Ekonomi

BE, në rrezik 40 milionë vende pune

Një pezullim i parakohshëm i masave te stimujve mund te vonojë më disa vite ripërtëritjen e punësimit në vendet e Bashkimit Evropian.




Është ky alarmi i dhënë nga Organizata Ndërkombëtare e Punës, e cila ka saktësuar se qe nga marsi i vitit 2008 ne vendet e BE janë humbur 6.1 milionë vende pune.

Sipas ONP, nëse nuk merren masat e duhura dhe nëse aplikimi i tyre shtyhet me tej, atëherë 40 milionë persona në kontinentin e vjetër mund te dalin nga tregu i punës.

Përmirësohet tregu i punës në SHBA

Tregu i punës në Shtetet e Bashkuara te Amerikës është përmirësuar ndjeshëm gjate muajit nëntor.



Tregu i punës në Shtetet e Bashkuara te Amerikës është përmirësuar ndjeshëm gjate muajit nëntor.

Kështu tregojnë të dhënat statistikore te entit për punësimin, sipas te cilit treguesi i punësimit në muajin e kaluar është rritur me 90.8 pikë, nga 89.2 që ishte në tetor.

Sipas te njëjtit burim, qe citohet nga mediat amerikane, në bazë vjetore treguesi është në rënie me 9.4 për qind.

Kriza financiare globale, ndikon edhe tek çmimet Nobel

Çmimet e famshme Nobel mund të varfërohen, si pasojë e efekteve të krizës financiare. Fondacioni, që jep çmimet prestigjoze, mund të detyrohet që të zvogëlojë shpërblimin financiar për fituesit, për të kursyer fonde





Oslo, 7 dhjetor - Çmimet e famshme Nobel mund të varfërohen, si pasojë e efekteve të krizës financiare. Fondacioni, që jep çmimet prestigjoze, mund të detyrohet që të zvogëlojë shpërblimin financiar për fituesit, për të kursyer fonde.

Këtë paralajmërim ka bërë drejtori i fondacionit Nobel, Mikael Solman, që saktësoi se për këtë vit, çdo fitues do të marrë rreth 1 milionë euro, siç është tradita. Solman bëri të ditur, se këto dy vjet, fondacioni ka humbur një të pestën e fondeve të investuara.

Në Britani të punësuarit heqin dorë nga fitimi

Përafërsisht dy milionë britanikë pranuan që t'u zvogëlohen pagat dhe u pajtuan që të punojnë me gjysmë orari të punës, me qëllim që ta parandalojnë humbjen e vendeve të punës, publikoi gazeta londineze




Gazeta thekson se "masat e këtilla dëshpëruese" thonë se të ardhurat qeveritare nga tatimet e pagave do të zvogëlohen për një të pestën dhe se shteti do të ballafaqohet me deficitin më të madh buxhetor gjatë paqes.

Pritet që ministrat së shpejti do ta konfirmojnë deficitin prej 180 miliardë funta, që është ekuivalent me buxhetet e plota të shëndetësisë dhe arsimit. Supozohet se edhe në vitin e ardhshëm në Britani të Madhe pagat do të ngrihen.

Forcimi i dollarit në treg ul çmimin e arit me 65 $/onc




Të dhënat pozitive mbi ekonominë kanë çuar edhe në forcimin e dollarit amerikan, i cili ka shënuar një rritje në kursin e këmbimit. Vlerësimi i menjëhershëm ka sjellë edhe uljen e çmimit të arit, i cili shënoi një rënie me mbi 65 $ apo 5 %, duke u kuotuar në 1.161 $/onc.

