Rajon

nga **sam1r** Wed Sep 23, 2009 5:05 am

Rajon

Ketu te gjitha lajmet nga Rajoni...

nga jetaaa Thu Sep 24, 2009 6:10 pm

Enciklopedia maqedonase, tendencioze dhe antishqiptare

Enciklopedia e parë maqedonase, e promovuar nga Akademia e Shkencave dhe Arteve ka përmbajtje tendencioze dhe nuk pasqyron realitetin e të gjithë popujve që jetojnë në vend, posaçërisht shqiptarëve, kanë reaguar historianët dhe shoqatat joqeveritare shqiptare. Në këtë enciklopedi thuhet se në Maqedoni nuk kanë jetuar shqiptarë. Ata nga Shqipëria kanë kolonizuar këto vise pas shekullit 16, duke u vendosur nëpër shtëpitë e maqedonasve të cilët i kanë dëbuar më pas prej aty. Ndër të tjera në këtë enciklopedi shqiptarët emërtohen si arbanasë, arnautë dhe shqiptari, ku kjo e fundit shoqërohet me shpjegim përkatës nën kllapa ‘Pllaninci (të malit)”.
Në këtë enciklopedi thuhet se shqiptarët vijnë nga viset e veriut të Shqipërisë, nga i ashtuquajturi fis gegë, dhe emërtohen si ‘TË ARDHUR NGA MALI’. Faktet janë shtrembëruese, edhe për krijimin e shtetit të parë shqiptar, gjoja i themeluar në vitin ‘44 nga gjermanët.
Kryetari i Lëvizjes Qytetare “ZGJOHU”Artan Grubi thotë se ky institucion me agjendë politike, që propozoi ndarjen e Maqedonisë në vitin 2001, po nxit urrejtje ndërnacionale dhe po rrezikon marrëdhëniet ndëretnike në vend. Zgjohu, i bën thirrje Qeverisë, si financuese e projektit, të distancohet nga përmbajtja e Enciklopedisë ndërsa Akademia urgjentisht t'i kërkojë falje popullit autokton shqiptar të këtyre trojeve si dhe të përmirësojë Enciklopedinë, duke e tërhequr nga tregu. Ndërkohë historiani Skënder Hasani, e cilëson enciklopedinë vazhdimësi të projekteve anti-shqiptare, të përpiluara nga Akademia Serbe gjatë shekullit 19.
“Më fyese janë elementet që tregojnë qartë etiketimin dhe elementet të cilat dëshirohet që t’i nxjerrin shqiptarët se kanë ardhur prej diku tjetër dhe këtu kanë ardhur si vandalistë dhe janë e keqja e këtij shteti. Apelojë deri tek akademikët shqiptarë që janë pjesëmarrës në Akademinë e Maqedonisë të distancohen nga kjo enciklopedi dhe pjesëmarrjen e mëtutjeshme në këtë Akademi ta kushtëzojnë me largimin e këtij botimi por edhe kërkim falje nga populli shqiptarë, përndryshe çdo mbetje e këtyre akademikëve në këtë akademi me ngarkesë etnike dhe që prish ekuilibrin e shtetit shumë nacional, të distancohen”, deklaroi Skender Hasani – historian.
“Nëse Akademia e Shkencës dhe Arteve të Maqedonisë konsideron se komuniteti maqedonas ka krizë të identitetit të vet, atëherë kjo krizë nuk mund të mbrohet duke sulmuar, duke përvetësuar dhe duke falsifikuar historinë e popullit autokton shqiptarë në këto troje. Tendenca për ti paraqitur shqiptarët si ardhacak në këto troje, e bashkangjitur me fushatën disa vjeçare për zhdukjen e trashëgimisë kulturore dhe shpirtërore të shqiptarëve nga këto troje është një vazhdimësi e të gjitha përpjekjeve të kësaj Qeverie dhe të komunitetit shumicë maqedonas...”, theksoi Artan Grubi – kryetar i Lëvizjes Qytetare “ZGJOHU”.
Botimi i parë i Enciklopedisë është shitur për dy ditë dhe ka kushtuar 5 mijë denar nuk dihet numri i saktë i kopjeve të shitura, kurse numri tjetër siç njoftojnë nga Akademia e Shkencave dhe Arteve të Maqedonisë do të dalë në shitje ditën e Martë dhe të njëjtën do ta bëjë ekskluzivisht Akademia e Shkencave dhe nuk do të ketë shitje komerciale dhe çmimi do të jetë 8 mijë denarë.

Valmir Kuçi alsat-m

nga jetaaa Thu Sep 24, 2009 6:13 pm

Thaçi: Enciklopedia është thjeshtë një projekt politik

Kryetari i PDSH-së Menduh Thaçi konsideron se Enciklopedia është thjeshtë një projekt politik me te cilin Qeveria e Maqedonisë provon ta manipulojë qytetarët duke i larguar ata nga realiteti. Kështu deklaroi kreu i PDSH-së Menduh Thaçi pas mbledhjes së degës së partisë së tij në Saraj. “Është një provokim politik banal, pas të cilit qëndron Qeveria e Maqedonisë dhe ky provokim duhet të arrijë shumë efekte, efekti kryesor është të na ç’fokusojë të gjithëve prej të tanishmes, të na çojë të merremi me histori. PDSH-ja nuk do të ç’fokusohet aq lehtë, për ne e tanishmja është ajo që flet për diskriminim në të gjitha fushat që u bëhet shqiptarëve. Sa i përket fjalorit dhe shkrimit, është një fjalor dhe gjuhë e urrejtjes, mendoj se mirë është të gjithë maqedonasit të distancohen nga këta njerëz që vjellin zjarr për shkak së mirës së vetë. Nuk përmirësohet asgjë, përralla e ariut thotë se plaga shërohet por ofendimi nuk përmirësohet, këto janë manipulime gjitha që thua se janë printuar 50 kopje, 2.000 janë, sot kur jetojmë në kohën e postave elektronike ata sigurisht janë bërë 200 milionë kopje, domethënë nuk përmirësohet asgjë”, vlerësoi Thaçi.
marrur nga alsat-m

nga jetaaa Thu Sep 24, 2009 6:20 pm

Ristovski: Nuk do të tërhiqen pjesët kontestuese të Enciklopedisë

Kryeredaktori i ‘Enciklopedisë maqedonase’, Bllazhe Ristovski shprehet në një intervistë për Televizionin A1, se nuk do të tërhiqen pjesët kontestuese të historisë, por do të plotësohen me disa fjalë. Ndryshimet, sipas tij nuk janë pasojë e presioneve politike, por bëhen me qëllim që faktet të jenë shkencërisht të pranueshme. Shqiptarët, thotë Ristovski, në Enciklopedi janë të përfaqësuar në mënyrë objektive. Me shtimin e një ose dy fjalëve do të precizohet ajo pjesë ku duhet ditur në mënyrë më masive dhe në grupe më të mëdha kanë ardhur shqiptarët në Maqedoni, pasi atje thuhet se kryesisht nga shekulli i 16-të. Sipas Ristovskit, kjo pjesë do të korrigjohet pasi është e vërtetë që individë, por ndoshta dhe grupe kanë ardhur para kësaj periudhe, mirëpo çështja e autoktonisë, është diçka tjetër. Akademiku Ristovski thotë se edhe në enciklopedinë e korrigjuar do të qëndrojë termi ‘SHIPTARI’, por sipas shembullit të Enciklopedisë Britanika, do të jetë e shkruar në alfabetin latin me shpjegimin se vetë se shqiptarët e quajnë veten ashtu. Ristovski gjithashtu tha se do të precizohet, por nuk do të ndryshojë pjesa se oficerë amerikanë dhe britanikë kanë trajnuar UÇK-në, gjë për të cilën reaguan ambasadat e dy vendeve. Ndryshime, sipas Ristovskit, do të ketë edhe në pjesën ku flitet për Ali Ahmetin.

24 09 2009 ALSAT-M

nga jetaaa Thu Sep 24, 2009 6:23 pm

BDK do të organizojë protesta kundër Enciklopedisë

Bashkimi Demokratik Kombëtar, paralajmëron protesta masive përmes të cilave do të kërkoj tërheqjen e plotë të Enciklopedisë dhe jo vetëm korrigjimin e pjesëve të saj në të cilat fyhet rëndë populli shqiptarë. Sipas BDK-së, ky hap i Akademisë ka shkaktuar një problem të madh ndëretnik që rrezikon edhe ekzistencën e Maqedonisë si shtet. Nga BDK-ja shpresojnë se protesta do të mbështetet edhe nga subjekteve tjera politike dhe organizatave joqeveritare.
“Kemi paraparë organizimin e një proteste në Shkup, protestë e cila do të jetë gjithë popullore. Pse të mos them, kërkojmë nga g gjithë shqiptarët që të organizojnë protesta në gjithë qendrat, shqiptarët qoftë në Tiranë de Prishtinë sepse këtu nuk ofendohet vetëm pjesa shqiptare që jeton në Maqedoni por i gjithë kombi”, deklaroi Hysni Shaqiri, kryetar i BDK-së.
Sipas tij, Maqedonia për momentin është në një udhëkryq dhe ballafaqohet me një problem shumë të rëndë siç është problemi ndëretnik. Këtë problem nuk e kemi hapur ne tash, këtë konflikt nuk e kemi iniciuar ne e kanë iniciuar akademia e shkencave një institucion që për momentin luan rolin e zëdhënësit të qeverisë.
“Redaksia që e ka hartuar këtë e enciklopedi doli me një deklaratë se do të bëj korrigjimin. Unë mendoj se kjo deklaratë ka të bëj me hedhjen e pluhurit syve, kjo nuk është deklaratë serioze, kjo ka për qëllim që të ulë pak tensionin e reagimeve dhe të vazhdoje me avazin e vjetër, prandaj ne do të kërkojmë tërheqjen të tërësishme të kësaj enciklopedie, jo korrigjimin sepse këtu duhet gjykuar qëllimi i hartimit të kësaj, se ajo çka është shkruar është e qartë”, deklaroi Milaim Fejziu, sekretar për marrëdhënie ndërkombëtare në BDK.

