VIP

Dilo respekton Festivalin në RTSH


Rovena Dilo
në Festivalin e 48-të në RTSH konkurron me këngën “Përtej kohës”,
tekstin e të cilës e ka shkruar vetë, ndërsa për muzikën është kujdesur
Endri Sina.



Rovena thotë se Festivali i Këngës në RTSH është njëri nga më të rëndësishmit falë përvojë dhe artistëve që marrin pjesë në të.

“Është festivali më ‘plak’, ai që ka eksperiencën më të madhe, që ka
rritur me dhjetëra artistë të skenës shqiptare. Nuk po them këngëtarë,
ata mund të kenë qenë me mijëra. Artistë kanë qenë me dhjetëra dhe mund
të kenë arritur tek qindëshja. Është një festival 48-vjeçar dhe unë e
vlerësoj statusin e tij. Nuk jam ‘grykëse’, nuk dua të dal kudo, por
meqë bëj një përzgjedhje, më vjen si më për mbarë që fundi i vitit të
jetë Festivali i dhjetorit”, citohet Rovena nga Shekulli.

Anita Baker në albumin xhaz të Blige


Superylli
i muzikës R&B, Mary J. Blige, dëshiron të shmanget paksa nga zhanri
i saj muzikor dhe të incizojë një album të muzikës xhaz, ndërsa
planifikon ta ftojë Anita Bakerin në këtë projekt.




Këngëtarja
e hitit “Family Affair” ka bashkëpunuar me një numër të madh artistësh,
duke filluar nga reperi Jay-Z, këngëtari i muzikës pop George Michael,
dhe rokerët “U2”, Sting dhe Rod Stewart.

Ndërsa tani, ajo dëshiron një tingull edhe më klasik për albumin e saj të radhës ku planifikon të bashkëpunojë me Baker.

“Ende nuk e kam pasur rastin të bashkëpunoj me Anita Bakerin. Prandaj
kur ta incizoj albumin tim xhaz- Anita po vi pas teje. Nuk e kam idenë
se kur do ta bëj albumin xhaz, por nuk duhet të vonohet shumë. Nuk do
të vonohet shumë”, ka thënë Blige për Associated Press.

Brand dhe Perry kalojnë Krishtlindjet ndaras


Russell
Brand dhe e dashura e tij Katy Perry janë ndarë për Krishtlindje, pasi
komiku është dashur të qëndrojë në shtëpi për t’u kujdesur për nënën e
tij të moshuar.



Dyshja filluan lidhjen më herët gjatë këtij
viti dhe kanë qenë të pandarë që atëherë. Por ata do të kalojnë festat
në vende të ndryshme, pasi Brand ka mbetur në Britani, dhe Perry është
rikthyer në Amerikë për të parë familjen e saj.

Por komiku nuk mund të qëndrojë shumë kohë larg të dashurës së tij të
re, pasi planifikon të fluturojë për në Shtetet e Bashkuara sa më
shpejt që të mundet.

“Unë jam i vetmi fëmijë, andaj duhet të kujdesem për nënën, por pastaj
do ta shoh edhe të dashurën time dhe familjen e saj tepër religjioze”,
ka thënë Brand./

Law dëshiron të pushojë për festa


Jude Law nuk
është duke ëndërruar të skijojë për festat e fundvitit, pasi ai
planifikon të kalojë pushimet duke u lagur dhe duke u nxehur nën diell
diku.




Aktori duket i lodhur pasi kaloi disa muajt e fundit
në teatrin Broadway duke performuar Hamletin, para se të promovojë
filmin e tij të ri “Sherlock Holmes”.

Andaj, e vetmja gjë që ai dëshiron për festa është të qëndrojë shtrirë
në plazh me djemtë e tij Rafferty, 12-vjeçar, dhe Rudy, shtatëvjeçar,
si dhe me vajzën Iris, nëntëvjeçare.

“Zakonisht përpiqem t’i dërgoj fëmijët diku për aventurë, por të jem i
sinqertë jam tepër i lodhur andaj vetëm do të shkojmë dhe do të
qetësohemi në plazh”, ka thënë Law.

