Nxënsat tanë dhe lënda fetare...!!!

nga NoOrA Sun Oct 11, 2009 6:12 am

Dr. Shefqet Krasniqi
Para dy tri dite shkova në njëren nga shkollat fillore të Prishtinës për ta takuar kujdestarën e vajzës sime dhe për tu interesuar për notat dhe sjelljet e saj, me mua ishte edhe një mik i imi i cili më shoqëronte. Pasi u futëm në shkollë dhe pritëm pakë. Ra zilja filluam nxënësit te dalin duke shpejtuar nëpër shkallët e shkollës, ngapak duke u shtyer mes veti se cili po zbret më shpejt dhe duke bërë zhurëm. Përnjëherë mu kujtua ajo periudh kur edhe unë isha nxënës si ata, sesi edhe ne mezi prisnim të binte zilja e të dalim jashtë në pushim. Pastaj duke i shikuar ata nxënës të bukur, të shëndosh po mendoj me vete e po i them shoqëruesit tim: Në këto shkollat tona – kisha për qëllim filloret- mësohet shumë çka, por nuk i mësojnë për din, për fe, këka fëmijë janë ardhëmira e popullit tonë, ardhmëria e këtij vendi, si mundë të jetë një shoqëri e shëndosh kur në krye të saj janë të pa fetë?! Çfarë mëkati kanë këta fëmijë që nuk ua mësojnë fenë dhe edukatën fetare, si është e kapshme për kokën e një njeriu të shëndosh me mendje në kokë, që më të dashurve tanë, më të shtrenjtëve t’ju mësojmë llojë llojë shkence e dije, por asnjëher mos tua mësojmë se kush është krijuesi i tyre , cila është feja e tyre, si duhet të sillen ndaj atij krijuesi, çfar obligimesh kanë ndaj tij e shumë e shumë gjëra tjera të cilat nuk ua mëson askush tjetër pos lëndes fetare?! Thënë ndryshe si mundë të pranojmë që fëmijëve tanë tua pasurojmë trurin me dije, por jo edhe shpirtin?! A mos vallë jemi ende duke jetuar nën hijen dhe ndikimin e “komunizmit” gjegjësisht gjurmëve të markësiszmit i cili nuk njeh fe e as Zot?! Apo i kemi kaluar ato faza dhe tashmë jemi pjesë e një bote të re e cila asnjëher nuk e anashkalon fenë dhe rolin e saj në shoqëri?! Ditën e nesërme shkova serish në të njejtën shkollë për një fëmijë tjetër dhe pasi pash një nxënëse mjaft të zhveshur i thash: pse o moter je zhveshur kështu?! Ajo me një shoqe që ishin bashkë më thënë: “a hoxh je ti?! A kanë me futë fenë nëpër shkolla”? Ju thash: po, inshallah. Ato thanë: o Zot sa mirë inshallah sa më shpejt. Shumë u merzita dhe u pikllova ngase mu lidhë me atë ngjarjen e një dite të më hershme dhe po them në veti: sa mëkat që këta fëmijë nuk e mësojnë fenë nëpër shkolla. O Zot a mendojnë ata përgjegjës politikë për shkollimin e bijve dhe bijave tona se kanë për të vdekur dhe neser kanë për të dalë para Allahut e Ai ka për ti pyetur për këtë neglizhencë ndaj fesë së Allahut, a thua çka do ti thonë Allahut xh.sh. ata njerëz?! Cila është arsyeja që ministria e arsimit nguron të fusi lëndën fetare nëpër shkolla?! Bindjet ateiste, komunsite- siç e ceka më lartë-, mos njohja e parime të fesë rrespektivisht mos dija e tyre sesa ndikim të madh pozitivë ka feja në formimin e individit, apo mos vallë ekzistonë ndonjë presion i jashtëm – e që nuk e besojë asnjëherë se është i vërtet- i cili i ndalon liderët tanë ta marrin një vëndim të tillë, apo ndonjë arsye tjetër që ndoshta ne nuk e dimë?! Pyetje këto të cilat është shumë me rëndësi liderët tanë t’ia paraqesin vetës së tyre, po edhe elektorati tua paraqes atyre liderëve politikë të cilët nga vota e prindëve të atyre nxënësve janë ulur në ato karrige. Më vien turp ta kujtoj se edhe Rusia – si djep ateizmi- ka futur lënden fetare nëpër shkolla, se lëre më shtetet evropiane demokratike të cilat asnjëher nuk e kanë luftuar dhe nuk kanë qenë kundër fesë,ndërsa vendi im në vend se të krenohet e mburret me këtë fe që e ka , e tju tregoj të tjerëve se çfarë shoqërie jemi ne, atyre sikurse ju vjen marre të identifikohen me këtë fe se lëre më të punojnë me të, apo ta fusin nëpër shkolla.
Sido që të jetë çështja është shumë e pa kuptueshme, e pa zgjidhur, fëmijët po na rriten, po marrin poste të ndryshme në shtet , po vinë gjenerata të reja, po mundohemi të kontribojmë në shumë gjëra, por për fe asgjë deri më tani. Natyrisht ne si besimtarë nuk guxojmë ti humbim shpresat asnjëher, pra mbesim me shpresë se edhe kjo deshirë e këtij populli, e këtyre prindërve dhe atyre nxënsëve do të realizohet sa më shpejt, inshaAllah.