Office 2010 del ne internet

Në Microsoft sigurisht tanimë kanë hequr dorë nga tentimi i gjetjes së fajtorit për publikimin në internet të çfarëdo softueri i cili ende nuk ka dalë zyrtarisht. E njëjta gjë ka ndodhur edhe me versionin e radhës të paketës së Microsoft për zyre – Office.

Në internet, apo më saktësisht në rrjetet peer-to-peer (P2P), ka rrjedhur versioni më i ri i Office 2010 beta, me emërtim të plotë të versionit 14.0.4514.1009. Paketa e aplikacioneve gjatë instalimit kërkon numër serik, derisa supozohet se pranon edhe numrin të cilin ua ka dorëzuar personave të përfshirë në testimin e versionit Office 2010 Technical Preview.

Versioni publik eksperimental i paketës së re të aplikacioneve për zyre Office 2010 do të duhej të paraqitej zyrtarisht në internet gjatë javës së ardhshme, mirëpo siç supozohet, disa përdorues nuk kanë mundur të durojnë më.

E sa i përket versionit përfundimtar të softuerit Office 2010, ai do të duhej të paraqitej gjatë pranverës së vitit të ardhshëm.

Një milionë shkarkime të Microsoft Office 2010 beta


Microsoft ka konfirmuar se versioni eksperimental i paketës së re softuerike Microsoft Office 2010 ka arritur shifrën prej një milionë shkarkimesh vetëm gjatë dy javëve pas paraqitjes zyrtare në konferencën “ Professional Developer Conference” të mbajtur në Los Angeles të SHBA-ve.


Sipas informatave të fundit Microsoft do ta paraqes versionin e plotë të kësaj pakete Office në qershor të vitit 2010 dhe atë në gjashtë versione të ndryshme: Starter, Home and Student, Home and Business, Standard, Professional dhe Professional Plus.

Versioni aktual eksperimentues është Microsoft Office 2010 beta është Professional Plus, dhe kjo nënkupton se në të janë përfshirë të gjitha funksionalitet e mundshme të cilat paketa Office mund të ofrojë.

Nëse jeni të interesuar ta provoni versionin eksperimental të Microsoft Office 2010, atë mund ta shkarkoni nga faqja zyrtare e internetit.