Ambasadorët do të përzgjidhen pa konkurs

nga *lissa* Sun Jan 17, 2010 6:24 am

Qeveria e Kosovës ka miratuar kërkesën e Ministrisë së
Jashtme për amandamentimin e Ligjit për Shërbimin Diplomatik dhe atë
Konsullor. Sipas ligjit të ri, siç bën të ditur e përditshmja Express,
ambasadorët nuk do të përzgjedhjen me konkurs, por do të emërohen nga
Ministria e Jashtme, në bashkëpunim me Qeverinë dhe Presidencën.

Kjo kërkesë e MPJ-së është pranuar të shtunën në mbledhjen e
Qeverisë, e cila ka proceduar amendamentimin e Ligjit për Shërbimin
Diplomatik dhe atë Konsullor, ku do të eliminohet konkursi për
ambasador.
Zëvendësministrja e Jashtme, Vlora Çitaku ka thënë se janë
konsultuar me presidentin dhe kryeministrin dhe janë marrë vesh për
ndryshimin e ligjit.
Deri më tani, ambasadorët e Kosovës i janë nënshtruar institucionit
të konkursit dhe shumë kjo formë e përzgjedhjes, vlerësohet se ka
ndikuar që shumë njerëz të mos i hyjnë kësaj procedure. Pas kalimit të
ligjit në Kuvend, ambasadorët e Kosovës do të emërohen nga Ministria e
Punëve të Jashtme, në bashkëpunim me Qeverinë dhe Presidencën.