24 09 2009 ALSAT-M

nga jetaaa Thu Sep 24, 2009 6:29 pm

VMRO-PD dhe LPM, kontestojnë 25 përqindëshin e shqiptarëve

Regjistrimi i popullsisë në vitin 2002 është cilësuar si kontestues në pjesën e tij ku tregohet se popullata shqiptare në Maqedoni është diku 25%. Kontestimi vjen nga VMRO-Partia Demokratike dhe Lëvizja Popullore për Maqedoninë, të cilët madje kanë dorëzuar edhe kallëzim penal në Prokurorinë Publike kundër falsifikimit të Regjistrimit të vitit 2002. Sipas këtyre dy partive, numri i shqiptarëve është rritur me qëllim, dhe në të janë përfshirë më shumë persona.
“Për këtë arsye në situate kur e kemi të qartë se rezultati i Regjistrimit të popullsisë është falsifikuar, në situate kur kjo bashkësi etnike në mënyrë agresive po vazhdon me kërkesa të reja, të cilat zbulohen si pozicion i tyre si në një shtet federal, Maqedonia e ka patjetër që të konfirmojë dhe njëherë rezultatin dhe aq më tepër kur dihet se aso kohe kanë qenë më pak se 16% tash janë akoma më pak, dhe në të ardhmen numri i atyre do të vazhdojë të zvogëlohet. Jemi dëshmitarë se si ky argument i tyre po shkrihet, ata po bëhen gjithnjë më agresiv”, deklaroi Vlladimir Gollubovski nga VMRO-Partia Demokratike.
“Sipas nesh, edhe në këtë moment mund të themi se shqiptarët janë vetëm 17% në Maqedoni dhe jemi të habitur se si në fakt është falsifikuar ai Regjistrim i popullsisë, dhe ai ishte një strategji e shkëlqyeshme kriminele që nga e gjithë faza e Regjistrimit, mbledhjes së të dhënave në terren e deri tek numërimi i tyre. Jemi të bindur se dyshimet tona do të vërtetohen gjatë procedimit të padisë sonë penale dhe besojmë se kur do të vërtetohet se shqiptarët në vend janë nën 20%, atëherë deshëm apo jo, patjetër duhet të thyhet Marrëveshja Kornizë e cila është traumatike për vetëdijen maqedonase dhe nëpërmjet së cilës shqiptarët fituan gjithçka dëshiruan në këtë shtet, kurse ne maqedonasit humbën gjithçka”, theksoi Janko Baçev, kryetar i Lëvizjes Popullore për Maqedoninë.
Nga Lëvizja Popullore për Maqedoninë dhe VMRO-Partia Demokratike shpresojnë se me rishqyrtimin e “argumenteve” do të ndëshkohen fajtorët në mesin e të cilëve, siç u shprehën ata, ka persona në funksione të larta të cilët kanë ndikuar mbi rezultatet e regjistrimit. Ndërkohë nga Enti Shtetëror për Statistikë për ALSAT në linjë telefonike hodhën poshtë akuzat e këtyre dy partive. Enti Shtetëror për Statistikë mbron deri në fund shifrat, sipas të cilave në 2002, përqindja e shqiptarëve ka qenë 25,17 % dhe ajo e maqedonasve, 64.18%.

24 09 2009 ALSAT-M

nga jetaaa Thu Sep 24, 2009 7:04 pm

Akademia e Shkencave kerkon korrigjimin e enciklopedise

Akademia e Shkences se Shqiperise eshte e gatshme te ndihmoje koleget nga Maqedonia per pasqyrimin e te vertetes per shqiptaret gjate riformulimit te enciklopedine.
Keshtu tha gjate nje debati ne Shkup, akademiku shqiptar, Kolec Topalli. “Zerat e shqiptareve duhet te shkruhen nga vete shqiptaret. Ne Maqedoni ka njerez te pergatitur per kete. Por nese ka nevoje edhe Akademia e Tiranes eshte ne gjendje te ndihmoje me qellim qe kjo enciklopedi te pasqyroje te verteten shkencore dhe historike per shqiptaret”, theksoi Topalli.

Pjesemarresit ne debat me fakte hodhen poshte te pavertetat e akademikeve maqedonas per shqiptaret, ndersa paralajmerimet per korrigjimin e enciklopedise ne botimin e dyte u cilesuan, jo korrekte. “Pavaresisht ne c’numer tirazhi eshte tirazhi i pare, ka nje ngarkese qe eshte intolerante. Akademia duhet te gjeje fuqi te distancohet nga ky botim i pare dhe botimi i pare duhet te jete ai i permisuari”, shprehet akademiku Ali Aliu.

Nderkohe edhe historiani dhe juristi Vllado Popovski eshte pajtuar me parafolesit, duke thene se eshte e rendesishme qe te korrigjohet tirazhi i vjeter dhe te rishkruhet ne menyre profesionale pjesa ku flitet per shqiptaret. “Eshte e pashmangshme perfshirja e intelektualeve shqiptare gjate rishikimit te enciklopedise”, nenvizon Popovski.

Kunder enciklopedise maqedonase ka dale edhe Ambasada e Bullgarise ne Shkup. “Jemi te shqetesuar nga e ashtuquajtura “enciklopedi maqedonase” pasi duke pretenduar te jete shkencor, botimi i nenshtrohet dhe ndjek qellimet e nje propagande politike afat-shkurter”, thuhet ne reagimin e ambasades bullgare.

24 09 2009
top-channel

nga jetaaa Fri Sep 25, 2009 6:02 pm

BE kërkon dialog konsensual politik në Maqedoni

Shoqëria civile në Maqedoni por edhe ajo e vendeve të Bashkimit Evropian, që sot kanë instrumentin zyrtar për të monitoruar procesin e integrimit të vendit. Komiteti i përbashkët konsultativ i shoqërive civile ku gjashtë përfaqësues janë nga Maqedonia dhe gjashtë nga vendet e BE-së, sot mbajti takimin e parë në Bruksel. Ndër të ftuarit, raportimin para shoqërive civile e çeli përfaqësuesja e Presidencës Suedeze.
“Ne jemi në përgjithësi shumë të impresionuar me ritmin e reformave gjatë muajve të fundit dhe kjo është diçka që duhet të vazhdojë madje edhe të thellohet më shumë në muajt që vijnë”, u shpreh Anna Craenen nga presidenca suedeze e BE-së.
Në raportimin para shoqërive civile, entuziazmin politik të presidencës e ftohu përfaqësuesi teknik i Komisionit Evropian. Pasi përshëndeti arritjet, veçanërisht për vizat, drejtori për vendet candidate, Dirk Lange renditi punët që mbeten për tu bërë.
“Në veçanti në bëjmë thirrje për bashkëpunim dhe dialog konsensual mes forcave politike në vend, si një kusht paraprak për progres të mëtejshëm. Masat lidhen gjithashtu edhe me institucionet kryesore të shtetit, përcaktojnë objektiva për reformën në polici, pavarësinë e gjyqësorit dhe ngritjen e një shërbimi civil profesionist dhe luftën kundër korrupsionit”, u shpreh Dirk Lange, drejtor i Komisionit Evropian për vendet kandidate.
Komisioni Evropian insistoi para shoqërive civile të pranishme pikërisht në rolin tepër të rëndësishëm që duhet të luhet në Maqedoni, duke i kërkuar qeverisë ta përfshijë gjithnjë e më shumë në ç‘do proces të vendit. Në takimin që u zhvillua në Bruksel qeverinë e përfaqësonte Xhelal Bajrami, Ministri i Punës dhe i Çështjeve sociale.
“Ne shpresojmë se takimi i radhës i këtij lloji do të mbahet në fillim të vitit 2010 në Republikën e Maqedonisë dhe deri atëherë ne si qeveri shpresojmë se do marrim raport pozitiv nga Bashkimi Evropian dhe atëherë roli i këtij komiteti të të përbashkët konsultativ do të jetë edhe më i rëndësishëm për proceset në vazhdim”, deklaroi Xhelal Bajrami, ministër i Punës dhe i çështjeve sociale.
Komiteti i përbashkët konsultativ Maqedoni-BE i shoqërive civile do të mblidhet dy herë në vit për të monitoruar marrëdhëniet mes palëve, si dhe për të nxjerrë rekomandimet që do të duhen të plotësohen nga qeveria për palën e Maqedonisë dhe nga Komisioni, Parlamenti dhe Këshilli i BE-së për palën e unionit. Shoqëria civile në Maqedoni por edhe ajo e vendeve të Bashkimit Evropian, që sot kanë instrumentin zyrtar për të monitoruar procesin e integrimit të vendit. Komiteti i përbashkët konsultativ i shoqërive civile ku gjashtë përfaqësues janë nga Maqedonia dhe gjashtë nga vendet e BE-së, sot mbajti takimin e parë në Bruksel. Ndër të ftuarit, raportimin para shoqërive civile e çeli përfaqësuesja e Presidencës Suedeze.
“Ne jemi në përgjithësi shumë të impresionuar me ritmin e reformave gjatë muajve të fundit dhe kjo është diçka që duhet të vazhdojë madje edhe të thellohet më shumë në muajt që vijnë”, u shpreh Anna Craenen, nga presidenca suedeze e BE-së.
Në raportimin para shoqërive civile, entuziazmin politik të presidencës e ftohu përfaqësuesi teknik i Komisionit Evropian. Pasi përshëndeti arritjet, veçanërisht për vizat, Drejtori për vendet kandidat Dirk Lange renditi punët që mbeten për tu bërë.
“Në veçanti në bëjmë thirrje për bashkëpunim dhe dialog konsensual mes forcave politike në vend, si një kusht paraprak për progres të mëtejshëm. Masat lidhen gjithashtu edhe me institucionet kryesore të shtetit, përcaktojnë objektiva për reformën në polici, pavarësinë e gjyqësorit dhe ngritjen e një shërbimi civil profesionist dhe luftën kundër korrupsionit”, u shpreh Dirk Lange, drejtor i Komisionit Evropian për vendet kandidate.
Komisioni Evropian insistoi para shoqërive civile të pranishme pikërisht në rolin tepër të rëndësishëm që duhet të luhet në Maqedoni, duke i kërkuar qeverisë ta përfshijë gjithnjë e më shumë në ç‘do proces të vendit. Në takimin që u zhvillua në Bruksel qeverinë e përfaqësonte Xhelal Bajrami, Ministri i Punës dhe i çështjeve sociale.
“Ne shpresojmë se takimi i radhës i këtij lloji do të mbahet në fillim të vitit 2010 në Republikën e Maqedonisë dhe deri atëherë ne si qeveri shpresojmë se do marrim raport pozitiv nga Bashkimi Evropian dhe atëherë roli i këtij komiteti të të përbashkët konsultativ do të jetë edhe më i rëndësishëm për proceset në vazhdim”, deklaroi Xhelal Bajrami, ministër i Punës dhe i çështjeve sociale.
Komiteti i përbashkët konsultativ Maqedoni-BE i shoqërive civile do të mblidhet dy herë në vit për të monitoruar marrëdhëniet mes palëve, si dhe për të nxjerrë rekomandimet që do të duhen të plotësohen nga qeveria për palën e Maqedonisë dhe nga Komisioni, Parlamenti dhe Këshilli i BE-së për palën e unionit.

