Re: Botë

nga *lissa* Wed Jan 06, 2010 6:04 am

Obama diskuton përforcimin e masave kundër terrorizmit

Presidenti Obama tha se organet e zbulimit kishin
informacione rreth një sulmi të mundshëm terrorist ndaj objektivave
amerikanë. Por ai tha se askush nuk vuri në vijë të gjitha të dhënat.

“Qeveria amerikane pati informacion të mjaftueshëm për të zbuluar
komplotin dhe mundësisht për të penguar sulmin në ditën e
Krishtlindjeve. Por organet e zbulimit dështuan në këtë pikë.”
Ai tha se organet e zbulimit duhet dhe do të punojnë më mirë, duke
thënë se flitet për jetë amerikanësh. “Do ta pranoj se zbulimi për nga
vetë natyra është jo i përkryer. Por po qartësohet gjithnjë e më shumë
se informatat nuk u analizuan tërësisht. Kjo është e papranueshme dhe
nuk do të toleroj.”
Presidenti foli pas një takimi të gjatë me pjesëtarë të rëndësishëm
të kabinetit dhe drejtues agjencish të përfshira në aspekte të ndryshme
të aviacionit dhe anti terrorit.
Ai tha se ata shikuan rezultatet e dy studimeve që ai kishte
urdhëruar menjëherë pas tentativës terroriste: një rishikim i
procedurave të kontrolleve nëpër aeroplanë dhe një tjetër rreth listët
së kompjuterizuar qeveritare të individëve që mund të përbëjnë rrezik.
/VoA/

nga *lissa* Wed Jan 06, 2010 6:05 am

Asnjë i burgosur i Guantanamos më në Jemen

SHBA nuk do të transferojë më në vendlindjet e tyre
jemenas që ndodhen në kampin e të burgosurve në Guantanamo. Këtë e bëri
të ditur Presidenti i SHBA-së Barack Obama si konsekuencë nga tentativa
për sulm në një avion në Detroit.

Anëtarë të rrjetit terrorist El Qaeida në Jemen kishin marrë
përsipër organizimin e sulmit që dështoi. Obama theksoi se njëkohësisht
është i vendosur në synimin e tij që kampi i Guantanamos të mbyllet sa
më shpejt të jetë e mundur.
Gati gjysma e rreth 200 të burgosurve në kampin në Kubë janë me prejardhje nga Jemeni. /DW/

nga *lissa* Wed Jan 06, 2010 6:06 am

Mbyllet aeroporti, lëngu i dyshimtë del mjaltë

Në një aeroport të Kalifornisë u ndërpre trafiku ajror për shkak të një lëngu të dyshimtë në një valixhe.

Autoritetet pastaj mësuan se lëngu ishte vetëm mjaltë.
Zyrtarët thanë se shishet fillimisht dolën pozitive në testet për
TNT, dhe dy nga rojet u sëmurën pasi u ekspozuan ndaj tyre. Më pas,
kontrolli vërtetoi se përbërja nuk ishte e dëmshme.
Zyrtarët thanë se hetuesit po përpiqen të përcaktojnë nëse në mjaltë
ose në valixhe ka pasur ndonjë substancë tjetër që ka shkaktuar
keqkuptimin.

nga *lissa* Sat Jan 23, 2010 6:51 am

SHBA-Rusi, bisedime produktive mbi çarmatimin

Botë - Faqe 3 F.0123135555640_m

Shtëpia
e Bardhë tha se negociatorët amerikanë dhe rusë kanë zhvilluar bisedime
produktive për të arritur një marrëveshje të re mbi çarmatimin
bërthamor. Moska dhe Washingtoni po përpiqen të hartojnë
paktin që do të zëvendësojë marrëveshjen e arritur në vitin 1991 dhe që
përfundoi në dhjetorin e kaluar, të njohur me shkurtesën START.
Shtëpia e Bardhë tha se James Jones, këshilltari për siguri
kombëtare i presidentit Obama dhe shefi i shtabit të ushtrisë
amerikane, admirali Mike Mullen zhvilluan bisedime dy ditore me dyer të
mbyllura me kolegët e tyre rusë në Moskë. /REL/

