t’i japin fund mbizotërimit të rivalit të qytetit, Inter.



Kam përcjellë të gjitha ndeshjet e Milanit dhe jam i informuar për atë që po ndodh në Itali”.

“Ka edhe shumë kohë për ta fituar Ligën. Njëherë duhet ta arrijmë dhe pastaj t’i shmangemi Interit, dhe çdo gjë është e mundur”.

“Nuk do të jetë lehtë, kuptohet, por Milani ka lojtarët të fortë dhe të gjithë po luajnë në nivel të mirë. Kam arsye të besoj se mund ta fitojë Scudetton”, ka thënë anglezi për La Gazzetta dello Sport.

Leonardo: Mund t’i bëjmë ballë Manchesterit


Trajneri i Milanit, Leonardo, thotë se ata mund t’i bëjnë ballë rivalit të radhës në Ligës e Kampionëve, Manchester United.



Dy gjigantët evropian të futbollit u caktuan të përballen në rundin
eliminues të Ligës së Kampionëve në shortin e hedhur dje në Nyon të
Zvicrës.

“Kalkulime nuk ekzistojnë në raste si ky. Manchester United është një
klub me traditë të madhe, si edhe Milani. Ne do të luajmë si të
barabartë”.

“Sidoqoftë kemi nevojë të shohim se si do të jemi në shkurt. Ka po
thuajse edhe dy muaj deri atëherë dhe 25 ditë në mes të ndeshjes së
parë dhe të dytë”, ka thënë Leonardo.

Hiddink ose Klinsmann në stolin e Cityt?


Mark Hughes pritet të largohet nga pozita e trajnerit të Manchester Cityt gjatë këtij vikendi, bëjnë të ditur mediat angleze.



The Sun shkruan se kryetari i bordit drejtues të Cityt, Khaldoon Al
Mubarak, dhe pronari Sheikh Mansour përfundimisht kanë humbur besimin
në anglezin pas disfatës prej 3-0 ndaj Tottenhamit gjatë të mërkurës.

Ish-trajneri i Chelseat, Guus Hiddink dhe ish-trajneri i Bayern
Munichut, Jurgen Klinsmann, shihen si emra të mundshëm për të pasuar
Hughes.

46-vjeçari u caktua menaxher i Cityt në qershor të vitit 2008 dhe
harxhoi 250 milionë euro në përforcime, por pronarët arab nuk i kanë
parë rezultatet e pritshme nga gjithë ky investim.

Guardiola kërkohet në Serie A


Trajneri i Barcelonës, Pep Guardiola, raportohet se ka një ofertë nga një klub i kampionatit italian.



Gazzetta dello Sport shkruan se një top klub italian ia ka ofruar një
kontratë menaxhmentit të Guardiolas. Derisa sportivja italiane nuk
përmend emrin e klubit, thuhet se spanjolli ka mirëpritur ofertën dhe
dëshiron të ulet me përfaqësuesit për të diskutuar projektin e mundshëm.

Guardiola është një prej trajnerëve më pak të paguar në Ligën e
Kampionëve. Thuhet se pas fundit të sezonit, në qershor, ai do të
mendojë nëse do të vazhdojë me Barcelonën ose do të kërkojë një sfidë
të re dhe sigurisht pagesë më të mirë.

Kontratë e re për Pepe?


Reali i Madridit raportohet se është i gatshëm të
tregojë besimin që ka në mbrojtësin e lënduar Pepe, duke i ofruar një
kontratë të re.



Pepe do të jetë jashtë fushë gjatë gjithë sezonit për shkak të
lëndimit, por Reali duket se tash, në mungesë të tij, po ia din vlerën
këtij mbrojtësi.

Sipas sportives Marca, klubi spanjoll dëshiron të rritë moralin e
portugezit duke i ofruar kontratë të re të vlefshme trefish më shumë se
sa ai merr aktualisht.

Menaxheri gjeneral i Real Madridit, Jorge Valdano, është i gatshëm të
fillojë negociatat për marrëveshje të re, që do të përfshijë një ofertë
të vlefshme 5 milionë euro në sezon.

Moratti: Përballja me Chelsean motivim për Mourinhon


Presidenti i Interit, Massimo Moratti, e di se trajneri
Jose Mourinho do të kënaqet duke u përballur me ish-ekipin e tij,
Chelsea, në Ligën e Kampionëve.



Nerazurët u caktuan të luajnë kundër ish-klubit të Mourinhos, Chelsea,
që tash drejtohet nga trajneri legjendar i Milanit, Carlo Ancelotti.

“Është më mirë të kemi motivime të fuqishme dhe ka aq shumë motivime me
Chelsean. Të gjitha ekipet janë të përballueshme, kjo varet nga ne,
andaj do të jetë shumë interesante të shohim dhe ta përjetojmë këtë
sfidë”.

“Është shumë e pavlerë të kesh frikë dhe unë nuk besoj se ne do të
kemi. Mendoj se do të jetë interesante të krahasojmë veten. Mendoj se
kjo do të jetë në stimulim shtesë për Mourinhon, i cili do të rikthehet
në Stamford Bridge. Do të jetë një motivim i fuqishëm për gjithkënd”,
ka thënë Moratti

Huntelaar: Mund të largohet nga Milani


Klaas-Jan Huntelaar thotë se ai mund të largohet nga
Milani me qëllim që të sigurojë një ekip ku do të mund të luajë dhe
tregojë cilësitë e tij, në prag të Kampionatit Botëror, Afrika e jugut
2010.



Holandezi këtë verë u transferua në San Siro nga Real Madridi, por po
fiton shumë pak rast loje nga trajneri Leonardo. Nën fanellën e
rosonerëve ai ka shënuar vetëm dy gola, të dyja në takimin kundër
Cattanias në minutat e fundit të ndeshjes, që i sollën edhe tre pikë
Milanit.

“Nuk e di nëse e ardhmja ime do të jetë në Milan. Deri tash nuk luaj
shumë dhe po afrohet kampionati botëror. Të gjithë dëshirojnë të jenë
atje, por e di se nëse vazhdoj të qëndroj në stolin e rezervave, do ta
humbas këtë rast. Nuk dua që kjo të ndodhë”, ka thënë Huntelaar.