Vazhdon te shperndahet sulmi ne postat elektronike

Sulmi i hakerëve me anë të teknikës phishing në shërbimet e postës elektronike si Hotmail, Yahoo e Gmail vazhdon të shpërndahet, kanë tërhequr vërejtjen ekspertët.

Kompania për siguri në internet Websense ka hetuar rritje drastike të e-mailave spam, respektivisht e-mailave të padëshiruar në llogaritë e shërbimeve Yahoo, Gmail e Hotmail.

Kjo ndodhë për shkak se llogaritë e vjedhura fillojnë të dërgojnë porosi të personalizuara në të gjitha adresat e arkivuara, me të cilat sugjerojnë blerje në faqe të caktuara komerciale, të cilat janë të rrejshme.

Eksperti për siguri Carl Leonard u ka tërhequr vërejtjen që të janë më të kujdesshëm.

Ai ka këshilluar njerëzit që me miqtë e tyre të kontrollojnë nëse me të vërtetë u kanë dërguar porosi, para se të vizitojnë faqet për blerje.

Problemi është paraqitur kur në internet janë shfaqur disa lista me mbi 30.000 emra përdoruesish dhe shifra për shërbimet e postës elektronike Yahoo, Google e Hotmail, edhe pse këto nuk janë të vetmet shërbime të prekura.