Marovic: Mali i Zi ka pranuar realitetin në Kosovë

Marovic: Mali i Zi ka pranuar realitetin në Kosovë


Zv/kryeministri
malazez, Svetozar Marovic ka deklaruar se do të donte sikur Beogradi të
tregonte durim, ndaj Podgoricës me rastin e vendosjes së marrëdhënieve
diplomatike me Kosovën dhe ka porositur që më qenësore është se çfarë
do të thotë për pavarësinë e Kosovës Gjykata Ndërkombëtare e Drejtësisë
në Hagë.



Marovic është i bindur se emërimi i ambasadorëve
nuk do të shkojë më shpejt se përmbushja e kushteve të cilat janë të
njohura për fqinjët në Prishtinë dhe ka përsëritur se Mali i Zi do të
rishqyrtojë vendimin për njohjen e pavarësisë së Kosovës nëse GJND e
shpall pavarësinë e Kosovës të paligjshme.
“Mali i Zi nuk e ka prodhuar pavarësinë e Kosovës. Ajo vetëm ka
pranuar realitetin”, ka thënë Marovic për shtypin e Beogradit. Marovic
thotë se e kupton zemërimin e Beogradit, mirëpo "vendimi i Malit të Zi
nuk ka mundur të ndryshojë statusin e Kosovës, por ka mundur të
rrezikojë interesat e tij në integrimet euroatlantike”.
“Prandaj pres që të na kuptojnë në Beograd", ka thënë Marovic, i
cili më herët ka përsëritur se personalisht është kundër vendosjes së
marrëdhënieve diplomatike me Kosovën para se GJND të shpallë verdiktin
e saj. /QIK/