Qeveria nuk komenton kërkesën e Serbisë që EULEX të ndërhyjë në rastin Bllaca

nga elbasi.. Fri Dec 04, 2009 8:26 am

Zëdhënësi i Qeverisë së Kosovës Memli Krasniqi iu ka shmangur sot përgjigjes, çka nëse EULEX-i pranon kërkesën e shtetit të Serbisë për përzierje në rastin e dëshmive të Nazim Bllacës. Krasniqi ka thënë në këtë rast se institucionet e Kosovës kanë kërkuar nga misioni evropian që të hetojë rastin bashkë me Policinë e Kosovës dhe të dalin në dritë të gjitha rastet që përfliten..

Zëdhënësi i Qeverisë së Kosovës gjithashtu ka kërkuar që institucionet të mos përzihen në këtë rast pasi që, sipas tij, me këtë duhet të merret drejtësia.

“Pyetjet hipotetike marrin përgjigje hipotetike dhe unë do të rezervohem në këtë përgjigje me çka nëse..?, por që ne kemi një bashkëpunim shumë të ngushtë me EULEX-in. Ky bashkëpunim është duke vazhduar, do të vazhdojë edhe në të ardhmen. Besoj se nuk ia vlen as të komentohet ajo kërkesë. Armiqtë e Kosovës duan ta keqpërdorin këtë rast, siç kanë keqpërdorë gjithmonë çdo rast, me të cilin ata kanë mund që të baltosin imazhin e Kosovës dhe progresin që është arritur në vendin tonë”, ka thënë zëdhënësi Krasniqi.