DV: Procesi i votimit po ecën në mënyrë të rregullt

nga *lissa* Sun Jan 31, 2010 7:24 am

Koalicioni i OJQ-ve “Demokracia në Veprim”, ka paraqitur
të gjeturat e para nga terreni, bazuar në raportet e vëzhguesve të
këtij koalicioni, për zgjedhjet e raundit të tretë për zgjedhjet lokale
në Prizren dhe Lipjan.

Bazuar në të dhënat deri në orën 10:00, në përgjithësi, procesi i
votimit është zhvilluar i rregullt, me përjashtim të disa vonesa të
vogla në hapjen e disa vendvotimeve, mungesës në disa rasteve të disa
komisionerëve, si dhe problemeve teknike si mungesa e ngjyrës së
vulave, etj.
Deri në orën 10:00, vonesa deri në 45 minuta në Komunën e Prizrenit
ka pasur në ShF Motrat Qiriazi - 2004a, SHF Gjon Buzuku -2005a, SHF
Mustafa Bakia -2005x, Fshati Kushnin -2050a (për shkak te kushteve te
renda atmosferike), Zym, -2024a (probleme me ngjyrën për vula te
fletëvotimeve), Hoqë e Qytetit-vendvotimi 2026a/03, Lugishtë e Hasit -
2030a, SHF Gani Qavdërbasha- vendvotimi 2042a/09, SHF Leke Dukagjini-
vendvotimi 2007a/01 (për shkak të mungesë së ngjyrës për vulë të
fletëvotimeve).
Ndërkaq, qendra e votimeve në fshatin Novakë (vendbanim i banuar me
serbë), nuk është hapur fare. Në fshatin Randobravë është raportuar se
vëzhguesit e partive politike kanë asistuar votuesit, si dhe menaxheri
i qendrës ka insistuar që një votuesi t’i lejohet votimi me kopje të
letërnjoftimit.
Në Komunën e Lipjanit janë raportuar vonesa në qendrën e votimit në Ruvc të Ri - 1323E.
“Demokracia në Veprim” ka të angazhuar rreth 300 vëzhgues për zgjedhjet e raundit të tretë në Komunën e Prizrenit dhe Lipjanit.