Varroset Brittany Murphy


Aktorja e ndjerë Brittany Murphy është varrosur mbrëmë në Hollywood me anë të një ceremonie të vogël dhe private varrimi.




Në mesin e familjarëve, ishin edhe burri i saj, skenaristi britanik Simon Monjack, dhe nëna e saj Sharon.

Aktorja e filmit “Clueless” ndërroi jetë të dielën, pasi pësoi arrest
kardiak në shtëpinë e saj në Hollywood, në moshën 32-vjeçare.

Murphy besohet të ketë vdekur nga shkaqe natyrore, por të dhënat më të sakta do të jepen pas analizave toksikologjike.

“The Hangover” mposht “Harry Potter” në DVD


Hiti
befasues i Warner Bros., “The Hangover”, nuk ka pasur problem për të
përsëritur sukseset edhe në ekranet shtëpiake, pasi ka mposhtur “Harry
Potter and the Half-Blood Prince” nga kreu për numrin e DVD-ve të
shitura.“Harry”, që po ashtu distribuohet nga Warner Bros., qëndroi vetëm një javë në krye të listës.



“The Hangover”, që nuk kishte yje të mëdha të filmave, po ashtu mposhti
dy filma të ri të cilët ishin hite në kinema, filmin e kompanisë
Universal, “Inglourious Basterds” dhe atë të Disney, “G-Force”.

“Hangover” po ashtu ka marrë pozitën e parë në top listën e revistës
Home Media, i ndjekur nga “Harry Potter”, “Public Enemies”,
“Inglourious Basterds” dhe “G-Force”

Courtney Love akuzohet për dhunë familjare


Courtney Love mund ta humbë kujdestarinë mbi vajzën e saj 17-vjeçare, Frances Bean Cobain, për shkak të dhunës familjare.



Spekulohet
se e veja e Curt Cobain mund të përjashtohet nga jeta e vajzës së saj
për shkak të problemeve të cilat janë konsideruar si ‘dhunë familjare’.


TMZ ka publikuar dokumente nga gjykata ku thuhet për
përdorimin e vogël të dhunës nga këngëtarja e grupit “Hole” ndaj vajzës
së saj.

Frances Bean, vajza e legjendës së ndjerë të rokut, Kurt Cobain, është
duke qëndruar më nënën e frontmenit të dikurshëm të “Nirvanas”, ndërsa
Courtney Love përkohësisht e ka të ndaluar t’i afrohet vajzës së saj

“Invictus” filmi i ri i Eastwood


Filmi i Clint
Eastwood, “Invictus”, shtjellon historinë e presidentit të sapozgjedhur
të Afrikës së Jugut, Nelson Mandela dhe sesi ai bashkoi
afrikanojugorët, zezakët dhe të bardhët në mbështetje të ekipit ragbi
gjatë kampionatit botëror të vitit 1995.



Kjo nuk është hera
e parë që Eastwood ka zgjedhur një temë frymëzuese. Ashtu si në filmat
e tij “Letters From Iwo Jima” dhe “Flags of Our Fathers” që e marrin
temën nga Lufta e Dytë Botërore, filmi “Invictus” kap një moment
historik. Aktori fitues i çmimit Oskar, Morgan Freeman interpreton
rolin e Mandelas.

Në vitin 1994, Nelson Mandela sapo ishte zgjedhur President në një vend
të ndarë në vija racore, pas aparteidit. Megjithëse kaloi 27 vjet në
burg, ai kuptonte se Afrika e Jugut nuk mund të kishte demokraci pa
ripajtim.

Presidenti Mandela e bën këtë së pari përmes sportit. Duke shfrytëzuar
momentin e përgatitjeve para Kupës Botërore të Ragbit, ai i bashkon
zezakët dhe të bardhët në ekipin kombëtar Springboks.

Për vite të tëra, ekipi thuajse vetëm me lojtarë të bardhë ishte
përballur me mediokritetin. Ai nuk kishte një bazë të gjerë tifozësh
pasi afrikanojugorët zezakë e identifikonin atë me aparteidin.
Ndryshimi ndodh kur presidenti Mandela takohet me kapitetin e ekipit
Francois Pienaar.

