Samsung: Pesë megapiksela për celularë

Samsung ka paralajmëruar zhvillimin e sensorit CMOS me rezolucion prej pesë megapikselash të dedikuar për integrim në celularët e klasës së lartë.
Shenja dalluesi e tij është S5K4EA, derisa bëhet fjalë për një pajisje SoC e cila kombinon sensorin CMOS me procesorin i cili mund të përpunojnë video 1.080p me 30 fotografi në sekondë.

Sensori po ashtu është i pajisur me teknologjinë EES (Enhanced Energy Steering) për të fituar fotografi të kualitetit të lartë, mbështetë auto-fokusin dhe blicet Xenon. Mostrat e para të sensorit do t’u shiten prodhuesve të celularëve, derisa me prodhimin masiv Samsung do të fillojë gjatë tremujorit të parë të vitit të ardhshëm.

Pritet që këtë vit në tërë botën do të shiten gjithsej 98 milionë celularë me sensorë të rezolucionit prej pesë megapikselash, derisa deri në vitin 2012 kjo shifër do të duhej të rritej në 660 milionë.