Re: Hadithe...

nga NoOrA Sun Nov 15, 2009 6:34 am

“Vërtet e kam parë një njeri duke u dëfryer në Xhennet për shkak se kishte prerë një dru i cili i pengonte në rrugë duke kaluar muslimanët.”

nga NoOrA Sun Nov 15, 2009 6:34 am

“Kush merr abdest bukur e mirë, pastaj shkon në namaz të xhumasë, atje hesht dhe dëgjon (hutben), i falen mëkatet e bëra në mes të dy xhumave dhe tri ditë më tepër. Kush argëtohet në xhami me rërë (dhe gjëra të tjera), e ka zhvlerësuar dobinë e xhumasë.”

nga NoOrA Sun Nov 15, 2009 6:35 am

“Kur një rob musliman, apo një besimtar merr abdest, kur e lanë fytyrën, prej tij bien të gjitha mëkatet e syve të tij me të cilët ka shikuar, bashkë me ujin ose me pikën e fundit të ujit. Kur t'i lajë duart, i bien të gjitha mëkatet e duarve me ujin ose me pikën e fundit të ujit, derisa të dalë i pastër nga mëkatet. Kur t'i lajë këmbët e tij, i bien të gjitha mëkatet e këmbëve bashkë me ujin ose me pikën e fundit të ujit, ashtu që ai mbetet plotësisht i pastër prej mëkateve.”

nga NoOrA Sun Nov 15, 2009 6:35 am

“Pesë namazet - prej njërit deri te tjetri, namazi i xhumasë - prej njërit deri te tjetri dhe prej një ramazani gjer në ramazanin tjetër, janë pastrues të mëkateve në mes tyre - nëse ruheni prej mëkateve të mëdha.”

nga NoOrA Sat Dec 05, 2009 12:38 pm

Dyftyrëshat i ka sqaruar Pejgamberi, sal-lallahu alejhi ve sel-lem, në fjalën e tij: "Do jenë ndër njerëzit më të poshtër tek Allahu në ditën e gjykimit dyftyrëshat. Ai që del para disa njerëzve me një fytyrë kurse para tjerëve me një fytyrë tjetër"

nga NoOrA Wed Dec 16, 2009 9:53 am

Pejgamberi (s.a.v.s.) ka thënë: "Disa njerëz do të vijnë Ditën e Gjykimit dhe imani i tyre do të jetë i pashëm. Drita e tij do të shndrit prej gjokseve të tyre dhe prej duarve të djathta të tyre. Kështu që do tu thuhet atyre, `Përgëzim për juve sot!"

Esselamu Alejkum dhe mirësi për ju! Hyni në atë (Xhenet) përherë! Kështu që Engjëjt dhe Pejgamberët do tua kenë lakmi për dashurin e Allahut ndaj tyre!

"Kështu që sahabet pyetën, `Kush janë ata, O i Dërguari i Allahut?`

Muhamedi (s.a.v.s.) iu përgjigj: Ata nuk janë prej neve dhe ata nuk janë prej jush. Ju jeni shokët e mijë, ata janë të dashurit e mijë. Ata do të vijnë pas jush dhe do ta gjejnë librin (Kuranin) të lënë anash dhe sunetin të mbytur prej tyre (njerëzve). Kështu që ata do ta kapin librin dhe sunetin dhe do ti ringjallin ato. Pra ata do ti lexojnë ato dhe do tua mësojnë ato (Kuranin dhe Sunetin) njerëzve dhe ata do të përjetojnë në atë rrugë dënim më të ashpër dhe më të shëmtuar se sa ju (o sahab) që keni përjetuar.

Në të vërtet Imani i njërit prej tyre është i barabartë me imanin e 40 prej jush. Një shehid prej tyre është i barabartë me 40 shehid prej jush. Për arsye se ju keni gjetur ndihmues ndaj të vërtetës (Pejgamberin s.a.v.s.) dhe ata nuk do të gjejnë ndihmues ndaj të vërtetës. Prandaj ata do të rrethohen nga Sundimtarët Tiran në çdo vend, dhe ata do të jenë në rrethinën e Bejt ul-Magdisit (el-Kudsit).