nga *lissa* Sat Jan 23, 2010 6:51 am

Obama kërkon shpjegime nga Kina

Grindjet
amerikano - kineze për internetin vazhdojnë të ashpërsohen. Presidenti
amerikan Barack Obama foli i shqetësuar për sulmet pirateske të bëra
nga Kina kundër koncernin amerikan Google.
Presidenti
amerikan tha se pret shpjegimet përkatëse nga Kina, shpjegoi një
zëdhënës i Shtëpisë së Bardhë. Ministria e Jashtme amerikane bëri ndër
të tjera të ditur se midis diplomatëve amerikanë dhe atyre kinezë janë
mbajtur takime për të diskutuar për sulmet në internet.
Në një fjalim të mbajtur në Washington, ministrja e Jashtme
amerikane Hillary Clinton i kërkoi firmave të internetit në SHBA që t`i
kundërvihen rregullave të censurës të vendosura nga regjimet autoritare
në botë.
Një zëdhënës i ministrisë së Jashtme në Pekin deklaroi se SHBA-ja
duhet të pushojë së shfrytëzuari të ashtuquajturën liri në internet,
për të bërë fajësime të padrejta të Kinës. Një gazetë shtetërore e
kritikoi Clintonin për "imperializëm informativ". /DW/

nga *lissa* Sat Jan 23, 2010 6:52 am

Biden në Bagdad për inkurajim të pajtimit

Botë - Faqe 3 F.0123135919121_m

Zv/presdienti
amerikan, Joe Biden, ka zhvilluar bisedime në Bagdad me udhëheqës të
lartë irakianë dhe të OKB-së në përpjekje për të zgjidhur një
mosmarrëveshje që kërcënon zgjedhjet parlamentare në mars. Më
shumë se 500 kandidatë, midis tyre disa sunitë të njohur, janë
skualifikuar nga listat pas dyshimeve se janë besnikë të partisë Bath
të nxjerrë jashtë ligjit, ish parti e Sadam Huseinit. Shumica e
shiitëve që dominojnë qeverinë janë kundër rehabilitimit të ish
bathistëve.
Korrespodenti i BBC-së në Bagdad thotë se ndërsa vizita e zotit
Biden mund të mos sjellë rezultate të dukshme, ai do të bëjë të qartë
dëshirën e Washingtonit që zgjedhjet të sjellin pajtim kombëtar, kështu
që trupat amerikane të fillojnë tërheqjen në një situatë të qëndrueshme
në vend. /BBC/

nga *lissa* Sat Jan 23, 2010 6:52 am

Ngrihet shkalla e paralajmërimit prej terrorit në Britaninë e Madhe

Në Britaninë e Madhe u ngrit shkalla e paralajmërimit prej terrorit. Këtë e bëri të ditur ministri i Brendshëm Alan Johnson. Ai
nuk përmendi arsye konkrete për vendimin për të shpallur shkallën e
dytë më të lartë të alarmit dhe tërhoqi vëmendjen tek qendra e analizës
për terrorizmin. Ajo vëzhgon gjendjen e përgjithshme të kërcënimit dhe
i shpreh rekomandimet mbi bazën e disa faktorëve.
Sipas raporteve të medieve britanike, ngritja e shkallës së
paralajmërimit nga terrori nga „i konsiderueshëm“ në „serioz“ do të
thotë që „me shumë gjasa“ një sulm terrorist është i afërt. Megjithatë,
Johnson e hodhi poshtë këtë vlerësim. /DW/

