Lajmet me te reja nga FutBolli.

Messi: Barcelona nuk është favorit


Ylli i Barcelonës, Lionel Messi, thotë se në finalen e
sotme të Kupës Botërore të Klubeve, ata dhe Estudiantes kanë shanse të
njëjta për të fituar.



Sot në ora 17 në Abu Dhabi, Barcelona dhe Estudiantes do të përballen
në kërkim të trofeut të kampionit botërorë në nivel klubesh. Ky është
trofeu i vetëm që i mungon klubit katalanas dhe sipas shumicës,
Barcelona është favoriti kryesor për ta fituar atë, por kështu nuk
mendon Messi.

“Në këtë finale nuk ka favorit. Luajmë kundër një ekipi të shkëlqyeshëm
që ka fituar garën më të madhe në Amerikën e Jugut. Të dyja ekipet kanë
gjasa të barabarta për të fituar dhe tash do të jap gjithçka nga vetja
për ta fituar këtë titull”, ka thënë Messi.

Roma ofron Baptistan për të marë Suazon


Klubi italian Roma raportohet se dëshiron të angazhojë në radhët e veta sulmuesin e Interit, David Suazo.



Një shkëmbim është po ashtu i mundshëm, me sulmuesin e Romës, Julio Baptista, i cili mund të lëvizë të kahe të kundërt.

Të dy lojtarët janë të pakënaqur në klubet e tyre dhe do të mirëpritnin
një lëvizje. Lojtari nga Hondurasi, Suazo, është duke u kërkuar edhe
nga Livorno./

Mancini beson në Ronbinhon


Menaxheri i ri i Manchester Cityt, Roberto Mancini, është i vendosur ta mbajë Robinhon te klubi anglez.



Italiani, i cili do të pasojë Mark Hughes në stolin e ekipit anglez,
dëshiron që braziliani të jetë një lider te City në rrugën për të
siguruar një vend për në Ligën e Kampionëve.

“Roberto dëshiron të takohet me Robinhon pasi dëshirë e tij është ta
shndërrojë atë në një lider të ri në City. Ai kurrë nuk funksiononte
mirë nën urdhrat e Hughes, por Roberto është një adhurues i madh i
Robinhos dhe mendon se ai mund të ketë ndikim, pa marrë parasysh kush
arrin në janar”.

“Ai pret të blejë dy mesfushorë dhe dy mbrojtës, por jo sulmues.
Mungesa është në mbrojtje jo në sulm”, ka thënë burimi për The Sun.

Ballardini kërkon përforcime të reja te Lazio


Trajneri i Lazios, Davide Ballardini, është duke kërkuar përforcime të reja për afatin kalimtar të janarit.


Ballardini e ka bërë të qartë kërkesën e tij pas humbjes së mbrëmshme prej 1-0 ndaj kampionit në fuqi të Serie A, Interit.

“Ne luajtëm një ndeshje të mirë në një fushë të vështirë. Lazio i
meriton pikët të cilët i ka për momentin. Ka disa probleme dhe duhet
t’i tejkalojmë këto vështirësi së bashku. Kam folur me presidentin
Lotito pas ndeshjes dhe i thash se kemi nevojë të jemi aktiv në tregun
e transferimeve”, ka thënë Ballardini.

Mourinho i kënaqur me fitoren ndaj Lazios


Trajneri i Interit, Jose Mourinho, është i kënaqur me fitoren minimale ndaj Lazios.



Samuel Eto'o shënoi të vetmin gol të takimit të mbrëmshëm, me Interin
që forcoi kreun ndaj rivalëve në këtë takim të fundit për vitin 2009.

“Nuk mund të isha më shumë i kënaqur me lojtarët e mi. Ata shënuan,
kontrolluan gjithë ndeshjen dhe kishin shanse për të shënuar më shumë
gola”, ka thënë Mourinho.

“Ne ishim në kontroll gjithë kohën dhe Lazio kurrë në të vërtetë nuk
ishte dominuese. Janë tre pikë shumë të rëndësishme në një javë kur
Juventusi nuk mori asnjë dhe Milani duhet të vizitojë Fiorentinën”, ka
thënë Mourinho./

Higuain i ngazëllyer me dygolëshin


Sulmuesi i
Real Madridit, Gonzalo Higuain, ka qenë i ngazëllyer pas dygolëshit të
tij të shënuar në fitoren 6-0 ndaj Real Zaragozas.


Fitorja ishte e tetë në nëntë ndeshje për Real Madridin, me të vetmin dështim që ishte në Nou Camp ndaj Barcelonës.

“Ne po luajmë më mirë çdo ditë. Jam shumë i lumtur me rezultatin dhe me
paraqitjen e ekipit. Luajtëm një ndeshje shumë të mirë dhe shpresojmë
të vazhdojmë në këtë rrugë. Ishim të qëndrueshëm dhe shënuam shumë
herët”.