Nusrah (fitorja) e Allahut do të ju vijë atyre, dhe ata do ta kenë nderin e saj në duart e tyre." Pastaj ai (s.a.v.s.) tha, O Allah! Dhuroju atyre Nusrah (fitore) dhe bëni ata prej shokëve të mijë të afërt në Xhenet. (Amin, Amin o i Dërguar i Allahut)

nga NoOrA Wed Dec 16, 2009 9:54 am

Transmetohet nga Abdurr-Rrahman Ibni Semre radiAllahu anhu se ka thene:"Nje dite doli i Derguari i Allahut alejhi salatu ve selem,tek ne,derisa ne ishim duke ndejtur ne nje hije ne Medine.U ngrit para nesh e na tha:"Une pashe mbreme nje enderr te çuditshme.E pashe nje njeri nga umeti im,te cilit i erdhi meleku i vdekjes qe tia merr shpirtin.Ne ate moment erdhi bamiresia e tij ndaj prinderve dhe e largoi melekun e vdekjes nga ai.E pashe nje njeri nga umeti im te cilit i ishte shtruar denimi i varrit.Ne ate moment erdhi abdesti i tij dhe e shpetoj nga ajo gjendje.E pashe nje njeri nga umeti im te cilin e kishin rrethuar shejtanet.Ne ate moment erdhi perkujtimi i tij ndaj Allahut dhe i perzuri shejtanet nga ai.E pashe nje njeri nga umeti im duke u ndezur nga etja.Sa here qe afrohej afer ndonje pusi,pengohej dhe debohej.Ne ate moment erdhi agjerimi i tij i Ramazanit dhe i dha te pijë e u ngop.E pashe nje njeri nga umeti im dhe i pashe pejgamberët te ulur ne rrethe.Sa here qe ai afrohej afer ndonje rrethi te tyre debohej.Ne ate moment erdhi pastrimi i tij nga xhunubllaku,e kapi per dore dhe e uli ate afer meje.Pastaj e pashe nje njeri nga umeti im ,para te cilit kishte nje erresire,mbrapa tij kishte erresire,ne te majten e tij kishte erresire,ne te djathten e tij kishte erresire,mbi te kishte erresire dhe nën te kishte erresire,kurse ai ishte i hutuar nga ato erresira.Ne ate moment erdhen Haxhi dhe Umreja e tij dhe e nxorren nga erresira ne drite.Po ashtu e pashe nje njeri nga umeti im,duke u mbrojtur me duart e tij nga flaka dhe xixat e zjarrit.Ne ate moment erdhi sadaka e tij dhe u be mburoje mes tij dhe zjarrit dhe ia mbuloj koken.E pash nje njeri nga umeti im,duke u folur besimtarëve,por ata nuk i flisnin.Ne ate moment erdhi lidhja e tij farefisnore e tha:O ju grup i muslimanëve,ai mbante lidhje te mira me farefisin e tij,pra folni me te.Atehere,i folen besimtarët,ua zgjati doren atyre dhe ata ia zgjaten doren.E pashe nje njeri nga umeti im,te cilin e kishin rrethuar Zebanijet (melekët e zjarrit).Ne ate moment erdhi urdherimi i tij ne vepra te mira dhe pengimi i tij nga veprat e keqija dhe e shpetuan nga duart e tyre dhe e futen tek melekët e meshires.E pashe nje njeri nga umeti im te gjunjezuar dhe ne mes tij dhe Allahut te Madheruar,kishte nje pengese.Ne ate moment erdhi morali i tij i larte,e kapi per dore dhe e futi tek Allahu i Madheruar.E pashe nje njeri nga umeti im te cilit i vinte libri nga ana e majte.Ne ate moment erdhi frika e tij ndaj Allahut te Madheruar,e kapi librin e tij dha ia vendosi ne anen e djathte.E pashe nje njeri nga umeti im te cilit i kishte dalur peshoja e lehte.Ne ate moment erdhen femijet e tij te cilit i kishin vdekur te vegjel dhe dhe ia renduan peshojen.E pashe nje njeri nga umeti im,i cili qendronte ne buze te Xhehenemit.Ne ate moment erdhi shpresa e tij ne Allahun e Madheruar,e shpetoj nga aty dhe ai shkoi.E pashe nje njeri nga umeti im,i cili ishte hudhur ne zjarr.Ne ate moment erdhi loti i tij qe e kishte derdhur nga frika ndaj Allahut dhe e shpetoi nga aty.E pashe nje njeri nga umeti im duke qendruar ne uren e Siratit dhe dridhej sikurse dridhen deget e hurmes nga nje erë e forte.Ne ate moment erdhi mendimi i tij i mire per Allahun e Madheruar,e qetësoi te dridhurit e tij dhe ai vazhdoi rrugen.E pashe nje njeri nga umeti im duke u zvarritur ne Sirat.Ndonjehere zvarritej, e ndonjehere mbetej i lidhur.Ne ate moment erdhi salavati i tij mbi mua,e ngriti ne kembe dhe e shpetoi.Dhe e pashe nje njeri nga umeti im,i cili kishte arritur te dyert e Xhenetit,por ato iu mbyllen.Ne ate moment erdhi deshmia e tij, La il-lahe il-lAllah se nuk ka te adhruruar tjeter me merite perpos Allahut,ia hapi dyert e Xhenetit dhe e futi ne te.