nga *lissa* Sat Jan 23, 2010 6:52 am

Paneli për klimën pranon gabimin për Himalaje

Informacioni
se akujt e Himalajeve do të mund të shkrihen deri në vitin 2035 është
“një gabim për të ardhur keq”, tha Raxhendra Paçauri. Paçauri,
drejtuesi i panelit të Kombeve të Bashkuara për klimën, tha se gabimi
është rrjedhojë e mosndjekjes së procedurave gjatë analizës së
situatës. Ky element përfshihej dhe në arsyetimin e dhënies së çmimit
Nobel për Paqe për panelin në vitin 2007.
Paçauri theksoi se në raportin për ngrohjen globale mundësia për
gabime të tjera ishte minimale për të mos thënë e pamundur. /REL/

nga *lissa* Sat Jan 23, 2010 6:53 am

Haiti i jep fund operacioneve të kërkimit

Botë - Faqe 3 F.0123140319171_m

OKB
ka bërë të ditur se qeveria në Haiti ka deklaruar se operacionet e
kërkimit tani kanë përfunduar, 11 ditë pas tërmetit që shkatërroi
vendin. Autoritete të OKB-së thonë se 132 vetë janë nxjerrë të gjallë
nga gërmadhat, dy të fundit të premten. Përpjekja kryesore
do të drejtohet tani në rindërtimin e infrastrukturës së shkatërruar të
vendit. Disa tenda gjigande janë ngritur në disa zona të kryeqytetit,
Port au Prince.
Më herët, disa artistë të famshëm në botë morën pjesë në një
aktivitet për mbledhje fondesh për viktimat. Shfaqja e titulluar
"Shpresë për Haitin" u drejtua nga aktori amerikan George Clooney, i
cili tha se haitianët kishin nevojë të dinin se nuk ishin vetëm. /BBC/

nga *lissa* Tue Feb 16, 2010 9:53 am

Ukrainë: Janukovic jep betimin më 25 shkurt

Parlamenti i Ukrainës do të emërojë me 25 shkurt në postin e
presidentit fituesin e zgjedhjeve, Viktor Janukovic.

Deputetët
vendosën me një shumicë prej 238 votash që politikani i njohur si pro
rus të japë betimin me këtë datë.
Janukovic fitoi më 7 shkurt zgjedhjet presidenciale të balotazhit
kundër kryeministres Julia Timoshenko.
Timoshenko nuk ka pranuar humbjen e saj dhe ka paralajmëruar se këtë
të martë do të ngrejë padi zyrtare kundër rezultatit të ngushtë
zgjedhor. /DW/

nga *lissa* Tue Feb 16, 2010 9:54 am

Biden kritikon Cheney për çështjet e sigurisë

Nënpresidenti amerikan, Joe Biden tha se ish nënpresidenti
Dick Cheney ose është i keqinformuar ose po keqinformon publikun në
kritikat e tij ndaj vendosmërisë së administratës Obama për të luftuar
terrorizmin.

Në një intervistë që i dha televizionit, Biden
tha se Cheney po përpiqet të rishkruajë historinë.
Ish nënpresidenti Cheney vazhdon të jetë kritiku kryesor republikan i
politikave të presidentit Obama për sigurimin kombëtar. Chaney ka thënë
se presidenti Barack Obama pretendon se Shtetet e Bashkuara nuk janë
luftë me terroristët dhe se për pasojë amerikanët janë më pak të sigurt.
Por sipas nënpresidentit Biden, Shtetet e Bashkuara kanë patur më
tepër sukses në asgjësimin e udhëheqësve të al-Qaidës gjatë
administratës Obama se sa gjatë viteve kur në Shtëpinë e Bardhë ishin
presidenti George Bush dhe nënpresidenti Cheney.
Biden tha se forcat amerikane kanë eliminuar 12 nga të 20 udhëheqësit
kryesorë të al-Qaidës. /VoA/

nga *lissa* Tue Feb 16, 2010 9:54 am

Kryeministri izraelit në Rusi për çështjen bërthamore të Iranit

Kryeministri izraelit, Benjamin Netanyahu ndodhet në Rusi
ku pritet të kërkojë sanksione ndëshkuese ndaj Iranit lidhur me
programin e tij të debatueshëm bërthamor. Netanyahu mbërriti në Moskë
sot herët dhe do të takohet me presidentin Dmitri Medvedev dhe
kryeministrin Vladimir Putin për bisedime rreth programit bërthamor
iranian.

