LDK ngre padi në Gjykatën Supreme

LDK ngre padi në Gjykatën Supreme


Lidhja
Demokratike e Kosovës ka dërguar padi në Gjykatën Supreme të Kosovës
duke kërkuar që të përfillet vendimi i Komisionit Zgjedhor për Ankesa
dhe Parashtresa për përsëritje të votimit në komunën e Gjilanit.



Këtë
e konfirmuan drejtues të Gjykatës Supreme. Ata thanë se brenda një
afati prej 15 ditësh do të ketë një përgjigje nga ky institucion.
Komisioni Qendror i Zgjedhjeve nuk pritet të marrë një qëndrim
lidhur me çështjen e rivotimit në Gjilan deri në një përgjigje të
Gjykatës Supreme të Kosovës.
Zëdhënësi i LDK-së, Vehbi Miftari, thotë se subjekti i tij politik
pret një përgjigje të shpejtë dhe pozitive nga gjykata supreme që edhe
në Gjilan të ketë rund të tretë votimi.
Padia e LDK-së është bërë në Gjykatën Supreme të Kosovës, pasi
Komisioni Qendror i Zgjedhjeve pas shumë mbledhjesh nuk ka arritur të
marrë vendim për certifikimin e rezultatit të votimit në Gjilan.