nga NoOrA Wed Dec 16, 2009 10:01 am

Na ka treguar Ahmed b. Salihu, këtij Anbese, këtij Junusi i cili transmeton nga Ibën Shihabi, se Enesi ka thënë:"Ebu Dherri r.a. tha se Pejgamberi [salallahu alejhi ue selam] kishte thënë:

- Derisa ende isha në Mekke, u hap tavani i shtëpisë sime. Më erdhi Xhibrili, më hapi gjoksin, pastaj e lau me ujë të Zemzemit. Solli një enë të artë, të mbushur me urtësi dhe me besim, i futi në gjoksin tim dhe e mbylli. Më mori për dore dhe u ngritëm në qiell. Kur arriti te qielli i botës, Xhibrili i tha rojtarit të qiellit:Hape!

- Kush është? - pyeti (rojtari).
- Xhibrili - u përgjigj ai.
- A është dikush tjetër me ty? - pyeti ai.
- Me mua është Muhammedi - tha ai (Xhibrili).
- A i është dërguar pejgamberllëku? - pyeti ai.
- Po, hape - tha (Xhibrili).
Kur kaluam qiellin (më të afërm), aty pamë një njeri që kishte njerëz të tubuar në anën e djathtë dhe në të majtë. Kur shikonte kah e djathta, qeshej; kur shikonte kah e majta, qante.
- Mirë se erdhe, Pejgamber i mirë dhe djalë i mirë! - tha ai.
- Thashë: Kush është ky?
- Ky është Ademi - tha ai -, ky që është në anën e djathtë, kurse në anën e majtë janë pasardhësit e djemve të tij. Ata që janë në anën e djathtë, janë xhennetlinjtë; ata në anën e majtë, janë xhehennemlinjtë. Kur shikon në anën e djathtë, qeshet; kur shikon në anën e majtë, qan.
Pastaj Xhibrili udhëtoi me mua derisa arritëm te qielli i dytë. Rojtarit të tij i tha: Hape.
Rojtari i qiellit i tha si në herën e parë dhe e hapi.
Enesi thotë se Eba Dherri ka përmendur se Pejgamberi [salallahu alejhi ue selam] në qiej ka takuar Idrisin, Musain, Isain dhe Ibrahimin, por nuk më ka saktësuar se në cilët qiej i ka parë, përveç se përmendi se Ademin e kishte parë në qiellin më të afërm, kurse Ibrahimin në qiellin e gjashtë. Enesi më pastaj thotë:"Xhibrili, kur ka kaluar pranë Idrisit, Idrisi i ka thënë:
- Mirë se erdhe pejgamberi i mirë dhe vëlla i mirë!
- Kush është ky? - pyeta.
- Ai është Idrisi - u përgjigj (Xhibrili).
Pastaj kalova pranë Musait, i cili tha:
- Mirë se erdhe pejgamberi i mirë dhe vëlla i mirë!
- Kush është ky! - pyeta.
- Ky është Musai - u përgjigj (Xhibrili).
Pastaj kalova pranë Isait, i cili tha:
- Mirë se erdhe pejgamberi i mirë dhe vëlla i mirë!
- Kush është ky? Pyeta.
- Ky është Isai - tha (Xhibrili).
Pastaj kalova pranë Ibrahimit, i cili tha:
- Mirë se erdhe pejgamber i mirë dhe vëlla i mirë!
- Kush është ky? - pyeta.
- Ky është Ibrahimi - u përgjigj (Xhibrili).