25 09 2009 ALSAT-M

nga jetaaa Fri Sep 25, 2009 6:04 pm

Mbi 40 nxënës në një klasë

Në vend të 34 nxënësve në një klasë, aq sa parashikohet me ligj, në paralelet shqipe të shkollës fillore “Panajot Ginovski”në lagjen Butel të Shkupit, numri i nxënësve i kalon 40. Prindërit e nxënësve, protestuan sot para objektit shkollor duke kërkuar që klasat me mbi 34 nxënës të ndahen në dy paralele. Ata thonë se me numrin momental të nxënësve, mësimdhënësit nuk mund të realizojnë orën e mësimit, ashtu siç duhet.
“Në qoftë se arsimtari ka 40 fëmijë ai asnjë ‘mirëdita’ nuk mund t’i thotë fëmijut tim e jo të shkojë më tutje. Kjo është kërkesë që numri i fëmijëve të minimizohet aq sa e lejon ligji, kushtet ekzistojnë, është vetëm në pyetje se vallë do të përgjigjen nga kryetari i komunës dhe të na jepet leja që edhe fëmijët tonë të mësojnë si fëmijët tjerë të cilët janë më pak në klasë”, u shpreh prindi Zekerija Aliu.
“Gjendjen e keni parë edhe vet, ndryshe është të punohet me 20 ose 24 nxënës, ndryshe është me 40 nxënës, pasi nga tre nxënës ulen në bankë. Edhe sikur t’i kushtohet nga një minutë nuk ka kohë, pasi ora është 40 minuta. Paralelet dhe klasat ekzistojnë, madje 2-3 klasa janë të mbyllura për shkak të mungesës së ndarjes së paraleleve”, tha Selaudin Hamidi, arsimtar.
Ndërkohë, kërkesës së prindërve, drejtori i shkollës, Dragi Milladinov nuk ishte i disponuar të përgjigjej. Duke tentuar që ti shmangej kamerës ai tha se vetëm respekton ligjin për arsim.“Unë vallë i mbështes? Unë vetëm respektojë ligjin për shkollim fillor dhe asgjë më shumë”, deklaroi Dragi Mlladenov, drejtor i sh.f “Panajot Ginovski”.
Pas një orë proteste para objektit të shkollës, prindërit iu drejtuan komunës së Butelit ku dhe dorëzuan kërkesën për ndarjen e klasave në dy paralele. Prej atje, ata thanë se nuk morën ndonjë përgjigje konkrete përveç një premtimi, se të hënën shkollë do të vëzhgohet nga inspektorati i arsimit, për tu vërtetuar se a bëhet fjalë për numër të tepruar të nxënësve në një klasë, apo jo. Nëse deri të hënën nuk realizohet një gjë e tillë, prindërit kanë paralajmëruar protesta më radikale, bllokim të shkollës dhe protesta para komunës së Butelit.

25 09 2009 ALSAT-M

nga jetaaa Fri Sep 25, 2009 6:06 pm

Kadriu: Të kërkohet përgjegjësi nga hartuesit e enciklopedisë

Profesori të drejtës kushtetuese Osman Kadriu, kërkon tërheqjen absolute nga qarkullimi të Enciklopedisë, për të shmangur çdo mundësi të ekzistimit të saj. Duke e cilësuar fyese dhe një mundësi për ri-ndezje të tensioneve ndëretnike, Kadriu thotë se botimi i ri duhet të jetë radikalisht i ndryshëm nga ai i pari, dhe historinë shqiptare, t’a shkruajnë studiuesit shqiptarë dhe jo maqedonas. ‘Enciklopedia e tashme duhet të jetë jo ekzistuese kjo absolutisht duhet të tërhiqet nga qarkullimi publik. Asesi nuk mund të flasim se do të ketë plotësime dhe ndryshime në një botim ose ribotim të ri meqenëse ne atëherë do të kemi 2 botime, botimi i tashëm i cili do të jetë në qarkullim dhe botimi i ardhshëm sepse edhe nga aspekti metodologjik do të ketë vështirësi të bëhen korrigjime dhe plotësime sepse ato duhet të thirren njëra me tjetrën’, vlerëson Osman Kadriu, profesor i së drejtës kushtetuese
Profesori Kadriu shprehet se në rastin konkret, duhet të ushtrohet procedura për përgjegjësi konkrete, pasi sipas tij, distancimi nuk është zgjidhja e situatës. Kadriu, bën pjesë të fajit edhe vetë qeverinë financuese të projektit
“Përveç këshillit redaktues kanë përgjegjësi objektive edhe vet anëtarët e këshillit meqense për përpilimin e saj punohet më tepër se 5 vjet. Duhet të konstatohet edhe të vërtetohet përgjegjësia konkrete objektive dhe subjektive, në suaza të Akademisë edhe në nivelin e Qeverisë, meqë Qeveria paraqitet si organ ekzekutiv i cili e përdor dhe shfrytëzon buxhetin për përpilimin e një enciklopedie e cila ka sjell përkeqësimin e marrëdhënieve ndëretnike në Maqedoni”, mendon profesori i së drejtës kushtetuese, Osman Kadriu.
Akademikët, studiuesit dhe historianët shqiptarë e dënuan veprën e turpshme, e cila jo vetëm që diskriminonte shqiptarët, por i prezantonte ata me një gjuhë cinike.

