Partitë me vlerësime pozitive për bashkëpunimin me Kosovën

nga *lissa* Tue Feb 16, 2010 9:45 am

Partitë me vlerësime pozitive për bashkëpunimin me Kosovën

Me rastin e dyvjetorit të shpalljes së pavarësisë së
Kosovës, partitë politike në Maqedoni BDI, VMRO-DPMNE dhe LSDM-së kanë
vlerësuar bashkëpunimin e deritanishëm mes dy vendeve duke shfaqur
bindjen se ky bashkëpunimin do të thellohen edhe më tej.

“Shënimin e dy vjetorit nga pavarësia e Kosovës, Maqedonia do ta
shënoj me përmbylljen e çështjes së vetme të hapur, shënimin e kufirit e
cila duhet përshëndetur si sukses që realizoi parlamenti i Maqedonisë. A
mundej më shumë të bëhet, me siguri se po. Vlerësoj se shkëmbimi
tregtar nuk është në nivelin që duhet të jetë meqë objektivisht
zhvillimi i rajonit në përgjithësi në pjesën e energjetikës është i
lidhur me të gjitha resurset që i ka Kosova. Mendoj se Maqedonia në të
ardhmen këtu duhet të bëjnë më shumë”, deklaroi Vllado Buçkovski,
deputet i LSDM-së.
“Nëse është mundur të bëhet më shumë, nuk mund të themi se nuk ka
mundur më shumë megjithatë për periudhën 2 vjeçare Maqedonia në
marrëdhëniet tona me fqiun tonë Kosovën ka bërë shumë përveç njohjes,
shënimit të vijës kufitare u vendosën edhe marrëdhëniet diplomatike dhe
mendoj se kemi shumë marrëdhënie të mira ndërfqinjësore të cilat
zhvillohen çdo ditë edhe në sferën e bashkëpunimit ekonomik dhe në
sferat tjera”, theksoi Sillvana Boneva, deputete e VMRO-DPMNE-së.
“Shpresojmë se në të ardhshmen marrëdhëniet mes këtyre dy shteteve
fqinje do të jenë në zhvillim e sipër po ashtu dëshiroj të potencoj se
opsioni Republika e Kosovës si shtet i pavarur në Ballkan dëshmoi se
Ballkani është më i qetë”, tha Tahir Hani deputet i BDI-së.
Ndërkohë, mesazhe urimi krerëve të institucioneve të Kosovës, i kanë
dërguar edhe partitë tjera politike. “Kosova e fitoi atë qe e meritoi
shumë më herët, por tani kërkon që të jetë pjesë e strukturave
euro-atlantike, dhe unë shpresoj se Ju, edhe këtë ëndërr të shqiptarëve
të Kosovës do ta realizoni”, thuhet në urimin e Kryetarit të PDSH-së,
Menduh Thaçi dërguar presidentit, Fatmir Sejdiu.
Telegram urimi ka dërguar edhe Demokracia e Re: “17 Shkurti 2008
pasqyroi në sytë e botës përkushtimin pa alternativë të institucioneve
legale dhe legjitime të Kosovës për të ndërtuar një shtet të pavarur dhe
sovran, një shtet i cili përcaktim kryesor do të ketë anëtarësimin e
shpejtë në strukturat euroatlantike”, thuhet në urimin e kryetarit të
DR-së, Imer Selmani.