(Ibën Shihabi) Thotë se e ka lajmëruar Ibën Hazmi se Ibën Abbasi dhe Ebu Hajj el-Ensari kanë thënë se i Dërguari i All-llahut ka thënë:

"Pastaj udhëtova lart, derisa arrita në një rrafsh ku dëgjova krikëllimën e Lapsit."

Ibën Hazmi dhe Enes b. Maliku thonë se Pejgamberi [salallahu alejhi ue selam] ka thënë:

"All-llahu më detyroi të fal pesëdhjetë namaze. U ktheva përsëri dhe, kur u takova me Musain, më tha:
- Me çka u detyruan pasardhësit tu?
- U detyruan që të falin pesëdhjetë namaze - u përgjigja.
- Kthehu te Zoti yt - tha ai - sepse pasardhësit tu këtë nuk do të mund ta kryejnë.
U ktheva, e luta Zotin, dhe e pakësoi përgjysmë. U ktheva përsëri te Musai dhe i tregova për pakësimin. Ai përsëri tha:
- Kthehu te Zoti yt! (Transmetuesi ka përmendur lutjen e dytë te All-llahu, si herën e parë).
Ai përsëri e pakësoi përgjysmë. Përsëri u ktheva te Musai, i tregova dhe ai përsëri tha:
- Kthehu përsëri te Zoti yt, sepse pasardhësit tu nuk do të mund ta kryejnë atë!
U ktheva përsëri te Zoti im dhe e luta, atëherë Ai tha:
- Pesë namazet do të konsiderohen si pesëdhjetë. Fjala Ime nuk ndërrohet!
U ktheva përsëri te Musai i cili më tha:
- Kthehu edhe njëherë te Zoti yt!
- Më vjen turp prej Zotit tim (që ta lus që ende ta pakësojë), i thash unë. Më pastaj vazhduam bashkë me Xhibrilin, derisa arritëm në Sidretul-munteha, të cilën e kishin mbuluar ngjyra të ndryshme. Aq të shumëllojshme ishin, saqë nuk di se sa lloje ishin. Pas kësaj, më futën (në Xhennet), ku shikova kube me gurë të çmueshëm, kurse toka ishte nga misku."

nga NoOrA Wed Dec 16, 2009 10:02 am

“Çdo mëngjes për çdo nyje (të trupit) tuaj ka sadaka. Çdo tesbih - lavdërim (të shprehurit subhanall-llah) është sadaka; çdo tahmid - falënderim (të shprehurit elhamdu li-l-lah) është sadaka; çdo tekbir - madhërim (të shprehurit All-llahu ekber) është sadaka; urdhëresa për të mirë është sadaka, ndalesa kundër të keqes është sadaka. Krejt këtë e zëvendësojnë dy rekate namaz nafile të paraditës (duhâ).”

