Vazhdo me nje Keshill...

Aromë, ngjyrë e jetës më je ti...Shtytës, shpresë, ngushllim te gjejë ty ALLAH!

Kudo që je, bëju shembull për muslimanet dhe vajzat tjera.

Pastroje qëllimin për hir të Allahut të Plotfuqishëm, ruaju nga hipokrizia si në thënie, po ashtu edhe në vepra!



Pasoje traditën [Sunetin] e Pejgamberit të fundit Muhamedit alejhi selam, në të gjitha thëniet, veprat si dhe në parimet morale.



Frikësoju Allahut të Madhërishëm dhe kushtëzohu në kryerjen e të gjitha urdhrave [obligimeve] dhe ndalohu nga të gjitha të ndaluarat [haramet]!



Pendohu tek Allahu me pendim të sinqertë dhe shtoje istigfarin [kërko falje nga Allahu më shumë duke thënë Estagfirullah]!



Frikësoju Allahut të Gjithëmëshirshëm në të gjitha lëvizjet dhe punët që vepron!



Nënshtroju dispozitave të fesë islame, se vërtet feja islame është nënshtrim dhe bindje ndaj Allahut të Plotfuqishëm; ki kujdes nga vlerësimi i gjërave sipas mendjes dhe logjikës tënde sepse mendja është e kufizuar, ashtu siç ka shikimi largësinë e fundit dhe përtej saj nuk mund të kalojë!



Ulu me dijetarët [ulematë], duaji ata, përfito prej tyre dhe bëhu modest. Gjithashtu edhe fëmijëve bëjua zakon që t’i duan ata dhe të shoqërohen me alimët [dijetarët], sepse vërtetë dijetarët janë trashëgimtarë te të Dërguarve të Allahut të Madhërishëm!



Dëgjoji ligjëratat me përkushtim dhe përfito prej tyre!



Pranoje të vërtetën pa marrë parasysh se kush ishte thënësi i saj, i vogël apo i madh, dhe ruaju nga kokëfortësia dhe mendjemadhësia!



Pastroje besimin [akiden] sipas Kuranit dhe Sunetit [Traditës] të Pejgamberit alejhi selam, ruaju prej doktrinave dhe shprehjeve të cilat të shpijnë në mosbesim [kufër]!



Beso në Allahun xh.sh, në engjëjt e Tij, në Librat e Tij, në të Dërguarit [Resulët] e Tij, në Ditën e Fundit dhe se përcaktimi [kaderi] i mirë apo i keq qoftë ai, ndodh me lejen e Allahut [xh.sh]!



Mos i paso të tjerët me pasim të verbër!



Mos thuaj për Kuranin asgjë sipas mendimit tënd (mos thur komente sipas qejfit tënd), por bazohu në transmetimet e vërteta dhe tefsiret burimore!

Ule shikimin tënd dhe mos shiko pa kontroll, ngase shikimi është shigjetë helmuese!



Kur të jesh në rrugë, mos hyr mes dy grave, por merr anën e djathtë ose të majtë!


Martohu sa më shpejt, ngase ai që martohet ka më shumë mundësi ta ruajë shikimin dhe nderin e tij!


Kur të vijë koha për martesë, zgjidhe gruan besimtare dhe të devotshme!


Mos u bë nismëtar i divorcit, sepse shkurorëzimi është prej gjërave të lejuara të cilën Allahu e urren më së shumti!


Tërheqja vërejtjen grave, vajzave dhe të afërmeve të tua, që mos të kërkojnë divorc nga burrat e tyre pa pasur ndonjë arsye të fortë!


Mos e mëso gjuhën tënde që t’i drejtohesh gruas me përbetim për shkurorëzim!


Në pamundësi të martesës, përmbaje nderin tënd, derisa Allahu të të begatojë me dhuntitë e Tij dhe forcohu me agjërim!



Nëse ty si prind të vjen dhe të kërkon dorën e vajzës sate ai që ju kënaq me fenë dhe moralin e tij, atëherë martoje me të vajzën dhe largoju mehrit të shtrenjtë!


Shpalle kurorëzimin dhe bëj dasmë me aq sa mundesh!


Mos tolero që fejesën ose dasmën ta kremtosh me gjëra të ndaluara, siç janë përdorimi i veglave muzikore, dëfrimi, zbavitja etj.!


Bashkëshortes tënde paguaja hakun e saj të merituar, mehrin – dhuratën e martesës, përfilli obligimet që ke ndaj saj dhe sillu me të me sjellje të mira!


Tregoji bashkëshortes tënde obligimet martesore, të cilat duhet t’i kryejë në mënyrë të vazhdueshme!


Mos bëj marrëdhënie intime me gruan tënde përderisa ajo është në të përmuajshmet apo lehonë (me hajz apo nifas)!


