Re: Rajon

nga *lissa* Tue Feb 16, 2010 9:51 am

Leterme: Mbështetje të fuqishme Shqipërisë për në BE

Kryeministri i Belgjikës Yves Leterme po zhvillon sot një
vizitë në Tiranë, ku është takuar fillimisht me kryeministrin Sali
Berisha. Gjatë konferencës për shtyp, Letermen theksoi se Mbretëria e
Belgjikës jep mbështetjen e plotë për integrimin e Shqipërisë në
Bashkimin Evropian si dhe veçanërisht për procesin e liberalizimit të
vizave.

“Për sa i përket vizave, e informova Berishën se
BE-ja ka prioritet liberalizimin e vizave për qytetarët shqiptarë. Unë e
përgëzova kryeministrin Berisha për progresin që është bërë për këtë
proces”, tha kryeministri belg në konferencën për shtyp.
Megjithatë, ai ka nënvizuar se duhet një angazhim më i madh nga pala
shqiptare për të plotësuar të gjitha procedurat që kanë të bëjmë me këtë
proces, për të shtuar se ky është një proces më shumë teknik se sa
politik.
“Unë mendoj se qytetarët shqiptarë e meritojnë të lëvizin lirshëm si
të gjithë qytetarët e tjerë të BE-së”, tha Leterme. Kryeministri i
Belgjikës tha gjithashtu, se vendi i tij do ta ndihmojë Shqipërinë me
ekspertizë për procesin e anëtarësimit në Bashkimin Evropian.
“Dua të nënvizoj në emër të Mbretërisë së Belgjikës, se ne jemi të
angazhuar për një të ardhme të Shqipërisë në Bashkimin Evropian. Mendoj
se anëtarësimi i Shqipërisë në BE është një faktor kyç për stabilitetin e
Ballkanit. Gjithashtu është në interesin e qytetarëve shqiptarë dhe të
Bashkimit Evropian. Ndaj diskutuam sot për opinionin e BE-së, për sa i
takon anëtarësimit të Shqipërisë në strukturat e këtij unioni. Unë i
premtova kryeministrin Berisha se Belgjika do të ndihmojë me ekspertizë
Shqipërinë për pyetësorin që duhet për anëtarësim në BE”, u shpreh
Leterme.
Ndërsa kryeministri Berisha tha se kishte diskutuar me homologun belg
për një sërë fushash bashkëpunimi, duke përmendur këtu marrëveshje
kundër krimit të organizuar, marrëveshje për të burgosurit, etj.
“Jemi të gatshëm të firmosin çdo marrëveshje me Belgjikën në interes
të luftës kundër krimit të organizuar. Po punohet edhe në fushën e
sigurimeve shoqërore. Shpresoj që së shpejti do të përfundoj edhe një
marrëveshje në fushën e arsimit”, theksoi Berisha. /gazeta start/

nga *lissa* Tue Feb 16, 2010 9:51 am

Ruçi: Hetimit të zgjedhjeve nuk i vihet kufizim për kutitë

Kryetari i Asamblesë së Partisë Socialiste, Gramoz Ruçi u
shpreh pas takimit me presidentin Topi dhe kryesocialistin Rama, se
PS-ja nuk mund të tërhiqet nga hapja e kutive.

Ai ka
argumentuar se hapja e kutive dhe transparenca e plotë e zgjedhjeve
është një detyrim që është përcaktuar dhe nga Asambleja e Këshillit të
Evropës në rezolutën për Shqipërinë.
“Siç është bërë e dituar zoti Rama i shoqëruar nga unë ishte në një
bisedë me zotin Topi. Në këtë takim zoti Rama i paraqiti dhe një herë
presidentit se PS-ja është e vendosur për të zbatuar rezolutën e KE,
veçanërisht pikën shtatë, e cila kërkon tre gjera, komisioni hetimor në
përputhje me Kushtetutën dhe e dyta kthimin e PS-së në Kuvend” , u
shpreh Ruçi.
Kreu i Asamblesë së PS, Ruçi komentoi se Partia Socialiste nuk mund
të bëjë hapa mbrapa në lidhje me objektin e hetimit. Ai ka kërkuar që
objekti i hetimit të përfshije edhe hapjen e kutive. Në këtë mënyrë Ruçi
i është përgjigjur dhe deklaratave të bëra një ditë më parë nga
Kryeministrit Berisha.
Ka qenë një takim konsultativ mes Topi dhe Ramës. Rama ka shtruar dhe
një herë pretendimet e PS-së. “Pretendimet e PS-së në tavolinën e
presidentit janë pretendime që janë ngritur dhe në rezolutën e KE-së”.
Nga ana tjetër Ruçi ka theksuar se nga ana e presidentit, Bamir Topi
nuk ka pasur asnjë propozim konkret në lidhje me gjetjen e zgjidhjes,
por vetëm konsultime. Ndërsa ka shtuar se modalitetet e komisionit
hetimor nga vendosen nga, mazhoranca por Kushtetuta. /NOA/

