Re: VIP

nga *lissa* Sun Nov 08, 2009 5:45 am

Cana i adhuruar nga femrat

Menaxheri i Lorik Canës në ekipin anglez ku ai aktivizohet Sunderland, Steve Bruce, e ka quajtur kosovarin si një djalë inteligjent, të pashëm dhe i cili ka një mori fansash të gjinisë femërore.

VIP - Faqe 6 F.1108124829895_m

Pasi ka shprehur admirimin për lojën e tij, britaniku ka thënë se ai ia ka lakmi Canës për faktin se ai ka një numër të madh fansash, veçanërisht femra.

“Njerëzit pyesin se pse e kam bërë atë kapiten, por ju duhet vetëm ta përcillni atë për të kuptuar se çfarë ai i jep ekipit. Ai është një djalë inteligjent, i pashëm dhe ka një klub të madh fansash, veçanërisht në mesin e femrave”, ka thënë Bruce

nga *lissa* Sun Nov 08, 2009 5:46 am

Ylli i vetmuar Michael Caine

Sir Michael Caine ishte braktisur nga miqtë e tij kur kishte filluar karrierën e aktrimit, pasi nuk kishte pasur para për t’i qerasur të gjithë shokët me pije në klubet lokale të Londrës.

VIP - Faqe 6 F.1108123606991_m

I pyetur se si ishin sjellë shokët ndaj tij kur ai kishte filluar aktrimin, Caine ka thënë: “Ishte e kundërta e asaj çfarë ju mund të mendoni: Por ata më goditën të parët”.

“Isha i thyer, një aktor i papunë, dhe nuk kisha shumë para t’u blija të gjithëve në klub. Andaj ata ndaluan të shikojnë kah unë. Aktorët e papunë janë njerëz shumë të vetmuar”, ka thënë Caine./

nga *lissa* Sun Nov 08, 2009 5:47 am

De Niro: Fëmijët nuk janë të impresionuar me famën time

Aktori Robert De Niro thotë se fëmijët e tij ‘nuk janë shumë të impresionuar’ me babanë e tyre, i cili ka fituar Oskar, dhe nuk flasin me të për punën e tij.

VIP - Faqe 6 F.1108113432960_m

“Fëmijët e mi nuk janë shumë të impresionuar me mua. Ata nuk flasin shumë për karrierën time. Ndonjëherë ata kërkojnë në Google për mua. Dhe kush e di çfarë thonë miqtë e tyre?”, ka thënë aktori.

De Niro ka katër fëmijë dhe një vajzë të adoptuar nga tre lidhje dhe thotë se një arsye për atë mund të jetë se ata nuk jetojnë stilin e Hollywoodit.

“Ne kishim një shtëpi atje, gruaja ime e parë dhe fëmijët më të vjetër. Por kurrë nuk e jetuam atë jetë shumë. Më pëlqente të vizitoj Los Angelesin, por nuk doja që fëmijët e mi të jetojnë atje”, ka shtuar De Niro

nga *lissa* Sun Nov 08, 2009 5:48 am

Tyler braktis grupin Aerosmith

Kitaristi i grupit legjendar "Aerosmith", Joe Perry, ka njoftuar se frontmeni Steven Tyler ka braktisur rok-grupin.

VIP - Faqe 6 F.1107221958135_m

Ky lajm vjen vetëm disa muaj pasi Tyler kishte mohuar publikisht spekulimet se grupi është pranë ndarjes- si pasojë e anulimit të koncerteve, lëndimeve dhe aksidenteve.

“Sa e di unë Steven është larguar. Unë nuk di diçka tjetër më shumë se ju për këtë gjë”, ka thënë Perry duke shtuar se nuk e di nëse vendimi i tij është përfundimtar ose i përkohshëm.

Sido që të jetë, kitaristi është i vendosur të vazhdojë me grupin edhe nëse Tyleor refuzon të kthehet më tek “Aerosmith”.

nga *lissa* Sun Nov 08, 2009 5:49 am

Williams bashkohet me Take That për bamirësi?