25 09 2009 ALSAT-M

nga jetaaa Fri Sep 25, 2009 6:09 pm

SHBA dhe Britania e Madhe: Akademia është tendencioze

Konstatime tendencioze dhe qesharake. Kështu i vlerësojnë nga ambasada amerikane në Shkup pohimet e shkruara në “Enciklopedinë” maqedonase lidhur me trajnimin e ish ushtarëve të UÇK-së nga ana e oficerëve amerikanë dhe britanikë. Ky mision, reagoi sërish edhe pas deklaratës së fundit të kryeredaktorit të “Enciklopedisë” Bllazhe Ristoski i cili tha se amerikanët dhe britanikët duhet të dëshmojnë se cili është realiteti për trajnimin e ish ushtarëve të UÇK-së. “Askush që në interes të parë ka të ardhmen e Maqedonisë, nuk do të lejonte botimin dhe shpërndarjen e këtij libri, në mënyrë që t’i futet rrugës dhe hapave të nevojshëm për të realizuar potencialin e plotë të këtij vendi si një anëtar i qëndrueshëm dhe i begatë të komunitetit transatlantik. Për të arritur këtë qëllim, qeveria e Maqedonisë, e përbërë nga një koalicion që përfshinë partitë më të mëdha etnike maqedonase dhe etnike shqiptare, duhet të vazhdojnë të punojnë së bashku për zbatimin e Marrëveshjes Kornizë të Ohrit dhe të gjitha masat e rëndësishme e reformat, që do të rezultojë në një jetë më të mirë për Maqedoninë për qytetarët e çdo etniteti.”
Ambasada e Britanisë në përgjigjen e saj rreth deklaratës së fundit të akademikut Bllazhe Ristoski thonë se “Kemi bërë të qartë qëndrimin tonë në letrën tonë të përbashkët drejtuar ASHAM-it, dhe ne presim përgjigjen e tyre.”
Në letrën e përbashkët të dy ambasadave asaj Amerikane dhe Britanike dërguar ASHAM-it ndër tjera thuhet. “Ju shkruajmë lidhur me Enciklopedinë e publikuar nga ASHAM-i. Posaçërisht do të dëshironim të tërheqim vërejtjen për konstatimet në këtë botim, që kanë të bëjnë me “trajnimin e 7 mijë ushtarëve të UÇK-së në 2001” nga ana e SHBA-ve dhe Mbretërisë së Bashkuar të Britanisë së Madhe dhe Irlandës së Veriut. Këto pohime janë të pabaza dhe gënjeshtra. Qeveritë tona nuk trajnuar UÇK-në. Jemi të dëshpëruar që Akademia vendosi të publikojë “Enciklopedi” me pohime të tilla të pabaza. Publikimi i këtyre pohimeve të paqëndrueshme e rrënon kredibilitetin e ASHAM-it. Kërkojmë nga ju publikisht t’i tërhiqni këto pohime, thuhet në letrën që ditë më parë ambasadat e SHBA-ve dhe Britanisë i kanë dërguar ASHAM-it.
Zëvendëskryeministri Abdylaqim Ademi deklaratën e fundit të akademikut Ristoski e ka quajtur joserioze dhe kërkoi tërheqjen e plotë të Enciklopedisë.
“Ka një numër më të madh të vërejtjeve dhe si e tillë ajo do duhet të tërhiqet nga përdorimi dhe të ketë një botim të ri i cili do të korrigjojë të gjitha këto vërejtje të dhëna nga opinioni por edhe vërejtje të cilat i japin edhe shkencëtarët dhe historianët shqiptarë. Pa u tërhequr nuk mund të bëhen përmirësime, nuk mund të ketë përmirësime sipërfaqësore edhe ashtu siç deklaron kryeredaktori me një ose dy fjalë do mund të përmirësojmë një gabim të tërë ose me heqjen e dy ose tri faqeve nga enciklopedia”, deklaroi Abdylaqim Ademi, zëvendëskryeministër i Maqedonisë.
Flora Kadriu nga Demokracia e re kërkon që përveç tërheqjes së “Enciklopedisë” nga ASHAM-i të dorëhiqen edhe akademikët shqiptar pasi sipas saj pjesëmarrja e tyre e mëtejshme në Akademi, i jep legjitimitet këtij institucioni.
“DR-ja në parim insistonte që Akademia të kërkojë falje nga shqiptarët, ngase kjo gjë nuk ndodhi andej ne apelojnmë tek akademikët shqiptarë që të distancohen dhe largohen nga akademia sepse vetëm në këtë mënyrë mund ta delegjitimojnë Akademinë, përndryshe me prezencën e tyre ata i japin legjitimitet të plotë kësaj akademie”, u shpreh deputetja Flora Kadriu nga Demokracia e re.
Pas reagimeve të shumta nga subjektet politike, organizatat, intelektualët shqiptarë dhe ambasadat e SHBA-së dhe Britanisë, Akademia vendosi të përmirësojë njësitë kontestuese të “Enciklopedisë” maqedonase, ndërkohë që kryeredaktori i saj Bllazhe Ristoski tha dje se njësitë kontestuese nuk do të tërhiqen por vetëm do të precizohen me disa fjalë. Ndërkohë që Ristoski mbetet në qëndrimin e tij se nga enciklopedia nuk do të largohet, njësia ku thotë se shqiptarët janë ardhacakë.

25 09 2009 ALSAT-M

nga jetaaa Fri Sep 25, 2009 6:12 pm

Parlamenti Evropian harton projekt-rezolutën për vizat

Përveç mbështetjes për heqjen e vizave për Maqedoninë, Malin e Zi dhe Serbinë, Parlamenti Evropian kërkon shkurtimin e kohës për heqjen e vizave dhe për Shqipërinë dhe Bosnjen, por dhe nisjen e dialogut për këtë proces me Kosovën.
Projekt-rezoluta u përgatitit nga raportuesja sllovene Tanja Fajon. Ajo kërkon që Këshilli i BEsë të votojë vetëm një herë për pesë vendet bashkë. Kështu, ndërsa Maqedonisë, Mali të Zi dhe Serbisë pritet tu hiqen vizat në janar të vitit që vjen, për Shqipërinë dhe Bosnjen propozohet të përfshihen në listën e bardhë të Shengenit, me kusht që vizat tu hiqen vetëm ditën kur do të vlerësohet se i kanë plotësuar kriteret. Propozimi synon kursimin e gjashtë muajve kohë procedurash burokratike duke mos lindur më nevoja për propozim të ri të Komisionit e as për votë të dytë nga Parlamenti e më pas nga Këshilli i BEsë.
“Jam dakort me propozimin e Komisionit për të liberalizuar këtë regjim me Maqedoninë, Serbinë dhe Malin e Zi, por në anën tjetër mendoj se është shumë e rëndësishme që tu dërgohet një mesazh i fortë dhe qytetarëve të Shqipërisë dhe Bosnje-Hercegovinës”, deklaroi Tanja Fajon, raportuesja e Parlamentit Evropian për liberalizimin e vizave.
Për Kosovën, vend që nuk ka qenë fare i përfshirë në proces, raportuesja për vizat Tanja Fajon propozon që të mos vonojë nisja e procesit të dialogut për liberalizimin e vizave. Një gjë e tillë duhet bërë, sipas eurodeputetes, pa paragjykuar statusin e vendit që e njohin 22 nga 27 vende anëtare të BEsë, për të mos izoluar për një kohë shumë të gjatë popullin e Kosovës nga popujt e tjerë të Ballkanit.
“Do të doja gjithashtu që të përfshihej Kosova në fazën e duhur të procesit. Do të ishte mirë që edhe kosovarëve tu japim mesazhin se një një moment të caktuar do të përfshihen edhe ata në procesin e liberalizimit të vizave”, deklaroi Fajon.
Ndërsa propozimi për Kosovën është pritur mirë nga Komisioni Evropian, burime konfidenciale rrëfyen se propozimi për Shqipërinë dhe Bosnjen ka krijuar shqetësim. Sipas këtyre burimeve bashkimi i dy vendeve të prapambetura me ato që kanë përparuar më shumë jo vetëm që nuk do të pritej mirë nga ministrat e brendshëm të BEsë, por mund të rrezikojë dhe heqjen e vizave për Malin e Zi dhe Serbinë, vende që nuk i kanë plotësuar ende të gjitha kushtet.
Projekt-rezoluta e Tanja Fajon do të kalojnë për votim brenda disa komisionesh parlamentare gjatë muajit tetor, për tu votuar në seancë plenare më 24 nëntor. Në këtë fushë, Parlamenti Evropian ka vetëm rol këshillimor dhe nuk ndan vendimmarrjen me Këshillin e BEsë. Ky i fundit pritet të votojë sipas interesave të vendeve anëtare në dhjetor të këtij viti. Më pas duhet të kalojë një muaj për përfshirjen në fletoren zyrtare të vendimit dhe heqjen e vizave në janar të vitit 2010, të paktën për Maqedoninë, i vetmi vend i sigurtë deri më sot që i ka plotësuar të gjitha kushtet.

25 09 2009 ALSAT-M

nga jetaaa Sat Sep 26, 2009 11:15 am

Verli: Tezat serbe u bartën në Enciklopedinë maqedone

Edhe përkundër deklaratave të redaktorit kryesor të Enciklopedisë Bllazhe Ristovski se pjesët kontestuese nuk do të tërhiqen por vetëm do të zëvendësohen me disa fjalë shtesë, akademikët shqiptarë Luan Starova dhe Alajdin Abazi presin vendimin e Kuvendit të Akademisë për të vepruar më tej në këtë drejtim, nëse do të mbeten ose jo anëtarë të Akademisë së Maqedonisë. Kjo është deklaruar për ALSAT nga Starova. Akoma nuk ka një njoftim nëse Kuvendi do të mblidhet javën që vjen ndërsa në prononcimin e fundit kryetari i Akademisë Georgi Stardellov tha se Kuvendi do të thirret
atëherë kur anëtarët të kenë marrë Enciklopedinë. Ndërkohë gjatë simpoziumit të albanologjisë në Shkup, u mbështetën tezat e njohura dhe të argumentuara të historiografisë shqiptare, për autoktoninë e popullit dhe kombit shqiptar. Sipas historianit nga Shqipëria, Marenglen Verli, tezat e përfshira në enciklopedinë maqedonase janë teza serbe të cilat janë jo objektive të cilat kanë qenë në shërbim të politikës.
"Me krijimin e shtetit serb një historiografi për fat të keq jo objektive por në shërbim të politikës kanë lançuar teza që kanë të bëjnë me vjetërsinë e shqiptarëve në këto treva, me civilizimin e tyre, me mënyrën se si janë zgjeruar dhe kur janë zgjeruar dhe në të gjitha këto raste është punuar mbi motive politike e jo shkencore. Për fat të keq në mendësinë e disa historianëve maqedonas këto teza u transplantuan në botimin më të fundit të promovuar të enciklopedisë së Maqedonisë. Mendoj që askujt nuk i shërben largimi nga e vërteta, vënia e shkencës në shërbim të politikës apo segmenteve të caktuara të politikës", thekson Marenglen Verli nga Instituti i historisë nga Shqipëria.
Reagimet rreth shtrembërimeve të fakteve për autoktoninë e shqiptarëve vazhdojnë edhe më tej pas publikimit të enciklopedisë maqedonase. Në këtë drejtim nisma e BDK për protesta gjithë popullore ka hasur në mbështetje të fuqishme ndërsa dita e mbajtjes do të publikohet të hënën.

