Chevrolet Cruze në 1centplus.com

"Unë po shkoj në shtëpi të bidoj... Mbrëmë kam biduar fort por ama fitova... Ai e fitoi televizorin me vetëm 4 bida..."
Nuk është çudi që fjali të tilla t'i dëgjoni gjatë ditës në rrugë ose nëpër lokale. Nuk është një lajthitje e përgjithshme. është fjala për fenomenin më të ri në Kosovë. Ankandi më interesant ku mund të fitojnë të gjithë,1centplus.com. Termi 'bid' (bido, bidoj, bidim, etj.) është marrë nga anglishtja e do të thotë ofertë. Ai është futur në të folurën e përgjithshme të fansave të shumtë të 1centplus që janë të moshave të ndryshme nga e gjithë Kosova.

Ka vetëm 2 muaj jetë, por pothuajse të gjithë, në mos janë infektuar prej këtij ankandi, të paktën kanë dëgjuar për ekzkistencën e tij. Ankandi zhvillohet kështu: në faqen e internetit 1centplus.com zgjidhni produktin që ju pëlqen dhe brenda kohës së caktuar dërgoni një sms me emrin e produktit nga një numër vala ose ipko në numrin 8888. Çdo sms rrit çmimin e produktit me 1 cent. Nëse brenda kohës së caktuar askush tjetër nuk dërgon sms për të njëjtin produkt, ju shpalleni automatikisht fitues i produktit me çmimin e afishuar. "Dërgova vetëm një sms për makinën larëse dhe nuk i besova syve kur u shpalla fitues..." thotë Fisniku, një nga fituesit e shumtë të produkteve të afishuara në faqen e internetit 1 centplus.


"1 cent plus nuk është vetëm një mënyrë e leverdisshme blerje" na thonë organizatorët " por edhe një mënyrë e këndshme për të kaluar mbrëmjen të gjithë së bashku në familje." Llojet e produkteve të ankandit janë të shumta dhe të përshtatura për të gjithë. Të rinjtë mund të blejnë një mp3 player, gratë mund të gjejnë makinën larëse ose shporetin e ri që kanë ëndërruar gjithmonë ose një televizor me ekran të gjerë për shuma sa një e dhjeta ose një e njëzeta e çmimit real. Kualiteti i produkteve është shumë i lartë dhe të gjithë artikujt janë të mbuluar nga garancia. "Emocioni i garës është shumë i fortë dhe orët e mbrëmjes kalojnë pa u ndjerë fare" na thotë Alba, fituese e një tharëse moderne flokësh.

Por befasia më e madhe ende pritet të vijë! Një veturë e re Chevrolet Cruze me kilometrazh zero do dalë për shitje në ditët në vazhdim. Rregullat e shitjes janë të njëjta. Secili mund të bidojë me sms ose drejt nga faqja e internetit. Kush do të jetë fituesi? Kjo nuk dihet... Ajo që dihet me siguri është se gara do të jetë e fortë.