Robbie Williams do t’u bashkohet anëtarëve të tjerë të ish-grupit të tij “Take That” gjatë një koncerti që do të zhvillohet në Londër, shkruajnë mediat angleze.

VIP - Faqe 6 F.1107160624746_m

Këngëtari britanik nuk ka performuar krahas anëtarëve të tjerë Gary Barlow, Jason Orange, Mark Owen, dhe Howard Donald, që kur u largua nga grupi për të filluar karrierë si solit në vitin 1995.

“Është një koncert ku Robbie përfundimisht do të bashkohet me ‘Take That’. Ata janë të bashkuar sërish, dhe fakti se e bëjnë këtë për bamirësi duket një mënyrë e mirë. Çdo kush ka frikë se Robbie mund të ndryshojë mendje. Por ai mendon se është momenti i duhur”, ka thënë një burim i afërt me këngëtarin.

Në koncertin që do të zhvillohet të enjten e ardhshme pritet të paraqiten edhe Sir Paul MCCartney, Lily Allen, Dizzee Rascal dhe Leona Lewis.

nga *lissa* Sun Nov 08, 2009 5:50 am

Willams dëshiron karrierë filmike

Ylli i tenisit, Serena Williams, është duke synuar të kalojë në aktrim kur karriera e saj të marrë fund.

VIP - Faqe 6 F.1107160009699_m

Fituesja e Wimbledonit ka bërë një paraqitje të shpejtë në dramën e vitit 2005, “E.R.”, por karakteri i saj vdiq në serial, por ajo tash dëshiron role më aksion.

“Vërtet kënaqem duke aktruar. Më pëlqen të jem para kamerave. Mendoj se do të duhet të jem yll filmi. Gjithmonë kam pëlqyer të vdes në aktrim dhe pastaj vdiqa (në ‘E.R.’) dhe ishte e tmerrshme”.

“Thash, ‘Nuk dua më të vdes’, andaj karriera ime aktrimit të vdekjes ka përfunduar. Tash dua role më shumë aksion”, ka thënë Williams./

nga *lissa* Sun Nov 08, 2009 5:51 am

Mel Gibson nuk është tradhtar

E dashura e aktorit Mel Gibson, Oksana Grigorieva, thotë se ajo nuk beson se aktori ndonjëherë do të jetë i pabesë ndaj saj.

VIP - Faqe 6 F.1107103634471_m

Bukuroshja, e cila lindi fëmijën e parë të dyshes, vajzën Lucia, gjatë javës së kaluar, e di se i dashuri i saj është një seks-simbol për shumë femra, por e di se ai nuk është i interesuar në to.

“Nëse ai do të dëshironte të dalë në rrugë, ai mbase do ta kishte bërë atë tashmë, por mendoj se ai është një person shumë i qëndrueshëm dhe shumë besnik”, ka thënë Oksana.

nga *lissa* Wed Nov 11, 2009 11:30 am

Rourke falënderon Stallonen për mbështetjen

Mickey Rourke ka falënderuar publikisht aktorin Sylvester Stallone dhe yllin e grupit “Sex Pistols”, Steve Jones, për mbështetjen që i kanë dhënë në kohën kur ai ‘kishte rënë poshtë’.

VIP - Faqe 6 F.1111192600204_m

Aktori është rikthyer me sukses, sidomos me rolin tij në filmin “The Wrestler”, pasi kishte kaluar dhjetë vite duke luftuar me vartësinë nga droga dhe alkooli.

Ndërsa tani, Rourke është falënderues ndaj njerëzve të cilët i ndihmuan të tejkalonte momentet e vështira.