Duket se Francois frymëzohet nga historia personale e zotit Mandela
sesi poema “Invictus” (që do të thotë i pamposhtur) e mbajti atë gjallë
në burg. Morgan Freeman jep një interpretim solid të udhëheqësit
afrikano-jugor. Ai thotë se në fillim ishte nervoz për interpretimin e
një figure kaq legjendare.

"Më duhej të punoja me zërin, ritmin dhe aksentin. Kjo më shqetësonte.
Por kur e montuam filmin, çdo gjë u puthit siç duhej", tha Freeman.

Matt Damon interpreton rolin e yllit të ragbit Francouis Pinaar.
Personazhi i tij përjeton një rritje graduale nga një lojtar i
demoralizuar në një drejtues ekipi. Ekipi Sptingboks i tejkalon
parashikimet. Ata fitojnë dhe bëhen një simbol kombëtar. Eastwood
nënvizon rezultatin e dramës.

"Loja, ndeshja dhe rezultati i pa mendueshëm. Nuk mendoj se ka ndonjë
ndeshje që ka sjellë më shumë festime sesa ndoshta kur amerikanët
mundën rusët në hokej", tha Eastwood.

Regjisori i ka kushtuar një kohë shumë të gjatë lojës, ndërsa i paraqet me ngjyra sentimentaliste festimet që pasojnë.

Filmi bazohet tek shpirti i pamposhtur dhe karizma e Nelson Mandelës.
Por nuk jep të metat e udhëheqësit. Nuk mësojmë prej tij problemet
familjare të zotit Mandela. Dhe ripajtimi racor duket shumë i lehtë për
t'u realizuar.

“Invictus” – një film i mirë që mund të kishte qenë më i fuqishëm nëse
personazhet në të do të ishin më realë dhe nëse do të shtjellohej më
qartë historia e rëndë e këtij vendi.

Jonida, vajza që u rrit në skenën e këngës


E
ideuar që në gjenezë nga prindërit e saj për t’u bërë e tillë,
admiruese e grupit “Spice Girls” në adoleshencë me hitin “Viva
Forever”, e sigurt për atë që ka arritur në këngë dhe jetën private, në
këtë ditë feste e gjejmë të lëvizë me makinën e saj rrugëve të Tiranës,
duke ndjekur ritualin e ditës. Bëhet fjalë për këngëtaren Jonida Maliqi.



Mësojmë
së prej pak kohësh ka hapur biznesin e saj privat, i cili i rrëmben një
pjesë të mirë të ditës, por pjesë e hobeve të saj janë teatri dhe
letërsia, pasione këto në funksion të këngës. Ka dalë në skenë që në
moshën 9- vjeçare në festivalet për fëmijë, ndërsa skenën e madhe të
aktiviteteve të rëndësishme e ngjiti 4 vjet më vonë për të njohur vetëm
suksese.

Alfred Kaçinari, njëri prej kompozitorëve të saj dhe mik i familjes, e
kujton në këtë mënyre Jonidën e vogël. “Gjithmonë ka qenë një fëmijë i
kujdesur që shoqërohej nga mamaja, pastaj nxënëse e liceut artistik”. E
destinuar për të mos u prezantuar gjithmonë njësoj, me profile që
gjithmonë befasojnë publikun, i gjithë ky sharmë për Kaçinarin buron
nga një ‘veti’ që Jonida tashmë e gëzon. “Tendenca e saj për të
ndryshuar shihet, por gjithmonë ajo kërkon të respektojë formimin e
saj, mënyrën e jetesës, vendin ku është rritur”, shton Alfredi.

Nesër pritet të jetë e ftuar në njërin nga aktivitetet më të
rëndësishme të fundvitit në kryeqytet, i duhet një dukje e veçantë dhe
për këtë e ndihmon ajo që rri pas “iniciativave provokuese” në dukjen e
Jonides, Ema. Tashmë është e martuar, por Jonida gjen pak kohë për
shoqen e saj Xheni.