26 09 2009

nga jetaaa Sat Sep 26, 2009 11:18 am

Naumovski: KE vendos për përfshirjen e Enciklopedisë në raport

Zëvendëskryeministri për integrimin evropian, Vasko Naumovski, thotë se duhet pritur raporti i Komisionit Europian në mes të tetorit, për të parë nëse Enciklopedia do të ndikojë ose jo në këtë dokument. “Projekti është rezultat i një debati shkencor dhe akademik prandaj vlerësoj se debati për atë projekt duhet të orientohet në qarqet akademike dhe shkencore. Ne gjithsesi nuk e shkruajmë raportin, ai shkruhet në institucionet e Bashkimit Evropian. Me padurim e presim që të shpallet dhe atëherë do të kemi përgjigjen e kësaj pyetje”, thotë Vasko Naumovski, zëvendëskryeministër për eurointegrime.
Ndërsa ambasadori slloven në Maqedoni, Alan Bergant, deklaron se çështja e enciklopedisë nuk do të ndikojë në raportin e Brukselit.
Por kryetari i Këshillit Euro-atlantik, Llazar Elenovski thekson se enciklopedia paraqet një fatkeqësi që ndodhi në një moment të papërshtatshëm.
“Për fat të keq ajo është një fatkeqësi e cila në kontest të rrethanave të përgjithshme politike është inkurajuar në një far mënyre të dalë ashtu siç doli, flas për pjesët kontestuese nuk dëshiroj të debatoj për të tjerat. Në kontest të kulturës tonë politike, të gjitha partitë politike reaguan ashtu siç reaguan, pra për fat të keq duhet që vetëm pak të ndizet fitili në Maqedoni që të shohim se sa e ndjeshme është shoqëria jonë e në veçanti pjesa politike”, tha Llazar Elenovski, kryetar i Këshillit Evroatlantik.
Subjektet politike shqiptare, intelektualët, shoqëria civile reaguan pas botimit të Enciklopedisë, e cila sipas tyre shtrembëron historinë dhe i fyen shqiptarët.

26 09 2009

nga jetaaa Sun Sep 27, 2009 9:40 am

Ramadani: Gruevski është promotor i enciklopedisë

Botimi i enciklopedisë skandaloze ka tërhequr vemëndjen nga zgjidhja e shumë problemeve si në planin e brendshëm ashtu edhe në atë të jashtëm, vlerësojnë analistët politik. Ismet Ramadani fajtor për këtë bënë kryeministrin Nikolla Greuvski që sipas tij është një ndër promotorët e botimit të enciklopedidë. Ramadani e quan qesharake pretendimin e djeshëm të Gruevskit se gjoja pas reagimeve që dolën lidhur me enciklopedinë qëndrojnë qarqe të caktuara që paraqiten gjithmonë kur vendi ndodhet në momente kyçe për të ardhmen e tij.
“Në këtë situatë kështu të një ambienti politik tejet të tendosur të jepet kështu një deklaratë prej kryeministrit sa është qesharake është edhe shumë indikative dhe defitivisht po dëshmohet ajo se një nga promotorët kryesor të një situatë të këtillë është premieri për faktin se ai pra në të gjitha këto manifestime në thonjëza të cilat krijojnë reagime të kësaj natyre që i kemi këto ditë ai gjithnjë aty është prezent ku promovohet e keqja dhe nëse vazhdon kështu atëherë duhet të krijohet një front një opinion më i gjerë dhe definitivisht të mos ketë edhe më tutje dilemë se kush është kryesori në këto situata të krijuara tejet të palakueshme dhe të padëshirueshme në Maqedoni bile kisha thënë edhe në rajon”, vlerëson analisti Ismet Ramadani.
Ramadani thekson se kjo situatë largon vëmendjen nga ngjarjet tjera në vend siç janë të drejtat e shqiptarëve dhe procesi eurointegrues. Ndërsa analisti Sllobodan Çashule thekson se energjia duhet përqëndruar në zgjidhjen e çështjes së kontestit të emrit me Greqinë, për të cilën mungon një platformë e përbashkët.
“Gjendemi para një sfide edhe më të madhe, ajo është realizimi i integrimit tonë në Evropë, e cila do të sjell deri te standardet tjera në lidhje me të drejtat dhe lirit e njerëzve si dhe ato etnike dhe nuk guxojmë të lejojmë tani të ndërtojmë jobarazi të re kur ballafaqohemi me mungesën e platformës së qartë dhe të pranuar nga të gjithë për negociata me Greqinë që të mund ta heqim atë pyetje nga hipoteka por dhe si pengesë për procesin tone. Nëse vazhdojmë kështu nuk jam optimist se do të arrijmë të bëjmë shumë. Është e vërtetë se një zënkë iracionale dhe e panevojshme sipas meje e tërheq vëmendjen dhe harxhon energjinë që na nevojitet tani që të ballafaqohemi me Greqinë", thekson Sllobodan Çashule, ish ministër i Jashtëm.
Për Sllobodan Çashule zgjidhja e gjithë situatës së krijuar në vend pas publikimit të enciklopedisë është amnistia intelektuale meqë vetëm në rrethana të tilla Maqedonia funksionon si shtet, por Ismet Ramadani thotë se situata do të qetësohej vetëm me tërheqjen e pltoë të enciklopedisë.

nga jetaaa Sun Sep 27, 2009 9:43 am

Ahmeti: Ne nuk do t’i hedhim zjarr benzinës

Kryetari i BDI-së Ali Ahmeti, një ditë pas deklaratës në ‘Klan Kosova’ se përmbajta e enciklopedisë shkel armëpushimin e arritur gjatë viti 2001, sot del me një deklaratë tjetër për uljen e tensioneve. “Ne nuk do t’i hedhim zjarr benzinës”, tha Ahmeti në një intervistë dhënë radios Evropa e Lirë. Ahmeti nuk dëshiron të besoj se pas këtij botimi skandaloz qëndrojnë autoritetet shtetërore, të cilat sipas tij, duhet të prononcohen me qëllim të eliminimit të dilemave të mundshme.
“Nëse qëndrojnë autoritete shtetërore pas kësaj politike, mendoj që është e keqja tre fish më e madhe se sa që ndodhi ky provokacion me Bllazhe Ristovskin, në krye me këshillin e tij redaktues. Për këtë arsye mendoj se autoritetet politike duhet të prononcohen sa i takon këtij shtrimi dhe kësaj paraqitje në Enciklopedinë maqedonase, që ti heqim dilemat qoftë tek komuniteti ndërkombëtar, qoftë tek komuniteti shqiptarë, qoftë te fqinjët tanë si Shqipëria dhe Kosova, që pas këtyre teksteve kaq provokuese dhe kaq përçarëse nuk qëndrojnë autoritetet politike të vendit”, deklaroi kryetari i BDI-së, Ali Ahmeti.
Ndërkohë analisti politik Jeton Shasivari vlerëson se promovimi dhe publikimi i enciklopedisë siç e quan ai pseudo-shkencore ka përkeqësuar situatën politikë të vendit në dy plane, në atë të marrëdhëniet ndëretnike dhe në planin tjetër e proceseve euro-integruese të vendit.
“Kjo pseudo-enciklopedi shkakton urrejtje ndëretnike duke u gërryer themelet e mirëbesimit ndëretnik për të cilin është investuar mjaft pas 2001 e këndej. Plani i dytë ka të bëjë me integrimin euroatlantik të vendit për shkak se kjo pseudo-enciklopedi hap konteste të paqena historike me fqinjët duke përkeqësuar raportet me Tiranën, Prishtinën, Sofjen dhe Athinën por edhe me Washingtonin dhe Londrën, në mënyrë që Maqedonia në vend ti përmirësoj raportet me fqinjët ajo ende i përkeqëson ato gjë që do jetë një element mjaft negativ para Këshillit të ministrave lidhur me rekomandimin e një date lidhur me fillimin e bisedimeve me Brukselin”, theksoi Jeton Shasivari, analist politik.
Shasivari, apelet e VMRO-së për organizimin e debateve apolitike në nivel ekspertësh i vlerëson si mjaft qesharake dhe absurde nga shkaku se sipas tij askund në botë nuk debatohet për falsifikime dhe trillime, por falsifikimet trillimet dhe gënjeshtrat mënjanohen dhe tërhiqen.
“Sa më parë kjo pseudo-enciklopedi duhet të tërhiqet që të krijohen parakushte të duhura për organizimin e një debate hapur shkencorë pozitiv rajonal për të gjitha çështjet e hapura që dekada me radhë kanë qenë nën hipotekën e regjimeve të ndryshme komuniste në këto hapësira”, shtoi Shasivari.
Edhe përkundër reagimeve të shumta që kanë të bëjnë me tërheqjen e enciklopedisë, nga ASHAM-i, nuk lëshojnë pe, por vetëm janë shprehur të gatshëm për ndryshime sipërfaqësore në disa pjesë të enciklopedisë por assesi nuk mendojnë për tërheqjen e saj.

nga jetaaa Sun Sep 27, 2009 9:47 am

Ahmeti: Ristovski e shkeli armëpushimin e 2001-shit

Lideri i BDI-së Ali Ahmeti ka akuzuar akademikun Bllazhe Ristovski se me prezentimin fyes të shqiptarëve në Enciklopedinë maqedone, ka shkelur armëpushimin e 2001-shit në Maqedoni, të arritur para 8 viteve në Ohër.
"Armëpushimin e ka shkelur zotëriu Bllazhe Ristovski. E shkeli armëpushimin si një ushtar i papërgjegjshëm i kombit të vet. Tashmë tetë vite ka armëpushim, i cili u arrit me nënshrkimin e Marrëveshjes së Ohrit", tha Ahmeti për televizionin "Klan-Kosova".