“Shumica e atyre që të braktisin, janë pikërisht njerëzit që mendon se i ke më të afërt... Por ka disa njerëz që qëndruan me mua: Sly Stallone ka qenë gjithmonë një mik i mirë për mua. Stevie Jones- është njeri i mirë. Mick Jones, Paul Simonon dhe Joe Strummer- ndjesë pastë- nga “The Clash”: ata ishin miqtë e mi. Dhe kemi kaluar shumë mirë”, ka thënë aktori

nga *lissa* Wed Nov 11, 2009 11:31 am

Jolie dhe Voight janë pajtuar

Angelina Jolie është pajtuar me babanë e saj Jon Voight, pasi kanë kaluar tetë vite pa i folur njëri-tjetrit.

VIP - Faqe 6 F.1111191404807_m

Bukuroshja hollivudiane e përjashtoi babanë e saj nga jeta në vitin 2001, kur Voight kishte thënë se Jolie nuk është mirë psikikisht, pasi aktorja adoptoi djalin Maddox nga Kamboxhia.

Voight vazhdimisht është munduar që ta ndërtojë raportin e thyer me vajzën e tij, dhe duket se më në fund ia ka arritur qëllimit.

“Jemi në kontakt, por jo rregullisht. Ne e duam njëri-tjetrin dhe kjo është gjëja më e rëndësishme”, ka thënë Voight për revistën Us Weekly.

Një burim i afërt me Jolien ka thënë se ka qenë pikërisht Brad Pitt njeriu që ka insistuar te aktorja që të rindërtojë raportet me babanë e saj.

nga *lissa* Wed Nov 11, 2009 11:32 am

Pamela: Nuk do të bashkohem me Tommy Lee

Pamela Anderson thotë se nuk ka shanse që ajo të bashkohet sërish me ish- burrin e saj Tommy Lee.

VIP - Faqe 6 F.1111190129718_m

Ish-ylli i serialit “Baywatch” është shprehur kundër mundësisë së ribashkimit me bateristin e grupit “Motley Crue”, pasi që i janë nevojitur dhjetë vite për ta harruar.

“Jo. Në asnjë mënyrë. Nuk më intereson aspak kjo gjë. Nuk dëshiroj të më thyhet sërish zemra pas gjithë atyre zhgënjimeve... Më janë dashur dhjetë vite për ta vuajtur, prandaj gjithçka ka marrë fund”, ka thënë Pamela

nga *lissa* Wed Nov 11, 2009 11:33 am

Freeman do të nderohet në Palm Springs

Legjenda e Hollywoodit, Morgan Freeman, do të nderohet për arritjet e tija gjatë karrierës, në festivalin e 21-të ndërkombëtar të filmit në Palm Springs të Kalifornisë.

VIP - Faqe 6 F.1111181039622_m

Ylli i filmit “Million Dollar Baby” do ta merr këtë çmim më 5 janar të vitit të ardhshëm kur edhe do të mbahet ky festival, ka njoftuar kryesuesi i festivalit Harold Matzner.

“Palm Springs International Film Festival është i nderuar të prezantojë legjendën hollivudiane Morgan Freeman për arritjet e tij të karrierës, për punë e tij të madhe e të jashtëzakonshme dhe paraqitjet e tija të paharrueshme gjatë viteve”, ka thënë Matzner.

nga MiTi Wed Nov 11, 2009 11:34 am

a puna e Aktoreve qishtu eshte

nga *lissa* Wed Nov 11, 2009 11:34 am

Lindsay Lohan ka përzier me Heath Ledger?

Nëna e Lindsay Lohan, Dina, ka thënë se aktorja kishte qenë në lidhje edhe me aktorin e ndjerë Heath Ledger gjatë kohës së vdekjes së aktorit në janar të vitit 2008.

VIP - Faqe 6 F.1111124251758_m

Dina Lohan mendon se aktorja e filmit “Mean Girls” ishte e përfshirë në lidhje romantike me yllin e filmit “Dark Knight”, kur ai vdiq pas një teprimi me barëra në muajin janar të vitit të kaluar.

