Prezenca e EULEX-it në veri brenda javëve të ardhshme

nga *lissa* Sat Oct 24, 2009 11:19 am

Prezenca e EULEX-it në veri brenda javëve të ardhshme

Shtimi i prezencës së zyrtarëve të Bashkimit Evropian në veri të Kosovës do të startojë me bartjen e pjesëtarëve të misionit evropian për sundimin e ligjit, EULEX, të cilët më pas do të përcillen nga zyrtarët e Komisionit Evropian dhe Zyrës koordinuese të BE-së.
Ndonëse nuk ka datë të caktuar për hapjen e zyrës së EULEX-it në këtë pjesë të vendit, zyrtarë të misionit kanë theksuar për të përditshmen Koha Ditore, se kjo pritet të ndodhë brenda javëve të ardhshme. Po ashtu, planifikohet që pjesëtarët e misionit fillimisht të vendosen në ndërtesën e policisë.

“Plani është që zyra e EULEX-it në veri të hapet në javët e ardhshme, në ndërtesën e Stacionit të Policisë së Kosovës në veri. Pastaj do të zhvendosemi në një lokacion më të mirë, porsa të gjejmë një objekt të përshtatshëm në Mitrovicë. Institucionet e tjera të BE-së do të bashkëngjiten në mënyrë të avancuar”, ka thënë zëdhënësi i EULEX-it, Christophe Lamfalussy