PLK: KQZ-ja të marrë një vendim për Gjilanin

nga *lissa* Sat Jan 23, 2010 6:45 am

Partia Liberale e Kosovës e ka vlerësuar lartë
paraqitjen e shefit të diplomacisë kosovare, Skender Hyseni në
mbledhjen e Këshillit të Sigurimit të OKB-së, ndërsa e ka vlerësuar si
shqetësuese paraqitjen e presidentit serb Boris Tadic, i cili sipas
kësaj partie, akoma po jeton politikisht në shekullin e kaluar dhe me
koncepte të diktaturës milosheviqiane komuniste.

Në një konferencë për media, të shtunën, PLK e ka përshkruar
situatën në Kosovë të qetë dhe stabile, me përjashtim të pjesës veriore
të Mitrovicës ku ende strukturat ilegale paralele e mbajnë gjendjen të
tensionuar. Andaj, PLK ka thënë se pret që institucionet e Republikës
së Kosovës ta zbatojnë Kushtetutën dhe të vënë rend e ligj në gjithë
territorin e Republikës.
PLK po ashtu ka kërkuar nga KQZ-ja të marrë një vendim për zgjedhjet
në Gjilan në bazë të votës së lirë dhe fitoren t’ia konfirmojë
subjektit “i cili fituar” – ndërsa në Prizren dhe Lipjan, kjo parti
pret rikonfirmimin e fitores së kryetarëve aktualë të këtyre dy
komunave, Ramadan Muja dhe Shukri Buja, të cilët, sipas PLK-së, kanë
treguar sukses në zhvillimin e këtyre dy komunave.
PLK po ashtu ka kërkuar ndryshimin dhe plotësimin e Ligjit zgjedhor
dhe aprovimin e ligjit për financimin e partive politike, si parakusht
për proces të ndershëm, transparent dhe demokratik zgjedhor.
Kjo parti po ashtu ka bërë të ditur se, që nga data 22 janar do të
shpallë zgjedhjet e brendshme të partisë, që do të jenë parapërgatitje
për kongresin e VI zgjedhor të PLK-së, i cili do të mbahet para
zgjedhjeve të përgjithshme në vend, të cilat janë paraparë të mbahen në
201 konform Kushtetutës së Republikës së Kosovës. /Telegrafi/