nga NoOrA Wed Dec 16, 2009 10:03 am

Transmetohet nga Xhabir ibn Abdull-llahu r.a. se ai e ka dëgjuar të Dërguarin e All-llahut a.s. - tri ditë para se të vdesë duke thënë: “Le të mos e gjejë vdekja asnjërin prej jush, e të mos ketë për All-llahun e Madhëruar mendim të mirë (shpresë).”

nga NoOrA Wed Dec 16, 2009 10:03 am

Nga Ebu Seid el-Hudrij r.a. transmetohet se Pejgamberi s.a.v.s. ka thënë;
"Vërtet xhennetlitë do t'i shohin mbi vete banorët e Gurefit siç i shikojnë yjet banorët e tokës,ato yje të shkëlqyeshme nga fundi i natës të cilat dridhen në horizontin prej lindjes deri në perëndim.
Kjo është për shkak të dallimeve në gradat e Xhennetit dhe xhennetlitë".
Të pranishmit thanë;
"O i Dërguari i All-llahut,ato janë vendbanimet e pejgamberëve,a mund t'i arrijë tjetërkush?"
Ai ka thënë;"Gjithqysh!Pasha Atë në sundimin e të cilit është shpirti im,ata janë njerëzit të cilët besojnë në All-llahun dhe të cilët janë të bindur në vërtetësinë dhe sinqeritetin e pejgamberëve të tyre".
(Muttefekun alejhi)

nga NoOrA Wed Dec 16, 2009 10:04 am

Nga Ebu Seid dhe nga Ebu Hurejrete r.a transmetohet se i Dërguari i All-llahut s.a.v.s. ka thënë;
"Kur banorët e Xhennetit të hyjnë në Xhennet,një thirrës do të thirrë;
"Vërtet ju është dhënë jeta dhe mos vdisni kurrë.
Juve ju është dhënë shëndeti dhe kurrë mos u sëmuni.
Juve ju është dhënë rinia dhe ju kurrë nuk do të plakeni.
Juve ju është dhënë kënaqësia dhe ju kurrë nuk do të arrini në mjerim dhe të keqe!"

nga NoOrA Wed Dec 16, 2009 10:05 am

“Pasi u zhvillua beteja në Tebuk, i kaploi njerëzit uria, andaj (erdhën te Lajmëtari dhe) thanë: “O i Dërguari i All-llahut, a na lejon t'i therim devetë tona e të ushqehemi me to dhe të lyhemi (me yndyrën e tyre për shkak të vapës)? I Dërguari i All-llahut a.s. u tha: “Bëjeni.” Pastaj erdhi Umeri r.a. dhe tha: “O i Dërguari i All-llahut, nëse e bën (lejon) këtë, do të na pakësohen devetë (dhe do të dobësohemi), por bërju thirrje që ta grumbullojnë pjesën e mbetur të ushqimit, pastaj lute All-llahun që ta begatojë, ndoshta All-llahu do ta bëjë atë të begatshëm.” Atëherë i Dërguari i All-llahut a.s. tha: “Ani, mirë” pastaj kërkoi një qilim lëkure (për shtruarjen e ushqimit) të cilin e shtroi, pastaj kërkoi që t'ia sjellin ushqimet e tyre që u kanë mbetur. Kështu një njeri solli një grusht bukë misri, një tjetër solli një grusht hurma, kurse një tjetër grimca (të bukës) dhe kur të gjitha këto i tubuan në shtrojen e lëkurës, e gjithë kjo ishte sasi e vogël ushqimi. Atëherë i Dërguari i All-llahut s.a.v.s bëri një lutje (dua) për bereqet, e pastaj tha: “Merrni ushqim në enët tuaja.” Dhe (njerëzit) morën ushqim në enët e tyre ashtu që nuk lanë asnjë enë që gjendej në tenda pa e mbushur me ushqim. Hëngrën derisa u ngopën - dhe në fund prap mbeti ushqim. Atëherë i Dërguari i All-llahut a.s. tha: “Dëshmoj se nuk ka hyjni tjetër përveç All-llahut dhe se unë jam i dërguar i All-llahut. Nuk e takon All-llahu asnjë rob që i vjen me këto dyja (me shehadet), duke mos pasur kurrfarë dyshimi, e të jetë i penguar nga Xhenneti.”