“Ishte shumë e rëndësishme të fitojmë ndaj Zaragozas, me qëllim që të
jemi vetëm dy pikë prapa Barcelonës. Ne varemi nga vetja jonë, në
rrugën për t’i arritur ata”, ka thënë argjentinasi.

Zanetti: Mancini do të ketë sukses në City


Kapiteni i Interit, Javier Zanetti, është i bindur se Roberto Mancini mund t’ia dalë me sukses në Manchester City.


“Mancini është një trajner i madh me karakteristikat e Jose Mourinho
dhe Carlo Ancelottit. Njëjtë sikur ata, ky kërkon një përgjegjësi të
plotë nga lojtarët e tij dhe shumë intensitet në seancat stërvitore”.

“Ju duhet të jeni krejtësisht të përkushtuar dhe të zbatoni urdhrat e
tij ose nuk do të jeni në ekip. City do të pëlqejë anën e tij teknike
të ndeshjes, por ai pëlqen të sulmojë. Të marrësh një skuadër në
dhjetor nuk është zgjidhja më e mirë, por stili i tij do të jetë i
përkryer për futbollin anglez”, ka thënë Zanetti

Interi përforcon kreun


Ndeshja kryesore e javës së 17-të në Serie A, është zhvilluar në Giuseppe Meazza ndërmjet Interit dhe Lazios.


Nerazzurët kanë arritur të shënojnë fitore me rezultat minimal 1-0, për të përforcuar pozitën e parë në tabelë.

Heroi i vendasve në këtë ndeshje ishte kamerunasi Samuel Eto’o, i cili shënoi golin me vlerën e tri pikëve (14’).

Me këtë fitore zikaltrit përforcohen në krye, me tetë pikë më shumë se
Milani që nuk e zhvilloi ndeshjen e kësaj javë, ndërsa kanë nëntë pikë
më shumë se Juventusi, që u mposht nga Catania në terren të vet. /

Nga 1 milionë € shtesë për lojtarët e Barcelonës


Lojtarët e Barcelonës po notojnë në para pas triumfit të plot gjashtë trofeve gjatë vitit 2009.



Edhe triumfi i vikendit në Kupën Botërore të Klubeve, që nuk ishte
shkruar për ndonjë marrëveshje bonusi gjatë verës, ka bërë që
Presidenti i Barcelonës, Joan Laporta, të ofrojë 300 mijë euro për
ekipin.

Për Ligën e Kampionëve, lojtarët e Barcelonës fituan 500 mijë euro
secili, titulli iu solli nga 400 mijë euro, ndërsa Kupa e Mbretit 200
mijë euro për çdo lojtar.

Për secilin trofe shtesë, Superkupën e Spanjës, Superkupën e Evropës
dhe Kupën Botërore të Klubeve, kapiteni Carles Puyol dhe grupi i
liderëve të ekipit negociuan një shumë prej 8 milionë eurosh.

Dhe gjatë darkës së mbrëmshme për të festuar triumfin në Kupën Botërore
të Klubeve, Laporta i ka përmendur Puyol se ekstra 300 mijë euro do të
ndahen si bonus për Krishtlindje


.

Ballack lavdëron Sturridge


Mesfushori i
Chelseat, Michael Ballack, është i sigurt se sulmuesi i ri Daniel
Sturridge mund t’i mbajë gjallë shpresat për titull kur Didier Drogba
dhe Salomon Kalou të udhëtojnë në Kupën Afrikane të Kombeve muajin e
ardhshëm.


“Daniel mund t’ia dalë në janar – ai duhet. Neve do të na mungojnë dy lojtarët, veçanërisht Didier”.

“Ai është ende një lojtar i ri, por tash ai ka shans të madh të tregojë
kualitetet që ka. Ai ka qenë i pafat me lëndime, por tash mundësi të
fitojë më shumë lojëra dhe të ndihmojë ekipin”, ka thënë mesfushori
gjerman./

Miccoli fton Amaurin te Palermo


Sulmuesi i
Palermos, Fabrizio Miccoli, ka kërkuar nga ish-bashkëlojtari i tij
Amauri, që ta braktisë Juventusin dhe të kthehet te sicilianët.“




Amauri? Gjithmonë ka vend për të te Palermo. Personalisht do ta ktheja, sepse ai është një lojtar shumë i fortë”.

“Më vjen keq që po e shoh Amaurin në këtë situatë, sepse ai është një kampion”, ka thënë Miccoli për Sky Sport Italia.

