Vritet në vendin e punës

Vritet në vendin e punës

Një i ri rreth të njëzetave është gjetur i vrarë në vendin e tij të punës në fshatin Carrabreg të Deçanit, në pompën e derivateve “Agonisi Gas”.

Policia e Kosovës njofton se rreth orës 01 30 pas mesnatës është pranuar informata se ka të shtëna me armë zjarri.

“Njësitet Policore të Stacionit Policor të Deçanit menjëherë kanë shkuar në vendin e ngjarjes, së bashku me mjekun kujdestar, i cili ka konstatuar se viktima është pa shenja jete”, thuhet në komunikatën për media të Policisë.

Sipas hetimeve të para dyshohet se persona të panjohur kanë shtënë me armë zjarri në viktimën derisa ai ishte në detyrë, punëtor i sigurimit në pompë të derivateve.

Të dyshuarit janë larguar në drejtim të panjohur.