nga *lissa* Tue Feb 16, 2010 9:52 am

Berisha takon Topin: Riafirmuam qëndrimin tonë

Ka përfunduar takimi midis kryeministrit Sali Berisha dhe
presidentit të Republikës Bamir Topi. Pas takimit, Berisha shpreh për
gazetarët se mazhoranca nuk ndryshuar qëndrim, ndërsa ka shprehur edhe
një herë vullnetin e tij për të zgjidhur krizën.

“Jemi te
hapur për shqyrtimin e problemeve te lidhura me procesin zgjedhor. Jemi
te gatshëm për dialog dhe për zgjidhjen e problemeve bilaterale”, tha
Berisha.
Ai shtoi se ka një frymë konstruktive për të zgjidhur problemet
bilaterale. “Diskutuam me Presidentin e Republikës dhe ne sërish
riafirmuam qëndrimin tonë të vendosur të mbetemi të hapur për dialogun,
të mbetemi të hapur për shqyrtimin e të gjitha problemeve të lidhura me
procesin zgjedhor të cilat kualifikohen si probleme bilaterale.
Presidenti po vazhdon të eksplorojë të gjitha mundësitë”, u shpreh
Berisha. /start/

nga *lissa* Tue Feb 16, 2010 9:52 am

Greuvski: Kemi vullnet për ta zgjidhur çështjen e emrit

Kryeministri i Maqedonisë, Nikolla Grevski deklaroi të
martën se Qeveria që drejton ai po zhvillon bisedime për emrin me qëllim
të qartë që të gjendet zgjidhje dhe se ka vullnet dhe dëshirë për ta
mbyllur këtë çështje.

Duke i komentuar konstatimet e liderit
të opozitës Branko Cërvenkovski të dhëna në intervistën për një
televizion kombëtar, Gruevski tha se nuk është korrekte nga një njeri që
15 vjet ka zhvilluar bisedime "proforma" për kontestin me fqinjin jugor
të akuzojë për një gjë të tillë.
"Është jokorrekte nga një njeri që 15 vjet ka zhvilluar bisedime
'proforma' për emrin dhe që kjo gjë nuk është sekret, ndonjëherë mes
rreshtash vetë e pranon, të thotë se ne zhvillojmë 'proforma' bisedime.
Ne zhvillojmë bisedime me qëllim të qartë, të gjejmë zgjidhje. Dhe këtë
do të vazhdojmë ta bëjmë. Kemi vullnet politik, kemi dëshirë dhe
interesi ynë është që të gjendet zgjidhje, me këtë rast duke pasur
kujdes ndaj interesave kombëtare dhe shtetërore", deklaroi Gruevski.
/INA/

nga *lissa* Tue Feb 16, 2010 9:53 am

20 Shkurti, Dita e përkujtimit të viktimave të komunizmit

20 Shkurti, dita e rrëzimit të bustit të diktatorit Enver
Hoxha në Tiranë, shpallet si “Dita e përkujtimit publik të viktimave dhe
të krimeve të shkaktuara nga ish regjimi komunist në Shqipëri”.

Në
Komisionin parlamentar të ligjeve, shumica ka miratuar projektligjin e
përgatitur nga qeveria për simbolet e përkujtimit të viktimave dhe të
krimeve të komunizmit në Shqipëri.
Ligji ka për qëllim përcaktimin e disa simboleve në përkujtim të
viktimave. Me simbole ligji nënkupton muze, obelisk apo monument, dhe
gjithashtu datën e përkujtimit publik të viktimave.
Këshilli i Ministrave nëpërmjet ligjit angazhohet të krijojë Muzeun
Kombëtar të viktimave dhe të krimeve.
Diktatura komuniste në Shqipëri shkaktoi me shumë krime dhe viktima
sesa në çdo vend tjetër të ish bllokut komunist. Pas gati 20 vitesh pas
rrëzimit të këtij sistemi diktature, Shqipëria ende ka shumë pak simbole
në përkujtim të viktimave.
8 Dhjetori, data e fillimit të lëvizjes studentore që përmbysi
diktaturën u shpall si Dita e Rinisë, ndërsa data 21 Maj njihet si Dita e
përkujtimit të revoltës në burgun famëkeq të Spaçit.
Shqipëria është një ndër vendet e pakta të Evropës ish komuniste që
nuk ka ende një muze në përkujtim të viktimave. /News24/Balkanweb/

nga Sponsored content