Mësojua grave të tua dispozitat dhe normat e fesë islame dhe mos lejo që ato të praktikojnë kotësitë dhe besëtytnitë!


Nëse ke në bashkëshortësi njëkohësisht më shumë se një grua, atëherë ji i drejtë në ndarjen e kohës me to. Ruaju nga padrejtësia!


Kujdesu për gruan dhe fëmijët e tu dhe ki kujdes nga koprracia!


Ki kujdes që mos ta humbasësh askënd nga ata që ke nën përkujdesjen tënde!


Vëri fëmijës një emër të mirë!


Mos i favorizo meshkujt mbi vajzat!

Kur është fjala për dhurata, përpiqu që mes fëmijëve të krijosh ambient barazie dhe uniteti!



Edukoji fëmijët e tu dhe kur të arrijnë t’i dallojnë gjërat[4], angazhoji që t’i praktikojnë normat bazë të fesë islame, në mënyrë që të adaptohen me to. Gjithashtu në atë moshë fëmijët ndaji secilin në shtratin e vet.


Unifikohuni me bashkëshorten për metodologjinë që do të ndiqni rreth edukimit të fëmijëve, për shkak se mospajtimet e prindërve ndikojnë negativisht në edukimin e tyre!

Mos ke frik nga robi i Allahut por ke frik nga Allahu xh.sh

Vuajtje me te madhe s’ka kur kohen e lumtur ne mjerim kujton..!

Jeta është moment i vdekjes, të jetosh do të thotë të vdesësh.

Ai qe ka vullnet te larte nuk mjaftohet me e mbushur kohen e tij me pune te mira,por mendon qe te mirat e tij te mos vdesin me vdekjen e tij.

''Në një kuvend çdo fjalë ka vlerë.Nuk duhet të kundërshtosh menjeherë as mendimet që nuk përputhen me idenë tënde.
Mendo se ato mund të jenë shprehur lidhur me diçka tjetër,duro gjer në fund dhe dëgjo!''

''Çka e flet mos e thuaj,nëse e thua mos e shkruaj,nëse e shkruan mos e nënshkruaj,nëse e nënshkruan atëherë mos qaj.''

''Kjo botë,që prej krijimit të saj e deri në momentin kur do shkatërohet,nuk vlen as sa një orë brengosje,atëherë pse të brengosemi për tërë jetën?!''

“Ruanu nga keqkujtimi,sepse keqkujtimi shpie në gënjeshtrën më të madhe.”

''Tregoni perzotshmeri,perkujdesje,besnikeri dhe mbajani amanetin kujtdo qe t’jua kete besuar,qofte i mire apo i lig.''

''Jane tre tipare,qe zoteruesi i tyre nuk vdes pa ua pare sherrin:shtypja,heqja dore nga te afermit dhe betimi i rreme,qe eshte lufte ndaj Allahut.''

''Tri gjera e shkaterrojne njeriun:te konsideruarit e veprave (te mira te tij) si shume,harrimi i mekateve dhe kenaqja me opinionin e vet.''

Shpreso në më t'mirën,por të jesh gjithmonë i pregaditur për më të keqen.

Mos kerko shum por kenaqu me ate qe e ke .

Muhammedi sal-lAllahu alejhi ve sel-lem ka thënë: "Nëse gruaja falë pesë kohët e namazit,agjëron muajin e ramazanit,e mbron nderin e saj,respekton burrin,i thuhet asaj: "Hyn në Xhennet nga cilado derë që dëshiron."

(Sahih el xhami 674)

- Fale namazin posa ta dëgjosh ezanin, në çfarëdo gjendje që të jesh.



- Lexo dhe urdhëro të lexohet Kur’ani dhe kur lexohet dëgjoje atë. Përmende Allahun dhe kohën mos e kalo kot.


- Orvatu të flasësh gjuhën e pastër arabe, sepse ajo është gjuha e Kur’anit.
(Kjo vlen edhe për gjuhën tonë amtare).


- Mos diskuto me mendjemadhësi, sepse mendjemadhësia nuk sjell dobi.


- Mos qesh tepër, sepse të qeshurit e tepërt e shqetëson zemrën e cila është e lidhur me Allahun xh.sh.


- Mos u tall, ngase njeriu i devotshëm din të jetë vetëm serioz.


- Mos e ngrit zërin më tepër se sa që është nevoja, sepse zëri i tepërt nuk durohet.


- Urreje përgojimin, bën vepra të mira dhe fol fjalë të bukura.


- Njoftohu me çdo vëlla që e takon edhe nëse ai nuk don të njoftohet me ty, sepse thirrja e jonë, në esencë, është thirrje dashurie dhe njoftimi.


- Kohë pak kemi ndërsa obligime shumë. Bashkëpuno që ato t’i kryesh në kohë. Dhe kur të paraqitet ndonjë detyrë e rëndësishme, shpejto ta kryesh sa më parë.