Microsoft Office 2010 vjen në pranverë

Në ngjarjen e fundit të javës së kaluar Microsoft Open House në New York, Robbie Bach, president i divizionit të quajtur Entertainment and Devices, ishte pak më specifik duke dhënë më shumë detaje për versionin e ri të paketës Office, përkatësisht versionit të ri të kësaj pakoje – Office 2010.

Para pak kohësh, kompania Microsoft pati thënë se versioni i ri i Office 2010 do të vijë në gjysmën e vitit të ardhshëm, ndërsa në këtë ngjarje Z.Bach tha: Versioni i ri i Office do të vijë gjatë pranverës, dhe ju do të mund ta shihni atë”.

Versioni i ri i Office do të vjen me disa opsione: pesë versione të Office 2010 për klientë, Office Web Apps i cili i dedikohet shfletuesve për desktop dhe telefona mobil, Office Starter 2010, dhe përfundimisht lëshohet edhe versioni i ri i Office Mobile.

Atë që e dimë tashmë është se versioni i ri për telefona mobil do të emërohet Office Mobile 7, dhe do të lansohet në të njëjtën kohë me Windows Mobile 7.