“Dhe ajo ishte në lidhje kur Heath vdiq? Nuk e di nëse ju jeni të informuar, por e di sepse unë e ndaloja atë dhe ata ishin miq shumë, shumë të afërt, Ok?”, ka thënë nëna e aktores për Radar Online.

nga *lissa* Wed Nov 11, 2009 11:36 am

Cameron: Titanic-un e bëra për t’u zhytur në detë

Krijuesi i filmave, James Cameron ka zbuluar se filmi më i madh i të gjitha kohërave ishte krijuar vetëm për të krijuar një mision të depërtimit në thellësi të detit për Titanikun e vërtetë.

VIP - Faqe 6 F.1111121024861_m

Regjisori ka thënë se ai nuk ka pasur synim të krijojë një film epik kur ai solli aktorët Kate Winslet dhe Leonardo DiCaprio në filmin e vitit 1997, pasi dëshironte vetëm të sigurojë mjaft para për të realizuar zhytjen e ëndrrave.

“E bëra Titanicun vetëm sepse dëshirova të zhytem në anijen e mbytur, jo sepse dëshiroja të bëj film. Titanik ishte Mount Everesti i zhytjeve, dhe si zhytës dëshiroja ta bëj atë”, ka thënë Cameron.

“Kur kuptova se disa të tjerë ishin zhytur për të bërë një film, thash, ‘Do të bëj një film Hollywoodi për të paguar një ekspeditë për të bërë të njëjtën gjë”, ka shtuar regjisori

nga *lissa* Wed Nov 11, 2009 11:37 am

Grohl ka pasur parandjenjë për vdekjen e Cobain

Dave Grohl e ka ditur se Kurt Cobain do të vdiste i ri dhe ka thënë se ai ishte përgatitur emocionalisht për diçka të keqe.

VIP - Faqe 6 F.1111111426348_m

Ish-bateristi i grupit Nirvana thotë se këngëtari dhe kitaristi i grupit ishte ‘i dobët’ dhe ai ishte përgatitur për ndonjë incident të ngjashëm që para vdekjes së tij në vitin 1994, kur Cobain bëri vetëvrasje.

“Ka disa njerëz të cilët i takoni në jetë, për të cilët e dini se nuk do jetojnë 100 vjet. Në një mënyrë, përgatiteni emocionalisht për një ndodhi të tillë”, ka thënë Dave, 40-vjeçar, i cili tash është lider i grupit “Foo Fighters”

nga *lissa* Wed Nov 11, 2009 11:38 am

Rihanna me nerva para koncertit në Londër

Rihanna thotë se ajo është e mbushur me nerva rreth koncertit të saj solo që do të zhvillohet të hënën e ardhshme në Londër, dhe i cili do të jetë i pari që nga përplasja e saj me ish-të dashurin Chris Brown.

VIP - Faqe 6 F.1111104506179_m

“Është një ngjarje live që do të jepet në gjithë botën, që do të thotë se gjithkush do të mund ta shohë të njëjtën në gjithë botën, live, përnjëherë, që është shumë ngazëlluese.

“Kjo më bën nervoze, pasi nuk janë vetëm 6 mijë njerëz në shesh, por janë miliona njerëz rreth e qark botës duke e parë atë përnjëherë. Megjithatë është shumë emocionuese’ është një gjë e madhe të cilën gjithkush do të mund ta shohë”, ka thënë Rihanna.

nga *lissa* Wed Nov 11, 2009 11:39 am

Bushpepa në lidhje me një modele

Këngëtari i njohur Gent Bushpepa dhe modelja Skandinada Lalaj janë fotografuar të dy së bashku natën e Halloween-it në një lokal, ku këndojnë Genti dhe grupi i tij i "Top Show".

VIP - Faqe 6 F.1110193831254_m

Ka mjaftuar kjo natë që dy të rinjtë të binin në kurthin e paparacit duke zbuluar kështu lidhjen e tyre të dashurisë. Ata kanë qenë të maskuar, ndërsa janë argëtuar në festën e Halloween-it në shoqërinë e njëri-tjetrit.