Kryeministri izraelit pritet të ushtrojë presion
ndaj udhëheqësve rusë për të hequr dorë nga planet për ti shitur Iranit
teknologji kundër raketave. Netanyahu tha të dielën se duhet vendosur
trysni e fuqishme ndaj Iranit, që të detyrojnë atë vend të ndalojë
pasurimin e uraniumit, proces i cili mund të përdoret për prodhimin e
armëve bërthamore.
Javën e kaluar, ai bëri thirrje për sanksione të rrepta dhe të
menjëhershme ndaj Iranit. Irani e konsideron Izraelin një armik kryesor,
dhe presidenti iranian Mahmoud Ahamdinejad ka bërë thirrje që Izraeli
të fshihet nga harta. /VOA/

nga *lissa* Tue Feb 16, 2010 9:55 am

20 të vdekur si pasojë e një aksidenti hekurudhor në Belgjikë

Si pasojë e përplasjes mes dy trenave në afërsi të
Brukselit sipas njoftimeve të mediave humbën jetën sot të paktën 20
njerëz dhe u plagosën shumë të tjerë.

Kështu njofton kanali
televiziv belg VRT i cili citon kryetarin e bashkisë së qytetit Halle ku
ka ndodhur aksidenti.
Në stacionin hekurudhor 15 kilometra në jugperëndim të kryeqytetit
belg ka ndodhur përplasja mes dy trenave rajonalë. Si pasojë është
ndërprerë përkohësisht qarkullimi i trenave edhe në vijat e gjata si ajo
mes Brukselit dhe Parisit.
Shkaqet e fatkeqësisë nuk dihen ende. /DW/

nga *lissa* Tue Feb 16, 2010 9:55 am

Perëndimi dënon Iranin për gjendjen e të drejtave të njeriut

Përfaqësuesit e disa vendeve Perëndimore shprehën
shqetësime rreth gjendjes me të drejtat e njeriut në Iran, sidomos pa
zgjedhjeve të kontestuara presidenciale të vitit të kaluar.

Kritikat
u bënë në mbledhjen e Këshillit për të Drejtat e Njeriut të OKB-së në
Gjenevë.
Shtetet e Bashkuara e dënuan shtypjen e dhunshme të protestuesve, dhe
thanë se Irani duhet t'i ndërpresë gjykimet pas zgjedhore, dhe t'i japë
fund keqtrajtimit të gazetarëve.
Kanadaja tha se Irani duhet ta pezullojë dënimin me vdekje kundër të
miturve dhe gjithashtu kundër të burgosurve politikë. /rel/

nga *lissa* Tue Feb 16, 2010 9:56 am

Libia ndalon vizat për evropianët, përveç britanikëve

Një zyrtar libian thotë se Libia nuk po u jep më viza
udhëtimi shtetasve të Bashkimit Evropian, përveç atyre nga Britania.
Zyrtari i paidentifikuar nuk dha arsye për pezullimin e vizave dhe
qeveria libiane nuk ka bërë komente zyrtare për këtë njoftim.

Agjencia
e lajmeve Reuters thotë se Ministria e Jashtme italiane e ka konfirmuar
vendosjen e kësaj mase. Gazeta libiane Oea thotë se ndalimi i vizave
mbulon zonën e Shengenit, e cila përfshin gjithashtu edhe vendet
jo-anëtare të BE-së, Zvicrën, Islandën dhe Norvegjinë.
Ky vendim pason masën e marrë kohët e fundit nga Zvicra për të mos
lejuar futjen e 188 libianëve në territorin e vet.
Libia dhe Zvicra janë bllokuar në një mosmarrëveshje diplomatike
lidhur me ndjekjen penale të dy biznesmenëve zviceranë nën akuzat për
praktika të jashtëligjshme biznesi dhe thyerjen e afatit të vizës.
Të dy ata u ndaluan disa ditë pasi Hanibal Gadafi, djali i
udhëheqësit libian Moamar Gadafi, u arrestua në Gjenevë nën akuzat se
kishte keqtrajtuar një punonjës.
Akuzat u hodhën poshtë më pas, por Libia u përgjigj me një numër
masash hakmarrëse, duke ndërprerë furnizimet me naftë për Zvicrën dhe
duke tërhequr depozitat nga bankat zvicerane. /VoA/

