Rritje e madhe e infektimeve kompjuterike

Rritje e madhe e infektimeve kompjuterike
Brenda vetëm një muaji, numri i kompjuterëve të infektuar me softuerë dashakeq është rritur për 15 për qind, thuhet në raporton e kompanisë për siguri kompjuterike - Panda Security.
Në mbarë botën numri mesatar i kompjuterëve të infektuar me softuerë të ndryshëm dashakeq është ngritur në 59%, që është niveli më i lartë i shënuar deri më tani.

Në mesin e 28 shteteve të cilat Panda i ka analizuar në raportin e saj listës i prinë Tajvani me 69% të kompjuterëve të infektuar, derisa në fund të listës gjendet Norvegjia ku “vetëm” 39 për qind e kompjuterëve janë të infektuar.

Më së shpeshti kompjuterët janë të infektuar me trojanë dhe adware, pasuar nga krimbat dhe viruset në vendin e tretë dhe të katërt.





Rritja e madhe e numrit të infektimeve sqarohet me mënyrat e reja të shpërndarjes së softuerit dashakeq me anë të rrjeteve shoqërore, video incizimeve dhe postës elektronike.