Aspak leht, drejt digjitalizimit Kalimi prej radio difuzionit analog në atë digjital nuk është punë e lehtë. Për këtë nevojiten përgatitje gjithëpërfshirëse dhe kosto të larta për fazën përgatitore dhe atë implementuese

Ka përmbyllur punimet konferenca “Koha e digjitalizimit”, kur për dy ditë janë prezantuar strategjitë për transmetimin digjital në Kosovë dhe rajon. Në ditën e dytë është diskutuar për përgatitjet e Kosovës për kalimin e transmetimit analog në atë digjital, si dhe për mundësitë e bashkëpunimit lidhur me alternativat e planit frekuentor.
Kryetarja e Bordit të AMPEK-ut, Afërdita Saraqini-Kelmendi, tha se konferenca ka dhënë shumë për të mësuar mbi përvojën e fqinjëve në fushën e digjitalizimit. “Tranzicioni prej radio difuzionit analog në atë digjital nuk është një proces i lehtë, por i zorshëm dhe i përcjell me përgatitje të mëdha e gjithëpërfshirëse, si dhe me kosto të mëdha, qoftë në fazën përgatitore ashtu edhe në atë implementuese.

Mirëpo Kosova në rrugën e vet të digjitalizimit sfidohet edhe me probleme të tjera dhe ngjashëm si në fushat e tjera, dallohet nga të tjerët në rajon me vështirësitë e saja shtesë, përplot me sfida, të cilat jo rrallë i shtrohen Kosovës edhe me qëllim”, tha Saraqini-Kelmendi.

Ajo tha se deri në vitin 2015, kur pritet të fiken frekuencat analoge, ka kohë që të bëhen përgatitjet e nevojshme për digjitalizim.
“Jemi në fillet e përgatitjes për digjitalizim, prej këtij momenti e deri në momentin kur do duhej të fiken frekuencat analoge kemi kohë. Pra kemi hapësirë për të punuar dhe për të bërë më të mirën në aspektin e përgatitjeve, por edhe të implementimit”, tha ajo.
Sipas Saraqini – Kelmendi, më problematikja për Kosovën është jopjesëmarrëja në ITU. “Si dhe nuk kemi marr pjesë në konferencën e ITU-së në vitin 2006 ku është përcaktuar plani frekuentor digjital për vendet e rajonit, ndërkohë që Kosova ka mbetur jashtë këtij plani digjital për t’i përmbushur nevojat e veta”, tha Saraqini-Kelmendi.
Emil Blakaj, ekspert për planifikimin frekuentor, ka prezantuar planin për alternativat teknike për planin frekuentor digjital të Kosovës sipas standardeve të UNT-së, duke theksuar se ky plan duhet përpunuar me vendet fqinje para se të shkojë në ITU për aprovim.
“Ne e kemi një analog, një pjesë që është sjell nga Gjeneva 2006. Ne deshëm ta ndërrojmë atë e ta ndajmë në tre pjesë. Ndarja në tre pjesë, do të mundësonte të fitojmë më shumë frekuenca, të cilat do ta mbulonin gjithë Kosovën”, tha Blakaj.

Nafta, drejt rënies

Çmimi i naftës në bursën e Nju-Jorkut sot përsëri shënoi rënie, dita e tretë me radhë për shkak të presionit nga rezervat e mëdha të këtij energjensi në SHBA.



Çmimi i naftës së "lehtë" amerikane për dërgesë në janar sot në bursën e Nju-Jorkut u zvogëlua për 87 centë dhe shitej për 75,59 dollarë për barel.
"Brent" nafta europiane në bursën e Londrës në të njëjtën kohë u lirua për 59 centë dhe shitej për 77,77 dollarë për barel.
Në bursë sot u shënua ulje e çmimeve edhe të energjensave tjerë dhe në indekset e bursave për shkak të raportit të ardhshëm për shkallën e papunësisë në SHBA.
Analisti nga ndërmarrja konsultante "Petromatriks", Olivie Zhakob tha se "papunësia nuk është e mirë për konsumimin e naftës. Nevojitet që njerëzit të shkojnë në punë, të vozisin automobila dhe të shpenzojnë të holla nëpër qendrat tregtare".
Ekonomia amerikane doli nga recesioni, por tregu për fuqinë punëtore akoma nuk është rimëkëmbur. Analistët parashohin se raporti do të tregojë se në nëntor pa punë në SHBA kanë mbetur rreth 130.000 njerëz, ndërsa në tetor ky numër ka arritur 190.000

Maqedonia dhe Turqia zhvillojnë bashkëpunimin ekonomik

Maqedonia dhe Turqia kanë mundësi të shkëlqyera për bashkëpunim të cilat mund të shfrytëzohen që të zhvillohet bashkëpunimi ekonomik i cili për momentin vlerësohet si modest.