Genti dhe Skandinada janë para disa herë së bashku, mirëpo thuhet se lidhja e tyre ka filluar vetëm para dy muajsh.

nga *lissa* Wed Nov 11, 2009 11:41 am

Ish-e dashura e Gaxhës në Big Brother të Serbisë

Adrian Gaxha dhe Violeta Raleva ndërprenë lidhjen një javë përpara se vajza shkupjane të hyjë në shoun “Vëllai i madh”, i cili emetohet në Serbi.

VIP - Faqe 6 F.1110193143554_m

Shqiptari që ka qenë i dashuri i Violeta Ralevës, për të cilin shkruajnë mediat serbe është pikërisht këngëtari i mirënjohur Adrian Gaxha. Para disa ditëve mediat serbe botuan disa fotografi në të cilat përfaqësuesja e Maqedonisë në këtë shou mbante një kapele tipike tradicionale shqiptare.

Ky set me këto fotografi ka bërë bujë të madhe nëpër mediat sllave duke u vënë në pikëpyetje nëse Violeta Raleva – Viki, mund të fitojë këtë shou? Më tej mediat komentojnë se nga mund të jenë bërë këto foto, duke u referuar një të kaluare të Vikit, ajo mund të ketë qenë në lidhje me ndonjë shqiptar. Atë që mediat serbe nuk e dinë se pikërisht Violeta Raleva dhe Kristina Raleva, janë pjesëmarrëse në klipin më të ri të kënëgëtarit Adrian Gaxha në këngën “Skandal”, dhe atëherë shumë u përfol se këto të dy janë në lidhje. Adriani në atë kohë tregoi se i pëlqenin të dy motrat të cilat janë edhe binjake dhe lidhja mes tyre ishte vetëm shoqërore.

Fotot të cilat janë shpërndarë nëpër mediat serbe janë bërë pikërisht në studion e këngëtarit i cili kohë të gjatë kontaktonte me dy motrat. I kontaktuar, këngëtari Gaxha tregon: “ Unë vajzat i njoh para se ato të jenë pjesë e klipit tim, janë shumë Ok dhe nuk u intereson se çka thonë të tjerët, thjeshtë bëjnë atë që duan.
E vërtetë se shoqërohesha shumë me Vikin dhe shumë njerëz kanë pasur mundësinë të më shohin bashkë nëpër lokale. Lidhje klasike ka kohë që nuk kam pasur dhe për këtë nuk mund të them se kam qenë në lidhje me këtë vajzë”, duke qeshur deklaron këngëtari. Ndoshta këto fotografi janë përhapur për shkak se Gaxha tashmë është shumë i njohur si në viset shqiptare ashtu edhe në disa vende sllave, ose ndoshta ka qenë pikërisht djaloshi me të cilin Violeta ka qenë në lidhje të shkurtër, këngëtari nuk e pohoi por as nuk e mohoi lidhjen.

nga *lissa* Wed Nov 11, 2009 11:42 am

Mariza: Dua të gjej personin e duhur [/b]

Mariza Ikonomi qe një kohë është pa të dashur, ndërsa arsyeja për këtë, sipas këngëtares, është se nuk dëshiron të lidhet vetëm sa për të pasur një lidhje, porse ajo dëshiron të gjejë personin i cili do ta bëjë të ndihet e mbushur shpirtërisht.

VIP - Faqe 6 F.1110192705450_m

“Më pëlqen të lidhem me dikë kur e ndiej, kjo është zgjedhja ime derisa të gjej personin e duhur, të më bëjë të ndihem mirë dhe të më mbushë shpirtërisht ashtu si kërkoj”.

“Në këtë mënyrë është më mirë të rri vetëm, sesa të rri me persona që edhe pse do i kem pranë, do më bëjnë të ndihem vetë”, ka thënë Mariza për Bluetooth

nga *lissa* Sun Nov 29, 2009 8:19 am

Rihanna e gatshme për romancë

Rihanna thotë se ajo është e gatshme të gjejë dashuri të re, mirëpo gjithmonë do ta ketë karrierën në radhë të parë.

