ICR-ja mirëpret procesin e riemërimit në gjyqësor

nga *lissa* Tue Feb 16, 2010 9:46 am

ICR-ja mirëpret procesin e riemërimit në gjyqësor

Përfaqësuesi Civil Ndërkombëtar (ICR), Pieter Feith ka
thënë se synim i procesit të verifikimit dhe riemërimit që po vazhdon
është fuqizimi i një gjyqësori të pavarur të cilësisë së lartë.

ICR-ja mirëpret procesin e riemërimit në gjyqësor F.0216163500190_m

Feith ka mirëpritur shpalljen e emërimeve të bëra për tetë vendet e
Gjykatës Supreme të Kosovës, katër postet në Prokurorinë Shtetërore dhe
nëntë postet në Prokurorinë Speciale.
Me këtë rast, Pieter Feith ka thënë: “Qytetarët e Kosovës e
dëshirojnë dhe e meritojnë një sistem gjyqësor të pavarur dhe
profesional që i përmbush standardet ndërkombëtare. Sistemi gjyqësor
duhet të jetë i aftë të përballet me efikasitet dhe efektshmëri në punët
e veta, të sigurojë se drejtësia po vihet në vend– dhe të shihet se një
gjë e tillë është duke u bërë”.
Këto emërime, rezultat i një procesi të plotë të verifikimit me
ndihmesën e bashkësisë ndërkombëtare, sipas Feithit, janë një hap drejt
realizimit të atij qëllimi.
“Duke qenë se me kohë do të ketë vende të tjera të lira nëpër
institucionet gjyqësore, do të dëshiroja t’i inkurajojë edhe pjesëtarët e
komuniteteve jo-shumicë që të aplikojnë gjatë të gjitha fazave të
procesit të verifikimit dhe të riemërimit. Është jetike që çdokush të
ndjehet se e ka vendin e vet në gjyqësor, i cili ka mundësi të mëdha të
përmirësojë jetërat e njerëzve”, ka thënë ai.