KFOR-i e FSK-ja “shkrijnë“ raportet

nga Mc-LiNdY Tue Mar 09, 2010 2:56 pm

Prishtinë, 9 mars - Mosmarrëveshjet ndërmjet KFOR-it dhe institucioneve të vendit në lidhje me FSK-në, duket se kanë përfunduar sot, ka raportuar gazeta Express.
Sipas kësaj gazete, burime shumë të besueshme thanë sot se pas takimeve intensive ndërmjet komandantit të Përgjithshëm të KFOR-it, Markus Bentler dhe zyrtarëve të lartë të Qeverisë së vendit, është arritur pajtimi që ngërçi i katër ditëve të fundit të tejkalohet.
Ende nuk dihen saktë detajet e kësaj marrëveshje, por merret vesh se shumë shpejt ata do të lëshojnë një komunikatë të përbashkët për media.
Në këtë komunikatë që pritet të nënshkruhet nga Bentler dhe ministri i FSK-së, Fehmi Mujota, do të potencohet vazhdimi i bashkëpunimit sikurse më parë ndërmjet KFOR-it dhe FSK-së.