Moggi: Ferrara nuk është fajtor për formën e Juves


Ish-drejtori
i Juventusit, Luciano Moggi, beson se dështimet e fundit të Zonjës së
Vjetër nuk janë për fajin e trajnerit Ciro Ferrara.“




Nuk e
di se cili është problemi te Juventusi. (Mirëpo) padyshim se nuk është
faji i Ferraras, sepse ai e ka gjetur veten mes lojtarëve të cilët nuk
plotësojnë standardet e Juventusit”, ka thënë Moggi për Ilsussidiario.net.

Sipas Moggit, as këtë vit Interi nuk ka ndonjë rival të denjë për Scudetto, pasi që zikaltrit “po luajnë mirë”.

Giggs: Futbolli modern nuk pret


Mesfushori i
Manchester Unitedit, Ryan Giggs, thotë se shkarkimi i Mark Hughes nga
posti i trajnerit të Manchester Cityt, nuk duhet të konsiderohet si
befasi nga njerëzit që e njohin futbollin.“





Kjo është bota e
futbollit në të cilën jetojmë. Këtu nuk ka shumë durim. Trajnerët e
dinë se pas disa rezultateve të dobëta, shtypi dhe tifozët do ‘të
vërsulen’ mbi ta”.

“(Tash) nuk ka më kohë sikur para 10 apo 15 vitesh. Është vështirë kur
po mundohesh të ndërtosh një skuadër. Mirëpo të gjithë trajnerët e
gjejnë veten në situata të tilla tani”, ka thënë Giggs.

“Shembet” transferimi i Baptistas tek Inter


Julio Baptista nuk do t’i bashkëngjitet Interit, pasi që zikaltrit kanë dështuar të arrijnë marrëveshje me Romën.



Ditët
e kaluara është thënë se dy klubet ishin shumë pranë arritjes së
marrëveshjes për transferimin e brazilianit, mirëpo Sky Sport Italia
thotë se marrëveshja ka dështuar dhe ‘Bisha’ do të qëndrojë në
kryeqytet.
Roma dëshironte që Nicolas Burdisso (që është i huazuar te
Giallorossët) të jetë pjesë e marrëveshjes, mirëpo duket se Nerazzurëve
nuk iu kanë pëlqyer kërkesat e romakëve.
Kështu, Baptista do të jetë në dispozicion të trajnerit Claui Ranieri në ndeshjen kundër Juventusit.

Cesc shpreson në titull


Kapiteni i Arsenalit, Cesc Fabregas, thotë se topçinjtë kanë gjasa për ta fituar Ligën Premier këtë sezon.


Mesfushori
spanjoll shënoi një gol dhe krijoi tjetrin në rikthimin e tij në
fitoren e mbrëmshme prej 2-0 kundër Bolton Wanderers.
“Fitorja është ajo për të cilën luajmë. Është shumë e rëndësishme të
fitojmë për vazhduar garën për titull. Por ne e respektojmë çdo ekip në
Premier, pasi secili mund të mposhtë secilin”, ka thënë Fabregas

Essien jashtë Kupës së Afrikës


Mesfushori i
Ganës, Michael Essien, do të mungojë në ndeshjet e mbetura të
përfaqësueses së tij në kuadër të Kupës së Kombeve të Afrikës, pasi që
ka lënduar gjurin në stërvitje.



Lëndimi i Essien është
serioz, prandaj ekziston rreziku që ai të mungojë edhe në ndeshjet e
Ligës Premier dhe ato të Ligës së Kampionëve me Chelsean.
Mjeku i përfaqësueses së Ganës ka thënë se mesfushori do të mungojë së paku një muaj, por mund të mungojë edhe më shumë

Mascherano ende shpreson në top katërsh


Mesfushori i Liverpoolit, Javier Mascherano, thotë se lojtarët e ekipit anglez janë të bashkuar pavarësisht krizës aktuale.



Mascherano është i bindur se shpirti luftarak në Liverpool do t’i inspirojë ata të përfundojnë në top katërsh këtë sezon.
“Situata është e mjaftueshme për të dëshpëruar secilin, por ekipi do
të vazhdojë të ecë përpara për shkak të shpirtit luftarak dhe historisë
së klubit”, ka thënë Mascherano

Moggi: Juve duhet ta shkarkojë Ferraran


Ish-drejtori sportiv i Juventusit, Luciano Moggi, thotë se biankonerët duhet ta shkarkojnë Ciro Ferraran këtë javë.



Moggi
publikisht e ka përkrahur Ferraran, por nuk mund të shohë ndonjë
zgjidhje tjetër të krizës pas humbjes së djeshme ndaj Chievos.
“Tash Ferrara duhet të shkojë pasi është e dukshme se në dhomën e
zhveshjeve më nuk e duan atë. Nëse Juventus do të humbasë të shtunën e
ardhshme kundër Romës, kriza do të bëhet e pakthyeshme”, ka thënë Moggi.
“Vetëm Diego dhe Melo që ishin dje në fushë, kushtonin sa i gjithë
ekipi i Chievos. Ferrara do të paguajë për atë që Alessio Secco ka
bërë, pasi ai nuk vendos asgjë. Nuk e di se kush mund ta zëvendësojë
Ciron”, ka shtuar më tej italiani.