nga jetaaa Sun Sep 27, 2009 10:00 am

RROSH: Tirana e Prishtina, më energjike kundër enciklopedisë

Rjeti i Organizatave Shqiptare (RROSH) konsideron se me fyerjet që iu bën shqiptarëve në Enciklopedinë maqedonase, Akademia e Shkencave dhe e Arteve e Maqedonise nxit urrejtje ndëretnike që do të kenë ndikim në ardhmërinë e Maqedonisë. Kohezioni edhe ashtu i brishtë ndëretnik ne Maqedoni, përsëri është në shënjestër, vlerëson Rrjeti i Organizatave Shqiptare.
“RROSH kërkon me ngulm dhe me të drejtë të plotë, korrigjimin e pjesës së kontestuar nga ana e ekspertëve shqiptar si dhe plotësimin e saj me përmbajtje të reja të cilat do të kishin qenë në funksion të barazisë mes qytetarëve, si parakusht i bashkëjetesës së qëndrueshme në Maqedoni, me kontributin aktiv të studiuesve shqiptarë, pranë kësaj akademie, të cilët duhet të monitorojnë dhe aprovojnë përmbajtjen a ardhshme të enciklopedisë, për të evituar incidente të turpshme si ky i fundit. Çdo përsëritje e trillimeve pas korrigjimit do të konsiderohet si provokim i qëllimshëm”, thuhet në reagim.
“Enciklopedia maqedonase duke shtrembëruar të vërtetat shkencore dhe historike rreth autoktonisë së pjesës së popullit shqiptar që jeton brenda kufijve të Maqedonisë, ka fyer të shqiptarët kudo që jetojnë. Është e palejueshme që historia e popullit shqiptar të shkruhet në mënyrë tendencioze dhe ofenduese, bazuar në të pavërteta dhe trillime. Etiketimi i popullit shqiptar, si “malësor” dhe ardhacak në trojet ku jteon prej më tepër se 25 shekujsh, është marrëzi absolute”, thuhet më tej në reagimin e Rrjetit të Organizatave Shqiptare.
“Nëpërmjet kësaj deklarate shprehim indinjatën tonë të thellë për mos-konsultimin e historianëve dhe intelektualëve shqiptar nga Maqedonia si dhe Akademive në Tiranë dhe Prishtinë rreth çështjeve lidhur me historinë e popullit shqiptar. Ky veprim, ka një ndikim tejet negativ, veçanërisht në vijim të projekteve antishqiptare të kohëve të fundit për përvetësimin e vlerave dhe personaliteteve historike të kombit tonë me rëndësi universale siç janë Skënderbeu dhe Nëna Tereza”.
Rrjeti i Organizatave shqiptare njëkohësisht kërkon nga Tirana dhe Prishtina që të jenë më energjike në mbrojtjen e dinjitetit dhe krenarisë kombëtare të shqiptarëve, ndaj çdo tendence për përdhosje të këtij dinjiteti.

nga jetaaa Sun Sep 27, 2009 10:03 am

Ahmeti: Gruevski të dënojë aktet luftënxitëse të enciklopedisë

Lideri i BDI-së, Ali Ahmeti, vlerëson se prononcimet e deritanishme të kryeministrit Gruevski për enciklopedinë janë të pamjaftueshme. Gjatë një interviste në televizionin ‘Top-Channel’ të Tiranës, Ahmeti tha se Gruevski duhet të dënojë këtë akt luftë nxitës dhe enciklopedia të tërhiqet nga qarkullimi. Ali Ahmeti tha se pret që kryeministri ta ftojë për të diskutuar për enciklopedinë, që e cilësoi si një provokim të ulët nga komuniteti maqedonas, të cilit i takon edhe Gruevski. Më tëj Ahmeti shtoi se duhen marrë të gjitha masat dhe të reagohet në kohë, në mënyrë që situata të mos përshkallëzohet.

nga jetaaa Sun Sep 27, 2009 11:06 am

Gruevski: Enciklopedia i ka fyer shqiptarët

Kryeministri Nikolla Gruevski për herë të parë ka pranuar se Enciklopedia ka fyer shqiptarët e Maqedonisë. I pyetur të komentojë deklaratën e kreut të BDI-së Ali Ahmeti se përmbajtja e Enciklopedisë ka prishur armëpushimin mes shqiptarëve dhe maqedonasve të arritur në vitin 2001, Gruevski tha se në situatën, kur dikush fyhet është mirë që të dyja palët pavarësisht argumenteve, pavarësisht se kush ka të drejtë ose jo apo pavarësisht se kush se si i ndien gjërat duhet që përmes bisedimeve, dialogut, mirëkuptimit dhe respektimit të ndërsjellë të arrijnë tek një zgjidhje e caktuar e problemit. Ndërsa në pyetjen nëse do të takohet me liderin e BDI-së Ali Ahmeti, Gruevski tha se me Ahmetin takohen herë pas here dhe se ky nuk është problem i veçantë për tu takuar.
“Ajo që ndodhi me enciklopedinë është e qartë se i ka fyer shqiptarët në Maqedoni. Në situatën, kur dikush fyhet është mirë që të dyja palët pavarësisht argumenteve, pavarësisht se kush ka të drejtë ose jo apo pavarësisht se kush se si i ndien gjërat duhet që përmes bisedimeve, dialogut, mirëkuptimit dhe respektimit të ndërsjellë të arrijnë tek një zgjidhje e caktuar e problemit.” tha kryeministri Gruevski.

nga jetaaa Mon Sep 28, 2009 3:02 pm

OJQ-të dhe studentët kërkojnë tërheqjen e enciklopedisë

Organizata joqeveritare ‘Realiteti’ kërkon tërheqjen e plotë të Eknciklopedisë maqedonase. Në një tryezë të organizuar me historianë dhe përfaqësues të unioneve studentore u tha se enciklopedia është produkt që do të shpërqendrojë vëmendjen e opinionit nga problemet aktuale me emrin, me qëllim pengimin e integrimit të Maqedonisë në NATO dhe BE.
Kryetari i ‘Realitetit’, Valon Bela tha se nuk duhet korrigjuar vetëm ca fjalë, por enciklopedia të rishkruhet nga fillimi me pjesëmarrjen edhe të shqiptarëve.
“Vetë masiviteti i reagimeve vendore dhe rajonale tregon se kemi të bëjmë me një punë shumë më të madhe se sa dy tri fjalë. Kur i shtohet kësaj edhe reagimet e ambasadave kjo do të thotë se vihet në pikëpyetje se shteti ynë qëllim parimor e ka procesin e integrimeve euroatlantike apo fshihet ndonjë plan rezervë këtu”, deklaroi Bela.
Historiani Vebi Xhemaili tha se enciklopedia është kopjuar nga akademia serbe. Duke u bazuar në fakte historike ai thotë se shqiptarët janë populli më i vjetër në Ballkan.
“Kur bëhet marrëveshja e Skënderbeut në Shkup fare nuk përmenden maqedonasit, por vetëm shqiptarët. Këtu fare nuk ka figuruar as emri maqedonas e as shteti Maqedoni, por ky territor ka qenë gjithmonë territor i popullatës shqiptare dhe ndryshe është quajtur Shqipëria Lindore”, deklaroi Xhemaili.
Nga shoqata joqeveritare ‘Realiteti’ paralajmërojnë protesta të qeta në të ardhmen për të rikujtuar edhe njëherë institucionet e vendit por edhe akademinë se një botim i tillë nuk i duhej Maqedonisë në momentet kur ajo gjendet përpara vlerësimit për demokracinë në vend dhe procesin e integrimit euroaltantik.

nga jetaaa Mon Sep 28, 2009 3:04 pm

Boshkovski paralajmëron skandal të ri qeveritar

[size=14] Partia “Të bashkuar për Maqedoninë” e Lube Boshkovskit, ka akuzuar Qeverinë dhe kryeministrin Nikolla Gruevski, se thirrja publike e Ministrisë së Transportit dhe Lidhjeve për ndarjen e koncesioneve për modernizim dhe udhëheqje me sistem e ri të pikave pagesore, në 5 rrugët më të frekuentuara në Maqedoni, është skandal i rangut të njëjtë sikurse ai i OKTA-s. Qeveria para një jave ka shpallur tender për dhënien nën koncesion të akseve kryesore në Maqedoni.
“Pas disa tenderëve të pasuksesshëm për ndërtimin e infrastrukturës rrugore në territorin e vendit, Qeveria është kujtuar se si ti mbajë në arkën e partisë miliona eurot. ‘Të Bashkuar për Maqedoninë’ seriozisht është e brengosur se nën hijen e investimit më të ri të huaj, një nga bizneset më të reja, do të përfundojë në firmë të afërt me partinë ose familjen”, deklaroi Lube Boshkovski, kryetar i partisë “Të bashkuar për Maqedoninë”.
Akuza e partisë së Boshkovskit janë hedhur poshtë nga VMRO DPMNE. Në reagimin e partisë së Gruevskit thuhet se, “Lube Boshkovski si vazal i Branko Cërvenkovskit me sukses i zbaton urdhrat e shefit të tij”.
Ndërsa sipas Agjencisë për rrugë shtetërore, akuzat e partisë së Lube Boshkovskit nuk kanë aspak lidhje me realitetin. Sipas kësaj Agjencie, projekti qeveritar parasheh ndërtimin e një sistemi të ri pagesor për mbledhjen e taksës rrugore në Korridorin 10.