Stamboll, 6 dhjetor - Angazhimet e Turqisë janë këmbimi i tanishëm tregtar prej 330 milionë dollarëve shumë shpejt të zmadhohet në një miliardë. Baza për bashkëpunim është vendosur me Marrëveshjen për tregti të lirë në mes dy vendeve, ndërsa si mundësi të zhvillimit të bashkëpunimit theksohen biznes-forumet.

Kjo u theksua në Biznes-forumin e Turqisë dhe Maqedonisë në Stamboll në të cilin janë të pranishëm rreth 200 kompani.

Forumi mbahet në kuadër të vizitës së kryeministrit Nikolla Gruevski në Turqi i cili së bashku me kolegun e tij Rexhep Taip Erdogan do të mbajnë fjalim para ekonomistëve.

"Marrëdhëniet e mira politike në mes dy vendeve nuk i ndjekin edhe ato ekonomike. Qëllimi ynë është shumë shpejt këmbimi të arrijë një miliardë dollarë", theksoi në Forum Taner Turker, zëvendës-kryetari i Biznes këshillit të Turqisë dhe Maqedonisë.

Ai shtoi se Maqedonia ka bashkëpunim të mirë ekonomik me fqinjët dhe se Turqia duhet të japë përpjekje që ta arrijë këtë nivel. Sipas tij, Maqedonia e paraqet rrugën tregtare të Turqisë deri në Evropë.

Zmadhimi i këmbimit tregtar dhe bashkëpunimi i përbashkët dhe bashkëpunimi me vendet e treta, sipas drejtorit teknik të Drejtorisë për tregti të jashtme Zija Alltunjëlldëz do të japë kontribut në marrëdhëniet e përgjithshme në mes dy vendeve.

Në Forum biznesmenët turq për mundësitë për investim në Maqedoni dhe projekte në të cilat mund të marrin pjesë biznesmenët turq e njoftuan zëvendëskryeministrin për çështje ekonomike Vlladimir Peshevski, ministrin e Transportit dhe Lidhjeve Mile Janakieski dhe drejtorin e Agjencisë për investime të huaja Viktor Mizo.

Zëvendëskryeministri Peshevski u bëri thirrje kompanive turke të marrin pjesë në disa projekte energjetike, si dhe ndërtimin e centralit të kombinuar të gazit, "Lugina e Vardarit", "Ura Boshkov" dhe të tjera, ndërsa ministri Janakieski para ekonomistëve i prezantoi projektet për ndërtimin e rrugëve në Maqedoninë, privatizimin e Postës, si dhe publikimin e më disa shpalljeve publike për tokë ndërtimore.

Investimet turke në Maqedoni janë me vlerë prej 180 milionë dollarësh, ndërsa pritet të realizohet investimi i TAV-it për modernizimin e aeroporteve i cili, siç tha ministri Janakieski, duhet të fillojë në mars të vitit të ardhshëm dhe investimin e "Shishexhamit".

Ndërroi jetë ekonomisti i njohur Pol Semjuelson Ekonomisti i njohur amerikan Pol Semjuelson ndërroi jetë në moshën 94-vjeçare në shtëpinë e tij në qytetin Belmont, në shtetin federal amerikan Masaçusets.

