Shikimi i ndaluar

Shikimi i ndaluar, shigjeta e helmuar e shejtanit ka plagosur shumë njerëz. Shumica dërmuese nuk largohet ose më saktë nuk ka shpëtuar nga kjo sprovë në këtë kohë të devijimeve të shumta që ngufasin Ummetin Islam.

Jetojmë një kohë në të cilën imoraliteti dhe prishja janë përhapur në përmasa të gjëra. Bukuritë mashtruese të kësaj bote largojnë njeriun nga rruga e drejtë. Fotografitë e ndaluara, që zbulojnë pjesët e turpshme, gjinden në çdo kënd të botës përreth neve. Kudo që të shikosh, në gazetë, revistë, televizion etj. i sheh fotografitë e fëlliqura që ta sëmurin zemrën dhe njollosin Imanin.
Shikimi i ndaluar, shigjeta e helmuar e shejtanit ka plagosur shumë njerëz.
Shumica dërmuese nuk largohet ose më saktë nuk ka shpëtuar nga kjo sprovë në këtë kohë të devijimeve të shumta që ngufasin Ummetin Islam.
E keqja shkakton të keqen. Pas shikimit të parë vjen shikimi i dytë dhe kështu me radhë. Disa të ngatërruar nga shejtani thonë se shikimi i dytë është shërim për shikimin e parë. (Pretendojnë se me shikimin e dytë dalin në shesh mangësitë të cilat nuk i ka parë gjatë shikimit të parë)
Me këtë rast do t'ju prezantojmë dy prej përgjigjeve të Imamëve të njohur: Shejhul Islam Ibën Tejmijje dhe nxënësit të tij Ibën Kajjim El Xheuzijje, All-llahu i mëshiroftë, për të cilët shpresojmë se do të bëhen ilaç shërues dhe balsam i dobishëm për këtë sëmundje shkatërruese.
Pyetja:
Është pyetur dijetari i njohur Imami, alameja, Shejhul Islam Ahmed ibën Tejmijje, All-llahu e mëshiroftë, për njeriun të cilin e ka goditur shigjeta e helmuar prej shigjetave të Iblisit (shikimi i ndaluar)?
Përgjigje:
Kush plagohet me shigjetë të helmuar duhet shëruar me nxjerrje të helmit nga trupi dhe mjekimi i plagës me barna. Në këtë rast ajo bëhet në këtë mënyrë:
1) Le të martohet ose le të blej robëreshë dhe le të kënaqët me të sepse i Dërguari i All-llahut, sal-lallahu alejhi ue sel-lem, ka thënë: "Kush sheh diç nga bukuritë e grave le të shkon tek gruaja e tij sepse edhe ajo e ka atë gjë".
2) Le të jetë i përqendruar në fjalën e namazeve, në lutje (dua) në kohërat e bekuara siç është fundi i natës. Le të falet me përulje, përqendrim dhe respekt të plotë ndaj Allahut, subhanehu ue teala, duke e përsëritur shpesh lutjen (duanë) "O Allah Ti je Ai i Cili i rrotullon zemrat, përforcoje zëmrën time në fenë Tënde. O Allah Ti je Ai i Cili i drejton zemrat, drejtoje zemrën time drejt veprave që të kënaqin". Nëse ai është i vazhdueshëm në këtë vepër duke e lutur me përulësi All-llahu do ta largon nga e keqja mu ashtu siç thotë në Librin e Tij: "Ashtu (e bëmë të vendosur) që të largojmë nga ai të keqen dhe të ndytën. Vërtet, ai ishte nga robërit tanë të zgjedhur". (Jusuf, 24)
3) Le të largohet nga shikimi i ndaluar duke mos kaluar afër shtëpisë ku kjo ka ndodhur, le t'i ndërpret takimet dhe me ata të cilët takohen me atë person. Le t'i shmanget dëgjimit të lajmeve për atë, duke u larguar prej vendeve ku ka mundësi që të takohet me të, sepse largimi prej tij e dobëson ndikimin në zemër duke krijuar huajësi. Le të vepron kështu duke e ripërtëritur gjendjen e tij mëparshme. Allahut i takon dija e plotë. (Mexhmual Fetava 32/5,6)
Pyetja:
Është pyetur Ibën Kajjimi, rahimehull-llah: Çfarë është përgjigja e dijetarëve për njeriun i cili ka parë një grua dhe është dashuruar në të dhe pastaj ka thënë do ta shikoj edhe një herë sepse me shikimin e dytë do t'i shoh mangësitë e saj dhe do të largoj vëmendjen prej saj. A lejohet përsëritja e shikimit të ndaluar me këtë qëllim?
Përgjigja:
Falënderimi i takon All-llahut, kjo nuk lejohet për dhjetë shkaqe:
1) All-llahu, subhanehu ue teala, ka urdhëruar me ulje të shikimit dhe nuk shërohet sëmundja e zemrës me gjë të cilën e ka ndaluar (shikimi i ndaluar).
2) Pejgamberi, sal-lallahu alejhi ue sel-lem, është pyetur për shikimin e ndaluar befas dhe duke e ditur ndikimin e keq që ka, ka urdhëruar që të kthehet shikimi në drejtim të tjetër dhe nuk ka urdhëruar me përsëritje të shikimit të ndaluar.
3) Ka deklaruar qartë se shikimi i parë është për ty (nuk do të llogaritet si mëkat) kurse për shikimin e dytë ka thënë është kundër teje (do të llogaritet si mëkat). Është absurde që ky shikim i cili llogaritet si mëkat të jetë shërues.
4) As shikimi i dytë nuk i shfaqë mangësitë sepse atë të cilën e ka parë gjatë shikimit të parë do ta sheh gjatë shikimit të dytë. Këtë e vërteton përvoja.
5) Bile ndoshta do të sheh ndonjë gjë të bukur dhe do t'i vështirësohet braktisja e saj.
6) Iblisi, i cili është i përpiktë në devijimin e njerëzve, gjatë shikimit të dytë e zbukuron edhe të shëmtuarën me qëllim që ta zmadhon ngatërrimin.
7) Njeriu që kundërshton urdhrin e Allahut(duke shikuar të ndaluarën) nuk meriton ndihmën e Allahut, subhanehu ue teala, por meriton që të mos ndihmohet prej Allahut, subhanehu ue teala.
Shikimi i parë është shigjetë e helmuar e shejtanit, i dyti është akoma më helmues, pra si mundet që helmi të shërohet me helm.
9) Ky person dëshiron që me shikimin e dytë të nxjerr në shesh mangësitë e saj dhe të largohet. Me këtë vepër ai i largohet mëkatit sepse nuk i pëlqen jo për hir të Allahut, subhanehu ue teala. Ku është këtu braktisja e mëkateve për hir të Allahut, subhanehu ue teala?!
10) Me një shembull qartësohet qëllimi. Nëse ti mundohesh që të kalërosh kalin në një rrugë të ngushtë të cilën nuk ke mundësi që ta kalosh e as që ke mundësi për t'u rrotulluar e të kthehesh mbrapa. Pra nëse kali dëshiron që të hyn ndaloje dhe nëse ka hyrë mos i lejo që të bën më tepër hapa dhe ktheje mbrapa sepse nëse ka hyrë shumë më me vështirësi do të kthehet mbrapa.
Vallë, a thua se ndonjë i mençur do të thotë se mënyra për ta shmangur këtë rrugë është që të futësh brenda saj.
Kështu është edhe shikimi. Është lehtë për të shëruar helmin e shikimit të parë. Nëse përsëriten shikimet atë herë shtohet dhimbja dhe sëmundja ngase është shtuar helmi. Shikimi i parë është fillimi i pëlqimit. Më përsëritjen e shikimit pëlqimi kalon në dashuri e cila rritet ashtu siç rritet druri kur ujitet. Kjo dashuri e prish zemrën dhe çrregullon të menduarit dhe e shpien njeriun drejt veprave të papëlqyera dhe të ndaluara. E gjithë kjo ndodh për shkak të shikimit të ndaluar i cili i përngjan ushqimit të mirë të cilin e keni shijuar dhe kërkoni më tepër. Nëse njeriu pas shikimit të parë ulë kokën do të rehatohet.
Lexo me vëmendje fjalën e të Dërguarit: "Shikimi (i ndaluar) është shigjetë e helmuar e shejtanit" (trans. Ahmed).
Shigjeta e helmuar synon zemrën për të ndikuar në të. Nëse nuk e nxjerr helmin, pa dyshim do të mbyt.

albislam