VIP - Faqe 6 F.1129144440974_m

Këngëtarja ka thënë se tani për tani nuk ka një të dashur, por është e gatshme për të filluar një romancë, pas gjithë asaj që ndodhi me ish-të dashurin e saj Chris Brown.

“Takimet do të ishin argëtuese. Mirëpo jam shumë e përkushtuar (pas punës), prandaj nuk dëshiroj një lidhje serioze”.

“Më kanë lidhur me shumë meshkuj, është qesharake. Nuk kam të dashur. Dhe do ta vendosja dashurinë anash asaj që bëj, sepse ka shumë rëndësi për mua”, ka thënë Rihanna.

nga *lissa* Sun Nov 29, 2009 8:20 am

Radcliffe sëmuret nga xhirimet intensive

Xhirimet e reja të filmit për Harry Potterin janë aq intensive, saqë e kanë sëmurë aktorin Daniel Radcliffe.

VIP - Faqe 6 F.1129105017988_m

20-vjeçari është shumë i zënë me xhirimet e vazhdimit të fundit, “Harry Potter and the Deathly Hallows”, që është ndarë në dy filma të veçantë.

Aktori ka thënë për Sky News, se i duhet çdo ditë të qëndrojë në një pishinë, në baltë, në pluhur dhe në tym, ndërsa kjo ia ka dëmtuar fytin dhe ai është sëmurë. /

nga *lissa* Sun Nov 29, 2009 8:22 am

Williams: Nuk jam fejuar

Robbie Williams u ka dhënë fund spekulimeve, kinse ka vendosur të martohet me të dashurën e tij prej kohësh, Ayda Field.

VIP - Faqe 6 F.1129000757249_m

Të premten, gjatë një emisioni të një radiostacioni australian, këngëtari britanik i ka propozuar aktores martesë dhe gjithçka dukej shumë reale.

Mirëpo, një zëdhënës i këngëtarit të hitit “Feel” ka thënë se gjithçka ishte vetëm një shaka, pjesë e emisionit.

Të njëjtën gjë e ka bërë edhe vetë këngëtari 35-vjeçar, duke shkruar: “Tung të gjithëve. Ne nuk jemi të fejuar. Rob”.

nga *lissa* Sun Nov 29, 2009 8:24 am

Filmi i Murphyt më i keqi i shekullit XXI

Filmi i Eddie Murphyt, “The Adventures of Pluto Nash”, ka kryesuar një sondazh të ri të industrisë filmike për filmat më të dështuar të shekullit të ri.

VIP - Faqe 6 F.1128165242979_m

Filmi nga viti 2002, i cili kushtoi 100 milionë dollarë për t’u xhiruar ndërsa grumbulloi më pak se 10% nga ajo shifër, ka dalë para filmit të shumëkritikuar të John Travoltas, “Battlefield Earth”- në ‘listën e turpit’ të përpiluar nga Hollywood Reporter.

Në top-dhjetësh janë përfshirë edhe filmi i Quentin Tarantino dhe Robert Rodriguez, “Grindhouse”, filmi “Catwoman” ku luan Halle Berry, filmi “Gigli”, si edhe filmi nga vera që shkoi, “Land of the Lost”.

nga *lissa* Sun Nov 29, 2009 8:25 am

Eminem dëshiron të jetë pjesë e X Factor

Eminem i ka ofruar shërbimet e tij në rolin e jurisë për spektaklin britanik për talentë "The X Factor", pasi që mendon se është koha që një reper ta fitojë këtë spektakël.

VIP - Faqe 6 F.1126114503493_m

Njoftohet se këngëtari i muzikës rep është një fans i shout britanik, ndërsa i ka thënë producentit dhe anëtarit të jurisë, Simon Cowell, që ta ftojë atë në panel që edhe ai të jep idetë e tij se si duhet të jetë një yll botëror.

