Që të dy lodhen por cili fiton...

nga NoOrA Sun Sep 27, 2009 8:25 am

Allahu xh.sh. i krijoi krijesat dhe Ai di më së miri për ta. Allahu xh.sh. i ndau njerëzit në dy grupe: prej tyre ka besimtarë, dhe të tjerë jo besimtarë, prej tyre ka që kanë për qëllim vetëm këtë botë dhe të mirat e saj, dhe prej tyre ka që kanë për qëllim botën tjetër.
Allahu xh.sh. na sjellë shembuj në Kur’ani Kerim, në mënyrë që t’i dallojmë këto dy grupe.Čdo kush vepron në këtë botë dhe lodhet për të përfituar nga të mirat e pakta të saj, por dikush fiton vetëm këtë botë dhe dikush tjetër fiton edhe të mirat e botës tjetër me veprat e kësaj bote. Dikush tërë natën e kalon duke u falur, duke u lutur, duke lexuar Kur’an, duke bërë dhikër, duke adhuruar Allahun xh.sh.etj, ky pra lodhet,duke mbetur edhe pa gjumë, por lodhet për hirë të Allahut xh.sh. Dhe një tjetër i cili edhe ai tërë natën e kalon në ahengje, argëtim, muzik, kafene, klube, në përcjellje të filmave dhe serialeve të ndryshëm. Edhe ky lodhet dhe mbetet pa gjumë tërë natën, por dallimi është shumë i madh ndërmjet këtyre dyve. Njëri lodhet për të kënaqur Allahun xh.sh. dhe tjetëri për të kënaqur djallin.

Dy vetë qajnë, njëri për Allahun xh.sh., nga frika e Tij, duke shpresuar në Xhennetin e Allahut dhe duke u frikësuar nga dënimi i ditës së kijametit. Por ky lot është lot i cili e shpëton besimtarin prej zjarrit të xhehenemit dhe e afron ate ka Xhenneti i Allahut xh.sh. Dhe tjetri edhe ai qanë por për çfarë qanë? Ose për pasuri që nuk e ka grumbulluar, ose për tregti që i ka dështuar, ose për pallat që nuk e ka ndërtuar, ose për plane të kësaj bote që nuk i ka realizuar, ose për ndonjë dashnore që e ka tradhëtuar! Pra ky qanë, edhe ai qanë, por ka dallim ndërmjet dy të qarave, ai qanë për hirë të Allahut dhe ky për hirë të shejtanit. Dy vetë këndojnë, por njëri hynë në xhami dhe këndon apo dëgjon Kur’an, apo udhëton me veturën e tij por dëgjon në te Kur’an. Dhe tjetëri dëgjon muzik, bjen me flet me te dhe zgjohet me te, në veturën e tij nuk dëgjon përveçse muzik. Të dy mendojnë se po kënaqen, por dallimi është shumë i madh ndërmjet dy kënaqësive. Pra, kjo botë të mashtron, dhe njeriu është shumë i preokupuar me te dhe shumë i dëshiron të mirat e saj. Allahu xh.sh. na tregon në Kur’ani Kerim tregimin e Karunit, se si njerëzit e lakmonin këtë botë,pasi që ai posedonte nga thesaret e arit, argjendit, dijamantit,nga pasuritë e ndryshme, sa që pamundësohet njeriu që ta përshkruaj ate, Allahu xh.sh. thotë:“Ai (Karuni) doli para popullit të vet me stolinë e vet, e ata që kishin synim jetën e kësaj bote thanë: "Ah, të kishim pasur edhe ne si i është dhënë Karunit, vërtet ai është fatbardhë!" (28:79). Kurse grupa tjetër thonë:“ E ata që ishin të zotët e diturisë thanë: "Të mjerët ju, shpërblimi i All-llahut është shumë më i mirë për atë që besoi dhe bëri vepër të mirë, po atë nuk mund ta arrijë kush përveç durimtarëve!" (28:80). Prandaj a janë të barabartë këto dy grupe, a janë të barabartë ata që shpenzojnë në rrugë të Allahut dhe ata që shpenzojnë për të kënaqur epshet e tyre, apo a janë të barabartë mëkatarët dhe jo mëkatarët. Allahu xh.sh. thotë:“ A mos do t'i barazojmë ata që besuan dhe bënë vepra të mira me ata që bënë shkatërrime në tokë, apo do t'i konsiderojnë njësoj si të ruajturit prej të këqiave, si ata që janë mëkatarë“? (38:28) „A do ti bëjmë krminelët të barabartë me muslimanët? (68 :35). Një njeri i mirë ka qenë duke agjëruar, dhe i afrohen momentet e vdekjes, djali i vet i sjell një gotë ujë dhe i thotë : pije këtë gotë ujë ! Por ai e pyet : A thirri namazi i akshamit ? Djali i tha : Jo. Tha : Nuk do të pijë derisa të thirrë ezani ! Djali i tha : O baba im, pije këtë gotë ujë se ti je në momente të vështira dhe kjo të lejohet ty ! Por ai nuk pranoi të pijë ujë derisa perëndoi dielli. Pas perëndimit të diellit djali ia solli gotën me ujë përsëri, e ai pasi që piu ujë, i tha djalit të vet :’’Për një shpërblim të këtillë le të veprojnë vepruesit’’! (37 :61). Pastaj e dorëzoi shpirtin te Allahu xh.sh. Krahaso pra, këtë rast me një njeri i cili i ka kaluar të pesëdhjetat apo gjshtëdhjetat dhe ai ende kërkon që të pijë alkool edhe ate ndoshta në muajin e Ramazanit dhe haptas duke mos u turpëruar aspak,dhe ndoshta i vjen vdekja dhe ai duke qenë në atë gjendje. Një tjetër njeri që përfundimi i tij ka qenë i keq, në momentet e vdekjes i kanë thënë: Thuaj „La ilahe il-lall-llah“, ka thënë: e çka më ndihmon mua kjo pasi që unë nuk kam bërë asnjë namaz, asnjë ruku dhe asnjë sexhde për Allahut. Dhe Allahu xh.sh. ia merr shpirtin duke mos ia mundësuar që as në momentin e fundit ta shpreh shehadetin. Shiqo pra, prej cilës grupe mund të jesh ti, prej grupës që e adhuron dhe e respekton Allahun apo prej grupës që mëkaton dhe e kanë mbuluar gjunahet. Allahu xh.sh. thotë: „Ne e udhëzuam atë në rrugë të drejtë, e ai do të jetë: mirënjohës ose përbuzës“ (76:3). E ti prej cilës grupe je, prej asaj që i janë mirënjohës Allahut, apo prej asaj që përbuzin. Ky është Ebu Xhehli i cili luftoi derisa u mbyt në luft, por vdiq duke i bërë shirk dhe mohuar Allahun, dhe ky është Hamza r.a. i cili gjithashtu luftoi derisa u mbyt, por ky vdiq me besim dhe bindje të plotë në Allahun xh.sh., e ai i pari (Ebu Xhehli) u bë faraoni i këtij umeti, kurse ky i dyti u bë zotëriu i dëshmorëve në Xhennet. Allahu na bëft prej grupës së Hamzës r.a.