Semjuelson, i cili vlen për një nga ekonomistët më të rëndësishëm botërorë në
pesë dekadat e fundit, në vitin 1970 u bë amerikani i parë i cili e fitoi Çmimin
Nobel për ekonomi.
Semjelson karrierën e tij shencore e fillon në vitet e 30-ta të shekullit të
kaluar. Ka magjistruar nlë Universitetin në Çikago, ndërsa ka doktoruar në
Harvard. Nga viti 1966 ka punuar si profesor në Institutin Teknologjik në
Masaçusets.
Analiza matematikore e Semjuelsonit paraqet bazë në të cilën është ndërtuar
shkenca bashkëkohore ekonomike.
Në vitin 1948 ai e boton veprën "Ekonomika: Analiza hyrëse", e cila u bë
literatura më e shitur ekonomike e të gjitha kohërave, me tirazh prej katër
milionë ekzemplarëve në më shumë se 40 gjuhë.
Semjuelson ka pasur gjashtë fëmijë dhe 15 nipa e mbesa

MTI, parku industiral i Drenasit në fazen përfundimtare

Ishte
premtuar se Parku Industrial i Drenasit do të përfundonte gjatë vitit 2008, më
pas në pranverë, korrik e pastaj në tetor të këtij viti, por sot e kësaj dite në
këtë park industrial ende nuk është vënë asnjë gurëthemel i ndonjë biznesi.



Në Ministrinë e Tregtisë dhe Industrisë vazhdojnë të premtojnë se ky park
është në fazën perfundimtare, por askush nuk mund të thotë se kur do të bëhet
funksional ky investim, për të cilin, vetëm, për rregullimin e infrastrukturës
janë shpenzuar shumë mjete buxhetore.
Naser Grajçevci, kryeshef i Agjencisë për Mbështetjen e Ndërmarrjeve të Vogla
dhe të Mesme (AMNVM) pranë MTI-së, tha se këto punë janë thelbësore për
funksionalizimin e plotë të parkut në mënyrë që përfituesit të mund të fillojnë
pa pengesa me ngritjen e kapaciteteve të tyre përmes të cilave edhe kanë
përfituar vende në këtë park. “Punët përfundimtare janë duke u zhvilluar në
furnizimin me ujë në kapacitet prej 80-100 litër në sekondë, furnizimin me
rrymë.
Ky projekt, Grajçevci thotë se i përmbledh praktikat më të avancuara nga
BE-ja, SHBA-të dhe Japonia, e që sipas tij, përbën një filozofi unike të
politikave të shtetit të Kosovës për mbështetje substanciale të sektorit privat,
e në veçanti sektorit të ndërmarrjeve të vogla dhe të mesme.
Në anën tjetër, përfaqësuesit e bizneseve në Kosovë e kritikojnë punën e
institucioneve në realizimin e këtij projekti, duke vlerësuar se për shkak të
vonesave ky park madje nuk paraqet ndonjë interes.
Sekretari i përgjithshëm i Odës Ekonomike të Kosovës (OEK), Berat Rukiqi,
vlerëson se Parku si i tillë nuk është aspak atraktiv për bizneset. “Vonesat e
bëra në përfundimin e punimeve në këtë park dhe procedurat burokratike dhe jo
transparente në gjithë këtë proces që nga fillimi e deri tani, janë shkak që ky
projekt të mos jetë atraktiv për bizneset”.

1.2 miliardë import, 100 milionë eksport Sipas raporteve te Bankës Qendrore, gjatë shtatë muajve të parë të vitit 2009 u importuan 1 miliard e 185 milionë euro mallra, ndërsa eksportuan vetëm 92 milionë.

Eksportet më së shumti ka qenë te orientuara drejt vendeve të Evropës, rreth 81
milionë euro, ndërsa vetëm në Bashkimin Evropian, gjatë shtatë muajve të parë të
vitit 2009 janë eksportuar 39 milionë euro, ose rreth 36 për qind e eksportit të
përgjithshëm.

Politikat e reja tatimore kanë stimuluar bizneset Politikat tatimore të filluara në fillim të këtij viti, për pagesat që bëhen në vlerë me mbi 500 euro nëpër banka, kanë ndihmuar bizneset dhe zhvillimin ekonomik të vendit. Vendosja e këtij rregulli ka ardhur si rezultat i kërkesës së tatimpaguesve për një treg më të sigurt.