Sipas Eminemit, anëtarët e deritanishëm të jurisë (Cheryl Cole, Dannii Minogue dhe Louis Walsh) nuk kanë qenë aq të suksesshëm për të ndihmuar këtë shou.

“Respekt për jurinë aktuale, mirëpo nevojiten njerëz që janë globalë, yje që shesin albume. Duhet të përgatiten garuesit për atë që i pret dhe për llojin e presionit që do t’i nënshtrohen”, ka thënë këngëtari i hitit “We Made You”.

nga d.jeta Mon Dec 14, 2009 4:31 am

Imazhet e rralla, Merlin Monro duke pirë marijuanë

VIP - Faqe 6 29260

KALIFORNI- Shfaqen imazhe të rralla të Merlin Monrosë duke pirë marijuana. Imazhet janë nxjerrë nga një koleksionist Keya Morgan dhe i përkasin një filmimi në shtëpi teksa aktorja e famshme pinte drogë, 50 vite më parë, në shoqërinë e miqve të saj. Ky filmim është blerë nga koleksionisti Keyan Morgan me një vlerë 275 mijë dollarë nga personi që e ka regjistruar, i cili ka preferuar të mbetet anonim. Morgan dhe personi që e ka filmuar, i kanë dhënë leje agjencisë Rojter, që të shfaqë një minutë nga regjistrimi i cili është katër minuta i gjatë.

E drejta e botimit të këtij imazhi do të vihet në ankand në Ibei, këtë javë. Morgan është një koleksionist i fotove historike, dokumenteve dhe autografeve të Merlin Monrosë dhe po punon për një dokumentar në lidhje me vdekjen e saj, në gusht të vitit 1962. Ai sapo ka mësuar për ekzistencën e këtj kripi gjatë kërkimeve të tij, menjëherë është vënë në ndjekje të pronarit që e kishte këtë video. Monro shfaqet e lumtur dhe e relaksuar në këto imazhe dhe bëhet fjalë për vitin 1958-59. Këto imazhe tregojnë jetën private të aktores tragjike. Fotografi Morgan konfirmon që cigarja që ajo po thith përmban marijuanë. Aktorja e madhe u gjet e vdekur në shtëpinë e saj në Kaliforni, në 5 gusht të vitit 1962, në moshën 36 vjecare. Vdekja u konsiderua si vetëvrasje, edhe pse ka shumë gojëdhëna dhe spekulime se ajo mund të jetë vrarë me një dozë ilaçesh helmuese dhe akuzat ngrihen që nga Xhon Kenedi e deri tek mafia apo CIA Amerikane.

nga d.jeta Mon Dec 14, 2009 4:34 am

Kapet sërish me kopje Genta Ismajli

VIP - Faqe 6 127445

Në momentin që u shfaq në ekran kënga e re “Si Panterë”, e Genta Ismajlit,
ajo u komentua se imazhet ishin të vjedhura nga Jennifer Lopez, por 3 muaj më pas rezulton se edhe kënga është e kopjuar.Ditët e fundit është zbuluar se e gjithë kënga e Genta Ismajlit është plagjiaturë nga një këngëtare armene. Ndoshta i gjithë faji është i Virusit, kompozitor i këngës, i cili ka vjedhur këngën nga artistja armene, Silva Hakobyan. Versioni origjinal i këngës titullohet “I like” dhe ka qenë fituese e edicionit të vitit 2006 të BBC Music Awards, ndërsa këngëtarja kosovare është mjaftuar vetëm duke i vendosur një tekst në shqip.

nga d.jeta Mon Dec 14, 2009 4:35 am

Kthjellu bashkëpunim me Florin

Kthjellu këtë javë do të fillojë xhirimet për videoklipin me të ri në bashkepunim me këngëtarin nga Shqipëria Flori.
Mentor Haziri vokalist i grupit Kthjellu thotë se një ide ka qënë që moti ta bëjnë këtë projekt dhe se janë duke punuar që se fundmi të godas para ketij fundviti.