[/size

nga jetaaa Mon Sep 28, 2009 3:06 pm

Haliti: Për largimin eventual të BDI-së nga qeveria, vendosë vetë Ahmeti

Situata e krijuar pas publikimit të Enciklopedisë maqedonase dukshëm ka ndikuar në marrëdhëniet ndëretnike si dhe në marrëdhëniet mes partnerëve të koalicionit qeveritar. Por, për largimin eventual të BDI-së nga ekzekutivi fjalën e fundit e ka lideri i kësaj partie Ali Ahmeti. Kështu shprehet nënkryetari i kësaj partie, Rafis Haliti, sipas të cilit për situatën e krijuar do të debatohet në organet kryesore të partisë.
“Gjithsesi se vet ajo që u nxor si një enciklopedi e cila më pak merret me shkencë më tepër është marr me politik ditore gjithsesi se nuk ka reflektuar mirë edhe tek qytetarët e Maqedonisë edhe në koalicionin qeveritar. Sa i përket braktisjes së koalicionit gjithsesi se ato vendime i merr kryesia qendrore, kuvendi qendror, por fjalën e fundit çdoherë e ka lideri i BDI-së, Ali Ahmeti. Nëse ai nesër thotë se duhet të lëshohet koalicioni, funksionarët e BDI-së, deputetët gjithsesi se e përkrahin në këtë drejtim çdoherë ia kanë dhënë dhe ia japin përkrahjen, kryetarit të partisë. Zatën edhe statuti i BDI-së kompetencat e plota në këtë drejtim ia jep kryetarit Ali Ahmeti”, deklaroi Rafis Haliti, nënkryetar i BDI-së.
Haliti vlerëson se kjo që ndodhi me publikimin e enciklopedisë nuk i nevojitej aspak Maqedonisë pikërisht tani kur duhej përqendrimi në zgjidhjen e kontestit rreth emrit me Greqinë. Sipas tij akademia ka punuar në interes të dikujt tjetër e më së paku në interes të qytetarëve të Maqedonisë.
“Për mua parashtrohet një pyetje krejt tjetër, për kë ka punuar Akademia e Shkencave gjatë këtyre viteve, ose pse në këtë moment shpalos enciklopedinë me aq të pavërteta qoftë për historinë e Maqedonisë, qoftë për historinë e shqiptarëve në Maqedoni. Por gjithsesi se parashtrohet pyetja në interes të kujt është që Akademia e Shkencave në këtë rast të ndikon në prishjen e marrëdhënieve ndëretnike të ndikon me ato të pavërteta të krijon një ambient jo të volitshëm për Maqedoninë”, shtoi Haliti.
Edhe përkundër mesazheve të Ahmetit të dërguara së fundi edhe nga në Tirana se pret ftesë nga Gruevski që të debatohet rreth enciklopedisë, nga BDI-ja thonë deri tani nuk kanë marrë asnjë sinjal për takim nga ana e Gruevskit. Kryeministri dje pranoi se shqiptarët janë fyer me enciklopedinë, por ai vet nuk u distancua nga ky botim i Akademisë që shkaktoi reagime jo vetëm nga shqiptarët edhe nga përfaqësuesit ndërkombëtar.

nga jetaaa Mon Sep 28, 2009 3:08 pm

DR, memorandum për distancim nga enciklopedia

Demokraci e Re e Imer Selmanit përmes një memorandumi për mirëkuptim kërkon nga presidenti i shtetit Gjorge Ivanov dhe kryeministri Nikolla Gruevski, që të distancohen publikisht nga elementet ofenduese të enciklopedisë. DR-ja kërkon nga gjitha faktorët politik shtetëror dhe partiak që ti marrin të gjitha masat ligjore për tërheqjen e enciklopedisë dhe sanimin e gjendjes së krijuar.
“Ftojmë të gjitha forcat përparimtare në vend që ia duan të mirën shtetit të përbashkët shumë etnik Maqedonisë, Maqedonisë anëtare e NATO-s dhe BE, deputetëve, ministrave e funksionarëve qofshin ato pjesëtarë të kombit maqedonas, shqiptar, turk apo të tjerë që të përkrahin dokumentin, memorandumin e propozuar nga DR me të cilën në mënyrë eksplicite dhe paekuivoke kërkohet distancomi, kërkesa për tërheqje dhe të kërkuarit falje nga populli shqiptar nga kryeministri Nikolla Gruevski, kryetar i shtetit Ivanov dhe gjithë faktorëve pozitar dhe opozitar në Maqedoni”, deklaroi deputeti i DR-së Besim Dogani.

nga jetaaa Mon Sep 28, 2009 3:11 pm

Protesta kundër enciklopedisë, BDI nuk ka vendosur për pjesëmarrje

Bashkimi Demokratik Kombëtar të enjten do të protestoj kundër përmbajtjes së enciklopedisë maqedonase e cila fyen shqiptarët dhe historinë e tyre. Kryetari i BDK-së Hysni Shaqiri tha se shpreson që protesta do të mbështetet edhe nga partitë tjera politike, përfshirë edhe BDI-në.
“Aliu më ka thënë se i mbështeti, tashi dëgjoj se është distancuar, ku qëndron krejt ajo se këtu ka pas një prononcim jo të Aliut por të njerëzve të tij në Radio Shkupi dhe thonë se nuk i mbështesin protestat. Tash ku është qëllimi ata më së miri e dinë. Por me rëndësi është se ne kemi dashur ta mbulojmë turpin e tyre që e kanë bërë deri më tash për vetveten dhe gjithë popullin shqiptar”, deklaroi Hysni Shaqiri, kryetar i Bashkimit Demokratik Kombëtar.
Por nga partia e Ahmetit thonë se për mbështetjen ose jo të protestës do të vendos kryesia e partisë ndërsa nga Demokracia e Re thonë se kontestet duhet të zgjidhen në rrugë institucionale.
“Nuk kemi debatuar në organet e partisë për iniciativat e këtilla të partive opozitare, gjithsesi se për gjithçka do të meret vendimi në organet partiake”, u shpreh Rafiz Haliti, nënkryetar i Bashkimit Demokratik për Integrim.
“Koncepti ynë është që ne t’i zgjedhim problemet e popullit dhe jo problemet tua lëmë barë popullit dhe populli t’i zgjidh ato. Ne jemi zëri i popullit dhe në këtë drejtim çdo ditë artikulojmë revoltën e popullit, pra revoltën e tij. Revolta shqiptare në këtë rast është në baza reale, është shumë e arsyeshme dhe vjen si konsekuencë e papërgjegjësisë së qeverisë”, tha Besim Dogani, deputet i Demokracis së Re.
Ndërkohë kryetari i BDK-së, Shaqiri paralajmëron se protesta do të jetë e qetë dhe demokratike. Ndërkohë sa i përket deklaratës së Pandeli Majkos për ndezjen e flamurit shtetëror të Maqedonisë, drejtuesit e BDK-së thonë se protesta nuk ka për qëllim ndezjen e flamurit edhe pse Shaqiri tha se sikur të ndodh një gjë e tillë, ky akt do të ishte shumë më pak i dëmshëm se sa ai që Akademia ua bëri shqiptarëve.
“E tash ajo mund të ndodh, ne kryesorja është që mbajmë vijën e drejtë dhe protestat do të jenë demokratike dhe paqësore me një karakter shumë të arsyeshëm. E tash nuk mund të jetë më e keqe, ajo që tha në deklaratë zoti Majko, se sa i është bërë popullit shqiptar dëm me enciklopedinë e cila fund e krye është një pamflet i memorandumit të Vaso Çubrolloviçit.
“Ne si organizatorë në skenarin tonë nuk kemi paraparë të ndezim flamurin e as diçka tjetër. Ne nuk përjashtojmë mundësinë që dikush nga protestuesit në një gjendje emocionale të trazuar ta bëjë atë vepër, që është individuale”.
Marshi i protestave do të niset të mërkurën në orën 14 nga lagja e Çairit dhe do të vazhdoj deri para qeverisë ku edhe do të qëndrojnë protestuesit.

nga jetaaa Mon Sep 28, 2009 3:13 pm

Studentët shqiptarë do të protestojnë kundër enciklopedisë

Edhe studentët janë shprehur kundër falsifikimeve që janë bërë në enciklopedinë e publikuar nga Akademia e Shkencave dhe Arteve të Maqedonisë. Me këtë rast nën organizimin e Shoqatës për mbrojtjen dhe afirmimin e identitetit shqiptarë në Maqedoni “Ylliricim Libertas”, dhe nën përkrahje të plotë të unioneve të studentëve të të dy universiteteve në Tetovë USHT-së dhe UEJL-së, të mërkurën në ora 12 do ketë organizohet një marsh protestues.
”Kjo enciklopedi përmban një numër të madh të fakteve të falsifikuara historike dhe interpretime krejtësisht të gabuara për të kaluarën e afërt dhe më të largët të kombit shqiptar. Duke i pasur parasysh gjithë këto fakte shoqata për mbrojtjen dhe afirmimin e identitetit kombëtar Illyricim libertas në bashkëpunim të plotë me dy unionet studentore të UEJL-së dhe USHT-së organizon një marsh protestues me moton “Jo falsifikimit të historisë shqiptare, jo pseudoenciklopedisë”, deklaroi Valon Kurtishi nga orginizata Illyricum Libertas.
Mbështetjen e tyre e konfirmuan edhe dy Unionet e studentëve të USHT-së dhe UEJLsë, të cilët përveç përkrahjes që dhanë bënë apel edhe për përkrahje në protestën e të mërkurës.
”Në emër të unionit të studentëve të UEJL i japim përkrahje të plotë këtij marshi protestues është absurde që me teza të trilluara dhe antishkencore të akademikëve maqedonas të tentojnë të manipulojnë dhe shtrembërojnë faktet historike”, tha Agon Ferati, kryetar i Unionit të studentëve të UEJL-së.
“Parlamenti studentor i USHT-së do ta mbështesë iniciativën e OJQ Ylliricum Libertas për të protestuar kundër enciklopedisë Maqedonase e cila ka përgënnjeshtruar historinë e shqiptarëve”, tha Armend Shaqiri, përfaqësues i Parlamentit studentor të USHT-së.Protesta do fillojë në orën 12 nga Universiteti I Evropës Juglindore për të përfunduar në Sheshin Liria në Tetovë.