nga *lissa* Tue Feb 16, 2010 9:56 am

NYT: Arrestohet komandanti i lartë taliban Mullah Baradar

Sipas së përditshmes New York Times, komandanti i lartë
ushtarak taliban është zënë në Karaçi të Pakistanit, në një ndërhyrje të
fshehtë të forcave të inteligjencës së Shteteve të Bashkuara dhe
Pakistanit.

Duke cituar zyrtarë qeveritarë amerikanë, New
York Times, raporton se komandanti taliban, Mullah Baradar, gjendet në
arrest në Pakistan dhe ai po merret në pyetje nga inteligjenca amerikane
dhe pakistaneze.
Gazeta e përshkruan Mullah Baradarin si numrin dy të talibanëve, pas
Mullah Muhamed Omarit, ndihmësit të Osama bin Ladenit.
Një zëdhënës i talibanëve e ka hedhur poshtë raportin, duke thënë se
Mullah Baradar është ende në Afganistan, duke organizuar në mënyrë
aktive aktivitetet ushtarake dhe politike të grupit.
Shtëpia e Bardhë dhe CIA kanë refuzuar të japin komente lidhur me
raportin, ndërsa Pentagoni nuk ka pasur koment të menjëhershëm.
Lajmi për këtë arrestim arriti në periudhën e ofensivës së shkallës
së gjerë të NATO-s kundër bazës së talibanëve në provincën Helmand në
Afganistan, e cila hyri në ditën e katërt. /REL/

nga *lissa* Tue Feb 16, 2010 9:56 am

Sauditët kanë rezerva ndaj sanksioneve mbi Iranin

Ministri i jashtëm i Arabisë Saudite ka hedhur dyshime mbi
efektin e mundshëm që mund të kenë sanksionet mbi Iranin rreth programit
të tij bërthamor.

Princi Saud al-Faisal deklaroi këtë në
një konferencë të përbashkët me sekretaren amerikane të shtetit, Hillary
Clinton.
Ai tha se kërcënimet që përbën Irani kërkonin masa më të shpejta se
sa sanksionet.
Sanksionet, tha ai përbëjnë një zgjidhje afatgjatë por situata
aktuale sipas tij ka nevojë për zgjidhje më të menjëhershme.
Princi saudit nuk e bëri të qartë se çfarë strategjie sugjeronte ai
mirëpo tha se përpjekjet e amerikanëve për të spastruar Lindjen e Mesme
nga armatimi bërthamor do të duhej të përfshinin edhe Izraelin. /BBC/

nga *lissa* Tue Feb 16, 2010 9:57 am

Clinton: Njoftimi për pasurim – lëvizje provokuese e Iranit

Sekretarja amerikane e Shtetit, Hillary Clinton, e vlerësoi
si “lëvizje provokuese” informatën e Iranit dërguar Agjencisë
Ndërkombëtare për Energji Atomike, për pasurimin e uraniumit në shkallë
më të lartë.

