Përse kollitemi?

nga <ErtA> Sat Jan 02, 2010 2:54 pm

Përse kollitemi?

Përse kollitemi, mos vallë kollitja paralajmëron ardhjen e sëmundjes? Specialisti i sëmundjeve të gjoksit në qendrën spitalore Anadolu, Doç. Dr. Kemal Tahaoğlu, pohoi se kollitja është një refleks i cili mbron mushkëritë.
Duke theksuar se kollitja është një nga mekanizmat mbrojtës të sistemit respirator, Dr. Kemal theksoi se me anë të të kolliturit ndalohet hyrja në trup e trupave të panjohur nëpërmjet rrugëve të frymëmarrjes dhe gjithashtu realizohet hedhja jashtë e tyre. Ai theksoi gjithashtu se kollitja është sinjalizuese e shumë sëmundjeve dhe në lidhje me këtë dha këta të dhëna:

Për cilat sëmundje na sinjalizon kollitja?
Pneumoni, tuberkulozi, sëmundja kronike obstruktive e mushkërive( KOAH), sëmundje të gurmazit, kancer i mushkërive dhe dobësim të zemrës. Kollitja akute në shumicën e rasteve rrjedh nga të ftohurit ose nga infeksionet e rrugëve të sipërme të frymëmarrjes. Elementë të tjerë më të shpeshtë të cilët shkaktojnë kollitjen janë alergjitë, rrjedhjet kronike të hundës, sinoziti, azma, bronshiti kronik dhe të kolliturit alergjik. Nëse bashkë me kollitjen akute shfaqet temperature, sekrecione me ngjyrë të errët dhe dhimbje gjoksi atëherë këta mund të jenë shenjat e një pneumonie.

Kur duhet të kontaktojmë mjekun nëse kemi pak kohë që kollitemi?
Nëse i sëmuri nxjerr sekrecione me ngjyrë jeshile, të verdhë apo të bardhë, ose nëse kollitja vazhdon më shumë se 21 ditë dhe bashkë me të shfaqet temperaturë apo nëse bëhet fjalë për sekrecione me gjak, atëherë duhet medoemos të kontaktoni mjekun.

A ka lidhje kollitja me të sëmurët nga stomaku?
Një nga tre shkaqet më të shpeshta të kollitjes kronike është reflu-ja. Bashkë me kollitjen tek i sëmuri shenja si djegie e stomakut, shija e hidhur e gojës që janë shenja të reflu-së nuk shfaqen gjithmonë.

Çfarë sjell kollitja?
Pas të kolliturit mund të shfaqen marrje mendsh, përzierje në stomak dhe të vjella. E kollitura gjithashtu mund të bëhet shkak i thyerjes së brinjës, shkëputje muskulare, thyerje në kockën e belit, pnomotoraks( mbledhje e ajrit në mes të shtresave të mushkërive), mosmbajtje të urinës.

përgatiti: Aisa Kaduku Kokiçi