Në Rektoratin e UP-së vendoset një granatë dore

Në Rektoratin e UP-së vendoset një granatë dore


Një granatë dore është vendosur në Rektoratin e Universitetit të Prishtinës, ka njoftuar policia. Njësitet e KFOR-it, rreth mesditës po punonin për çmontimin e mjetit shpërthyes, për të cilin ende nuk dihet se nga kush ka mundur të vendoset.

“Rreth orës 08:00 në mëngjes policia është informuar për një mjet shpërthyes në Rektorat. Policia ka shkuar menjëherë dhe e ka kuptuar që bëhet fjalë për një granatë dore”, tha zëdhënësi i Policisë për rajonin e Prishtinës, Agron Borovci.

Ai ka bërë të ditur se policia menjëherë ka lajmëruar njësitet përkatëse të KFOR-it, për të bërë tërheqjen e mjetit shpërthyes.