Toni i ngazëllyer pas dygolëshit kundër Genoas


Përforcimi i ri i Romës, Luca Toni, është i ngazëllyer me dy golat e shënuar në fitoren e djeshme prej 3-0 ndaj Genoas.



Sulmuesi
u rikthye në Serie A si huazim nga Bayern Munich për të rritur shanset
për të qenë pjesë e kampionatit botëror Afrika e Jugut 2010, dhe është
në rrugë të mirë për të arritur atje.
“Kam ardhur këtu të luaj. Lippi e di se çfarë mund të bëj unë dhe do të shohim se çfarë do të ndodhë në qershor”.
“Fillimisht më mungoi goli, por pastaj shënova. Është një entuziazëm
i madh këtu dhe dua vërtet t’ia dal mirë. Erdha pasi dëshiroja të luaj
sërish. Mendoj se Roma është vendi i duhur për ta bërë atë. Ky është
vetëm fillimi”, ka thënë Toni

Sergio Ramos: Realit i mungon Higuain


Sergio Ramos thotë se Real Madridit i kishte munguar sulmuesi Gonzalo Higuain në humbjen e të shtunës nga Athletic Bilbao.



Argjentinasi
mungoi në këtë ndeshje për shkak të lëndimit dhe Ramos thotë se
pikërisht kjo mungesë kishte qenë faktori kryesor për humbjen.
“Higuain ishte në momentet më të mira të tij. Gjithçka që ai
kontribuonte për ekipin ishte e mirë dhe neve na mungoi ai para golit
të Athletic Bilbao”, ka thënë mbrojtësi spanjoll.

Juve dhe Napoli vazhdojnë interesimin për Rossin


Juventusi vazhdon të lidhet me një transferim të sulmuesit të Villarrealit, Giuseppe Rossi, ndërsa për rival ka edhe Napolin.



Sulmuesi italian dëshiron të kthehet në vendlindje dhe dy gjigantët italian janë shumë të interesuar për të.
“Ai ka edhe tre vite të mbetura në kontratën e tij me Villarrealin.
Megjithatë, mendoj se Giuseppe është duke kërkuar një sfidë të re dhe
nëse largohet nga Spanja atëherë do t’i bashkohet një kubi të madh
italian”, kishte thënë agjenti i tij Federico Pastorello më herët gjatë
javës

Gallas edhe dy vite në Arsenal?


Menaxheri i
Arsenalit, Arsene Wenger, është i gatshëm ta thyejë rregullin e tij për
lojtarët mbi 30-vjeçar duke i ofruar William Gallas marrëveshje të re
dyvjeçare.



The Sun shkruan se Gallas, 32-vjeçar, i është
ofruar vazhdimi dyvjeçar i marrëveshjes dhe negociatat kanë filluar
javën e kaluar.
Wenger nuk ka dashur të japë shumë detaje por ka konfirmuar se
negociatat tashmë kanë filluar me mbrojtësin, i cili në fund të sezonit
do të jetë pa kontratë.
“Po, ne kemi pasur bisedime. Po shkon mirë, por për momentin mendoj se është më mirë të mos flasim për këtë”, ka thënë Wenger.

Del Piero: Totti dhe unë nuk jemi rivalë


Para
derbit ndërmjet Juventusit dhe Romës, ikona e Zonjës së Vjetër,
Alessandro Del Piero, ka thënë fjalë të mira për simbolin romak
Framcesco Totti.



“Mbi të gjitha, në prag të një ndeshje si
kjo, (më duhet të them) se në anën tjetër e mban shiritin e kapitenit
në krah një lojtar si Francesco Totti”.
“Nëse bashkojmë golat që kemi shënuar së bashku, janë mbi 500. Nëse
mbledhim vitet e karrierës, duke bartur të njëjtën fanellë- janë mbi 35
vjet”, ka thënë Del Piero në faqen e tij zyrtare.
Legjenda 35-vjeçare ka mohuar edhe njëherë spekulimet se dy lojtarët italianë nuk e kanë pëlqyer njëri-tjetrin.
“Francesco dhe unë kemi qenë bashkëlojtarë në ekipin kombëtar, dhe dua të potencoj, bashkëlojtarë jo rivalë”.
“Ne e fituam Kupën e Botës së bashku dhe këto kujtime na bashkojnë
përgjithmonë. Por me klubet tona, kemi qenë, jemi dhe gjithmonë do të
jemi kundërshtarë”, ka përfunduar Del Piero.