Tablet PC me Windows 7 nga Gateway

Duket se vjen edhe një kompjuter tablet Windows 7, prodhues është kompania Gateway, mirëpo vërtetimi zyrtar ende pritet, pasi që ajo nuk është deklaruar edhe pse fotografitë duken bukur “zyrtare”.

Sipas portalit teknologjik Engadget, tableti me shenjën EC18T do të dal në shitje me sistemin e ri operativ Windows 7 nga Microsoft, derisa do të ketë ekran me diagonale prej 11.6 inç.

Në të është integruar edhe procesori Core 2 Duo nga Intel, , 4 GB DDR3 RAM, gjersa grafika do të jetë e integruar në chipsetin GS45 Express po ashtu nga Intel.

Ai do të mund të blihet me Windows 7 Home, Premium apo Basic. Tani për tani nuk ka detaje shtesë. Në shitje do të del pas fillimit të shitjes së Windows 7 (22 tetor) me çmim të panjohur.