Britania, Italia, Turqia dhe Zvicra urojnë Kosovën

nga *lissa* Tue Feb 16, 2010 9:49 am

Britania, Italia, Turqia dhe Zvicra urojnë Kosovën

Presidenti Fatmir Sejdiu, në dyvjetorin e pavarësisë së
vendit tonë, ka marrë mesazhe urimi nga Mbretëresha e Britanisë së
Madhe, Lartmadhëria e saj, Elizabeth II, presidenti i Italisë, Giorgio
Napolitano, presidenti i Turqisë, Abdullah Gúl si dhe nga presidentja e
Konfederatës së Zvicrës, Doris Leuthard.

Britania, Italia, Turqia dhe Zvicra urojnë Kosovën F.0216145149729_m

Britania, Italia, Turqia dhe Zvicra urojnë Kosovën F.0216145149729_m

Në mesazhin e Lartmadhërisë së saj, Elizabeth II thuhet: “Derisa Ju
po e festoni Ditën tuaj Kombëtare, unë kam kënaqësinë e madhe që t’ju
dërgojë urimet e mia më të ngrohta për shkëlqesinë e Juaj dhe për
popullin e Republikës së Kosovës, së bashku me dëshirat më të mira për
një të ardhme paqësore dhe prosperuese”.

Ndërkaq, presidentit të Italisë, Giorgio Napolitano në urimin e tij
thekson: “Me rastin e festës kombëtare, dëshirojë t’Ju përcjell, në emër
të popullit italian dhe në emrin tim, urimet më të ngrohta për
prosperitetin e popullit kosovar”.

“Marrëdhënie në mes të dy vendeve tona janë forcuar edhe më tepër, janë
ushqyer nga ndjenja e miqësisë që i lidh dy popujt tanë. Italia do të
vazhdojë të mbështesë përpjekjet kosovare për forcimin e demokracisë,
respektimin e të drejtave të minoriteteve dhe zhvillimin ekonomik”,
thekson ai.

Pavarësia e Kosovës, sipas Napolitanos, përbën një proces të pakthyeshëm
dhe duhet të përfaqësojë një faktor stabiliteti për tërë rajonin e
Ballkanit. “Vendi juaj mund të llogarisë edhe në të ardhmen në
mbështetjen e dëshmuar të Italisë në rrugëtimin dhe përafrimin me
Bashkimin Evropian”.

“Me rastin e dyvjetorit të pavarësisë së Republikës se Kosovës, në emrin
tim dhe në emër të popullit turk, me ndjenjat më të sinqerta, ju uroj
Ju dhe gjithë popullin kosovar”, thekson ndërkaq, në urimin e tij
presidenti turk Gúl.

“Para disa ditësh, pata kënaqësinë e veçantë t’ju nderoj si mysafir Ju,
Mikun tim të dashur dhe shpresoj se nga vendi ynë jeni ndarë me kujtime
të mira dhe të ngrohta.
Padyshim, kjo vizitë e parë zyrtare që u realizua në Ankara në mes të
Turqisë dhe të Shtetit të ri të Republikës së Kosovës në nivel të
Kryetarëve të Shtetit, pas takimeve të frytshme dhe të dobishme do të
ketë një peshë të veçante historike”.

“Fuqishëm besoj se kjo vizitë do të na shpie në zhvillimin e mëtejmë
të marrëdhënieve dhe të bashkëpunimit tonë në drejtim të forcimit të
vullnetit dhe të vendosmërisë sonë të përbashkët. Me krenari ju siguroj
se jemi të një mendimi që lidhjet e thella historike, sociale dhe
kulturore në mes të popujve tanë mik e vëlla do të përcillen te
gjeneratat e ardhshme”, thekson Gúl, duke shtuar se, Turqia në çdo fushë
do të përkrahë zhvillimin dhe mirëqenien e vazhdueshme të Kosovës.
Presidentja e Konfederatës së Zvicrës, Leuthard ndërkaq, shkruan:
“Dita kombëtare e Republikës së Kosovës është një mundësi e mirëpritur
për mua që t’i shpreh Shkëlqesisë Suaj, në emër të Këshillit Federal
Zviceran dhe në emrin tim, përshëndetjet më të sinqerta dhe urimet tona
më të mira për shëndetin tuaj personal, si dhe për mirëqenien dhe
prosperitetin e vendit tuaj”.
“Unë jam e bindur se lidhjet e miqësisë dhe bashkëpunimit midis dy
vendeve tona do të vazhdojnë të intensifikohet në të ardhmen”.