Një kafe me të, për Joniden, është relaksuese. “Është shumë e ndjeshme
pavarësisht se duket natyrë tjetër. Preket edhe nga fjalët apo
thashethemet. Flasim për shumë gjëra bashkë”, pohon Xheni. Thotë se në
momentin që u martua mendoi për të dy. Për të, koha e dashurisë dhe
pavarësisë nuk ekziston më, për të tani e rëndësishme është familja dhe
unifikimi në çif

Allen nuk është fejuar


Një përfaqësues i këngëtares Lily Allen ka mohuar spekulimet se ajo është fejuar me të dashurin e saj Sam Cooper.


Këngëtarja
e hitit “Smile” është në lidhje me Cooper që nga vera e këtij viti,
ndërsa së fundmi Allen është parë në Londër teksa mbante një unazë
diamanti- duke nxitur spekulime se është fejuar.

Mirëpo, përfaqësuesi i këngëtares ka mohuar spekulimet e publikuara nga gazeta britanike Daily Star, duke thënë se “ajo nuk është e fejuar” dhe se “ajo zakonisht bart unazë në atë gisht”.

Goldi Halilaj dhe Iris Hoxha në finale të Festivalit në RTSH


Mbrëmja
e djeshme e Festivalit të 48-të në RTSH iu dedikua vetëm artistëve të
rinj, nga të cilët dy prej do të konkurrojnë në natën finale.



Goldi Halilaj dhe Iris Hoxha janë dy këngëtaret e përzgjedhura nga juria e festivalit për të garuar për çmimin e madh.

Ndërkohë, mbrëmja e sotme do t’i dedikohet tërësisht dueteve. Njëzet
artistët pjesëmarrës do të interpretojnë këngët e tyre në duet me
artistë të tjerë të zgjedhur nga vetë ata.

Festivali i 48-të i këngës në RTSH solli në dy netët e tij të para 36
këngë të reja nga artistë të njohur dhe të rinj. Vlerësimi i këngëve i
është besuar emrave të njohur të artit shqiptar, si Luan Zhegu, Zana
Çela, Saimir Braho, Flamur Shehu e Agron Tufa.

Të dielën do të jetë dhe nata finale e festivalit ku juria do të
përzgjedhë këngën dhe këngëtarin më të mirë që do të përfaqësojë
Shqipërinë në “Euro Song 2010” në Oslo të Norvegjisë. /Start/

Arrestohet Charlie Sheen


Komiku i njohur amerikan, Charlie Sheen, është arrestuar të premten me akuzën se ka ushtruar dhunë ndaj një të afërmi.



Autoritetet
amerikane nuk kanë bërë të ditur emrin e personit që e ka denoncuar
aktorin, por dihet se ai është njëri nga të afërmit e tij.

Viktima e 44-vjeçarit ka marrë disa lëndime të lehta, ndërkohë që Sheen
do të qëndrojë pas grilave derisa të paraqitet në gjykatë.

Joe Jonas dëshiron një rol te James Bondi


Anëtari i grupit “The Jonas Brothers”, Joe Jonas, ka deklaruar se dëshiron të luajë në një film të James Bondit.

Këngëtari, i cili ka luajtur në filmin e Disneyt, “Camp Rock”, është
paraqitur në serialin televiziv “Hannah Montana” dhe ka luajtur në
filmin e vitit 2009, “Night at the Museum: Battle of the Smithsonian”,
thotë se ka dëshirë të madhe të punojë me aktorin Daniel Craig, ndërsa
do t’i pëlqente të luante në filmin për spiunin britanik.
“Aktrimi është diçka që më pëlqen dhe dëshiroj të bëj. Do të ishte
një ëndërr e madhe po të merrja pjesë në një film të James Bondit”, ka
thënë Joe për gazetën skoceze Daily Record.