nga d.jeta Mon Dec 14, 2009 4:45 am

"X-MAS KËNGËT" MË TË SHITURA

VIP - Faqe 6 X-mas%20tree

Agjencia britanike ‘Official Charts Company’ ka publikuar listën e x-mas singlave më të shitur të mileniumit. Në këtë listë zënë vend bende, këngëtare dhe këngëtarë të shumtë. Ja edhe lista e publikuar:
1. Band Aid 20: 'Do They Know It's Christmas' (2004)
2. The Darkness: 'Christmas Time (Don't Let The Bells End)' (2003)
3. The Pogues ft. Kirsty Maccoll: 'Fairytale Of New York' (1987)
4. Mariah Carey: 'All I Want For Christmas Is You' (1994)
5. Bo Selecta: 'Proper Crimbo' (2003)
6. Cascada: 'What Hurts The Most'/'Last Christmas' (2007)
7. Wham: 'Last Christmas' (1984)
8. The Idols: 'Happy Xmas (War Is Over)' (2003)
9. Tweenies: 'I Believe In Christmas' (2001)
10. S Club Junors: 'Puppy Love'/'Sleigh Ride' (2002)
11. Red Hot Chili Peppers: 'Snow (Hey Oh)' (2006)
12. Geraldine: 'Once Upon A Christmas Song' (2008)
13. Slade: 'Merry Christmas Everybody' (1973)
14. Frankie Goes To Hollywood: 'The Power Of Love' (1984)
15. Shakin' Stevens: 'Merry Christmas Everyone' (1985)
16. Wizard: 'I Wish It Could Be Christmas Everyday' (1973)
17. Cliff Richard: 'Santa's List' (2003)
18. Band Aid: 'Do They Know It's Christmas' (1984)
19. Lazy Time: 'Bing Bang (Time To Dance)' (2006)
20. Crazy Frog: 'Jingle Bells'/'U Can't Touch This' (2005)

nga d.jeta Mon Dec 14, 2009 4:47 am

PETER ANDRE MERR VOTAT SI ARTISTI ME FLOKËT MË TË MIRA

VIP - Faqe 6 SPX-029397

Këngëtari Peter Andre ka mundur në një sondazh për mirëmbajtjen e flokëve në Britani të Madhe aktorin e filmit “Twilight” Robert Patison, duke fituar çmimin “Brylcreem Best Celebrity Hairstyle Awards”. Sondazhi për mirëmbajtjen e flokëve organizohet për 8 vite rresht dhe në këtë hulumtim për flokët kësaj radhe kanë marrur pjesë më shumë se 3 mijë të anketuar për një javë rresht në Britani dhe në këtë hulumtim këtë vit vendi i parë i takoi këngëtarit Peter Andre. Në vendin e dytë për rregullimin e flokëve i takoi aktorit Robert Pattison, vendi i tretë i takoi aktorit Mark Owen, në pozitën e katërt u radhit këngëtari dhe njiherit aktori Aston Merrygold ndërsa në pozitën e pestë për mirëmbajtjen më të mire të flokëve u radhit këngëtari britanez Robbie Williams

nga d.jeta Mon Dec 14, 2009 4:48 am

PER MJ 'GRAMMY' EDHE PAS VDEKJES

VIP - Faqe 6 Michael%20jackson%20thisisit

Michael Jackson i cili pa pritur ndërroi jetë më 25 qershor, edhe pas vdekjes do të fitoj çmimin Grammy në muajin janar. Jackson, gjatë karrierës së tij ka fituar gjithsej 13 çmime Grammy, ndër të tjerë edhe për albumin "Thriller". Ceremonia e ndarjes së çmimeve Grammy, e 52-të me radhë do të mbahet më 31 janar në Nokia Theatre në Los Angeles

nga Sponsored content