Profesori ekonomisë në Universitetin e Prishtinës, Isa Tahiri ka thënë se
politikat e reja tatimore që kanë filluar të zbatohen në fillim të këtij viti që
mbi shumën prej 500 eurosh të paguhen nëpër bankat është një gjë pozitive që
kontribuon në zhvillimin e bizneseve dhe të ekonomisë së Kosovës në përgjithësi,
që bënë që të ketë qarkullim bankar dhe jo me para në dorë apo kesh.
“Pagesat që do të bëhen në banka krijojnë mundësi të mira të qarkullim të
parasë dhe kjo jep më shumë mundësi që paraja të mos mbetet në xhepat e
qytetareve, qarkullimi nëpër banka është një mundësi që të ketë më shumë
qarkullim”, ka theksuar ai.
Sipas tij ka edhe të meta sa i përket këtij vendimi për transaksionet në
shumë me mbi 500 euro, por nuk mund të thuhet se është më shumë negative , pasi
që nuk e dëmton biznesin.
“Këtu paguan drejtpërdrejt klienti dhe nëse një euro qarkullon brenda ditës
tri herë, atëherë përfiton ekonomia e Kosovës dhe ka më shumë kontroll në
qarkullim të biznesit në Kosovë”, ka theksuar ai.
Kurse menaxheri për Edukim
të Tatimpaguesve, në Administratën Tatimore të Kosovës (ATK), Ruzhdi Zenelaj ka
thënë se që nga data 16 Shkurt 2009 është në fuqi Ligji 03/L-071 i cili ka
ndryshuar dhe plotësuar Ligjin 2004/48 mbi Administratën Tatimore dhe
Procedurat.
Kurse Administrata Tatimore e Kosovës, në vitin 2010 ka paraparë që të bëjë
vendosjen e numrave fiskal që do të jenë një rregull e re për të mbledhur
tatimet.
Ky proces është i ndërlidhur edhe me bizneset që kanë transaksione ndërmjet
tyre. Nga janari i vitit 2010, të gjitha transaksionet mes bizneseve do të duhet
të kenë numrat fiskalë.Postuar: 11:04 / 14 Dhjetor 2009 | RSS

BE ndihmë Kosovës do për furnizimi më stabil me energji


Komisioni
Evropian sot zyrtarisht ia dorëzoi KEK-ut makinerinë e rëndë të
rehabilituar për nxjerrjen e thëngjillit. Do të shfrytëzohet sistemi i
ashtuquajtur i djerrinës për të hapur minierën e re të Sibovcit, i cili
do të sigurojë tonelatat e para të thëngjillit në termocentralet
ekzistuese pas vitit 2010/11.



Qëllimi kryesor i projektit, i bashkëfinancuar nga Bashkimi Evropian
me mbi €17 milion, është për të kontribuar për një sektor të
qëndrueshëm dhe financiarisht të pavarur të energjisë në Kosovë.
Ky projekt ka përmirësuar makinerinë ekzistuese të rëndë të
minierave të thëngjillit, fillimisht e instaluar në vitin 1972, si dhe
ka bërë atë më stabile. Sistemi i djerrinës do të operojë në minierën e
re në jugperëndim të Sibovcit. Kapaciteti gërmues do të shtohet me
rreth 50%. Në përgjithësi, pritet që siguria operuese do të
përmirësohet dhe do të arrijë standardet evropiane.
Pas vitit 2010/2011 minierat ekzistuese të thëngjillit nuk do të
jenë në gjendje të plotësojnë nevojat e termocentraleve ekzistuese.
Mungesa e thëngjillit mund të çojë në ndërprerje të shpeshta të rrymës
dhe pengimin e biznesit që do të mund ta dëmtonte tërë ekonominë e
Kosovës.
Ky projekt ka ndihmuar Qeverinë e Kosovës dhe KEK-un në hapjen e
minierës e re në jugperëndim të Sibovcit, që të sigurojë furnizim të
mjaftueshëm me thëngjill për termocentralet ekzistuese, pasi që
furnizimet ekzistuese u shteruan, thuhet në një njoftim për media të
Komisionit Evropian./rtklive/

Postuar: 11:35 / 15 Dhjetor 2009 | RSS