Dispozita mbi muzikën dhe dëgjimin e saj

nga NoOrA Tue Feb 09, 2010 7:18 am

Muzika dhe të dëfryerit me të është haram, vepër e ligë dhe një ndër shkaqet e sëmundjes së zemrës dhe vrazhdësisë së saj. Disa prej dijetarëve kanë rënë konsensus (ixhma) për ndalimin e muzikës.

Argumentet që bëjnë të ndaluar muzikën

Ka shumë argumente që bëjnë haram muzikën, ne do t’i përmendim disa nga to si:
Argumenti i parë: Thotë Allahu subhanehu ue teala: “ Po ka nga njerëzit që blenë tregime boshe e më qëllim që t'i largojnë njerëzit prej rrugës së All-llahut pa pasur kurrfarë fakti dhe për t'i marrë ato (ajetet e) Allahut si tallje. Për ta me siguri është përgaditur dënim i turpshëm. E kur i lexohen atij ajetet Tona, ai kthehet kryelartë dhe bëhet sikur nuk i ka dëgjuar ato, bëhet sikur në veshët e tij ka shurdhim të rëndë, pra, ti përgëzoje atë më një dënim të dhëmbshëm”(Lukman citati 6-7).

Thotë komentarori Elvahidi dhe shumë komentatorë të tjerë të Kuranit se fjala e Allahut subhanehu ve teala në ajetin e sipërm “që blenë tregime boshe” ka për qëllim muzikën. Thotë Ibn Abasi , Ibni Mesudi , gjithashtu thotë të njëjtën gjë Muxhahidi dhe Akreme, transmetohet nga Ibni Mesudi se ka thënë: “Pasha Zotin që nuk meriton të adhuruar përpos Tij ‘ajo është muzika’.”

2. Argumenti i dytë është: Nga suneti i Pejgamberita sal-Allahu alejhi ve selam ku thotë : “Do të ketë popull nga ymeti im që e lejojn prostitucionin , mëndafshin , alkoholin , dhe vegëlat muzikore”( Shënon Buhariu ).

Nga ky argumet nxjerrim se ato vegla muzikore kanë qenë të ndaluara po i kanë lejuara ata.

3. Argumenti i tretë: Transmeton Ebu Hurejra Zoti qoftë i kënaqur me të se i Dërguari i Allahut subhanehu ve teala ka thënë: “ Shndërrohen popuj nga ky ymet në kohët e fundit në majmun dhe derrë ” i thanë o i Dërguar i Allahut a nuk janë ata pjesëtarë të fjalës - la ilahe ilallah muhamedun rresulullah - ? Tha ” gjithsesi “ bile edhe agjërojnë falën dhe bëjnë haxhin “ ata thanë e çfarë është puna e tyre? Tha : “ Përdorin mjetet muzikore , defët dhe këngëtaret luajnë duke pirë pije alkolike dhe duke u dëfryer, pastaj zgjohen dhe veç janë shndërruar në majmun dhe derra” ( Igathul Elehfan f. 262 v.1 ).

4. Argumenti i katërt: Është fjala e Allahut subhanehu ve teala: “Lutja e tyre pranë shtëpisë (Qabes) nuk ishte tjetër veçse britmë dhe duartrokitje, prandaj vuajeni dënimin për shkak se mohonit” (Enfal citati 35) Thotë Ibni Abasi, Ibni Omeri , Atije, Muxhahidi, Dahaki, Haseni dhe Katadeja se fjala “muka” është britmë kurse fjala “ tasdije “ është duartrokitje.

Disa fjalë të dijetarëve

Thotë dijetari i famshëm islam Ibnu Tejmijje, rahimehullah :