nga NoOrA Wed Dec 16, 2009 10:05 am

“vërtet All-llahu nuk shikon në trupat tuaj as në fizionomitë tuaja, por shikon në zemrat tuaja.”

nga NoOrA Wed Dec 16, 2009 10:05 am

“namazi i njeriut në xhemat është më i vlefshëm se namazi i tij në shtëpinë e tij apo diku tjetër për njëzet e disa shkallë. Kush merr abdest, në formën më të mirë, pastaj shkon në xhami me të vetmin qëllim që ta falë namazin në xhemat, duke mos i interesuar asgjë tjetër, për çdo hap të tij i shtohet nga një gradë dhe i shlyhet nga një mëkat derisa të hyjë në xhami, e kur të hyjë në xhami, atëherë në namaz është aq sa i ka marrë kohën namazi (në xhami). Secilin prej jush e bekojnë engjëjt, derisa të gjendet në vendin ku është falë namazi, ata thonë: “O Zot, mëshiroje! O Zot, fale! O Zot, pranoja pendimin.” Engjëjt veprojnë kështu përderisa njeriu të mos fillojë t'u pengojë të tjerëve, apo ta prish abdestin në xhami.”

nga NoOrA Mon Dec 21, 2009 7:19 am

Resulullahu (salAllahu alejhi ve selem) thotë:

“Lutja më e mirë është lutja që bëhet në ditën e Arafatit dhe lutja më e mirë që e kam thënë unë dhe Profetët para meje është: La ilahe il Allahu uahdehu la sherike leh, lehul mulku ue lehul hamdu ue hue ala kuli shejin kadir.”

nga NoOrA Mon Dec 21, 2009 7:20 am

Nga Ebu Hurejre r.a. transmetohet se Pejgamberi s.a.v.s. ka thënë:

"Keni kujdes atë që po ua lë; ata që kanë qenë para jush janë shkatërruar për shkak të pyetjeve të shumta dhe kundërshtimeve të tyre me Pejgamberët e tyre. Kur t'ju ndaloj prej diqkasë, largohuni prej saj, ndërsa kur t'ju urdhëroj për diqka, atë përmbusheni sa të keni mundësi."

nga NoOrA Mon Dec 21, 2009 7:20 am

Nga Enesi r.a. përcillet se I Dërguari i All-llahut s.a.v.s. ka thënë:

“Assesi askush prej jush mos ta dëshirojë vdekjen e vet për shkak se e ka goditur ndonjë e keqe. E nëse është i detyruar, atëherë le të thotë: O Zoti im, më le të jetoj përderisa jeta të jetë për mua më e dobishme, kurse më vdis nëse vdekja është për mua më e dobishme”.

nga NoOrA Mon Dec 21, 2009 7:20 am

Nga Ebu Hurejre r.a. transmetohet se i Dërguari i All-llahut s.a.v.s. ka thënë:

"Beni Israilët udhëheqeshin nga Pej*gam*berët, posa vdiste një Pej*gam*ber, menjëherë vi*nte në vend të tij tjetëri. Pas meje nuk ka Pej*gam*ber tjetër. Por, do të ketë hulefa (pasardhës) të shumtë". Shokët i thanë: "O i Dërguar i All-llahut çka na urdhëron? I Dërguari i All-llahut s.a.v.s. u përgjigjë: "Përmbusheni urdhërin e njërit pas tjetërit pastaj zbatoni të drejtat e tyre. Luteni All-llahun për halifen tuaj. Vërtet All-llahu do t'i pyesë për të gjitha ato gjëra për të cilat kanë qenë mbikëqyrës

nga NoOrA Mon Dec 21, 2009 7:21 am

Nga Ebu Hurejre, radijAll-llahu anhu, trasmetohet se ka thene:Resulull-llahu, sal-lAll-llahu alejhi ue sel-lem, ka thene:

" Ne çdo nyje te njeriut ka sadake çdo dite ne te cilen lind dielli; te pajtosh dy vete eshte sadake, te ndihmosh njeriun te hype ne kafshen e tij qe ta barte ose ta ngrite ne te furnizimin ( barren ) e tij eshte sadake. Fjala e mire eshte sadake. Cdo hap qe shpie kah namazi eshte sadake. Te shmangesh nga rruga pengesen eshte sadake.''

nga NoOrA Mon Dec 21, 2009 7:21 am

Transmetohet nga Ebu Hurejra r.a. se i Dërguari All-llahut s.a.v.s. ka thënë:

"Sikur një lum të rrjedh para derës së ndonjërit prej jush, dhe të pastrohet në të çdo ditë nga pesë herë, a do t'i ngelë ndonjë njollë atij? Thanë: Nuk i ngelë asnjë njollë atij. Tha: Kështu është shembulli i pesë kohëve të namazit, i pastron Allahu me to mëkatet."

nga NoOrA Sun Jan 24, 2010 1:33 pm

Transmetohet nga Ebu Hurejra r.a se Pjegamberi sal-all-llahu alejhi ve selem ka thënë: “Sikur ta urdhëroja dikë për t’i bërë sexhde dikujt tjetër (përvec Allahut), do ta urdhëroja gruan për t’i bërë sexhde burrit të saj.” (Transmeton Tirmidhiu dhe thotë: Hadithi hasen sahih)

nga NoOrA Sun Jan 24, 2010 1:33 pm

Transemtohet nga Ebu Hurejra r.a se i Dërguari i Allahut sal-all-llahu alejhi ve selem ka thënë: “Kur burri e thërret gruan e tij në shtrat, e ajo këtë e refuzon dhe nëse fle burri dhe kalon natën i hidhëruar me të, engjëjt do ta mallkojnë (atë grua) deri në mëngjes.” (Mettefekun alejhi)

nga NoOrA Sun Jan 24, 2010 1:34 pm

Transmetohet nga Ebu Hurejra r.s. se I Dërguari I Allahut alejhi selam ka thënë: “Me tre Allahu nuk do të flas në ditën e gjykimit, nuk do t’ua falë e as nuk do t’I mbrojë me rahmetin e Tij. Për ta është caktuar denim I rendë e I dhembshëm. Ata janë: plaku që bën zina, sunduesi që gënjen dhe I varfëri që është mendjemadh.” (Transmeton Muslimi)

nga NoOrA Sun Jan 24, 2010 1:38 pm

Nga Ibni Mes’udi përcillet se Pejgamberi sal-lall-llahu alejhi ve sel-lem, ka thënë: “O Zoti im, unë të lutem Ty për udhëzim (përulje), për devotshmëri, për ndershmëri dhe për pavarësi (nga njerëzit).” (Transmeton Muslimi)

nga NoOrA Sun Jan 24, 2010 1:39 pm

Ebu Hurejra r.a. thotë se e ka dëgjuar të Dërguarin e Allahut, sal-lall-llahu alejhi ve sel-lem, duke thënë: “ Pasha Allahun, unë i drejtohem me teube dhe istigfar Allahut për mëshirë dhe falje më tepër se shtatëdhjetë herë në ditë.” (Transmeton Buhariu)

nga NoOrA Sun Jan 24, 2010 1:39 pm

Nga Ebu Hurejra r.a transmetohet se i Dërguari i Allahut alejhi selam ka thënë: “Kush niset në rrugë që të kërkojë dituri, Allahu do t’ia lehtësojë rrugën për në xhennet.” (Transmeton Muslimi)

nga Sponsored content