“Tash Irani e ka informuar Agjencinë
Ndërkombëtare për Energji Atomike se do të fillojë prodhimin e uraniumit
të pasuruar në shkallë më të lartë. Ky njoftim është lëvizje provokuese
në kundërshtim të rezolutave të Këshillit të Sigurimit të Kombeve të
Bashkuara. Qeveria e Iranit e di se kjo rrezikon krijimin e më tepër
jostabiliteti rajonal dhe do të rezultojë me izolim në rritje”, tha
Clinton, në një konferencë për shtyp në Rijad të Arabisë Saudite.
Më tutje, ajo theksoi se Shtetet e Bashkuara “po punojnë aktivisht me
partnerët rajonalë dhe ndërkombëtarë” për të përgatitur dhe
implementuar masa të reja për ta bindur Iranin që ta ndryshoj kursin e
tij. /REL/

nga *lissa* Tue Feb 16, 2010 9:57 am

Sërish viktima civile nga sulmet e ISAF-it në Afganistan

Trupa mbrojtëse ndërkombëtare ISAF vrau sërish gabimisht
civilë në jug të Afganistanit.

ISAF njoftoi se gjatë një
sulmi nga ajri të kryer në krahinën Kandahar u vranë pesë dhe u plagosën
dy njerëz.
Po ashtu mësohet se sulmi nuk ishte pjesë e ofensivës "Mushtarak" në
krahinën fqinje Helmand. Atje të dielën sipas të dhënave të ISAF-it, u
vranë 12 civilë të pafajshëm.
Një raketë e lëshuar kundër talibanëve kishte përfunduar gabimisht në
një shtëpi banimi. /DW/

nga *lissa* Tue Feb 16, 2010 9:57 am

Maoistët vranë 24 policë gjatë një sulmi në Indi

Maoistët vranë 24 policë gjatë një sulmi mbi bazën policore
në lindje të Indisë, lajmëruan sot disa persona zyrtarë. Paraprakishtë
është lajmëruar se në sulmin e djeshëm ka pasur 17 viktima, por në
bazën, e shndërruar në fushëbetejë të vërtetë, u gjetën edhe shtatë
kufoma.

Rreth 20 kryengritës në motoçikleta hapën zjarr mbi
policinë dhe hedhën bomba, me ç’rast erdhi deri te zjarri në bazën
Shilda, që gjendet në rreth 170 kilometra në jugperëndim të Kalkutës,
kryeqytet i shtetit Bengali Perëndimor.

Në bazën, në momentin e sulmit, ka pasur rreth 100 policë dhe pjesëtarë
të forcave të sigurisë.

Ky është sulmi më i madh i maoistëve mbi forcat indiane të sigurisë që
nga korriku i vitit të kaluar, kur pjesëtarët e kësaj guerile ekstreme
majtiste vranë 30 policë gjatë dy sulmeve të ndara në shtetin fqinjë
Çatisgar.

Tetorin e kaluar 17 policë u vranë në perëndim të vendit. /Makfaks/

nga *lissa* Tue Feb 16, 2010 9:58 am

Ahmadinejad: Kush do vërë sanksione, do të pendohet

Presidenti i Iranit, Mahmoud Ahmadinejad, bëri të ditur se
negociatat rreth propozimit për shkëmbimin e uraniumit po vazhdojnë. Ai
tha se vendet që do të përpiqen të vendosin sanksione të reja mbi Iranin
do të pendohen për veprimet e tyre.

“Nëse dikush do të
veprojë kundër Iranit, përgjigjja jonë nuk do të jetë si në të kaluarën
kur ne kemi reaguar me këshilla dhe shpjegime. Ne do të përgjigjemi me
reciprocitet dhe do të pendohen”, tha Ahmadinejad.
Kombet e Bashkuara i kanë ofruar Teheranit ta pasurojë uraniumin në
një vend të tretë, duke adresuar shqetësimet e Perëndimit se Irani synon
prodhimin e armëve bërthamore.
Sekretarja amerikane e Shtetit, Hillary Clinton në Xhedah të Arabisë
Saudite e quajti Iranin “mbështetësin më të madh të terrorizmit në
botë”. Ajo shtoi se qëllimi nuk është vetëm të kemi një Iran pa armë
bërthamore, por gjithë rajonin e Lindjes së Mesme pa armë bërthamore.
/REL/

nga Sponsored content