“ Prej gjërave që më së shumti e forcojnë gjendjen e shejtanit janë: dëgjimi i muzikës dhe dëfrimet ..... dhe ajo është që dëgjojnë jobesimtarët. Thotë Allahu subhanehu ve teala: “Lutja e tyre pranë shtëpisë (Qabes) nuk ishe tjetër veçse britmë dhe duartrokitje .. “ Thotë Ibni Abasi, Ibni Omeri dhe të tjerëse fjala “tasfije” në citat ka për qëllim duartrokitjen, kurse fjala “mukaen” ka për qëllim britmë ( fishkëllim ) ..... dhe në këtë formë e adhuronin Zotin jobesimtarët, kurse Pejgamberi sal-Allahu alejhi ve selem dhe shokët e tij adhuronin në atë formë që i urdhëronte Allahu subhanehu ve teala si namazin, leximin e Kuranit dhe me përkujtimin e Allahut subhanehu ve teala dhe lloje tjera të adhurimit dhe se nuk është mbledhur i Dërguari i Allahut subhanehu ve teala asnjëherë me shokët e tij që të dëgjoj muzikë qoftë me shuplakë ajo apo me def ... dhe pastaj shtoi dijetari për atë që dëgjon muzikë: “ Depërtimi kur dëgjon Kuran ai është shumë i dobët kurse forcohet ai kurë të dëgjon mjetet e shejtanit vallëzon tërë natën, kurse kur të vijë koha e namazit falet ulur ose falet shumë shpejt, sikurse gjeli kur ha ushqimin e tij ..... e urren dëgjimin e Kuranit ikën nga dëgjimi i tij dhe i duket i rëndë ai ..... nuk gjen tek ai dashuri e as shije dhe kënaqësi ..... dëshiron dëgjimin e britmave (fishkëllimës) dhe duartrokitjes dhe gjen tek ajo disponim ... Ja këto janë disa gjendje të shejtanëve ku një gjë të tillë e vërteton edhe fjala e Allahut subhanehu ve teala ku thotë: “Kush mbyll sytë para këshillave të Zotit, atij ia shoqërojmë një djall që nuk i ndahet kurrë” (Zuhruf citati 36)”.

Marrë nga libri: “El furkan bejne evliai Errahman ve evliai shejtan”

Thotë dijetari i famshëm Ibni el Kajim (Allahu e mëshiroftë!) në lidhje me muzikën:

“Prej kurtheve të armiqve të Allahut dhe gjuajtjeve të tyre nuk shpëtuan përpos një pakicë që posedoi , logjik , dituri dhe fe , kurse i goditi zemrat e injorantëve dhe të gënjeshtarëve me dëgjimin e fishkëllimave dhe duartrokitjeve dhe muzikës me veglat e saja te ndaluara nëpërmjet të së cilave i largojnë zemrat nga Kurani famëlartë dhe i bëjnë ato të përqendruara në dëfrime dhe mëkate ..... ajo (muzika) është Kurani i shejtanit dhe një pengesë mes robit dhe Zotit të tij , është rukje e homoseksualizmit dhe prostitucionit , me të arrin i dashuruari i dëfryer nga e dashura e tij kulminacionin e dëfrimit (kënaqësisë), ju bëri kurth shajtani shpirtrave të të prishurve dhe ju ka zbukuruar atyre ato kurthe dhe mashtrime dhe ju inspiroi atyre dyshime të pavërteta duke i paraqitur ato të mira dhe e pranun ata këtë inspirim dhe e braktisën Kuranin , ah sikur ti shikosh se si qëndrojnë kur dëgjojnë muzikën duke qenë të përkushtuar të koncentruar nuk pëshpërisin e as nuk bëjnë lëvizje të panevojshme dhe me zemra të përqendruara në tërësi anojnë anim të dehurit të thyer në lëvizjet e tyre dhe vallëzimin e tyre, a ke pa te thymen e gjinisë asnjanëse dhe gërave dhe si mos ta bëjnë një gjë të tillë kur kane përzier shpirtrat me pije dehëse dhe ka bërë në ta ajo çka më së shumti mund të bëhet nga gotat dhe për hir jo të Zotit po për hir të shejtanin , dhe atje derdhën të holla por jo në adhurimin e Zotit fuqiplotë ... kaluan jetën e tyre në kënaqësi dhe dëfrime dhe morën fenë e tyre argëtim dhe lojë ..... zërat e shejtanit janë më të dashur tek ata se sa dëgjimi i ndonjë kaptine të Kuranit famëlartë , dhe nëse dikush nga ta e dëgjon Kuranin nga fillimi i tij e deri në fund nuk do të ndikoj tek ai asgjë kurse kurë të dëgjojë zërat e shejtanit fillon të dëgjoj me përkushtim dhe ti hapet fytyra duke reflektuar ne sy nga brendësia e tij, gjithashtu reflekton në këmbët e tij fillon të vallëzojë dhe në duart e tij ku fillon të duartrokas dhe në tërë trupin e tij duke filluar të dridhet në tërësi... O ti i sprovuar dhe që sprovon njerëzit sikur të bësh një etje të tillë në dëgjimin e Kuranit famëlartë dhe këtë prezantim kaq të përkushtuar kur të lexosh atë (Kuranin), por secili njeri bën atë që i përshtatet dhe anon në atë që i përshtatet.

