Kuvendi ratifikoi marrëveshjen për demarkacionin e kufirit m

nga d.jeta Sun Oct 18, 2009 1:31 am

Kuvendi ratifikoi marrëveshjen për demarkacionin e kufirit me Maqedoninë

Kuvendi ratifikoi marrëveshjen për demarkacionin e kufirit m Kuvendi%20brenda

Kuvendi i Kosovës e ka miratuar marrëveshjen Ndërshtetërore me Republikën e Maqedonisë për Demarkacionin fizik të kufirit. Me 81 vota për, 3 kundër dhe 2 abstenime, është ratifikuar kjo marrëveshje në seancën e dytë të jashtëzakonshme të Kuvendit të Kosovës, meqë herën e parë ajo dështoi të miratohej. Presidenti Fatmir Sejdiu në fjalën e tij para deputetëve ka deklaruar se me këtë marrëveshje hapet një epokë e re e zhvillimit të marrëdhënieve të mira me Republikën e Maqedonisë. Ndërsa kryeministri Hashim Thaçi, duke i kërkuar deputetëve që të votojnë pro marrëveshjes ka thënë se ajo është arritur me ndihmën e SHBA-së dhe Bashkimit Evropian. Të dy krerët e shtetit kanë thënë se shumë shpejt do të vendosen edhe marrëdhëniet diplomatike ndërmjet të dyja vendeve. Marrëveshja për demarkacionin fizik nga Qeveria e Kosovës është nënshkruar mbrëmë. Kjo marrëveshje sipas qeverisë e rikonfirmon subjektivitetin ndërkombëtar të Republikës së Kosovës dhe forcon pozitën e vendit lidhur me procesin e legjitimitetit të shpalljes së pavarësisë, që do të mbahet në Gjykatën Ndërkombëtare të Drejtësisë. Edhe Parlamenti i Maqedonisë sot pritet të mbajë seancë për të ratifikuar marrëveshjen.