Stonesat nuk nisen në turne këtë vit


Legjendat
e rokut “The Rolling Stones” kanë mohuar spekulime se do të kthehen në
turne këtë vit, pa kitaristin Ronnie Wood, duke shtuar se nuk kanë të
caktuar data për koncerte gjatë vitit 2010.Është spekuluar
se grupi është duke menduar që ta largojë kitaristin për shkak të
problemeve të tij me vartësinë nga alkooli, si dhe për shkak të
problemeve të fundit me ish-të dashurën e tij Ekaterina Ivanova.
Sipas spekulimeve, Sir Mick Jagger dhe Keith Richards janë duke
kërkuar zëvendësues të Wood për turneun e këtij viti, mirëpo grupi ka
lëshuar një deklaratë në faqen NME.com ku mohohen të gjitha spekulimet në lidhje me mbajtjen e koncerteve në vitin 2010. /Telegrafi/

Vdes i dashuri i Mercuryt


I dashuri i dikurshëm i Freddie Mercuryt ka vdekur në moshë 60-vjeçare.Frontmeni
i ndjerë i “Queen” filloi lidhjen me stilistin irlandez, Jim Hutton, në
vitet e tetëdhjeta, dhe lidhja e tyre vazhdoi deri në momentin e
vdekjes së Mercuryt në vitin 1991, si pasojë e AIDS-it.
Hutton u diagnostikua me HIV në vitin 1990, ndërsa vdiq më 1 janar 2009 nga bronkopneumonia- komplikim i AIDS-it.

Cavalli beson te lidhja e Clooney- Canalis


Dizajneri
i modës Roberto Cavalli është i bindur se romanca e George Clooneyt me
modelen Elisabetta Canalis do të zgjasë më shumë se ç’mendohet.Cavalli
e njeh modelen/aktoren italiane për shumë vite dhe është një nga të
paktët që i besojnë lidhjes së saj me yllin hollivudian.
Ai i ka thënë revistës britanike Hello se lidhja e tyre është serioze dhe se ata janë shumë të dashuruar.
“Dashuria e këtij çifti të përkujton romancat legjendare nga e kaluara”, thotë Cavalli.

Perry do të martohet?


Faqet e thashethemeve njoftojnë se Katy Perry ka vendosur të martohet me të dashurin e saj Russell Brand.Sipas revistës Us Weekly, këngëtarja e hitit “Hot N’ Cold” i ka thënë ‘PO’ propozimit të Brand për martesë, gjatë pushimit të tyre në Indi.
Revista citon një burim të afërt me çiftin të ketë thënë se Brand
sillet shumë mirë me të dhe se ajo nuk ka qenë asnjëherë në një lidhje
të këtillë, dhe romanca e tyre do të shndërrohet në diçka serioze.

Williams do të martohet me 14 shkurt?


Këngëtari britanik i muzikës pop, Robbie Williams, përgatitet për t’u martuar në ditën e Shën Valentinit.Së
fundmi është raportuar se këngëtari i hitit “Feel” është fejuar me të
dashurën e tij Ayda Field dhe së shpejti pritet të ndodhë edhe martesa
e tyre.
Një burim i ka thënë gazetës britanike Daily Star, se
Robbie nuk dëshiron ta zgjasë shumë këtë punë dhe se ka kërkuar nga
familjarët dhe miqtë që të marrin pushim për një javë të tërë në
shkurt, ndërsa data e martesës së tij përkon me 14 shkurtin.

Stone sërish në një serial


Sharon Stone ka
vendosur të bëjë një tjetër rikthim në televizion, për të luajtur në
hit dramën televizive “Law&Order: Special Victims Unit”.Aktorja hollivudiane do të luajë rolin e një policeje të shndërruar në prokurore, në një episod që do të shfaqet këtë sezon.
Në vitin 2004, Stone fitoi çmimin Emmy për aktoren më të shquar
mysafire (Outstanding Guest Actress) në një dramë, me rolin e saj në
serialin “The Practice”.

Wyatt nuk e di nëse është më anëtare e Pussycat Dolls


Kimberley Wyatt nuk e ka të qartë nëse ende është anëtare e bendit “Pussycat Dolls”.Wyatt
ka pranuar se është e pasigurt nëse vazhdon të jetë anëtare e grupit të
vajzave, pas njoftimeve se lideres së grupit Nicole Scherzinger do t’i
bashkëngjiten emra të rinj për incizimin e albumit të ri.
“Çka më tutje për ‘Pussycat Dolls’? Vërtet nuk mund të komentoj
asgjë për këtë. Jam falënderuese për çdo përvojë që kam përjetuar, por
nuk e di nëse do të performoj më me ta”, ka thënë Wyatt për revistën Reveal.