Shkurtimisht nxjerrë nga libri: “Igathetu elehfan min mesajidi shejtan”

Dhe në fund fetvaja e dijetarit bashkëkohorë Abdulaziz bin Baz, Allahu e mëshiroftë!

Thotë pyetësi: Çfarë është gjykimi i sheriatit ndaj muzikës a është i ndaluar (haram) dhe si trajtohet ai i cili përkundër asaj që e di se është e ndaluar e dëgjojë me qëllim të argëtimit, çfarë është dispozita e veglave muzikore dhe muzikës së vjetër? Dhe çfarë është dispozita e daulles në dasma?

U përgjigj dijetari me këto fjalë :

“Dëgjimi i muzikës është e ndaluar “haram” dhe është një ndër shkaqet e sëmundjes së zemrës forcimit të saj dhe njëkohësisht bën largimin e saj nga të përmendurit e Allahut subhanehu ve teala dhe nga namazi. E kanë komentuar shumica e komentatorëve fjalën e Allahut subhanehu ve teala ku thotë: “Po ka nga njerëzit që blenë tregime boshe e më qëllim që t'i largojnë njerëzit prej rrugës së Allahut.....” se ka për qëllim muzikën dhe se sahabiu i nderuar Ibnu Mesudi betohej se ka për qëllim muzikën, e në rast se gjenden me muzikë vegla muzikore atëherë ajo është haram më i madh.

Kanë përmend disa dijetarë se muzika me vegla muzikore ka konsensus mes dijetarëve se është e ndaluar “haram” dhe se obligohemi të ruhemi nga ajo, sepse i Dërguari i Allahut subhanehu ve teala ka thënë: “Do te ketë popull nga ymeti ime që e lejon prostitucionin, mëndafshin, alkoolin dhe veglat muzikore” (Transmetonë Buhariu), fjala “meazif” është vegla muzikore.

Të këshilloj ty dhe të tjerët, vëlla i dashur, të përkushtoheni më tepër në leximin e Kuranit dhe në të përmendurit e Allahut subhanehu ve teala, sepse në të ka dobi të mëdha.

Kurse në dasma lejohet defi dhe këngë (pa instrumente) që nuk thërrasin në të ndaluara “harame” dhe as nuk lëvdon diçka që është e ndaluar “haram” dhe ajo bëhet në një pjesë të natës dhe është e lejuar vetëm për gratë, me qëllim të njoftohen të tjerët për atë martesë dhe të dallohet ajo dhe amoraliteti “zinaja”. Kjo formë është vërtetuar nga suneti i Pejgamberit sal-Allahu alejhi ve selem.

Kurse sa i përket daulles ajo është e ndaluar rreptësisht “haram” dhe se nuk lejohet t’i bihet asaj jashtë dasmës apo në dasmë, por mjafton t’i bihet defit dhe ajo vetëm në dasmë dhe vetëm për gra e assesi për burra.

Marrë nga “Muxheledu dave” numri (902) më 15 sheval 1403 hixhri.

Dhe pas gjithë kësaj, shumë prej muslimanëve e lejojnë muzikën ose nga injoranca që gjinden ata (dhe se kjo është me prezent), ose nga inati dhe mos nënshtrimi i tyre ndaj argumenteve te lartshënuara.

E lusim Allahun subhanehu ve teala që të na bëjë ne prej atyre që e dëgjojnë fjalën e Tij dhe e pasojnë atë në formën më të mirë, sepse të vetmit janë ata që i ka udhëzuar Allahu subhanehu ve teala dhe se të vetmit janë ata që posedojnë mendjemprehtësi.

Paqja dhe mëshira e Allahut subhanehu ve teala qoftë mbi të Dërguarin tonë Muhammedin salallahu alejhi ve selam.

Përktheu: Fatmir Raçi