nga jetaaa Wed Sep 30, 2009 2:45 pm

Akademia tërhoqi nga shitja Enciklopedinë 'problematike'

Akademia e Shkencave dhe e Arteve e Maqedonisë ka tërhequr nga shitja Enciklopedinë maqedonase dhe në një afat sa më të shkurtër kohor do ti korrigjoj pjesët kontestuese që kanë të bëjnë me raportet dhe lidhjet mes maqedonasve dhe shqiptarëve, për shqiptarët e Maqedonisë, Ali Ahmetin, Nënën Terezë, UÇK-në dhe luftën në Maqedoni. Kryesia e Akademisë obligoi redaksinë që përmirësimet e apostrofuara t’i bëjë në bashkëpunim me akademikët shqiptar dhe shkencëtarët e tjerë të bashkësive etnike jo shumicë.
Ky është konkluzioni kryesor i mbledhjes së kryesisë së Akademisë së Shkencave dhe Arteve të Maqedonisë. Kryesia e Akademisë do të thërrasë edhe një mbledhje të jashtëzakonshme të Kuvendit në të cilin do të vendoset për përgjegjësinë e anëtarëve të redaksisë të kryesuar me Bllazhe Ristevskin.
“Kryesia e ASHAM-it shfaqi brengosje të thellë për faktin se Enciklopedia e parë maqedonase shkaktoi reagime dhe debate të ashpra dhe të padëshiruara, që u bënë shkas për tensione të reja ndëretnike në Maqedoni, si dhe shkas për një sërë pakënaqësish, animozitete dhe reagime. Kryesia e ASHAM-it distancohet dhe shfaq brengosjen për pasaktësinë eventuale dhe të paqëllimshme të përmbajtjes së botimit të parë promovues të Enciklopedisë maqedonase dhe e bind opinionin maqedonas dhe ndërkombëtar se të njëjtat do të korrigjohen, pa bërë me këtë rast ndonjë rishikim të fakteve historike dhe pa irrituar emocionet kolektive të bashkësive që janë pjesë e Maqedonisë moderne”, thuhet në komunikatën e Akademisë.
Kryesia e saj vlerëson se Akademia si institucion i lartë shkencor në Maqedoni në asnjë moment nuk ka qenë antishqiptare dhe as që ka prejudikuar ksenofobi në raport me bashkësitë etnike në Maqedoni. Kryesia e Akademisë së Shkencave dhe Arteve i hedh poshtë përpjekjet e pashembullta për delegjitimimin e saj si institucion i lartë shkencor dhe shpreh keqardhjen për formulimet jo përkatëse që disa autorë të teksteve kanë shprehur ndaj ambasadave të SHBA-së dhe Britanisë së Madhe.
Akademia ka shprehur gjithashtu gatishmërinë që përmes dialogut shkencor me të gjithë shkencëtarët në Maqedoni të trajtoj të gjitha problematika të caktuara si dhe të gjitha çështjet e tjera për të cilat ekziston interes shkencor.

nga jetaaa Wed Sep 30, 2009 2:47 pm

Ivanov përshëndeti tërheqjen e Enciklopedisë

Presidenti i Maqedonisë, Gjorge Ivanov ka përshëndetur iniciativën e Akademisë së Shkencave dhe Arteve të Maqedonisë për tërheqjen dhe përpunimin e Enciklopedisë.
“Ka shkencë dhe politikë, por politikë në shkencë nuk duhet të ketë. Shkenca duhet të ndërtohet në bazë të fakteve dhe në të mos të përzihen kontradiktat e politikës ditore’ është shprehur Ivanov në një njoftim për shtyp. Sipas tij, në një shtet demokratik gjithkush duhet të mbajë përgjegjësinë për veprimet e bëra, politikanët në politikë ndërsa shkencëtarët për shkencën. Kreu i shtetit i ka bërë thirrje gjithë qytetarëve që në të ardhmen së bashku të dëshmojmë në vepër traditën e bashkëjetesës, respektit dhe tolerancës, pasi sipas tij kjo është begatia më e madhe që ka Maqedonia.

nga jetaaa Wed Sep 30, 2009 2:49 pm

Ahmeti ka kërkuar largimin e Ristovskit nga redaktori i enciklopedisë

Kryeministri Nikolla Gruevski gjatë takimit me kryetarin e BDI-së, Ali Ahmeti ka kundërshtuar pjesët e Enciklopedisë ku fyhen shqiptarët dhe pjesët tjera kontestuese të cilat prishin marrëdhëniet në Maqedoni dhe raportet me fqinjët dhe miqtë ndërkombëtar. Këtë sot e kanë bërë të ditur burime të BDI-së dhe VMRO-DPMNE-së brenda Qeverisë. Mësohet se Ahmeti gjithashtu ka kërkuar nga Gruevski mbështetjen e tij për largimin e Bllazhe Ristovskit, meqë ai nuk ka më kredibilitet të nënshkruhet si redaktor kryesor i Enciklopedisë. Ndërkohë që zëvendëskryeministri Abdylaqim Ademi thotë se zhvillimet e fundit rreth enciklopedisë nuk kanë ndikuar në raportet mes partnerëve të koalicionit qeveritar dhe kjo sipas tij është konfirmuar edhe në takimin e ndjeshëm Gruevski-Ahmeti. Vlerësime të ngjashme kanë dhënë edhe përfaqësues të lartë të VMRO-DPMNE-së.
“Sigurisht se momentet e tilla, publikimet e dokumenteve kaq të rëndësishme të cilat ndikojnë në raportet ndëretnike krijojnë atmosferë të palakmueshme në funksionimin e institucioneve, por ne jemi të bindur se me një dialog konstruktiv, me argumente do të arrijmë ta përballojmë si shoqëri këtë situatë të krijuar dhe do të mund të funksionojnë të gjitha institucionet në mënyrë normale”, theksoi zëvendëskryeministri Abdylaqim Ademi.
Ndërkohë Ademi thotë se situatat e këtilla nuk do të përsëriteshin sikur Akademia t’i qasej një reformimi të thellë të saj.
‘Ky moment, ky projekt tregon qartë që atje duhet bërë reforma thelbësore dhe këto reforma të mbështeten nga gjitha institucionet dhe gjitha subjektet politike. Reformimi i këtij institucioni do të nënkuptonte miratimin e një ligji ose shqyrtimin e ligjit aktual dhe strukturimin e brendshëm të ASHAM-it’, shtoi Ademi.
Edhe VMRO-DPMNE-ja janë pajtuar me faktin se përmbajtja e enciklopedisë ka shumë mangësi, meqë metodologjia e saj është mjaft konfuze pasi nuk janë përdorur burime relevante. Nga VMRO-DPMNE vlerësojnë se takimi mes Ahmetit dhe Gruevskit nuk ka qenë i vonuar meqë komunikimi mes BDI-së e VMRO-DPMNE-së ka qenë i vazhdueshëm dhe në nivel të lartë.

nga jetaaa Wed Sep 30, 2009 2:51 pm

Analistët: Enciklopedia ngjalli nacionalizëm

Analisti Zharko Trajanovski thotë se zjarri nacionalist i cili u ndez me promovimin e enciklopedisë së parë maqedonase ishte i mbështetur edhe nga vetë kryeministri Nikolla Gruevski. Sipas Trajanovskit, nëse enciklopedia nuk do të ishte mbështetur nga kryeministri dhe Gruevski e Ahmeti të ishin takuar më herët, atëherë ky zjarr do të lokalizohej shumë shpejt.
“U vu një zjarr nacionalist, dhe gjithmonë është më mirë që zjarret të pengohen apo të shuhen në fillim dhe jo të pritet që zjarri të marrë hov dhe piromanët të fillojnë ta zaptojnë skenën. Sa i përket rastit duhej të reagohej shumë më shpejt, por mendoj se problematike ishte ajo që ata që e ndezën zjarrin ishin të promovuar nga vetë kryeministri. Bëhej fjalë, do të thosha për një projekt të dështuar, etno-nacionalist i cili për fat të keq ishte i mbështetur në fillim nga ana e kryeministrit. Nëse kjo nuk do të ndodhte, mendoj se zjarri do të lokalizohej më shpejt”, deklaroi Zharko Trajanovski, analist politik.
Ndërsa analisti Rizvan Sulejmani, vlerëson se politika nuk duhet të vihet në rolin e zjarrfikësve, por sipas tij duhet të hartohet një strategji që të pengojë situata të tilla.
“Nuk kërkohet që politika, por edhe shkenca edhe opinioni ta trajtoj ose të vihet në funksionin e zjarrfikësit. Është ndezur një zjarr dhe ne duhet shpejt e shpejt ta shuajnë. Por kjo kërkon një qasje strategjike që nënkupton se idetë e tilla duhet përgjithmonë të eliminohen nga Republika e Maqedonisë. Këtu është çështja, se a do të ulen Ahmeti dhe Gruevski dhe do të dalin me një deklaratë të përbashkët, nuk mjafton, sepse megjithatë kreatorët e kësaj politike, aq më tepër nuk është hera e parë që dali me projekte të tilla. E dini se nga ky institucion në vitin 2001 doli me një projekt,. Do të thotë se bërthama e kësaj ideje politike nuk është eliminuar dhe ajo funksionon në këtë institucion”, u shpreh analist politik, Rizvan Sulejmani.
15 ditë pas promovimit të Enciklopedisë Maqedonase, që solli një sërë reagimesh brenda dhe jashtë vendit, partnerët e koalicionit qeveritar, Gruevski dhe Ahmeti u ulën dhe biseduan me qëllim për të tejkaluar tensionet që shkaktoi kjo enciklopedi.

nga Sponsored content

Rajon

Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon

Re: Rajon